Sandalwood News: ಪುನೀತ್‌ ರಾಜ್‌ಕುಮಾರ್‌ ರಮ್ಯಾ ರಕ್ಷಿತ್‌ ಶೆಟ್ಟಿ ನಂತರ ಹಾಸ್ಟೆಲ್ ಹುಡುಗರಿಗೆ ಸಾಥ್‌ ನೀಡುತ್ತಿರುವ ದೂದ್‌ ಪೇಡಾ ದಿಗಂತ್

ಸಿನಿಮಾ ಮಾಡುವುದೇ ಒಂದು ಸಾಹಸ. ಸಿನಿಮಾ ಮಾಡಿ ಜನರಿಗೆ ತಲುಪಿಸುವುದು ಇನ್ನೂ ದೊಡ್ಡ ಸಾಹಸ. ಅದಕ್ಕೆ ಸರಿಯಾದ ರೀತಿಯ ಪ್ರಚಾರದ ಅವಶ್ಯಕತೆ ಬಹಳ ಮುಖ್ಯ. ವಿಭಿನ್ನ ರೀತಿಯ ಚಿತ್ರಕ್ಕೆ ಅದೇ ರೀತಿ ವಿಶೇಷವಾಗಿ ಪ್ರಚಾರ ಬೇಕು. ಹಾಸ್ಟೆಲ್‌ ಹುಡುಗರು ಚಿತ್ರತಂಡ ಮೊದಲಿನಿಂದಲೂ ಇಂತಹ ವಿಭಿನ್ನ ಪ್ರಚಾರ ಮಾಡುತ್ತಲೇ ಬರುತ್ತಿದೆ.

ಆರಂಭದ ದಿನಗಳಿಂದಲೂ ಚಿತ್ರಪ್ರೇಮಿಗಳನ್ನು ನಾನಾ ರೀತಿ ಸೆಳೆಯುತ್ತಿರುವ ಈ ಸಿನಿಮಾಗೆ ಈಗ ಮತ್ತೊಬ್ಬ ಸ್ಟಾರ್ ಸಾಥ್ ಕೊಟ್ಟಿದ್ದಾರೆ. ಹಾಸ್ಟೆಲ್ ಹುಡುಗರಿಗೆ ದೂದ್ ಪೇಡಾ ಸಿಹಿ ಸಿಕ್ಕಿದೆ. ಅಂದರೆ ದೂದ್ ಪೇಡಾ ದಿಗಂತ್ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಪುನೀತ್ ರಾಜಕುಮಾರ್, ರಮ್ಯಾ, ರಿಷಬ್ ಶೆಟ್ಟಿ, ರಕ್ಷಿತ್ ಶೆಟ್ಟಿ, ಶೈನಿ ಶೆಟ್ಟಿ, ಪವನ್ ಕುಮಾರ್ ಬೆಂಬಲ ನೀಡಿರುವ ಈ ಚಿತ್ರದಲ್ಲಿ ದಿಗಂತ್‌ ಬಣ್ಣ ಹಚ್ಚಿದ್ದಾರೆ. ಆದರೆ ಅವರ ಪಾತ್ರ ಏನೆಂಬುದನ್ನು ಚಿತ್ರತಂಡ ಸಸ್ಪೆನ್ಸ್ ಆಗಿ ಇಟ್ಟಿದೆ. ಜುಲೈ 7ಕ್ಕೆ ದಿಗಂತ್ ಫಸ್ಟ್‌ ಲುಕ್ ರಿವೀಲ್ ಮಾಡುವುದಾಗಿ ಚಿತ್ರತಂಡ ಹೇಳಿಕೊಂಡಿದೆ.

ಯೂತ್ ಸಬ್ಜೆಕ್ಟ್ ಕಥೆಯನ್ನೊಳಗೊಂಡ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾವನ್ನು ನಿತಿನ್ ಕೃಷ್ಣಮೂರ್ತಿ ಕಥೆ ಬರೆದು ನಿರ್ದೇಶಿಸುತ್ತಿದ್ದಾರೆ. ಬಹುತೇಕ ರಂಗಭೂಮಿ ಪ್ರತಿಭೆಗಳು ನಟಿಸಿರುವ ಈ ಚಿತ್ರಕ್ಕೆ ವರುಣ್ ಸ್ಟುಡಿಯೋಸ್ ಹಾಗೂ ಗುಲ್ ಮೊಹರ್ ಫಿಲ್ಮ್ಸ್‌ ಬ್ಯಾನರ್ ಅಡಿ ಪ್ರಜ್ವಲ್ ಬಿಪಿ ವರುಣ್ ಕುಮಾರ್ ಗೌಡ, ನಿತಿನ್ ಕೃಷ್ಣಮೂರ್ತಿ, ಅರವಿಂದ್ ಕೆ ಕಶ್ಯಪ್ ಬಂಡವಾಳ ಹೂಡಿದ್ದಾರೆ.

