Sandalwood News: ಕಾಟೇರ ನಡುವೆಯೇ ದರ್ಶನ್‌ ಹೊಸ ಚಿತ್ರಕ್ಕೆ ಸದ್ದಿಲ್ಲದೆ ನಡೆಯಿತು ಮುಹೂರ್ತ; ಡಿಬಾಸ್‌ನ ಡಿ 57 ಚಿತ್ರದ ವಿವರ
Challenging Star Darshan D57 Muhurta: ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ ನಟನೆಯ ಹೊಸ ಚಿತ್ರವೊಂದಕ್ಕೆ ಬೆಂಗಳೂರಿನನ ದೊಡ್ಡ ಮಹಾಗಣಪತಿ ದೇವಾಲಯದಲ್ಲಿ ಸದ್ದಿಲ್ಲದೆ ಮುಹೂರ್ತ ನಡೆದಿದೆ. ಮಿಲನ ಪ್ರಕಾಶ್ ಅವರು ಚಾಲೇಂಜಿಂಗ್ ಸ್ಟಾರ್ ದರ್ಶನ್‌ಗಾಗಿ ಈ ಸಿನಿಮಾ ಮಾಡುತ್ತಿದ್ದಾರೆ.
ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ ನಟನೆಯ ಹೊಸ ಚಿತ್ರವೊಂದಕ್ಕೆ ಬೆಂಗಳೂರಿನನ ದೊಡ್ಡ ಮಹಾಗಣಪತಿ ದೇವಾಲಯದಲ್ಲಿ ಸದ್ದಿಲ್ಲದೆ ಮುಹೂರ್ತ ನಡೆದಿದೆ. ಮಿಲನ ಪ್ರಕಾಶ್ ಅವರು ಚಾಲೇಂಜಿಂಗ್ ಸ್ಟಾರ್ ದರ್ಶನ್‌ಗಾಗಿ ಈ ಸಿನಿಮಾ ಮಾಡುತ್ತಿದ್ದಾರೆ. ಅಂದಹಾಗೆ, ಹೊಸ ಚಿತ್ರದ ಹೆಸರು ಇನ್ನೂ ಬಹಿರಂಗವಾಗಿಲ್ಲ. ಮುಹೂರ್ತ ಕಾರ್ಯಕ್ರಮದಲ್ಲಿ ಡೆವಿಲ್‌- ದಿ ಹೀರೋ ಎಂಬ ಟೈಟಲ್‌ ಕಾಣಿಸಿಕೊಂಡಿದೆ. ಸದ್ಯಕ್ಕೆ ಈ ಚಿತ್ರಕ್ಕೆ ಡಿ 57 ಎಂದು ಹೆಸರಿಡಲಾಗಿದೆ. ಇದೇ ರೀತಿ ರಜನಿಕಾಂತ್‌ ಅವರ ಚಿತ್ರಕ್ಕೆ ತಲೈವಾರ್‌ 170 ಎಂದು ಹೆಸರಿಟ್ಟಿರುವುದನ್ನು ನೆನಪಿಸಿಕೊಳ್ಳಬಹುದು.
ಈ ಚಿತ್ರವನ್ನು ವೈಷ್ಣೋ ಬ್ಯಾನರ್‌ನಡಿಯಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಮಿಲನ್‌ ಪ್ರಕಾಶ್ ನಿರ್ದೇಶನ, ಅಜನೀಶ್‌ ಲೋಕನಾಥ್‌ ಸಂಗೀತ ಈ ಚಿತ್ರಕ್ಕೆ ಇರಲಿದೆ. ಮಿಲನ ಪ್ರಕಾಶ್ ಅವರು ದರ್ಶನ್‌ಗಾಗಿ ಸಿನಿಮಾ ಮಾಡಲಿದ್ದಾರೆ ಎಂಬ ಗುಸುಗುಸು ಈ ಹಿಂದೆಯೇ ಗಾಂಧಿನಗರದಲ್ಲಿ ಹಬ್ಬಿತ್ತು. ಇದೀಗ ಇದು ನಿಜವಾಗಿದೆ.
