Kangana Ranaut: ಇಂದಿರಾ ಗಾಂಧಿ ಈ ವಿಡಿಯೋದಲ್ಲಿ ಕಂಗನಾ ರೀತಿ ನಟಿಸ್ತಿದ್ದಾರೆ!; ಸಾಕ್ಷ್ಯ ಸಮೇತ ಬಂದ ರಾಮ್‌ಗೋಪಾಲ್‌ ವರ್ಮಾ
ರಾಮ್‌ಗೋಪಾಲ್‌ ವರ್ಮಾ ಭಾರತದ ಯಾವುದೇ ಸಿನಿಮಾ ಇದ್ದರೂ, ಅದಕ್ಕೆ ಪ್ರತಿಕ್ರಿಯಿಸುತ್ತಾರೆ. ತಮ್ಮದೆ ದೃಷ್ಟಿಕೋನದಲ್ಲಿ ಆ ಸಿನಿಮಾವನ್ನು ನೋಡಿ, ಕಮೆಂಟ್‌ ಮಾಡುತ್ತಾರೆ. ಇದೀಗ ಕಂಗನಾ ರಣಾವತ್ "ಏಮರ್ಜೆನ್ಸಿ" ಸಿನಿಮಾಕ್ಕೂ ಕಮೆಂಟ್‌ ಮಾಡಿದ್ದಾರೆ
ಬಾಲಿವುಡ್ ನಟಿ ಕಂಗನಾ ರಣಾವತ್, ತಮ್ಮ ಹೋಮ್‌ಬ್ಯಾನರ್‌ನಲ್ಲಿಯೇ "ಏಮರ್ಜೆನ್ಸಿ" ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ವಿಶೇಷ ಎಂಬಂತೆ ಚಿತ್ರಕ್ಕೆ ನಿರ್ದೇಶನವೂ ಅವರದ್ದೆ. ಈಗಾಗಲೇ ಭರ್ಜರಿಯಾಗಿಯೇ ಚಿತ್ರದ ಶೂಟಿಂಗ್‌ ಸಹ ಶುರುವಾಗಿದ್ದು, ಟೀಸರ್‌ ಮೂಲಕ ಎಲ್ಲರ ಗಮನ ಸೆಳೆದಿದ್ದ, ಕಂಗನಾ ಇತ್ತೀಚೆಗಷ್ಟೇ ಜಯಪ್ರಕಾಶ್‌ ನಾರಾಯಣ್‌ ಅವರ ಪಾತ್ರದ ಲುಕ್‌ ಅನಾವರಣ ಮಾಡಿದ್ದರು. ಜೆಪಿ ಪಾತ್ರದಲ್ಲಿ ಹಿರಿಯ ನಟ ಅನುಪಮ್‌ ಖೇರ್‌ ನಟಿಸುವುದನ್ನು ಹೇಳಿಕೊಂಡಿದ್ದರು. ಇದೀಗ ಇದೇ ಚಿತ್ರದ ಬಗ್ಗೆ ನಿರ್ದೇಶಕ, ಫಿಲಂ ಮೇಕರ್‌ ರಾಮ್‌ಗೋಪಾಲ್‌ ವರ್ಮಾ ಪ್ರತಿಕ್ರಿಯೆ ನೀಡಿದ್ದಾರೆ.
ರಾಮ್‌ಗೋಪಾಲ್‌ ವರ್ಮಾ ಭಾರತದ ಯಾವುದೇ ಸಿನಿಮಾ ಇದ್ದರೂ, ಅದಕ್ಕೆ ಪ್ರತಿಕ್ರಿಯಿಸುತ್ತಾರೆ. ತಮ್ಮದೆ ದೃಷ್ಟಿಕೋನದಲ್ಲಿ ಆ ಸಿನಿಮಾವನ್ನು ನೋಡಿ, ಕಮೆಂಟ್‌ ಮಾಡುತ್ತಾರೆ. ಇದೀಗ ಕಂಗನಾ ರಣಾವತ್ "ಏಮರ್ಜೆನ್ಸಿ" ಸಿನಿಮಾಕ್ಕೂ ಕಮೆಂಟ್‌ ಮಾಡಿದ್ದಾರೆ. ಟೀಸರ್‌ನಲ್ಲಿ ಕಂಗನಾ ಕಾಣಿಸಿಕೊಂಡ ರೀತಿಯನ್ನೇ ಗಮನಿಸಿದ ಅವರು, ಅದಕ್ಕೆ ಹೋಲುವ ವಿಡಿಯೋವೊಂದನ್ನು ಶೇರ್‌ ಮಾಡಿಕೊಂಡಿದ್ದಾರೆ.
