Survival Movies OTT: ಒಟಿಟಿಯಲ್ಲಿ ನೋಡಬಹುದಾ ಮಲಯಾಳಂ ಸರ್ವೈವಲ್‌ ಥ್ರಿಲ್ಲರ್‌ ಸಿನಿಮಾಗಳು; ಮೈ ಜುಂ ಎನಿಸುತ್ತೆ ಜೋಪಾನ

OTT Malayalam Survival Thrillers: ಸರ್ವೈವಲ್‌ ಸಿನಿಮಾಗಳು ರೋಮಾಂಚನಕಾರಿಯಾಗಿರುತ್ತವೆ. ಸಾವಿನ ದವಡೆಯಿಂದ ತಪ್ಪಿಸಿಕೊಂಡು ಬರುವ ಇಂತಹ ಕಥೆಗಳ ಹಲವು ಸಿನಿಮಾಗಳು ಭಾರತದ ಚಿತ್ರರಂಗದಲ್ಲಿ ಬಂದಿವೆ. ವಿಶೇಷವಾಗಿ ಮಲಯಾಳಂ ಭಾಷೆಯ ಹಲವು ಸರ್ವೈವಲ್‌ ಥ್ರಿಲ್ಲರ್‌ ಸಿನಿಮಾಗಳು ಜನರ ಗಮನ ಸೆಳೆದಿವೆ. ಕೆಲವು ಚಲನಚಿತ್ರಗಳು ಬಾಕ್ಸ್‌ಆಫೀಸ್‌ನಲ್ಲಿ ದೊಡ್ಡಮಟ್ಟದ ಯಶಸ್ಸು ಪಡೆದಿವೆ. ಐದು ಮಲಯಾಳಂ ಬದುಕುಳಿಯುವ ಥ್ರಿಲ್ಲರ್ ಚಿತ್ರಗಳ ವಿವರ ಇಲ್ಲಿ ನೀಡಲಾಗಿದೆ. ಇವುಗಳಲ್ಲಿ ‌ ಅತ್ಯಂತ ಜನಪ್ರಿಯ ಮಂಜುಮೇಲ್‌ ಬಾಯ್ಸ್‌ ಸಿನಿಮಾ ಕೂಡ ಸೇರಿದೆ.

ಮಂಜುಮಲ್ ಬಾಯ್ಸ್ (ಜಿಯೋಹಾಟ್‌ಸ್ಟಾರ್ )

ಸರ್ವೈವಲ್‌ ಥ್ರಿಲ್ಲರ್ ಚಿತ್ರ ಮಂಜುಮ್ಮಳ್ ಬಾಯ್ಸ್ ಬಾಕ್ಸ್‌‌ ಆಫೀಸ್‌ನಲ್ಲಿ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿತ್ತು. ಒಟಿಟಿಯಲ್ಲಿಯೂ ಸೂಪರ್‌ ಹಿಟ್‌ ಆಗಿತ್ತು. ಇದು ಮಲಯಾಳಂ ಉದ್ಯಮದಲ್ಲಿ200 ಕೋಟಿ ರೂಪಾಯಿಗೂ ಹೆಚ್ಚು ಗಳಿಕೆ ಮಾಡಿದ ಮೊದಲ ಚಿತ್ರವಾಗಿದೆ. ಕಳೆದ ವರ್ಷ ಫೆಬ್ರವರಿಯಲ್ಲಿ ಬಿಡುಗಡೆಯಾದ ಈ ಸಿನಿಮಾ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿತ್ತು. ಅಪಾಯಕಾರಿಯಾದ ಆಳವಾದ ಗುಹೆಯೊಳಗೆ ಬಿದ್ದ ಸ್ನೇಹಿತನನ್ನು ರಕ್ಷಿಸಲು ಕೆಲವು ಯುವಕರು ಮಾಡುವ ಪ್ರಯತ್ನಗಳನ್ನು ಈ ಚಿತ್ರದಲ್ಲಿ ತೋರಿಸಲಾಗಿತ್ತು. ನಿರ್ದೇಶಕ ಚಿದಂಬರಂ ನಿರ್ದೇಶನದ ಮುಂಜುಮ್ಮಲ್ ಬಾಯ್ಸ್ ರೋಮಾಂಚಕವಾಗಿದೆ. ಈ ಚಿತ್ರ ಪ್ರೇಕ್ಷಕರನ್ನು ಅಪಾರವಾಗಿ ಪ್ರಭಾವಿಸಿತು. ಈ ಚಿತ್ರದಲ್ಲಿ ಸೌಬಿನ್ ಶಾಹಿರ್, ಶ್ರೀನಾಥ್ ಬಸ್ಸಿ, ದಿಲನ್ ಡೆರಿನ್, ಬಾಲು ವರ್ಗೀಸ್, ಗಣಪತಿ ಮತ್ತು ಲಾಲ್ ಜೂನಿಯರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮಂಜುಮ್ಮಳ್ ಬಾಯ್ಸ್ ಚಿತ್ರವು ಪ್ರಸ್ತುತ ಜಿಯೋಹಾಟ್‌ಸ್ಟಾರ್ ಒಟಿಟಿಯಲ್ಲಿ ಮಲಯಾಳಂ ಜೊತೆಗೆ ಕನ್ನಡ ಭಾಷೆಯಲ್ಲಿಯೂ ಲಭ್ಯವಿದೆ. ತೆಲುಗು, ತಮಿಳು ಹಿಂದಿ ಭಾಷೆಗಳಲ್ಲಿಯೂ ಸ್ಟ್ರೀಮಿಂಗ್ ಆಗುತ್ತಿದೆ. ಇದು ನೋಡಲೇಬೇಕಾದ ಸರ್ವೈವಲ್ ಥ್ರಿಲ್ಲರ್ ಸಿನಿಮಾ.

