ಅಪ್ಪ ಅಮ್ಮನ ಜತೆ ಕುಳಿತು ನೋಡಲಾಗದ 5 ನೆಟ್‌ಫ್ಲಿಕ್ಸ್‌ ಶೋಗಳಿವು, ಒಟಿಟಿಯಲ್ಲಿ ಇದನ್ನೆಲ್ಲ ನೋಡ್ತಿವಿ ಅಂತ ಹೆತ್ತವರಿಗೆ ಹೇಳ್ಬೇಡಿ
Netflix Shows: ಹೆತ್ತವರ ಜತೆ ಕುಳಿತು ಮಕ್ಕಳಿಗೆ ನೋಡಲು ಕಷ್ಟವಾಗುವಂತಹ ಐದು ನೆಟ್‌ಪ್ಲಿಕ್ಸ್‌ ಟೀವಿ ಸೀರಿಸ್‌ಗಳ ಮಾಹಿತಿ ಇಲ್ಲಿದೆ. ಡಾರ್ಕ್‌ ಡಿಸೈರ್‌, ಬಿಗ್‌ಮೌತ್‌ ಇತ್ಯಾದಿ ಐದು ಜನಪ್ರಿಯ ಟೀವಿ ಸೀರಿಸ್‌ಗಳ ವಿವರ ಇಲ್ಲಿದೆ.
ಸಿನಿಮಾಗಳಲ್ಲಿ ಕುಟುಂಬದ ಜತೆ ಕುಳಿತು ನೋಡುವ ಸಿನಿಮಾಗಳು, ಕುಟುಂಬದ ಜತೆ ಕುಳಿತು ನೋಡಲು ಮುಜುಗರವಾಗುವಂತಹ ಸಿನಿಮಾಗಳು ಎಂಬ ಎರಡು ವರ್ಗವಿದ್ದೇ ಇದೆ. ಬಹಳಷ್ಟು ವರ್ಷಗಳ ಹಿಂದೆ ಈ ಎರಡು ಆಯ್ಕೆಗಳ ಕುರಿತು ಒಂದಿಷ್ಟು ಬಿಗಿನಿಲುವು ಹೆಚ್ಚಿತ್ತು. ಒಂದು ಕಿಸ್‌ ದೃಶ್ಯ ಬಂದಾಗ ಹೆತ್ತವರು ಅಕ್ಕಪಕ್ಕ ಇದ್ದರೆ ನೋಡಿದರೂ ನೋಡದಂತೆ ಇರಬೇಕಿತ್ತು. ಆದರೆ, ಕಾಲ ಕಳೆದಂತೆ ಇಂತಹ ದೃಶ್ಯಗಳು ಸಹಜ ಎಂಬಂತೆ ಎಲ್ಲರೂ ಒಟ್ಟಾಗಿ ನೋಡುತ್ತ ಬರಲಾಗಿದೆ. ಆದರೆ, ಈಗ ಇಂತಹ ನೋಡಲಾಗದ ನೋಡಬಹುದಾದ ತೆಳುಗೆರೆ ಸಾಕಷ್ಟು ಕಡಿಮೆಯಾಗಿದೆ. ಆದರೆ, ಒಟಿಟಿ ಬಂದ ಬಳಿಕ ಮತ್ತೆ ಕುಟುಂಬ ಸಹಿತ ನೋಡಬಹುದಾದ ಮತ್ತು ನೋಡಲಾಗದ ಸೀರಿಸ್‌ಗಳು ಬರಲು ಆರಂಭಿಸಿವೆ. ಹರೆಯದ ಹುಡುಗರು ಹುಡುಗಿಯರು ತಮ್ಮ ಹೆತ್ತವರ ಜತೆ ಇಂತಹ ಚಿತ್ರಗಳನ್ನು ನೋಡುವುದನ್ನು ಸಾಕಷ್ಟು ಅವಾಯ್ಡ್‌ ಮಾಡುತ್ತಾರೆ. ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಒಬ್ಬಂಟಿಯಾಗಿ ಕೆಲವೊಂದು ಸೀರಿಸ್‌ಗೆ ಅಂಟಿಕೊಂಡಿದ್ದಾರೆ.
ಅಮೆಜಾನ್‌ ಪ್ರೈಮ್‌, ನೆಟ್‌ಫ್ಲಿಕ್ಸ್‌, ಹಾಟ್‌ಸ್ಟಾರ್‌ ಸೇರಿದಂತೆ ಹಲವು ಒಟಿಟಿ ವೇದಿಕೆಗಳಲ್ಲಿ ಹೆತ್ತವರ ಜತೆ ಕುಳಿತು ನೋಡಲಾಗದ ಹಲವು ಸಿನಿಮಾಗಳು, ಸೀರಿಸ್‌ಗಳು, ಶೋಗಳು ಇವೆ. ಈ ಲೇಖನದಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿರುವ ಪ್ರಮುಖ ಆರು ಟೀವಿಶೋಗಳ ಮಾಹಿತಿ ನೀಡಲಾಗಿದೆ. ಇದನ್ನು ಹೆತ್ತವರ ಜತೆ ಕುಳಿತು ನೋಡುವುದು ಕಷ್ಟ. ಏಕೆಂದರೆ, ಈ ಶೋಗಳಲ್ಲಿ ಇರುವ ಹಸಿಬಿಸಿ ದೃಶ್ಯ, ಕ್ರೌರ್ಯ ಇತ್ಯಾದಿಗಳನ್ನು ನೋಡಲು ಅಕ್ಕಪಕ್ಕ ಅಪ್ಪಅಮ್ಮ ಇದ್ದರೆ ನೋಡಲು ಕಷ್ಟವಾಗಬಹುದು.