ಪ್ರತಿ ಬಾರಿ ವಿಭಿನ್ನ ಕಾನ್ಸೆಪ್ಟ್‌ ಮೂಲಕ ಪ್ರಚಾರ ಮಾಡುತ್ತಿರುವ ಹಾಸ್ಟೆಲ್ ಹುಡುಗರನು ಸಿನಿಮಾವನ್ನು ರಕ್ಷಿತ್ ಶೆಟ್ಟಿ ಪರಂವಃ ಪಿಕ್ಚರ್ಸ್ ಮೂಲಕ ಅರ್ಪಿಸುತ್ತಿದ್ದಾರೆ. ಅಜನೀಶ್ ಲೋಕನಾಥ್ ಸಂಗೀತ ಅರವಿಂದ್ ಛಾಯಾಗ್ರಹಣ, ಸುರೇಶ್ ಸಂಕಲನ ಈ ಸಿನಿಮಾಗೆ ಇದೆ. ಜುಲೈನಲ್ಲಿ ಸಿನಿಮಾ ರಿಲೀಸ್‌ ಆಗಲಿದೆ. ಶೀಘ್ರದಲ್ಲೇ ಚಿತ್ರತಂಡ ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌ ಮಾಡಲಿದೆ.

ಮತ್ತಷ್ಟು ಸಿನಿಮಾ ಸುದ್ದಿಗಳು

ಮಗಳ ಸಾಧನೆ ಕೊಂಡಾಡಿ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಹಂಚಿಕೊಂಡ ಖ್ಯಾತ ನಟಿ ಮಾಧವಿ; ಕಂಗ್ರಾಟ್ಸ್‌ ಹೇಳಿದ ನೆಟ್ಟಿಗರು

ಮಾಧವಿ ಇತ್ತೀಚೆಗೆ ತಮ್ಮ ಎರಡನೇ ಮಗಳು ಪ್ರಿಸಿಲ್ಲಾ, ಓದಿನಲ್ಲಿ ಮಾಡಿದ ಸಾಧನೆಯನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಅಕ್ಕ, ತಂಗಿ ಹಾಗೂ ಮಾಧವಿ ದಂಪತಿ ಪ್ರೆಸಿಲ್ಲಾಗೆ ಹೂವಿನ ಗುಚ್ಛ ನೀಡಿ ಕಂಗ್ರಾಜುಲೇಷನ್‌ ಹೇಳುತ್ತಿರುವ ಫೋಟೋಗಳನ್ನು ಕೂಡಾ ಮಾಧವಿ ಹಂಚಿಕೊಂಡಿದ್ದಾರೆ. ಪೂರ್ತಿ ಗ್ಯಾಲರಿ ನೋಡಲು ಈ ಲಿಂಕ್‌ ಒತ್ತಿ.

ಈ ತಿಂಗಳಲ್ಲಿ ತೆರೆ ಕಂಡ, ಮುಹೂರ್ತ ಆಚರಿಸಿಕೊಂಡ ಸಿನಿಮಾಗಳಿವು; ಕನ್ನಡ ಚಿತ್ರ ಜಗತ್ತಿನ ಜೂನ್‌ ತಿಂಗಳ ಅನಾವರಣ ಇಲ್ಲಿದೆ

ಪ್ರತಿ ಶುಕ್ರವಾರ ಹಾಗೇ ಕೆಲವೊಮ್ಮೆ ಗುರುವಾರ ಬಂದರೆ ಹೊಸ ಹೊಸ ಸಿನಿಮಾಗಳು ತೆರೆ ಕಾಣುತ್ತವೆ. ಚಿತ್ರರಂಗದವರಿಗೆ, ಸಿನಿಪ್ರಿಯರಿಗೆ ಈ ಎರಡೂ ದಿನಗಳು ಬಹಳ ವಿಶೇಷ ಎಂದೇ ಹೇಳಬಹುದು. ಜೂನ್‌ ತಿಂಗಳಲ್ಲಿ ಅನೇಕ ಸಿನಿಮಾಗಳು ತೆರೆ ಕಂಡಿವೆ. ಅನೇಕ ಸಿನಿಮಾಗಳು ಮುಹೂರ್ತ ಆಚರಿಸಿಕೊಂಡಿವೆ. ಕೆಲವು ಮಹನೀಯರು ನಮ್ಮನ್ನು ಅಗಲಿದ್ದಾರೆ. ಜೂನ್‌ ಚಿತ್ರ ಜಗತ್ತಿನ ಅನಾವರಣ ಇಲ್ಲಿದೆ. ಸ್ಟೋರಿ ಓದಲು ಈ ಲಿಂಕ್‌ ಒತ್ತಿ.