ಮಲಯನ್ ಕುಂಜು (ಅಮೆಜಾನ್ ಪ್ರೈಮ್ ವಿಡಿಯೋ )

ಫಹಾದ್ ಫಾಸಿಲ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಮಲಯನ್‌ ಮಂಜು(2022) ಚಿತ್ರವು ಸರ್ವೈವಲ್ ಥ್ರಿಲ್ಲರ್ ಪ್ರಕಾರದಲ್ಲಿ ಜನಪ್ರಿಯತೆ ಪಡೆದ ಸಿನಿಮಾ. ಈ ಸರ್ವೈವಲ್ ಡ್ರಾಮಾ ಥ್ರಿಲ್ಲರ್ ಚಿತ್ರವನ್ನು ಸಜಿಮೋನ್ ಪ್ರಭಾಕರ್ ನಿರ್ದೇಶಿಸಿದ್ದಾರೆ. ಈ ಚಿತ್ರವು ತನ್ನ ಮನೆ ಕುಸಿದು ನೀರಿನಲ್ಲಿ ಸಿಲುಕಿಕೊಂಡಾಗ ತಪ್ಪಿಸಿಕೊಳ್ಳಲು ತನ್ನ ಕೈಲಾದಷ್ಟು ಪ್ರಯತ್ನಿಸುವ ಮೆಕ್ಯಾನಿಕ್‌ನ ಕಥೆಯನ್ನು ಹೊಂದಿದೆ. ಈ ಚಿತ್ರ ಭಾವನಾತ್ಮಕವಾಗಿಯೂ ಹೃದಯ ತಟ್ಟುತ್ತದೆ. ಅಮೆಜಾನ್ ಪ್ರೈಮ್ ವಿಡಿಯೋ ಒಟಿಟಿಯಲ್ಲಿ ಈ ಸಿನಿಮಾ ಇದೆ.

2018 (ಸೋನಿ ಲಿವ್ )

