Dvitva Movie: ಫಹಾದ್ ಫಾಜಿಲ್‌ ನಂತರ ಪುನೀತ್‌ ನಟಿಸಬೇಕಿದ್ದ 'ದ್ವಿತ್ವ'ಕ್ಕೆ ಕೇಳಿ ಬಂತು ಖ್ಯಾತ ತಮಿಳು ನಟನ ಹೆಸರು...ಯಾರದು..?
'ದ್ವಿತ್ವ' ಸಿನಿಮಾಗೆ ಪುನೀತ್‌ ಬಿಟ್ಟು ಬೇರೆ ಯಾವ ನಟ ಕೂಡಾ ಹೊಂದುವುದಿಲ್ಲ. ಅವರನ್ನೇ ಮನಸ್ಸಿನಲ್ಲಿಟ್ಟುಕೊಂಡ ಬರೆದ ಕಥೆ ಇದು ಎಂದು ಪುನೀತ್‌ ನಿಧನರಾದ ನಂತರ ಪವನ್‌ ಕುಮಾರ್‌ ಹೇಳಿದ್ದರು. ಆದರೆ ಇದೀಗ, ಈ ಸಿನಿಮಾದಲ್ಲಿ ಬೇರೆ ನಟ ನಟಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. ಇತ್ತೀಚೆಗೆ ಮಲಯಾಳಂ ನಟ ಫಹಾದ್ ಫಾಸಿಲ್ ಹೆಸರು ಕೇಳಿಬಂದಿತ್ತು. ಇದೀಗ ತಮಿಳು ನಟ ಚಿಯಾನ್‌ ವಿಕ್ರಮ್‌ ಹೆಸರು ಕೇಳಿ ಬರುತ್ತಿದೆ.
ಎಲ್ಲವೂ ಸರಿ ಇದ್ದಿದ್ದರೆ ಈ ವೇಳೆಗೆ ನಮ್ಮೆಲ್ಲರ ಪ್ರೀತಿಯ ಪುನೀತ್‌ ರಾಜ್‌ಕುಮಾರ್‌ ಹೊಸ ಹೊಸ ಸಿನಿಮಾಗಳನ್ನು ಅನೌನ್ಸ್‌ ಮಾಡುತ್ತಿದ್ದರು. ಅಪ್ಪು ಅಗಲಿ ಇಂದಿಗೆ ಸರಿಯಾಗಿ 10 ತಿಂಗಳು. ಪುನೀತ್‌ ನಗು ನೋಡದೆ ಅಭಿಮಾನಿಗಳು ನೋವಿನಲ್ಲಿದ್ದಾರೆ. ಪುನೀತ್‌ ಇಂದು ನಮ್ಮೊಂದಿಗೆ ಇದ್ದಿದ್ದರೆ ಬಹುಶ: ಈ ವೇಳೆಗೆ 'ದ್ವಿತ್ವ' ಸಿನಿಮಾ ಕಂಪ್ಲೀಟ್‌ ಆಗುತ್ತಿತ್ತೇನೋ. ಆದರೆ ವಿಧಿ, ಅದಕ್ಕೆ ಅವಕಾಶ ನೀಡಲಿಲ್ಲ.
