Mohanlal quits Bigg Boss: ಸ್ಪರ್ಧಿಯ ವರ್ತನೆಯಿಂದ ಬೇಸರಗೊಂಡು ಬಿಗ್‌ಬಾಸ್‌ ಶೋನಿಂದ ಹೊರ ನಡೆದ ಮೋಹನ್‌ ಲಾಲ್.. ಏನಿದು ಘಟನೆ?
ನಾನು ಬಹಳ ಖುಷಿಯಿಂದ ಈ ಕಾರ್ಯಕ್ರಮಕ್ಕೆ ಬಂದೆ, ಆದರೆ ಈ ಘಟನೆಯಿಂದ ನನಗೆ ಬಹಳ ಬೇಸರವಾಗಿದೆ ಆದ್ದರಿಂದ ನನಗೆ ಆ ಎಪಿಸೋಡ್‌ ಮುಂದುವರೆಸಲು ಸಾಧ್ಯವಾಗಲಿಲ್ಲ ಎಂದು ಮೋಹನ್‌ ಲಾಲ್ ಹೇಳಿದ್ದಾರೆ.
ಮಲಯಾಳಂ ನಟ ಮೋಹನ್‌ ಲಾಲ್ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಇದರ ನಡುವೆ ಅವರು ಬಿಗ್‌ ಬಾಸ್‌ ಶೋ ಕೂಡಾ ನಿರೂಪಣೆ ಮಾಡುತ್ತಿದ್ದಾರೆ. ಸದ್ಯಕ್ಕೆ ಮಲಯಾಳಂನಲ್ಲಿ ಸೀಸನ್‌ 5 ಪ್ರಸಾರ ಆಗುತ್ತಿದೆ. ಇತೀಚಿನ ಎಪಿಸೋಡ್‌ ಒಂದರಲ್ಲಿ ಸ್ಪರ್ಧಿಯೊಬ್ಬರ ವರ್ತನೆಯಿಂದ ಬೇಸತ್ತ ಮೋಹನ್‌ಲಾಲ್‌, ಶೋವನ್ನು ಅರ್ಧಕ್ಕೆ ಬಿಟ್ಟು ಹೊರ ನಡೆದಿದ್ದಾರೆ.
ಶೋನಲ್ಲಿ ನಡೆದಿದ್ದೇನು?
ಇತ್ತೀಚೆಗೆ ಸ್ಪರ್ಧಿಗಳಿಗೆ ಒಂದು ಟಾಸ್ಕ್‌ ನೀಡಲಾಗಿತ್ತು. ಆದರೆ ಆಟ ಆಡುವಾಗ ಅಖಿಲ್‌ ಎಂಬ ಸ್ಪರ್ಧಿ ಸಾಗರ್‌ ಎಂಬ ಸಹಸ್ಪರ್ಧಿಗೆ ಅಸಭ್ಯ ಪದ ಬಳಸಿ ನಿಂದಿಸಿದ್ದಾರೆ. ವೀಕೆಂಡ್‌ನಲ್ಲಿ ಈ ವಿಚಾರವಾಗಿ ಚರ್ಚೆ ನಡೆದಿದೆ. ಕ್ಯಾಪ್ಟನ್‌ ಬ್ಯಾಂಡನ್ನು ಸಾಗರ್‌ಗೆ ನೀಡಿ ಕ್ಷಮೆ ಕೇಳುವಂತೆ ಮೋಹನ್‌ ಲಾಲ್, ಅಖಿಲ್‌ಗೆ ಸೂಚಿಸಿದ್ದಾರೆ. ಆದರೆ ಅಖಿಲ್‌, ಕ್ಯಾಪ್ಟನ್‌ ಬ್ಯಾಂಡನ್ನು ಎಸೆದು ಕ್ಷಮೆಯೂ ಕೇಳದೆ ಅಲ್ಲಿಂದ ಎದ್ದು ಹೋಗಿದ್ದಾರೆ. ಇದು ಮೋಹನ್‌ ಲಾಲ್‌ಗೆ ಅವರಿಗೆ ಅಗೌರವ ಸೂಚಿಸಿದಂತಾಗಿದೆ.
ಕೊನೆಗೆ ಸಾಗರ್‌ ಹಾಗೂ ಅಖಿಲ್‌ ಇಬ್ಬರನ್ನೂ ಕನ್ಫೆಷನ್‌ ರೂಮ್‌ಗೆ ಕರೆದು ಸಾಗರ್‌ಗೆ ಕ್ಷಮೆ ಕೇಳುವಂತೆ ಮೋಹನ್‌ ಲಾಲ್ ಸೂಚಿಸಿದ್ದಾರೆ. ಆದರೆ ಆಗಲೂ ಅಖಿಲ್‌ ತನ್ನ ಹಠ ಬಿಟ್ಟಿಲ್ಲ. ಸಾಗರ್‌ ನನಗೆ ಕ್ಷಮೆ ಕೇಳಬೇಕು ಎಂದಿದ್ದಾರೆ. ಇದಕ್ಕೆ ಕೋಪಗೊಂಡ ಮೋಹನ್‌ ಲಾಲ್ ಶೋನಿಂದ ಹೊರ ನಡೆದಿದ್ದಾರೆ ಎಂದು ಮಲಯಾಳಂ ಮಾಧ್ಯಮಗಳು ವರದಿ ಮಾಡಿವೆ. ಈ ವಿಚಾರದ ಬಗ್ಗೆ ಮಾತನಾಡಿದ ಮೋಹನ್‌ ಲಾಲ್, ಅಖಿಲ್‌ ನನಗೆ ಅಗೌರವ ತೋರಿದ್ದಾರೆ. ನಾನು ಬಹಳ ಖುಷಿಯಿಂದ ಈ ಕಾರ್ಯಕ್ರಮಕ್ಕೆ ಬಂದೆ, ಆದರೆ ಈ ಘಟನೆಯಿಂದ ನನಗೆ ಬಹಳ ಬೇಸರವಾಗಿದೆ ಆದ್ದರಿಂದ ನನಗೆ ಆ ಎಪಿಸೋಡ್‌ ಮುಂದುವರೆಸಲು ಸಾಧ್ಯವಾಗಲಿಲ್ಲ ಎಂದು ಮೋಹನ್‌ ಲಾಲ್ ಹೇಳಿದ್ದಾರೆ.
