Priyamani: ಮಹಾರಾಣಿಯಂತೆ ಕಂಗೊಳಿಸಿದ ಪ್ರಿಯಾಮಣಿ ; 45 ಟೈಲರ್‌ಗಳ ಪ್ರತಿಭೆಗೆ ಸಾಕ್ಷಿ ಈ ಸುಂದರ ಉಡುಗೆ
- ದಕ್ಷಿಣ ಭಾರತದ ಸುಂದರ ಪ್ರತಿಭಾನ್ವಿತ ನಟಿ ಪ್ರಿಯಾಮಣಿ ಸುಂದರವಾದ ಉಡುಗೆಯೊಂದನ್ನು ಧರಿಸಿ ಫೋಟೋಶೂಟ್‌ ಮಾಡಿದ್ದಾರೆ. ಸುಮಾರು 45 ಟೈಲರ್‌ಗಳು ಮತ್ತು ಕೈಯಲ್ಲಿ ಕಸೂತಿ ಮಾಡುವ ಮಹಿಳೆಯರ ಶ್ರಮದ ಫಲವಾಗಿ ಈ ವಿನೂತನ ಶೈಲಿಯ ಉಡುಗೆ ತಯಾರಾಗಿದೆ.
- ದಕ್ಷಿಣ ಭಾರತದ ಸುಂದರ ಪ್ರತಿಭಾನ್ವಿತ ನಟಿ ಪ್ರಿಯಾಮಣಿ ಸುಂದರವಾದ ಉಡುಗೆಯೊಂದನ್ನು ಧರಿಸಿ ಫೋಟೋಶೂಟ್‌ ಮಾಡಿದ್ದಾರೆ. ಸುಮಾರು 45 ಟೈಲರ್‌ಗಳು ಮತ್ತು ಕೈಯಲ್ಲಿ ಕಸೂತಿ ಮಾಡುವ ಮಹಿಳೆಯರ ಶ್ರಮದ ಫಲವಾಗಿ ಈ ವಿನೂತನ ಶೈಲಿಯ ಉಡುಗೆ ತಯಾರಾಗಿದೆ.
(1 / 8)
ಕನ್ನಡ, ತೆಲುಗು, ತಮಿಳು, ಮಲಯಾಳಂ ಸೇರಿದಂತೆ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಪ್ರಮುಖವಾಗಿ ನಟಿಸಿರುವ ಪ್ರಿಯಾಮಣಿ ಹೊಸ ಉಡುಗೆಯೊಂದನ್ನು ತೊಟ್ಟಿದ್ದಾರೆ. ಈ ಉಡುಗೆ ಸಾಕಷ್ಟು ವಿಶೇಷವಾಗಿದೆ. ಇಂಜಿರಿ ಮತ್ತು ಅವರ ತಂಡದ 45 ಟೈಲರ್‌ಗಳು ಮತ್ತು ಹ್ಯಾಂಡ್‌ವರ್ಕ್‌ ಮಹಿಳೆಯರ ಶ್ರಮದ ಫಲವಾಗಿ ಈ ಉಡುಗೆ ತಯಾರಾಗಿದೆ ಎಂದು ಪ್ರಿಯಾಮಣಿ ಬರೆದಿದ್ದಾರೆ.
(2 / 8)
ಈ ಉಡುಗೆ ದೂರದಿಂದ ನೋಡಿದಾಗ ಸೀರೆಯಂತೆ ಕಾಣಿಸುತ್ತದೆ. ಕೊಂಚ ಹತ್ತಿರದಿಂದ ನೋಡಿದರೆ ಈ ಉಡುಗೆಯ ವಿನ್ಯಾಸ, ಕಸೂತಿ ಗಮನ ಸೆಳೆಯುತ್ತವೆ. ಈ ಡ್ರೆಸ್‌ನಲ್ಲಿ ಪ್ರಿಯಾಮಣಿ ಮಹಾರಾಣಿಯಂತೆ ಕಾಣಿಸುತ್ತಾರೆ ಎಂದರೆ ತಪ್ಪಾಗದು.
