Chandu champion OTT: ಒಟಿಟಿಗೆ ಬಂತು ಕಾರ್ತಿಕ್ ಆರ್ಯನ್ ನಟನೆಯ ಚಂದು ಚಾಂಪಿಯನ್; ಸಿನಿಮಾ ನೋಡಲು ಷರತ್ತುಗಳು ಅನ್ವಯ
Chandu champion OTT Release: ಕಾರ್ತಿನ್‌ ಆರ್ಯನ್ ನಟನೆಯ ಕ್ರೀಡಾ ಡ್ರಾಮಾ ಚಂದು ಚಾಂಪಿಯನ್ ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಈ ಸಿನಿಮಾವನ್ನು ಯಾವ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ವೀಕ್ಷಿಸಬಹುದು ಎಂಬ ವಿವರ ಇಲ್ಲಿದೆ.
Chandu champion OTT Release: ಒಟಿಟಿಯಲ್ಲಿ ಹೊಸ ಸ್ಪೋರ್ಟ್ಸ್‌ ಡ್ರಾಮಾ ನೋಡಬೇಕೆಂದು ಬಯಸುವವರಿಗೆ ಕಾರ್ತಿಕ್ ಆರ್ಯನ್ ನಟನೆಯ ಚಂದು ಚಾಂಪಿಯನ್ ಸಿನಿಮಾ ಸೂಕ್ತವಾಗಬಲ್ಲದು. ಈ ವರ್ಷ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಈ ಸಿನಿಮಾವು ಕಾರ್ತಿಕ್ ಆರ್ಯನ್ ಜೀವನದ ಪ್ರಮುಖ ಸಿನಿಮಾವೆಂದು ಪರಿಗಣಿಸಲಾಗಿದೆ. ಈ ಸಿನಿಮಾವನ್ನು ದೊಡ್ಡಮಟ್ಟದಲ್ಲಿ ಪ್ರೇಕ್ಷಕರು ಇಷ್ಟಪಟ್ಟಿದ್ದಾರೆ. ಈ ಚಿತ್ರಕ್ಕಾಗಿ ಕಾರ್ತಿಕ್ ಆರ್ಯನ್ ತನ್ನ ದೇಹವನ್ನು ಅದ್ಭುತವಾಗಿ ರೂಪಾಂತರ ಮಾಡಿದ್ದಾರೆ. ಈ ಸಿನಿಮಾಕ್ಕಾಗಿ ತನ್ನ ದೇಹವನ್ನು ಈ ರೀತಿ ಬದಲಾಯಿಸಿಕೊಂಡ ಈ ನಟನ ಕುರಿತು ಎಲ್ಲೆಡೆ ಶ್ಲಾಘನೆ ವ್ಯಕ್ತವಾಗಿತ್ತು. ನೀವಿನ್ನೂ ಈ ಸಿನಿಮಾವನ್ನು ಚಿತ್ರಮಂದಿರಗಳಲ್ಲಿ ನೋಡಿಲ್ಲದೆ ಇದ್ದರೆ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ನೋಡಬಹುದು. ಸದ್ಯಕ್ಕೆ ಒಂದು ಷರತ್ತು ಇದೆ. ಒಟಿಟಿಯಲ್ಲಿ ಉಚಿತವಾಗಿ ಲಭ್ಯವಿಲ್ಲ. ರೆಂಟ್‌ ಅಥವಾ ಬಾಡಿಗೆ ಹಣ ನೀಡಿ ಈ ಚಿತ್ರ ವೀಕ್ಷಿಸಬಹುದು.
ಯಾವ ಒಟಿಟಿಯಲ್ಲಿ ಚಂದು ಚಾಂಪಿಯನ್ ಬಿಡುಗಡೆ?
ಕಾರ್ತಿಕ್ ಆರ್ಯನ್ ಅವರ ಚಂದು ಚಾಂಪಿಯನ್ ಚಿತ್ರವನ್ನು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ವೀಕ್ಷಿಸಬಹುದು. ಆದರೆ, ನೀವು ಈ ಚಲನಚಿತ್ರವನ್ನು ಉಚಿತವಾಗಿ ವೀಕ್ಷಿಸಲು ಸಾಧ್ಯವಾಗುವುದಿಲ್ಲ. ನೀವು ಈ ಚಲನಚಿತ್ರವನ್ನು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಾಡಿಗೆ ವಿಧಾನದಲ್ಲಿ ವೀಕ್ಷಿಸಬಹುದು. ನೀವು ಈ ಚಿತ್ರವನ್ನು ಒಟಿಟಿಯಲ್ಲಿ ನೋಡಲು ಬಯಸಿದರೆ 199 ರೂಪಾಯಿ ಪಾವತಿಸಬೇಕು. ಒಂದಿಷ್ಟು ದಿನಗಳ ಬಳಿಕ ಈ ಚಿತ್ರ ಅಮೆಜಾನ್ ಪ್ರೈಮ್ ವಿಡಿಯೋ ಚಂದಾದಾರರಿಗೆ ಉಚಿತವಾಗಿ ದೊರಕಬಹುದು.
