Bigg Boss Kannada: ಉಗ್ರಂ ಮಂಜುಗೆ ಶಾಕ್ ಕೊಟ್ಟ ಬಿಗ್ ಬಾಸ್! ಅಚ್ಚರಿಯ ಎಲಿಮಿನೇಷನ್ನಲ್ಲಿ ಹೊರ ಬಂದ ಗ್ರೇ ಏರಿಯಾ ಕಿಂಗ್
Bigg Boss Kannada 11 Grand finale: ಬಿಗ್ ಬಾಸ್ನಿಂದ ಉಗ್ರಂ ಮಂಜು ಹೊರಬಂದಿದ್ದಾರೆ. ಇನ್ನು ಕೇವಲ ನಾಲ್ಕು ಜನ ಫೈನಲಿಸ್ಟ್ ಬಿಗ್ ಬಾಸ್ ಮನೆಯಲ್ಲಿ ಉಳಿದುಕೊಂಡಿದ್ದಾರೆ. ಯಾರು ಗೆಲ್ಲುತ್ತಾರೆ ಎಂದು ಕೆಲವೇ ಗಂಟೆಗಳಲ್ಲಿ ತಿಳಿಯಲಿದೆ.

Bigg Boss Kannada 11 Grand finale: ಬಿಗ್ ಬಾಸ್ನಿಂದ ಉಗ್ರಂ ಮಂಜು ಹೊರಬಂದಿದ್ದಾರೆ. ಬಿಗ್ ಬಾಸ್ ಫಿನಾಲೆಯಿಂದ ಉಗ್ರಂ ಮಂಜು ಔಟ್ ಆಗಿದ್ದಾರೆ. ಬಿಗ್ ಬಾಸ್ ಮನೆಯೊಳಗಡೆ ಒಂದಷ್ಟು ಜನ ಡಾನ್ಸರ್ಸ್ ಬರುತ್ತಾರೆ. ಅವರು ಡಾನ್ಸ್ ಮಾಡುತ್ತಲೇ ಎಲ್ಲ ಸ್ಪರ್ಧಿಗಳನ್ನೂ ಒಂದೊಂದು ಕಡೆ ಕೊಂಡೊಯ್ಯುತ್ತಾರೆ. ಎಲ್ಲರೂ ಡಾನ್ಸ್ ಮಾಡುತ್ತಾ ಇರುವ ಸಂದರ್ಭದಲ್ಲಿ ಹಾಡು ನಿಲ್ಲುತ್ತದೆ. ಆದರೆ ಬಿಗ್ ಬಾಸ್ ಮನೆಯೊಳಗಡೆ ಮತ್ತೆ ಉಗ್ರಂ ಮಂಜು ಬರುವುದಿಲ್ಲ. ಮೋಕ್ಷಿತಾ ಶಾಕ್ ಆಗಿದ್ದಾರೆ. ಬಿಗ್ ಬಾಸ್ ಮನೆಯಿಂದ ಔಟ್ ಆದ ಸ್ಪರ್ಧಿ ಉಗ್ರಂ ಮಂಜು ಎಂದು ಮೊದಲು ಮೋಕ್ಷಿತಾ ಗ್ರಹಿಸಿದ್ದಾರೆ.
ಬಿಗ್ ಬಾಸ್ ಮನೆಯಿಂದ ಹೊರ ಬಂದ ಉಗ್ರಂ ಮಂಜು
ಮಂಜು ಬಿಗ್ ಬಾಸ್ ಮನೆಯೊಳಗಡೆ ಮೊದಲ ದಿನದಿಂದಲೂ ಇದ್ದ ಸ್ಪರ್ಧಿ. ತಾಯಿಗಾಗಿ ನಾನು ಒಂದು ಕಪ್ ಗೆದ್ದು ಹೋಗಬೇಕು ಎನ್ನುತ್ತಲೇ ಅವರು ಮನೆಯೊಳಗಡೆ ಬಂದಿದ್ದರು. ಹಲವು ಸಿನಿಮಾಗಳಲ್ಲಿ ಅಭಿನಯಿಸಿದ್ದರೂ ನನಗೆ ಯಾವುದೇ ಪ್ರಶಸ್ತಿ ಸಿಕ್ಕಿಲ್ಲ. ಆ ಕಾರಣಕ್ಕಾಗಿ ನನಗೆ ಈ ಟ್ರೋಪಿ ಮುಖ್ಯ ಎಂದು ಹೇಳಿದ್ದರು. ಆದರೆ ಕೊನೆಗೂ ಟ್ರೋಪಿ ಗೆಲ್ಲುವಲ್ಲಿ ಸೋತು ನಿರಾಸೆಗೊಂಡಿದ್ದಾರೆ. ಬಿಗ್ ಬಾಸ್ ನೀಡಿದ 20 ಲಕ್ಷ ಹಣದ ಆಫರ್ ಕೂಡ ತ್ಯಜಿಸಿ ಅವರು ಬಿಗ್ ಬಾಸ್ ಮನೆಯಿಂದ ಹೊರ ಬಂದಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ಕೋಪ ಮಾಡಿಕೊಂಡೇ ಇರುತ್ತಿದ್ದ ಸ್ಪರ್ಧಿಗಳಲ್ಲಿ ಇವರೂ ಒಬ್ಬರು. ಇವರು ರಾಜ ಆದಾಗಿನ ಆಟವನ್ನು ಯಾರೂ ಮರೆಯುವಂತಿಲ್ಲ. ಅದೇ ರೀತಿ ಮಂಜಣ್ಣ ಎಂದರೆ ಗೌತಮಿ ಹಾಗೂ ಮೋಕ್ಷಿತಾ ಕೂಡ ನೆನಪಾಗುತ್ತಾರೆ. ರಜತ್ ಹಾಗೂ ಮಂಜು ಒಮ್ಮೆ ಆಡಿದ ಜಗಳ ಬಿಗ್ ಬಾಸ್ ಮನೆಯಲ್ಲಿ ಕಿಚ್ಚು ಹಚ್ಚಿತ್ತು.
ಬಿಗ್ ಬಾಸ್ ಮನೆಯಿಂದ ಹೊರಬಿದ್ದ ಸ್ಪರ್ಧಿ ಮಂಜುವಾದರೆ ಇನ್ನು ನಾಲ್ಕು ಜನ ಬಿಗ್ ಬಾಸ್ ಮನೆಯಲ್ಲಿ ಉಳಿದುಕೊಂಡಿದ್ದಾರೆ.
ತ್ರಿವಿಕ್ರಂ
ಹನುಮಂತ
ರಜತ್
ಮೋಕ್ಷಿತಾ
