ಕದ್ದಚಿತ್ರ, ಜವಾನ್‌ ಸೇರಿ ಈ ವಾರ ತೆರೆಗೆ ಬರುತ್ತಿವೆ 10 ಚಿತ್ರಗಳು; ನಿಮ್ಮಿಷ್ಟದ ಸಿನಿಮಾ ಯಾವುದು?
ಶುಕ್ರವಾರ ಎಂದರೆ ಸಿನಿಪ್ರಿಯರಿಗೆ ಸುಗ್ಗಿ. ಆ ದಿನ ಹೊಸ ಸಿನಿಮಾಗಳು ರಿಲೀಸ್‌ ಆಗುತ್ತವೆ. ಕೆಲವೊಂದು ಸಿನಿಮಾಗಳು ಗುರುವಾರ ಕೂಡಾ ತೆರೆ ಕಾಣುತ್ತವೆ.
(1 / 11)
ಈ ವಾರ ಕೂಡಾ ಕನ್ನಡ, ತೆಲುಗು, ಹಿಂದಿ, ತಮಿಳು, ಮಲಯಾಳಂ ಭಾಷೆಗಳಲ್ಲಿ ಅನೇಕ ಸಿನಿಮಾಗಳು ರಿಲೀಸ್‌ ಆಗುತ್ತಿವೆ. ಅವುಗಳಲ್ಲಿ 10 ಪ್ರಮುಖ ಸಿನಿಮಾಗಳ ಪಟ್ಟಿ ಹೀಗಿದೆ.
(2 / 11)
ಚಿನ್ನಾರಿ ಮುತ್ತ ವಿಜಯ್‌ ರಾಘವೇಂದ್ರ ಅಭಿನಯಿಸುತ್ತಿರುವ 'ಕದ್ದಚಿತ್ರ'. ಕೃತಿಚೌರ್ಯದ ಕಥಾ ಹಂದರ ಹೊಂದಿರುವ ಈ ಸಿನಿಮಾವನ್ನು ದ್ವಾರಕಾ ಪ್ರೊಡಕ್ಷನ್ಸ್‌ ಬ್ಯಾನರ್‌ ಅಡಿ ಸಂದೀಪ್‌ ನಿರ್ಮಿಸಿದ್ದು ಸುಹಾಸ್‌ ಕೃಷ್ಣ ಆಕ್ಷನ್‌ ಕಟ್‌ ಹೇಳಿದ್ದಾರೆ. ವಿಜಯ್‌ ರಾಘವೇಂದ್ರ ಜೊತೆ ನಮ್ರತಾ ಸುರೇಂದ್ರನಾಥ್‌, ಬೇಬಿ ಆರಾಧ್ಯ, ರಾಘು ಶಿವಮೊಗ್ಗ, ಬಾಲಾಜಿ ಮನೋಹರ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಸಿನಿಮಾ ಸೆಪ್ಟೆಂಬರ್‌ 8, ಶುಕ್ರವಾರ ರಿಲೀಸ್‌ ಆಗುತ್ತಿದೆ.
(3 / 11)
'ಅವಳ್ ಲೈಲಾ ಅಲ್ಲ ನಾನ್ ಮಜ್ನು ಅಲ್ಲ' ಹೊಸಬರ ಸಿನಿಮಾ ಸೆಪ್ಟೆಂಬರ್‌ 8ಕ್ಕೆ ತೆರೆ ಕಾಣುತ್ತಿದೆ. ಅಜಯ್ ಕುಮಾರ್ ತೊಗರಿ ಈ ಚಿತ್ರವನ್ನು ನಿರ್ಮಿಸಿ, ನಾಯಕನಾಗಿ ನಟಿಸಿದ್ದಾರೆ. ಚಿತ್ರಕ್ಕೆ ಯಲ್ಲು ಪುಣ್ಯಕೋಟಿ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಅಶ್ವಿನಿ ಕಟ್ಟಿಮನಿ ಮತ್ತು ನಿಹಾರಿಕಾ ರಾವ್, ಡಿಂಗ್ರಿ ನರೇಶ್, ಕರಿಸುಬ್ಬು ಹಾಗೂ ಇನ್ನಿತರರು ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
(4 / 11)
3 ವರ್ಷಗಳ ಗ್ಯಾಪ್‌ ಬಳಿಕ ಅನುಷ್ಕಾ ಶೆಟ್ಟಿ ಹೊಸ ಸಿನಿಮಾ 'ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ' ಸೆಪ್ಟೆಂಬರ್‌ 7ಕ್ಕೆ ತೆರೆ ಕಾಣುತ್ತಿದೆ. ಯುವಿ ಕ್ರಿಯೇಷನ್ಸ್‌ ಈ ಚಿತ್ರಕ್ಕೆ ಬಂಡಾವಾಳ ಹೂಡಿದ್ದು ಮಹೇಶ್‌ ಬಾಬು ಪಿ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಅನುಷ್ಕಾ ಶೆಟ್ಟಿ, ಪೋಲಿ ಶೆಟ್ಟಿ, ಮುರಳಿ ಶರ್ಮಾ, ಜಯಸುಧಾ ಚಿತ್ರದ ಪ್ರಮುಖ ಪಾತ್ರವರ್ಗದಲ್ಲಿದ್ದಾರೆ.