(3 / 8)
ಇದೇ ಸಮಯದಲ್ಲಿ ಇವರು ಧರಿಸಿರುವ ಜ್ಯುವೆಲರಿಗಳೂ ಗಮನ ಸೆಳೆಯುತ್ತವೆ. ಕಿವಿಗೆ ದೊಡ್ಡ ಗಾತ್ರದ ಆಭರಣ ಧರಿಸಿದ್ದಾರೆ. ಹಣೆಯ ಮೇಲ್ಭಾಗದಲ್ಲಿ ಕೂದಲಿಗೆ ಜುವೆಲರಿ ಹಾಕಿಕೊಂಡಿದ್ದಾರೆ. ಇದೇ ಸಮಯದಲ್ಲಿ ತಲೆ ಕೂದಲನ್ನು ಜುಟ್ಟುಕೊಟ್ಟಿ ಅದಕ್ಕೆ ಹೂವನ್ನು ವೃತ್ತಾಕಾರವಾಗಿ ಕಟ್ಟಿಕೊಂಡು ಡಿಫರೆಂಟ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
(4 / 8)
ಈ ಫೋಟೋಗಳನ್ನು ನೋಡಿ ಅಭಿಮಾನಿಗಳು, ಸಿನಿಮಾರಂಗದ ಆತ್ಮೀಯರು "ಅದ್ಭುತ" "ಬಹುಸುಂದರವಾಗಿದೆ" ಎಂದೆಲ್ಲ ಕಾಮೆಂಟ್‌ ಮಾಡಿದ್ದಾರೆ. ಒಟ್ಟಾರೆ ಡಿಫರೆಂಟ್‌ ಲುಕ್‌ನಲ್ಲಿ ಅಭಿಮಾನಿಗಳಿಗೆ ಈ ಉಡುಗೆಯಲ್ಲಿ ಇಷ್ಟವಾಗಿದ್ದಾರೆ.
(5 / 8)
ಈ ಸೀರೆಗೆ ಹೊಂದಿಕೆಯಾಗುವಂತೆ ಪೂರ್ಣ ತೋಳಿನ ಬ್ಲೌಸ್‌ ಕೂಡ ಇದೆ. ಇದೇ ಸಮಯದಲ್ಲಿ ಇವರು ಮಾಡರ್ನ್‌ ಲುಕ್‌ನ ಹೊಸ ಫೋಟೋಗಳನ್ನೂ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಆ ಫೋಟೋಗಳನ್ನು ಮುಂದಿನ ಸ್ಲೈಡ್‌ಗಳಲ್ಲಿ ನೋಡಬಹುದು.
(6 / 8)
ಪ್ರಿಯಾಮಣಿ ನಟನೆಯ ಭಾಮಾ ಕಲಾಪಂ ಸಿನಿಮಾ ಇತ್ತೀಚೆಗೆ ಒಟಿಟಿಯಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗದೆ ನೇರವಾಗಿ ಒಟಿಟಿಯಲ್ಲಿ ಬಿಡುಗಡೆಯಾಗಿತ್ತು.
(7 / 8)
ಕಳೆದ ವರ್ಷ ಶಾರೂಖ್‌ ಖಾನ್‌ ನಟನೆಯ ಜವಾನ್‌ ಚಿತ್ರದಲ್ಲಿ ಪ್ರಿಯಾಮಣಿ ಕಾಣಿಸಿಕೊಂಡಿದ್ದರು. ಅಟ್ಲಿ ನಿರ್ದೇಶನದ ಜವಾನ್‌ ಸಿನಿಮಾದಲ್ಲಿ ಇವರು ಕೂಡ ಸಾಹಸಿ ಅಧಿಕಾರಿಯಾಗಿ ಅತ್ಯುತ್ತಮವಾಗಿ ನಟಿಸಿದ್ದರು.
(8 / 8)
ಪ್ರಿಯಾಮಣಿ ಕನ್ನಡದಲ್ಲೂ ಹಲವು ಸಿನಿಮಾದಲ್ಲಿ ನಟಿಸಿದ್ದಾರೆ. ನನ್ನ ಪ್ರಕಾರ, ಧ್ವಜ, ಚೌಕ, ಇದೊಳ್ಳೆ ರಾಮಾಯಾಣ, ದನ ಕಾಯೋನು, ಕಲ್ಪನಾ 2, ಕಥೆ ಚಿತ್ರಕಥೆ ನಿರ್ದೇಶನ ಪುಟ್ಟಣ್ಣ ಹೀಗೆ ಹಲವು ಸಿನಿಮಾಗಳ ಮೂಲಕ ಕನ್ನಡ ಸಿನಿಪ್ರೇಕ್ಷಕರಿಗೆ ಚಿರಪರಿಚಿತರಾಗಿದ್ದಾರೆ.
ಇತರ ಗ್ಯಾಲರಿಗಳು