ಸೆಕ್ಸ್‌ ಎಜುಕೇಷನ್‌
ಹೆಸರೇ ಸೂಚಿಸುವಂತೆ ಇದು ಹರೆಯದವರನ್ನು ಗಮನದಲ್ಲಿಟ್ಟುಕೊಂಡು ನಿರ್ಮಿಸಲಾದ ಸೀರಿಸ್‌. ಇದರಲ್ಲಿ ಹಿರಿಯರ ಜತೆ ಕೇಳಲಾಗದ ನೋಡಲಾಗದ ಹಲವು ಕಂಟೆಟ್‌ಗಳಿವೆ. ಇದು ಲಾರಿ ನನ್‌ ತಯಾರಿಸಿದ ಹಾಸ್ಯ ಡ್ರಾಮಾ ಟೀವಿ ಸೀರಿಸ್‌. ಮೂರ್‌ಡೇಲ್‌ ಸೆಕೆಂಡರಿ ಸ್ಕೂಲ್‌ನ ವಿದ್ಯಾರ್ಥಿಗಳು, ಅಲ್ಲಿನ ಸಿಬ್ಬಂದಿ, ಪೋಷಕರ ಜೀವನದ ಕುರಿತು ಈ ಸರಣಿಯಲ್ಲಿ ಕತೆ ಹೆಣೆಯಲಾಗಿದೆ. ವೈಯಕ್ತಿಕ ಸಂಬಂಧಗಳು, ಹದಿಹರೆಯದ ಕುತೂಹಲ ಇತ್ಯಾದಿಗಳು ಈ ಸೀರಿಸ್‌ನಲ್ಲಿ ಮಿಳಿತಗೊಂಡಿದೆ. ಆಸಾ ಬಟರ್‌ಫೀಲ್ಡ್, ಗಿಲಿಯನ್ ಆಂಡರ್ಸನ್, ಎನ್‌ಕುಟಿ ಗಟ್ವಾ, ಎಮ್ಮಾ ಮ್ಯಾಕಿ, ಕಾನರ್ ಸ್ವಿಂಡಲ್ಸ್, ಕೇದಾರ್ ವಿಲಿಯಮ್ಸ್-ಸ್ಟಿರ್ಲಿಂಗ್, ಅಲಿಸ್ಟೈರ್ ಪೆಟ್ರಿ, ಮಿಮಿ ಕೀನ್ ಮತ್ತು ಐಮೀ ಲೌ ವುಡ್ ಮುಂತಾದವರು ಈ ಸೀರಿಸ್‌ನಲ್ಲಿ ನಟಿಸಿದ್ದಾರೆ. ಟೀವಿ ಸೀರಿಸ್‌ನ ವಿಷಯ ಮತ್ತು ಮಂಡಿಸಿದ ರೀತಿಗಾಗಿ ಹಲವು ಪ್ರಶಸ್ತಿಗಳನ್ನೂ ಇದು ಪಡೆದಿದೆ. ಮೊದಲ ಸರಣಿಯನ್ನು 40 ದಶಲಕ್ಷ ವೀಕ್ಷಕರು ವೀಕ್ಷಿಸಿದ್ದಾರೆ. ನಿನ್ನೆ ಅಂದರೆ ಸೆಪ್ಟೆಂಬರ್‌ 21ರಂದು ಇದರ ನಾಲ್ಕನೇ ಸರಣಿ ಬಿಡುಗಡೆಯಾಗಿದೆ.
ಸೆಕ್ಸ್‌ ಲೈಫ್‌
ನೆಟ್‌ಫ್ಲಿಕ್ಸ್‌ನಲ್ಲಿರುವ ಈ ಟೀವಿ ಸೀರಿಸ್‌ ಕೂಡ ಕೂಡ ಹೆತ್ತವರ ಜತೆ ಹರೆಯದ ಯುವಕಯುವತಿಯರಿಗೆ ನೋಡಲು ಕಷ್ಟವಾಗಬಹುದಾದ ಸರಣಿ. ಸ್ಟೇಸಿ ರುಕೇಸರ್ ರಚಿಸಿದ ಈ ಟೀವಿ ಸೀರಿಸ್‌ 44 ಅಧ್ಯಾಯಗಳನ್ನು ಹೊಂದಿದ್ದು, ಕಾದಂಬರಿ ಪ್ರೇರಿತವಾಗಿದೆ. ಮೊದಲ ಬಾರಿಗೆ 2021ರ ಜೂನ್‌ 25ರಂದು ಬಿಡುಗಡೆಯಾಯಿತು. ಇದರ ಎರಡನೇ ಸೀಸನ್‌ ಅದೇ ವರ್ಷ ಸೆಪ್ಟೆಂಬರ್‌ನಲ್ಲಿ ಆರಂಭವಾಯಿತು. 2023ರ ಏಪ್ರಿಲ್‌ನಲ್ಲಿ ಕೊನೆಯ ಸರಣಿ ಪ್ರಕಟವಾಯಿತು.