(5 / 11)
ಅಟ್ಲಿ ನಿರ್ದೇಶನದಲ್ಲಿ ಶಾರುಖ್‌ ಖಾನ್‌ ನಾಯಕನಾಗಿ ನಟಿಸಿರುವ ಜವಾನ್‌ ಸಿನಿಮಾ ಸೆ.7 ಗುರುವಾರ ತೆರೆ ಕಾಣುತ್ತಿದೆ. ರೆಡ್‌ ಚಿಲ್ಲಿ ಎಂಟರ್‌ಟೈನ್ಮೆಂಟ್‌ ಬ್ಯಾನರ್‌ನಲ್ಲಿ ಶಾರುಖ್‌ ಪತ್ನಿ ಗೌರಿ ಖಾನ್‌ ಹಾಗೂ ಗೌರವ್‌ ವರ್ಮಾ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ನಯನ ತಾರಾ, ವಿಜಯ್‌ ಸೇತುಪತಿ, ಪ್ರಿಯಾಮಣಿ ಈ ಚಿತ್ರದಲ್ಲಿ ನಟಿಸಿದ್ದಾರೆ. ದೀಪಿಕಾ ಪಡುಕೋಣೆ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
(6 / 11)
ಹಾರರ್‌, ಥ್ರಿಲ್ಲರ್‌ ಕಥಾ ಹಂದರವಿರುವ 'ಅಂಗಾರಗನ್‌' ತಮಿಳು ಸಿನಿಮಾ ಇದೇ ಶುಕ್ರವಾರ ರಿಲೀಸ್‌ ಆಗುತ್ತಿದೆ. ಜೊಮೊನ್‌ ಫಿಲಿಪ್‌ ನಿರ್ಮಾಣದ ಚಿತ್ರವನ್ನು ಮೋಹನ್‌ ದಚ್ಚು ಕಥೆ ಬರೆದು ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಸತ್ಯರಾಜ್‌, ಶ್ರೀಪತಿ, ರೀನಾ ಹಾಗೂ ಇನ್ನಿತರರು ನಟಿಸಿದ್ದಾರೆ.
(7 / 11)
ವಿಲೇಜ್‌ ಬ್ಯಾಕ್‌ ಡ್ರಾಪ್‌ ಹೊಂದಿರುವ ತಮಿಳ್‌ ಕುಡಿಮಗನ್‌ ಗುರುವಾರ ರಿಲೀಸ್‌ ಆಗುತ್ತಿದೆ. ಚಿತ್ರವನ್ನು ಇಸಕ್ಕಿ ಕರವಣ್ಣನ್‌ ಕಥೆ ಬರೆದು ನಿರ್ಮಾಣ ಹಾಗೂ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಚೇರನ್‌, ಲಾಲ್‌, ಶ್ರೀ ಪ್ರಿಯಾಂಕ, ಚಂದ್ರಶೇಖರ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ.