ಇಂದಿರಾ ಗಾಂಧಿಯೇ ನಿಮ್ಮ ಥರ ನಟಿಸ್ತಿದ್ದಾರೆ....
ತುರ್ತುಪರಿಸ್ಥಿತಿ ಸಂದರ್ಭದಲ್ಲಿನ ಸಿನಿಮಾ ಇದಾಗಿರುವುದರಿಂದ 1984ರಲ್ಲಿ ಇಂದಿರಾ ಗಾಂಧಿ ಅವರ ಸಂದರ್ಶನದ ವಿಡಿಯೋ ತುಣುಕನ್ನು ಹಂಚಿಕೊಂಡಿರುವ ಆರ್‌ಜಿವಿ, "ನಂಬಿದ್ರೆ ನಂಬಿ, ಬಿಟ್ಟರೆ ಬಿಡಿ..! ಈ ವಿಡಿಯೋ ತುಣುಕಿನಲ್ಲಿ ಇಂದಿರಾ ಗಾಂಧಿಯವರು ಥೇಟ್‌ ಕಂಗನಾ ರೀತಿಯಲ್ಲಿಯೇ ನಟಿಸುತ್ತಿದ್ದಾರೆ.. ಪೂರ್ತಿ ಸಂದರ್ಶನಕ್ಕಾಗಿ 1984ರ ಈ ವಿಡಿಯೋ ನೋಡಿ.." ಎಂದಿದ್ದಾರೆ. ಆರ್‌ಜಿವಿ ಸಂದೇಶಕ್ಕೆ ಪ್ರತಿಕ್ರಿಯೆ ನೀಡಿರುವ ಕಂಗನಾ, "ಹ್ಹ ಹ್ಹ ಹ್ಹ.. ಥ್ಯಾಂಕು ಸರ್.. ಈ ಪಾತ್ರದಲ್ಲಿ ನಾನೇ ನಟಿಸಿರುವುದು ನನಗೆ ಸಮಾಧಾನ ತಂದಿದೆ" ಎಂದಿದ್ದಾರೆ.
ಜಯಪ್ರಕಾಶ್‌ ನಾರಾಯಣ್‌ ಪಾತ್ರದಲ್ಲಿ ಅನುಪಮ್‌
ರಾಷ್ಟ್ರೀಯತೆ, ದೇಶಭಕ್ತಿ ಸಿನಿಮಾಗಳಲ್ಲಿ ನಟಿಸುವುದು ಅನುಪಮ್‌ ಖೇರ್‌ಗೆ ಅದೇನೋ ಆಸಕ್ತಿ. ಅದು ಈ ಹಿಂದಿನ ಅವರ ಹಲವು ಸಿನಿಮಾಗಳಲ್ಲಿ ನೋಡಬಹುದಾಗಿದೆ. ಇದೀಗ "ಏಮರ್ಜೆನ್ಸಿ" ಸಿನಿಮಾದಲ್ಲಿಯೂ ಪವರ್‌ಫುಲ್‌ ಪಾತ್ರದಲ್ಲಿಯೇ ಮಿಂಚಲು ಸಜ್ಜಾಗಿದ್ದಾರೆ. ಜಯಪ್ರಕಾಶ್‌ ನಾರಾಯಣ್‌ ಪಾತ್ರದಲ್ಲಿ ಅವರು ಕಾಣಿಸಿಲಿದ್ದಾರೆ. ಈಗಾಗಲೇ ಚಿತ್ರದಲ್ಲಿ ಅವರು ಹೇಗೆ ಕಾಣಿಸಲಿದ್ದಾರೆ ಎಂಬುದಕ್ಕೆ ಫಸ್ಟ್‌ ಲುಕ್‌ ಸಹ ಬಿಡುಗಡೆ ಆಗಿದೆ. ಇಂದಿರಾಗಾಂಧಿ ಅವರ ಆಡಳಿತಾವಧಿಯಲ್ಲಿ ಮತ್ತು ತುರ್ತುಪರಿಸ್ಥಿತಿ ವೇಳೆ ಜಯಪ್ರಕಾಶ್‌ ಅವರ ಹೋರಾಟ ಹೇಗಿತ್ತು ಎಂಬುದನ್ನು ಕಂಗನಾ ತೋರಿಸಲಿದ್ದಾರೆ.