ಡಾರ್ಕ್‌ ಡಿಸೈರ್‌
ಇದು ಮೆಕ್ಸಿಕನ್‌ ಥ್ರಿಲ್ಲರ್‌ ಡ್ರಾಮಾ. ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾಗುತ್ತಿರುವ ಈ ಟೆಲಿವಿಷನ್‌ ಸೀರಿಸ್‌ ಅನ್ನು ಆರ್ಗೋಸ್‌ ಕಮ್ಯುನಿಕೇಷನ್‌ ನಿರ್ಮಾಣ ಮಾಡಿದೆ. ಇದರ ಮೊದಲ ಸರಣಿಯಲ್ಲಿ ಮೈಟ್ ಪೆರೋನಿ, ಎರಿಕ್ ಹೇಸರ್, ಅಲೆಕ್ಸಾಂಡರ್ ಸ್ಪೀಟ್ಜರ್, ಮರಿಯಾ ಫೆರ್ನಾಂಡಾ ಯೆಪ್ಸ್, ರೆಜಿನಾ ಪಾವೊನ್ ಮತ್ತು ಜಾರ್ಜ್ ಪೋಜಾ ನಟಿಸಿದ್ದಾರೆ. 2020ರಲ್ಲಿ ಇದರ ಎರಡನೇ ಮತ್ತು ಅಂತಿಮ ಸೀಸನ್‌ ಆರಂಭವಾಯಿತು. ಇದು ನೆಟ್‌ಫ್ಲಿಕ್ಸ್‌ನಲ್ಲಿ ಅತ್ಯಧಿಕ ಜನರು ನೋಡಿರುವ ಇಂಗ್ಲಿಷೇತರ ಶೋ ಎಂಬ ಖ್ಯಾತಿಯನ್ನೂ ಪಡೆದಿದೆ. 28 ದಿನಗಳಲ್ಲಿ 35 ದಶಲಕ್ಷ ವೀಕ್ಷಣೆ ಪಡೆದ ಹೆಗ್ಗಳಿಕೆ ಈ ಸೀರಿಸ್‌ಗಿದೆ.
ಬಿಗ್‌ ಮೌತ್‌
ಇದು ಅಮೆರಿಕದ ಅನಿಮೇಟೆಡ್‌ ಟೀವಿ ಸೀರಿಸ್‌. ಆಂಡ್ರ್ಯೂ ಗೋಲ್ಡ್ ಬರ್ಗ್, ನಿಕ್ ಕ್ರೋಲ್, ಮಾರ್ಕ್ ಲೆವಿನ್ ಮತ್ತು ಜೆನ್ನಿಫರ್ ಫ್ಲಾಕೆಟ್ ಇದನ್ನು ನಿರ್ಮಿಸಿದ್ದಾರೆ. ವಿದ್ಯಾರ್ಥಿಗಳ ಮೇಲೆ ಈ ಸೀರಿಸ್‌ ವಿಷಯವಿದೆ. ಕೋಲ್‌ ಮತ್ತು ಗೋಲ್ಡ್‌ಬರ್ಗ್‌ ಸಂಭಾಷಣೆಯಲ್ಲಿ ಮಾನವ ದೇಹ ಮತ್ತು ಲೈಂಗಿಕತೆಯ ಮುಕ್ತ ಮಾತುಕತೆಯಿದೆ. ಹೀಗಾಗಿ, ಹೆತ್ತವರ ಜತೆ ಇದನ್ನು ವೀಕ್ಷಿಸಲು ಕಷ್ಟವಾಗಬಹುದು.
ಬ್ರಿಡ್ಜರ್ಟೊನ್‌
ಇದು ಮೊದಲ ನೋಟಕ್ಕೆ ಎಲ್ಲರೂ ನೋಡಬಹುದಾದ ಟೀವಿ ಸೀರಿಸ್‌ನಂತೆ ಕಾಣಿಸುತ್ತದೆ. ಆದರೆ, ಕೆಲವೊಂದು ಸೀನ್‌ಗಳನ್ನು ನೋಡುವಾಗ ಅಕ್ಕ ಮಕ್ಕಳಿದ್ದರೆ ಒಂದಾ ಹೆತ್ತವರು ಎದ್ದು ಹೋಗಬಹುದು, ಇಲ್ಲಾ ಮಕ್ಕಳೇ ಎದ್ದು ಹೋಗಬಹುದು.