(8 / 11)
ತುಡಿಕ್ಕುಮ್‌ ಕಾರಂಗಳ್‌ ತಮಿಳು ಸಿನಿಮಾ ಶುಕ್ರವಾರ ರಿಲೀಸ್‌ ಆಗುತ್ತಿದೆ. ಚಿತ್ರಕ್ಕೆ ಕೆ ಆನಂದುರೈ ನಿರ್ಮಾಣವಿದ್ದು ವೇಲುದಾಸ್‌ ಆಕ್ಷನ್‌ ಕಟ್‌ ಹೇಳಿದ್ದಾರೆ. ವಿಮಲ್‌, ಮಿಶಾ ನಾರಂಗ್‌, ಸತೀಶ್‌ ಹಾಗೂ ಇನ್ನಿತರರು ಚಿತ್ರದಲ್ಲಿ ಆಕ್ಟ್‌ ಮಾಡಿದ್ದಾರೆ.
(9 / 11)
ಸೆಪ್ಟೆಂಬರ್‌ 8ಕ್ಕೆ ಮುಕಲ್‌ ಪರಪ್ಪು ಮಲಯಾಳಂ ಸಿನಿಮಾ ರಿಲೀಸ್‌ ಆಗುತ್ತಿದೆ. ಜ್ಯೋತೀಸ್‌ ವಿಶನ್‌ ಬ್ಯಾನರ್‌ ಅಡಿಯಲ್ಲಿ ಚಿತ್ರ ನಿರ್ಮಾಣವಾಗಿದ್ದು ಸಿಬೆ ಪಡಿಯಾರಾ ನಿರ್ದೇಶಿಸಿದ್ದಾರೆ. ಅಪರ್ಣಾ ಹಾಗೂ ಜನಾರ್ಧನ್‌ ಪ್ರಮುಖ ಪಾತ್ರದಲ್ಲಿದ್ದಾರೆ.
(10 / 11)
'ವಾತಿಲ್‌' ಮಲಯಾಳಂ ಸಿನಿಮಾ ಕೂಡಾ ಸೆಪ್ಟೆಂಬರ್‌ 8ಕ್ಕೆ ರಿಲೀಸ್‌ ಆಗುತ್ತಿದೆ. ಸ್ಪಾರ್ಕ್‌ ಪಿಕ್ಚರ್ಸ್‌ ಬ್ಯಾನರ್‌ನಲ್ಲಿ ಸಿನಿಮಾ ನಿರ್ಮಾಣವಾಗಿದ್ದು ರಮಾಕಾಂತ್‌ ಸರ್ಜು ಆಕ್ಷನ್‌ ಕಟ್‌ ಹೇಳಿದ್ದಾರೆ. ವಿನಯ್‌ ಪೊರ್ಟ್‌, ಅನು ಸಿತಾರಾ, ವಿ ಕೃಷ್ಣ ಶಂಕರ್‌ ಹಾಗೂ ಇನ್ನಿತರರು ತಾರಾಗಣದಲ್ಲಿದ್ದಾರೆ.
(11 / 11)
ಸೂಪರ್‌ ನ್ಯಾಚುರಲ್‌ ಹಾರರ್‌ ಸಿನಿಮಾ 'ದಿ ನನ್‌ 2' ಸೆಪ್ಟೆಂಬರ್‌ 8ರಂದು ರಿಲೀಸ್‌ ಆಗುತ್ತಿದೆ. ನ್ಯೂ ಲೈನ್‌ ಸಿನಿಮಾ, ಅಟೊಮಿಕ್‌ ಮೊನ್ಸ್ಟರ್‌, ದಿ ಸಾಫ್ರನ್‌ ಕಂಪನಿ ಜೊತೆ ಸೇರಿ ಚಿತ್ರವನ್ನು ನಿರ್ಮಿಸಿದ್ದು ಮೈಕೆಲ್‌ ಚಾವೆಸ್‌ ನಿರ್ದೇಶನ ಮಾಡಿದ್ದಾರೆ. ತೈಸ್ಸಾ ಫಾರ್ಮಿಗಾ, ಜೋನಾಸ್ ಬ್ಲೋಕೆಟ್, ಸ್ಟಾರ್ಮ್ ರೀಡ್, ಅನ್ನಾ ಪಾಪಲ್ವೆಲ್ ಹಾಗೂ ಇನ್ನಿತರರು ಸಿನಿಮಾದಲ್ಲಿ ನಟಿಸಿದ್ದಾರೆ.
ಇತರ ಗ್ಯಾಲರಿಗಳು