ಕೇರಳದಲ್ಲಿ 2018ರಲ್ಲಿ ಸಂಭವಿಸಿದ ಪ್ರವಾಹದ ಕಥೆ ಹೊಂದಿದೆ. 2023ರಲ್ಲಿ ಬಿಡುಗಡೆಯಾದ ಈ ಚಿತ್ರವು ಭಾರಿ ಮೆಚ್ಚುಗೆಯನ್ನು ಪಡೆಯಿತು. ಬಾಕ್ಸ್‌ ಆಫೀಸ್‌ನಲ್ಲಿಯೂ ದೊಡ್ಡ ಮಟ್ಟದ ಯಶಸ್ಸನ್ನು ಪಡೆದಿದೆ. ಟ್ವಿನೋ ಥಾಮಸ್, ಕುಂಚಾಕೊ ಬೋಬನ್ ಮತ್ತು ಆಸಿಫ್ ಅಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ . ಜೂಡ್ ಆಂಥೋನಿ ಜೋಸೆಫ್ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ನಿರ್ದೇಶಕರು 2018 ರ ಪ್ರವಾಹದ ವಿನಾಶವನ್ನು ಭಾವನಾತ್ಮಕವಾಗಿ ಚಿತ್ರಿಸಿದ್ದಾರೆ. ಈ ಚಿತ್ರವು ಪ್ರವಾಹದ ಸಮಯದಲ್ಲಿ ಇತರರ ಜೀವಗಳನ್ನು ಉಳಿಸಿದ ಕೆಲವು ಜನರ ಧೈರ್ಯದ ಕಥೆಯನ್ನು ತಿಳಿಸುತ್ತದೆ. ಈ ಸಿನಿಮಾ ಸೋನಿ ಲಿವ್ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಮಲಯಾಳಂ ಜೊತೆಗೆ ಕನ್ನಡ, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.

ಹೆಲೆನ್ ( ಅಮೆಜಾನ್ ಪ್ರೈಮ್ ವಿಡಿಯೋ)

ಮಲಯಾಳಂನ ಸರ್ವೈವಲ್ ಥ್ರಿಲ್ಲರ್ ಚಿತ್ರ ಹೆಲೆನ್ (2019) ಕೂಡ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಬಿಎಸ್ಸಿ ನರ್ಸಿಂಗ್ ವಿದ್ಯಾರ್ಥಿನಿಯೊಬ್ಬಳು ಅತ್ಯಂತ ತಣ್ಣನೆಯ ಫ್ರೀಜರ್ ಕೋಣೆಯಲ್ಲಿ ಸಿಕ್ಕಿಹಾಕಿಕೊಳ್ಳುತ್ತಾಳೆ. ಅವಳು ಹೇಗೆ ಅಲ್ಲಿಂದ ಹೊರಬರುತ್ತಾಳೆ ಎಂಬ ಘಟನೆಯನ್ನು ತೋರಿಸಿದೆ. ಈ ಚಿತ್ರದಲ್ಲಿ ಅನ್ನಾ ಬೆನ್ ಮತ್ತು ಲಾಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವನ್ನು ಮುತ್ತುಕುಟ್ಟಿ ಕ್ಸೇವಿಯರ್ ನಿರ್ದೇಶಿಸಿದ್ದಾರೆ. ಹೆಲೆನ್ ಚಿತ್ರ ಅಮೆಜಾನ್ ಪ್ರೈಮ್ ವಿಡಿಯೋ ಒಟಿಟಿಯಲ್ಲಿ ಸ್ಟ್ರೀಮಿಂಗ್ ಆಗಲಿದೆ.

ನೀರಾಲಿ (ಸನ್‌ನೆಕ್ಸ್ಟ್‌)

ಮಲಯಾಳಂನ ಸ್ಟಾರ್ ಹೀರೋ ಮೋಹನ್ ಲಾಲ್ ಮುಖ್ಯ ಪಾತ್ರದಲ್ಲಿ ನಟಿಸಿದ ನೀರಾಲಿ (2018) ಕೂಡ ಸೂಪರ್ ಹಿಟ್ ಆಗಿತ್ತು. ಈ ಚಿತ್ರದಲ್ಲಿ ಸೂರಜ್ ವೆಂಜರಮೂಡು ಕೂಡ ಪ್ರಮುಖ ಪಾತ್ರ ವಹಿಸಿದ್ದಾರೆ. ಕಾರು ಬಂಡೆಯ ಅಂಚಿನಲ್ಲಿ ಸಿಲುಕಿಕೊಳ್ಳುವುದು ಮತ್ತು ಅದರಿಂದ ಹೊರಬರಲು ಮಾಡುವ ಪ್ರಯತ್ನಗಳನ್ನು ಈ ಚಿತ್ರದಲ್ಲಿ ನೋಡಬಹುದು. ಈ ಚಿತ್ರವನ್ನು ಅಜಯ್ ವರ್ಮಾ ನಿರ್ದೇಶಿಸಿದ್ದಾರೆ. ನೀರಾಲಿ ಚಿತ್ರವನ್ನು ಸನ್‌ನೆಕ್ಸ್ಟ್‌ ಒಟಿಟಿಯಲ್ಲಿ ವೀಕ್ಷಿಸಬಹುದು.