Malayalam OTT: 4 ತಿಂಗಳ ಬಳಿಕ ಓಟಿಟಿಯಲ್ಲಿ ಪ್ರತ್ಯಕ್ಷವಾದ ಮಲಯಾಳಂ ಸೈನ್ಸ್‌ ಫಿಕ್ಷನ್‌ ಸಿನಿಮಾ ಗಗನಾಚಾರಿ
Gaganachari OTT Streaming: ಮಲಯಾಳಂ ಸಿನಿಮಾ ಪ್ರಿಯರಿಗೆ ಸಿಹಿಸುದ್ದಿ. ಗಗನಾಚಾರಿ ಎಂಬ ಮಲಯಾಳಂ ಸಿನಿಮಾವು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ನಾಲ್ಕು ತಿಂಗಳ ಬಳಿಕ ಓಟಿಟಿಗೆ ಆಗಮಿಸಿದೆ.
ಓಟಿಟಿಯಲ್ಲಿ ಮಲಯಾಳಂ ಸಿನಿಮಾಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಅಲ್ಲಿ ಕೆಲವೊಂದು ಚಿತ್ರಗಳು ವಿಭಿನ್ನವಾಗಿರುತ್ತವೆ. ಗಗನಾಚಾರಿ ಅಂತಹ ವಿಭಿನ್ನ ಸಿನಿಮಾವಾಗಿದೆ. ಗಣೇಶ್ ಕುಮಾರ್, ಗೋಕುಲ್ ಸುರೇಶ್, ಅಜು ವರ್ಗೀಸ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ವರ್ಷ ಜೂನ್ 21 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಅರುಣ್ ಚಂದು ನಿರ್ದೇಶನದ ಈ ಚಿತ್ರದ ಕುರಿತು ಚಿತ್ರಮಂದಿರಗಳಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಇದೀಗ ಈ ಚಿತ್ರ ಓಟಿಟಿಗೆ ಬಂದಿದೆ. ಈ ಕುರಿತು ಹೆಚ್ಚಿನ ವಿವರ ತಿಳಿದುಕೊಳ್ಳೋಣ ಬನ್ನಿ.
ಗಗನಾಚಾರಿ ಓಟಿಟಿ ಸ್ಟ್ರೀಮಿಂಗ್‌ ವಿವರ
ಗಗನಾಚಾರಿ ಚಲನಚಿತ್ರವು ಇಂದು (ಅಕ್ಟೋಬರ್ 26) ಅಮೆಜಾನ್ ಪ್ರೈಮ್ ವೀಡಿಯೊ ಓಟಿಟಿಯಲ್ಲಿ ಬಿಡುಗಡೆಯಾಗಿದೆ. ಈ ಸಿನಿಮಾದ ಓಟಿಟಿ ಬಿಡುಗಡೆ ಕುರಿತು ಯಾವುದೇ ಪ್ರಚಾರ ಮಾಡಿರಲಲ್ಲ. ಈ ಚಿತ್ರವು ಪ್ರಸ್ತುತ ಮಲಯಾಳಂ ಭಾಷೆಯ ಆಡಿಯೋದಲ್ಲಿ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮ್ ಆಗುತ್ತಿದೆ. ಇಂಗ್ಲೀಷ್ ಉಪಶೀರ್ಷಿಕೆಗಳು ಲಭ್ಯವಿದೆ. ಇತರ ಭಾಷೆಗಳ ಡಬ್ಬಿಂಗ್ ಆವೃತ್ತಿಗಳು ಬಂದಿಲ್ಲ. ಹೀಗಾಗಿ ಮಲಯಾಳ ಅರ್ಥವಾಗದವರಿಗೆ ಚಿತ್ರ ನೋಡಲು ಕಷ್ಟವಾಗಬಹುದು. ಕನ್ನಡ ಮತ್ತು ಇತರೆ ಭಾಷೆಗಳಿಗೆ ಡಬ್ಬಿಂಗ್ ಆಗಿಲ್ಲ.
