OTT Movies This Week: ಈ ವಾರ ಒಟಿಟಿಯಲ್ಲಿ ರಿಲೀಸ್‌ ಆಗಲಿರುವ ಸಿನಿಮಾ, ವೆಬ್‌ಸಿರೀಸ್‌ಗಳು ಹೀಗಿವೆ
ಜುಲೈ 29ರಿಂದ ಆಗಸ್ಟ್ 4ರ ಅವಧಿಯಲ್ಲಿ ಒಟಿಟಿಯಲ್ಲಿ ಬಿಡುಗಡೆ ಆಗಿರುವ, ಆಗಲಿರುವ ಆಯ್ದ 5 ಸಿನಿಮಾ ಮತ್ತು ವೆಬ್‌ಸಿರೀಸ್‌ಗಳ ಮಾಹಿತಿ ಇಲ್ಲಿದೆ.
OTT Movies This Week: ಚಿತ್ರಮಂದಿರಗಳಲ್ಲಿ ಸದ್ಯ ಹೊಸ ಸಿನಿಮಾಗಳಿಲ್ಲ. ಆದರೆ, ಒಟಿಟಿಯಲ್ಲಿ ವಾರಗಳು ಉರುಳಿದಂತೆ ಹಲವು ಭಾಷೆಗಳಲ್ಲಿ ಬಗೆಬಗೆ ಸಿನಿಮಾಗಳು, ವೆಬ್‌ಸಿರೀಸ್‌ಗಳು ಬಿಡುಗಡೆ ಆಗುತ್ತಿರುತ್ತವೆ. ಅದರಂತೆ, ಈ ವಾರ (ಜು. 29ರಿಂದ ಆ. 4) ಒಂದಷ್ಟು ಹೊಸ ಹೊಸ ಕಂಟೆಂಟ್‌ಗಳು ಒಟಿಟಿಗೆ ಬಂದಿವೆ. ಇನ್ನು ಕೆಲವು ಮುಂದಿನ ಎರಡ್ಮೂರು ದಿನಗಳಲ್ಲಿ ಬರಲಿವೆ. ಇಲ್ಲಿದೆ ನೋಡಿ ವಿವರ.
1. ಕಿಂಗ್‌ಡಮ್‌ ಆಫ್ ದಿ ಪ್ಲಾನೆಟ್ ಆಫ್ ದಿ ಏಪ್ಸ್
'ಕಿಂಗ್‌ಡಮ್‌ ಆಫ್ ದಿ ಪ್ಲಾನೆಟ್ ಆಫ್ ದಿ ಏಪ್ಸ್' ಸಿನಿಮಾ ಸೀಸರ್‌ ಎಂಬ ಯುವ ವಾನರನ ಸುತ್ತ ಸುತ್ತುತ್ತದೆ. ಮಂಗ ಮತ್ತು ಮಾನವರ ಭವಿಷ್ಯದ ಕುರಿತು ಸಿನಿಮಾ ಸಾಗಲಿದೆ. ಫ್ರೇಯಾ ಅಲನ್, ಕೆವಿನ್ ಡ್ಯುರಾಂಡ್, ಪೀಟರ್ ಮ್ಯಾಕಾನ್ ಮತ್ತು ವಿಲಿಯಂ ಹೆಚ್ ಮ್ಯಾಸಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಆಗಸ್ಟ್ 2 ರಂದು ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಗಲಿದೆ.
2. ಮಾಡರ್ನ್ ಮಾಸ್ಟರ್ಸ್ ಎಸ್ ಎಸ್ ರಾಜಮೌಳಿ
'ಮಾಡರ್ನ್ ಮಾಸ್ಟರ್ಸ್ ಎಸ್‌ಎಸ್ ರಾಜಮೌಳಿ' ಇದೊಂದು ಡಾಕ್ಯುಮೆಂಟರಿ ಆಗಿದ್ದು, ನಿರ್ದೇಶಕ ಎಸ್‌ಎಸ್ ರಾಜಮೌಳಿ ಅವರ ವೃತ್ತಿಜೀವನದ ಹಾದಿಯನ್ನು ನೆನಪಿಸುವ ಸಂಚಿಕೆ ಇದಾಗಿದೆ. ರಾಜ್‌ಮೌಳಿ ಬಗ್ಗೆ ಪ್ರಭಾಸ್, ರಾಮ್ ಚರಣ್, ಜೂನಿಯರ್ ಎನ್‌ಟಿಆರ್, ಕರಣ್ ಜೋಹರ್ ಮತ್ತು ಇತರ ಸೆಲೆಬ್ರಿಟಿಗಳು ಮಾತನಾಡಿದ್ದಾರೆ. ಈ ಡಾಕ್ಯುಮೆಂಟರಿ ಆಗಸ್ಟ್ 2 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ.