ಕಳೆದ ವರ್ಷ ಜುಲೈ 1 ರಂದು ನಿರ್ದೇಶಕ ಪವನ್‌ ಒಡೆಯರ್ ಸಿನಿಮಾ ಹೆಸರನ್ನು ಅನೌನ್ಸ್‌ ಮಾಡಿದ್ದರು. ಇದೊಂದು ಸೈಕಲಾಜಿಕಲ್‌ ಥ್ರಿಲ್ಲರ್‌ ಕಥೆ ಆಗಿದ್ದು ಪೋಸ್ಟರ್‌ ರಿಲೀಸ್‌ ಆದಾಗಲಂತೂ ಸಿನಿಪ್ರಿಯರು ಭಾರೀ ಕುತೂಹಲ ವ್ಯಕ್ತಪಡಿಸಿದ್ದರು. ಈ ಸಿನಿಮಾ 2022 ರಲ್ಲಿ ತೆರೆ ಕಾಣಲಿದೆ ಎಂದು ಚಿತ್ರತಂಡ ಹೇಳಿತ್ತು. ಹೊಂಬಾಳೆ ಫಿಲ್ಮ್ಸ್‌ ನಿರ್ಮಿಸುತ್ತಿದ್ದ ಈ ಚಿತ್ರದ ಪ್ರತಿ ಅಪ್‌ಡೇಟ್‌ ತಿಳಿಯಲು ಅಪ್ಪು ಅಭಿಮಾನಿಗಳು ಕಾತರದಿಂದ ಕಾಯುತ್ತಲೇ ಇದ್ದರು. ಆದರೆ ಅಷ್ಟರಲ್ಲಿ ಪುನೀತ್‌ ನಿಧನರಾದರು.
ಪುನೀತ್‌ ನಿಧನದ ನಂತರ 'ದ್ವಿತ್ವ' ಚಿತ್ರದಲ್ಲಿ ಅವರ ಬದಲಿಗೆ ಯಾರು ನಟಿಸುತ್ತಿದ್ದಾರೆ ಎಂಬ ಕುತೂಹಲ ಎಲ್ಲರಿಗೂ ಕಾಡುತ್ತಿತ್ತು. ಈ ಸಿನಿಮಾಗೆ ಪುನೀತ್‌ ಬಿಟ್ಟು ಬೇರೆ ಯಾವ ನಟ ಕೂಡಾ ಹೊಂದುವುದಿಲ್ಲ. ಅವರನ್ನೇ ಮನಸ್ಸಿನಲ್ಲಿಟ್ಟುಕೊಂಡ ಬರೆದ ಕಥೆ ಇದು ಎಂದು ಪುನೀತ್‌ ನಿಧನರಾದ ನಂತರ ಪವನ್‌ ಕುಮಾರ್‌ ಹೇಳಿದ್ದರು. ಆದರೆ ಇದೀಗ, ಈ ಸಿನಿಮಾದಲ್ಲಿ ಬೇರೆ ನಟ ನಟಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. ಇತ್ತೀಚೆಗೆ ಮಲಯಾಳಂ ನಟ ಫಹಾದ್ ಫಾಸಿಲ್ ಹೆಸರು ಕೇಳಿಬಂದಿತ್ತು. ಇದೀಗ ತಮಿಳು ನಟ ಚಿಯಾನ್‌ ವಿಕ್ರಮ್‌ ಹೆಸರು ಕೇಳಿ ಬರುತ್ತಿದೆ.
ಇತ್ತೀಚೆಗೆ ನಟ ಚಿಯಾನ್‌ ವಿಕ್ರಮ್‌ ಕೋಬ್ರಾ ಸಿನಿಮಾ ಪ್ರಚಾರಕ್ಕಾಗಿ ಬೆಂಗಳೂರಿಗೆ ಬಂದಿದ್ದರು. ಈ ವೇಳೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಪವನ್‌ ಕುಮಾರ್‌ ಅವರೊಂದಿಗೆ ಆದಷ್ಟು ಬೇಗ ಸಿನಿಮಾ ಮಾಡಲಿದ್ದೇನೆ ಎಂದು ಹೇಳಿದ್ದರು. ಇದು ಈಗ ಚರ್ಚೆಗೆ ಕಾರಣವಾಗಿದೆ. ಪವನ್‌ ಕುಮಾರ್‌, ನಟ ವಿಕ್ರಮ್‌ಗೆ ಪುನೀತ್‌ ಅಭಿನಯಿಸಬೇಕಿದ್ದ 'ದ್ವಿತ್ವ' ಕಥೆಯನ್ನೇ ಹೇಳಿದ್ರಾ...? ಪುನೀತ್‌ ಬದಲಿಗೆ 'ದ್ವಿತ್ವ' ಚಿತ್ರದಲ್ಲಿ ವಿಕ್ರಮ್‌ ನಟಿಸುತ್ತಿದ್ದಾರಾ ಎಂಬ ಅನುಮಾನ ಕಾಡುತ್ತಿದೆ. ಒಟ್ಟಿನಲ್ಲಿ ಎಲ್ಲವೂ ಅಧಿಕೃತವಾಗಿ ಘೋಷಣೆ ಆಗುವರೆಗೂ ಈ ರೀತಿಯ ಚರ್ಚೆ ನಡೆಯುತ್ತಲೇ ಇರುತ್ತದೆ.