ಗಗನಾಚಾರಿ ಸಿನಿಮಾವು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ನಾಲ್ಕ ತಿಂಗಳ ನಂತರ ಆಗಮಿಸಿದೆ. ಈ ವರ್ಷ ಜೂನ್‌ನಲ್ಲಿ ಚಿತ್ರವು ಚಿತ್ರಮಂದಿರಗಳಲ್ಲಿ ರಿಲೀಸ್‌ ಆಗಿತ್ತು. ಇದೊಂದು ವಿಭಿನ್ನ ಸಿನಿಮಾ ಎಂಬ ಅಭಿಪ್ರಾಯ ವ್ಯಕ್ತವಾಗಿತ್ತು. ಕಾಲ್ಪನಿಕ, ವೈಜ್ಞಾನಿಕ, ಹಾಸ್ಯದ ಅಂಶಗಳು ಈ ಚಿತ್ರದಲ್ಲಿವೆ. ಈ ಚಿತ್ರಕ್ಕೆ ಅರುಣ್ ಚಂದು ಆಕ್ಷನ್‌ ಕಟ್‌ ಹೇಳಿದ್ದಾರೆ.
ಗೋಕುಲ್, ಅಜು, ಗಣೇಶ್ ಮತ್ತು ಅನಾರ್ಕಲಿ ಮರಿಕರ್ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಜಾನ್ ಕೈಪ್ಪಲ್ಲಿಲ್, ಆನಂದ್ ಬಿಎಸ್ ಮತ್ತು ಅನಂತ್ ರಾಮನ್ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಈ ಚಿತ್ರಕ್ಕೆ ಶಂಕರ್ ಶರ್ಮಾ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಗಗನಾಚಾರಿ ಚಿತ್ರವನ್ನು ಅಜಿತ್ ವಿನಾಯಕ ಅವರು ಅಜಿತ್ ವಿನಾಯಕ ಫಿಲಂಸ್ ಮತ್ತು ಕೃಷ್ಣದ್ ಫಿಲ್ಮ್ಸ್ ಬ್ಯಾನರ್‌ಗಳ ಅಡಿಯಲ್ಲಿ ನಿರ್ಮಿಸಿದ್ದಾರೆ.
ಗಗನಾಚಾರಿ ಸಿನಿಮಾದ ಕಥೆಯೇನು?
ಕೇರಳದಲ್ಲಿ ಭವಿಷ್ಯದ ಕಥೆಯನ್ನು ಇದು ಹೊಂದಿದೆ. ಅಂದರೆ, 2040ರಲ್ಲಿ ನಡೆಯುವ ಕಥಾ ಹದರ ಹೊಂದಿದೆ. ಯುದ್ಧ ಕೊನೆಗೊಂಡ ಬಳಿಕ ಸರಕಾರ ಎಲ್ಲವನ್ನೂ ನಿಯಂತ್ರಿಸುತ್ತದೆ. ಜನರನ್ನೂ ನಿಯಂತ್ರಿಸುತ್ತದೆ. ಏಲಿಯನ್ ಹಂಟರ್ ವಿಕ್ಟರ್ (ಗಣೇಶ್ ಕುಮಾರ್), ಅಲನ್ (ಗೋಕುಲ್ ಸುರೇಶ್) ಮತ್ತು ವಿಬ್ ವೈಭವ್ (ಅಜು ವರ್ಗೀಸ್) ಖಾಲಿ ಅಪಾರ್ಟ್‌ಮೆಂಟ್‌ನ ಬಂಕರ್‌ನಲ್ಲಿ ವಾಸಿಸುತ್ತಿದ್ದಾರೆ. ಆ ಬಂಕರ್‌ಗ ಬೇರೆ ಗ್ರಹದ ಮಹಿಳೆ ಆಗಮಿಸುತ್ತಾಳೆ. ಇದಾದ ಬಳಿಕ ಮೂವರಿಗೂ ಹೊಸ ಸವಾಲುಗಳು ಎದುರಾಗುತ್ತವೆ. ಪ್ರೀತಿ, ಮೂಡ ನಂಬಿಕೆ, ಪೂರ್ವಾಗ್ರಹಗಳನ್ನೂ ಈ ಚಿತ್ರ ಹೊಂದಿದೆ ಎಂದು ವಿಶ್ಲೇಷಿಸಲಾಗಿದೆ. ಆಸಕ್ತರು ನೋಡಬಹುದು.