3. ಎ ಗುಡ್ ಗರ್ಲ್ಸ್ ಗೈಡ್ ಟು ಮರ್ಡರ್
'ಎ ಗುಡ್ ಗರ್ಲ್ಸ್ ಗೈಡ್ ಟು ಮರ್ಡರ್' ಹೈಸ್ಕೂಲ್ ವಿದ್ಯಾರ್ಥಿಯ ಕೊಲೆಯನ್ನು ತನಿಖೆ ಮಾಡುವ ಹಾದಿಯಲ್ಲಿ ಸಿರೀಸ್ ಸಾಗಲಿದೆ. ಇದು ಹಾಲಿ ಜಾಕ್ಸನ್ ಬರೆದ ಅದೇ ಹೆಸರಿನ ಜನಪ್ರಿಯ ಕಾದಂಬರಿಯನ್ನು ಆಧರಿಸಿದೆ. ಎಮ್ಮಾ ಮೈಯರ್ಸ್ ಈ ಸಿರೀಸ್‌ನ ನಾಯಕಿ. ಈ ಸರಣಿಯು ಆಗಸ್ಟ್ 2 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಲಿದೆ.
4. ಬೃಂದಾ
'ಬೃಂದಾ' ಚಿತ್ರದಲ್ಲಿ ತ್ರಿಶಾ ಕೃಷ್ಣನ್, ಇಂದ್ರಜಿತ್ ಸುಕುಮಾರನ್, ಜಯ ಪ್ರಕಾಶ್, ಆಮಾನಿ, ರವೀಂದ್ರ ವಿಜಯ್, ಆನಂದ್ ಸಾಮಿ ಮತ್ತು ರಾಕೇಂದು ಮೌಳಿ ನಟಿಸಿದ್ದಾರೆ. ಸೂರ್ಯ ಮನೋಜ್ ವಂಗಲ ಬರೆದು ನಿರ್ದೇಶಿಸಿರುವ ಈ ಸರಣಿಯು ಸೋನಿಲಿವ್‌ನಲ್ಲಿ ಆಗಸ್ಟ್ 2 ರಂದು ಬಿಡುಗಡೆಯಾಗಲಿದೆ.
5. ಡ್ಯೂನ್ ಪಾರ್ಟ್‌ 2
ಫ್ರಾಂಕ್ ಹರ್ಬರ್ಟ್ ಅವರ 1965ರ ಕಾದಂಬರಿ 'ಡ್ಯೂನ್' ಆಧರಿಸಿ ಮೂಡಿಬಂದ ಸಿನಿಮಾ 'ಡ್ಯೂನ್ 2'. ಮರಳುಗಾಡಿನಲ್ಲಿ ನಡೆಯುವ ಎರಡು ಗುಂಪುಗಳ ಭೀಕರ ಹೋರಾಟದ ಕಥೆ ಇದಾಗಿದೆ. ಚಿತ್ರದಲ್ಲಿ ಟಿಮೊಥಿ ಚಲಾಮೆಟ್, ಝೆಂಡಾಯಾ, ರೆಬೆಕಾ ಫರ್ಗುಸನ್, ಜೋಶ್ ಬ್ರೋಲಿನ್, ಡೇವ್ ಬಟಿಸ್ಟಾ, ಆಸ್ಟಿನ್ ಬಟ್ಲರ್ ಮತ್ತು ಫ್ಲಾರೆನ್ಸ್ ಪಗ್ ನಟಿಸಿದ್ದಾರೆ. 'ಡ್ಯೂನ್ ಭಾಗ ಎರಡು' ಆಗಸ್ಟ್ 1ರಂದು ಜಿಯೋ ಸಿನಿಮಾದಲ್ಲಿ ಸ್ಟ್ರೀಮ್‌ ಆಗಲಿದೆ.