ಸಾಗರ್‌ ಹಾಗೂ ಅಖಿಲ್‌ ಇಬ್ಬರೂ ಮಲಯಾಳಂ ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದಾರೆ. ಬಿಗ್‌ಬಾಸ್‌ ಮಲಯಾಳಂ 5 ಸೀಸನ್‌ನಲ್ಲಿ ಒಟ್ಟು 19 ಸ್ಪರ್ಧಿಗಳು ಆಗಮಿಸಿದ್ದಾರೆ. ಶೋ ಆರಂಭವಾಗಿ 17 ದಿನಗಳು ಕಳೆದಿವೆ. ಏಷ್ಯಾನೆಟ್‌ ವಾಹಿನಿಯಲ್ಲಿ ಈ ಶೋ ಪ್ರಸಾರವಾಗುತ್ತಿದೆ.
ಮತ್ತಷ್ಟು ಮನರಂಜನೆ ಸುದ್ದಿಗಳು
ಪ್ರಭಾಸ್‌-ಪ್ರಶಾಂತ್‌ ನೀಲ್‌ ಕಾಂಬಿನೇಷನ್‌ನಲ್ಲಿ ಮತ್ತೊಂದು ಸಿನಿಮಾ, ಚಿತ್ರಕ್ಕೆ ದಿಲ್‌ ರಾಜು ನಿರ್ಮಾಪಕ: ಟೈಟಲ್‌ ಕೂಡಾ ಫಿಕ್ಸ್‌!
ಪ್ರಶಾಂತ್‌ ನೀಲ್‌ ಸದ್ಯಕ್ಕೆ ಪ್ರಭಾಸ್‌ ಜೊತೆ 'ಸಲಾರ್‌' ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದಾರೆ. ಈ ಸಿನಿಮಾ ಚಿತ್ರೀಕರಣ ಆರಂಭವಾಗಿ 2 ವರ್ಷಗಳಾಗುತ್ತಾ ಬಂದಿದೆ. ಇತ್ತೀಚೆಗೆ ನಟಿ ಶ್ರುತಿ ಹಾಸನ್‌, ತಮ್ಮ ಭಾಗದ ಚಿತ್ರೀಕರಣ ಮುಗಿಸಿದ್ದಾರೆ. ಚಿತ್ರದ ಒಂದು ಪೋಸ್ಟರ್‌ ಹೊರತುಪಡಿಸಿ ಈ ಸಿನಿಮಾ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಚಿತ್ರತಂಡ ಬಿಟ್ಟುಕೊಟ್ಟಿಲ್ಲ. ಹೆಚ್ಚಿನ ಮಾಹಿತಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
ಜನಸೇವೆ ಮಾಡಲು ರಾಜಕೀಯ ದೊಡ್ಡ ವೇದಿಕೆಯಾಗಿದೆ.. ಪಾಲಿಟಿಕ್ಸ್‌ ಎಂಟ್ರಿ ಬಗ್ಗೆ ಮೇಘನಾ ಪ್ರತಿಕ್ರಿಯೆ
ಸ್ಟಾರ್‌ ನಟ ಸುದೀಪ್‌ ಕೆಲವು ದಿನಗಳ ಹಿಂದಷ್ಟೇ ತಾವು ಬಸವರಾಜ ಬೊಮ್ಮಾಯಿ ಅವರನ್ನು ಬೆಂಬಲಿಸುವುದಾಗಿ ಹೇಳಿಕೊಂಡಿದ್ದರು. ಮೇಘನಾ ರಾಜ್‌ ಸರ್ಜಾ ಕೂಡಾ ರಾಜಕೀಯ ಸೇರಲಿದ್ದು ಅವರು ಬಿಜೆಪಿ ಪಕ್ಷದ ಪರ ಪ್ರಚಾರ ಮಾಡಲಿದ್ದಾರೆ ಎನ್ನಲಾಗಿತ್ತು. ಪಬ್ಲಿಕ್‌ ಮ್ಯೂಸಿಕ್‌ಗೆ ನೀಡಿದ ಸಂದರ್ಶನದಲ್ಲಿ ಮೇಘನಾ ರಾಜಕೀಯ ಎಂಟ್ರಿ ಸುದ್ದಿ ಬಗ್ಗೆ ಮಾತನಾಡಿದ್ದಾರೆ. ಪೂರ್ತಿ ಸುದ್ದಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ.