ಇಂದಿರಾ ಗಾಂಧಿಯಾಗಿ ಕಂಗನಾ
ಕಂಗನಾ ಅವರ ಇತ್ತೀಚಿನ ಸಿನಿಮಾ ಜೀವನ ನೋಡುವುದಾದರೆ, ಅವರ ಸಿನಿಮಾ ಬತ್ತಳಿಕೆಯಲ್ಲಿ ಒಂದಕ್ಕಿಂತ ಒಂದು ವಿಶೇಷ ಸಿನಿಮಾಗಳನ್ನೇ ಮಾಡುತ್ತಿದ್ದಾರೆ. "ಮಣಿಕರ್ಣಿಕಾ"ದಲ್ಲಿ ರಾಣಿ ಝಾನ್ಸಿಯಾಗಿ, "ತಲೈವಿ"ಯಲ್ಲಿ ತಮಿಳುನಾಡಿನ ಮಾಜಿ ಸಿಎಂ ಜಯಲಲಿತಾಳಾಗಿ ಕಾಣಿಸಿಕೊಂಡಿದ್ದರು. ಇದೀಗ ಅದೆಲ್ಲದಕ್ಕಿಂತ ಮತ್ತೊಂದು ಚಾಲೆಂಜಿಂಗ್‌ ಪಾತ್ರದಲ್ಲಿ ಕಂಗನಾ ಕಾಣಿಸಿಕೊಳ್ಳಲು ನಿರ್ಧರಿಸಿದ್ದಾರೆ. ಅದುವೇ ಇಂದಿರಾಗಾಂಧಿ ಪಾತ್ರ. ಹೌದು, "ಏಮರ್ಜೆನ್ಸಿ" ಸಿನಿಮಾದಲ್ಲಿ ಕಂಗನಾ, ತುರ್ತು ಪರಿಸ್ಥಿತಿ ಘೋಷಣೆ ಮಾಡಿದ ಸಂದರ್ಭದಲ್ಲಿನ ಪಿಎಂ ಇಂದಿರಾ ಗಾಂಧಿ ಅವರ ರೋಲ್‌ನಲ್ಲಿ ಎದುರಾಗಲಿದ್ದಾರೆ. ಅದಕ್ಕೆ ತಕ್ಕಂತೆ ಇದೀಗ ಚಿತ್ರದ ಲುಕ್‌ ಬಿಡುಗಡೆಯಾಗಿದ್ದು, ಕಂಗನಾ ಪ್ರಯೋಗಕ್ಕೆ ಮಚ್ಚುಗೆ ವ್ಯಕ್ತವಾಗುತ್ತಿದೆ.
ನಿರ್ದೇಶನ, ನಿರ್ಮಾಣವೂ ಕಂಗನಾ ಅವರದ್ದೇ!
ಈ ಹಿಂದೆ ಮಣಿಕರ್ಣಿಕಾ ಸಿನಿಮಾ ನಿರ್ದೇಶನ ಮಾಡಿದ್ದ ಕಂಗನಾ, ಇದೀಗ "ಏಮರ್ಜೆನ್ಸಿ" ಚಿತ್ರ ನಿರ್ದೇಶನ ಮಾಡುವ ಗುರುತರ ಜವಾಬ್ದಾರಿ ಹೊತ್ತಿದ್ದಾರೆ. ಇದರ ಜತೆಗೆ ನಿರ್ಮಾಣವವನ್ನೂ ಮಾಡಲಿದ್ದಾರೆ. ರೇಣು ಪತ್ತಿ ನಿರ್ಮಾಣದಲ್ಲಿ ಕೈ ಜೋಡಿಸಲಿದ್ದಾರೆ. ತುರ್ತುಪರಿಸ್ಥಿತಿ ಹಿನ್ನೆಲೆಯಲ್ಲಿಯೇ ಇಡೀ ಸಿನಿಮಾ ತೆರೆದುಕೊಳ್ಳಲಿದ್ದು, ಇದರೊಂದಿಗೆ "ಆಪರೇಷನ್‌ ಬ್ಲೂ ಸ್ಟಾರ್‌" ಬಗ್ಗೆಯೂ ಕಂಗನಾ ನೈಜ ಘಟನೆಯನ್ನು ತೆರೆಮೇಲೆ ತರಲಿದ್ದಾರೆ. ರಿತೇಶ್‌ ಷಾ ಈ ಚಿತ್ರಕ್ಕೆ ಚಿತ್ರಕಥೆ ಮತ್ತು ಸಂಭಾಷಣೆ ಬರೆಯಲಿದ್ದಾರೆ. ಇನ್ನುಳಿದಂತೆ ಈ ಸಿನಿಮಾದಲ್ಲಿ ಯಾರೆಲ್ಲ ಇರಲಿದ್ದಾರೆ? ತಾಂತ್ರಿಕ ವರ್ಗದ ಆಯ್ಕೆಯೂ ಪ್ರಗತಿಯಲ್ಲಿದೆ.