ಸೆಪ್ಟೆಂಬರ್‌ 9 ರಂದು 'ಲಕ್ಕಿಮ್ಯಾನ್‌' ಸಿನಿಮಾ ತೆರೆಗೆ
ಪುನೀತ್‌ ರಾಜ್‌ಕುಮಾರ್‌ ಅತಿಥಿ ಪಾತ್ರದಲ್ಲಿ ನಟಿಸಿರುವ 'ಲಕ್ಕಿಮ್ಯಾನ್‌' ಸಿನಿಮಾ ಸೆಪ್ಟೆಂಬರ್‌ 9 ರಂದು ತೆರೆ ಕಾಣುತ್ತಿದೆ. ಜೇಮ್ಸ್‌ ನಂತರ ಪುನೀತ್‌ ಅಭಿನಯದ ಹೊಸ ಸಿನಿಮಾ ನೋಡಲು ಸಿನಿಪ್ರಿಯರು ಕಾಯುತ್ತಿದ್ದಾರೆ. ಇತ್ತೀಚೆಗೆ ಚಿತ್ರದ ಟ್ರೇಲರ್‌ ಹಾಗೂ ಮೇಕಿಂಗ್‌ ಸಾಂಗ್‌ ಬಿಡುಗಡೆಯಾಗಿತ್ತು. ಕಾರ್ಯಕ್ರಮದಲ್ಲಿ ಸುದೀಪ್‌ ಕೂಡಾ ಭಾಗಿಯಾಗಿದ್ದರು. ''ಇನ್ನೊಮ್ಮೆ ಎಲ್ಲರೂ ಜೋರಾಗಿ ಚಪ್ಪಾಳೆ ತಟ್ಟಿ, ಈ ಸಿನಿಮಾ ರಿಲೀಸ್‌ ಆದಾಗ ಎಲ್ಲರೂ ಎರಡೂ ಕೈಗಳನ್ನು ಚಾಚಿ ತಬ್ಬಿಕೊಂಡು ನೋಡಿ, ಏಕೆಂದರೆ ಅವರು ಮತ್ತೆ ಬೇಕೆಂದರೆ ಸಿಗುವುದಿಲ್ಲ. ಕೆಲವರಿಗೆ ಇರಬೇಕಾದರೆ ಬೆಲೆ ಕೊಡುತ್ತೇವೆ. ಕೆಲವು ವಸ್ತುಗಳ ಬೆಲೆ ಅದನ್ನು ಕಳೆದುಕೊಂಡಾಗ ಮತ್ತಷ್ಟು ಗೊತ್ತಾಗುತ್ತದೆ. ಈ ಸಿನಿಮಾ ಅವರಿಗೆ ಬಹಳ ಹೊಂದುತ್ತಿದೆ ಎನ್ನಿಸುತ್ತಿದೆ. ಆದ್ದರಿಂದ ಮರೆಯದೆ ಕೊನೆಯ ಬಾರಿಗೆ ನೋಡಿ, ಈ ಸಿನಿಮಾವನ್ನು ಅನುಭವಿಸಿಬಿಡಿ'' ಎಂದು ಸುದೀಪ್‌ ಭಾವುಕರಾಗಿ ಹೇಳಿದ್ದರು.