ಕಾರ್ತಿಕ್ ಆರ್ಯನ್ ನಟನೆಯ ಚಂದು ಚಾಂಪಿಯನ್ ಸಿನಿಮಾವು ಕ್ರೀಡಾಪಟು ಮುರಳಿಕಾಂತ್ ಪೆಟ್ಕರ್ ಅವರ ಜೀವನದ ಕಥೆಯನ್ನು ಆಧರಿಸಿದೆ. . ಈ ಚಿತ್ರವು ಜೂನ್ 14, 2024 ರಂದು ಬಿಡುಗಡೆಯಾಯಿತು. ಕಾರ್ತಿಕ್ ಆರ್ಯನ್ ಭಾರತದ ಮೊದಲ ಪ್ಯಾರಾಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಮುರಳಿಕಾಂತ್ ಪೆಟ್ಕರ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಜೀವನಚರಿತ್ರೆಯನ್ನು ಆಧರಿಸಿದ ಕ್ರೀಡಾ ನಾಟಕ ಚಲನಚಿತ್ರಗಳನ್ನು ನೋಡಲು ಬಯಸಿದರೆ ಕಾರ್ತಿಕ್ ಆರ್ಯನ್ ನಟನೆಯ ಚಂದು ಚಾಂಪಿಯನ್ ನಿಮಗಿಷ್ಟವಾಗಬಹುದು.
ಬಾಕ್ಸ್ ಆಫೀಸ್‌ನಲ್ಲಿ ಅತ್ಯುತ್ತಮ ಗಳಿಕೆ
ಕಾರ್ತಿಕ್ ಆರ್ಯನ್ ನಟನೆಯ ಈ ಸಿನಿಮಾದ ಬಾಕ್ಸ್ ಆಫೀಸ್ ಕಲೆಕ್ಷನ್ ಉತ್ತಮವಾಗಿಯೇ ಇತ್ತು. ಒಟ್ಟು 88.14-96 ಕೋಟಿ ರೂ ಗಳಿಕೆ ಮಾಡಿದೆ. ಈ ಚಿತ್ರದ ಬಜೆಟ್ 70-140 ಕೋಟಿ ರೂ. ಆಗಿತ್ತು.
ಕಾರ್ತಿಕ್ ಆರ್ಯನ್ ನಟನೆಯ ಮುಂಬರುವ ಸಿನಿಮಾಗಳು
ಕಾರ್ತಿಕ್ ಆರ್ಯನ್ ಅವರ ಚಿತ್ರ ಭೂಲ್ ಭುಲೈಯಾ ಸದ್ಯದಲ್ಲಿಯೇ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಮಾಧುರಿ ದೀಕ್ಷಿತ್, ವಿದ್ಯಾ ಬಾಲನ್, ರಾಜ್ಪಾಲ್ ಯಾದವ್, ತ್ರಿಪ್ತಿ ಡಿಮ್ರಿ ಮತ್ತು ವಿದ್ಯಾ ಬಾಲನ್ ನಟಿಸಿದ್ದಾರೆ.
ಆಗಸ್ಟ್‌ ತಿಂಗಳಿನಲ್ಲಿ ಒಟಿಟಿಯಲ್ಲಿ ಬಿಡುಗಡೆಯಾಗುವ ಸಿನಿಮಾಗಳು
ಆಗಸ್ಟ್‌ ತಿಂಗಳಿನಲ್ಲಿ ಹಲವು ಹೊಸ ಸಿನಿಮಾಗಳು, ವೆಬ್‌ ಸರಣಿಗಳು ಬಿಡುಗಡೆಯಾಗಲಿವೆ. ಹಿಂದಿ, ಮಲಯಾಳಂ, ಕನ್ನಡ, ತಮಿಳು ಸೇರಿದಂತೆ ಹಲವು ಭಾಷೆಗಳ ಹೊಸ ಸಿನಿಮಾಗಳು ಬಿಡುಗಡೆಯಾಗಲಿವೆ. ಆಗಸ್ಟ್‌ನಲ್ಲಿ ಬಿಡುಗಡೆಯಾಗುವ ಕೆಲವು ಸಿನಿಮಾ, ಸರಣಿಗಳ ವಿವರ ಪಡೆಯಲು ಈ ಲಿಂಕ್‌ ಕ್ಲಿಕ್‌ ಮಾಡಿ.