ಸದ್ಯ ದರ್ಶನ್‌ ಕಾಟೇರ ಚಿತ್ರದ ಶೂಟಿಂಗ್‌ನಲ್ಲಿ ಬಿಝಿಯಾಗಿದ್ದಾರೆ. ಗುಜರಾತ್‌ನಲ್ಲಿ ಶೂಟಿಂಗ್‌ ನಡೆಯುತ್ತಿದ್ದರೂ ಬಿಡುವು ಮಾಡಿಕೊಂಡು ಬಂದು ನಿನ್ನೆ ಗರಡಿ ಚಿತ್ರದ ಟ್ರೈಲರ್‌ ಲಾಂಚ್‌ ಮಾಡಿದ್ದರು. ಇದು ಯೋಗರಾಜ್‌ ಭಟ್‌ ನಿರ್ದೇಶನದ ಚಿತ್ರ. ಈ ಚಿತ್ರದಲ್ಲೂ ದರ್ಶನ್‌ ನಟಿಸಿದ್ದಾರೆ. ಸೂರ್ಯ ನಾಯಕನಾಗಿರುವ ಈ ಚಿತ್ರದಲ್ಲಿ ದರ್ಶನ್‌ಗೆ ಅತಿಥಿ ಪಾತ್ರವಿದೆ.
ಡಿಬಾಸ್‌ ನಟನೆಯ ಹೊಸ ಚಿತ್ರಕ್ಕೆ ಮುಹೂರ್ತ ನಡೆದಿದ್ದು, ಅಭಿಮಾನಿಗಳು ಥ್ರಿಲ್‌ ಆಗಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ಡಿ57 ಹವಾ ಕಾಣಿಸಿಕೊಳ್ಳುತ್ತಿದೆ. ಸಾಕಷ್ಟು ಜನರು ಮುಹೂರ್ತ ಕಾರ್ಯಕ್ರಮದ ಫೋಟೋ ಹಂಚಿಕೊಂಡಿದ್ದಾರೆ.
ಇದೇ ಸಂದರ್ಭದಲ್ಲಿ ಮಿಲನ ಪ್ರಕಾಶ್ ಅವರು ಎಕ್ಸ್‌ನಲ್ಲಿ "ನನ್ನ ಮುಂದಿನ ಚಿತ್ರ D-57 ಸಿನೆಮಾದ ಮುಹೂರ್ತ ಇಂದು ಬೆಂಗಳೂರಿನ ದೊಡ್ಡ ಮಹಾ ಗಣಪತಿ ದೇವಸ್ಥಾನದಲ್ಲಿ ನಡೆಯಿತು" ಎಂದು ಟ್ವೀಟ್‌ ಮಾಡಿದ್ದಾರೆ.
ಸದ್ದಿಲ್ಲದೆ ಸೆಟ್ಟೇರಿದ ಡಿಬಾಸ್‌ರವರ D-57 ಹೊಸ ಸಿನಿಮಾ.. ಜೈ ಮಾತಾ ಕಂಬೈನ್ಸ್ ಬ್ಯಾನರ್ ಅಡಿಯಲ್ಲಿ ಮಿಲನ ಪ್ರಕಾಶ್ ಅವರ ನಿರ್ದೇಶನದಲ್ಲಿ ಚಾಲೆಂಜಿಂಗ್ ಸ್ಟಾರ್ ದಾಸ ದರ್ಶನ್‌ರವರರವರ ಹೊಸ ಸಿನೆಮಾದ ಮುಹೂರ್ತ ಇಂದು ಬೆಂಗಳೂರಿನ ದೊಡ್ಡ ಮಹಾ ಗಣಪತಿ ದೇವಸ್ಥಾನದಲ್ಲಿ ನಡೆಯಿತು ಎಂದು ಚಾಲೆಂಜಿಂಗ್ ಸ್ಟಾರ್ ಫ್ಯಾನ್‌ ಪೇಜ್‌ನಲ್ಲಿ ಮಾಹಿತಿ ಹಂಚಿಕೊಳ್ಳಲಾಗಿದೆ.
ನಿನ್ನೆ ಗರಡಿ ಚಿತ್ರದ ಮುಹೂರ್ತಕ್ಕೆ ಆಗಮಿಸಿದ ನಟ ನರ್ಶನ್‌ ಅವರು ತಾನು ಟ್ರೈಲರ್‌ ರಿಲೀಸ್‌ ಮಾಡದೆ ವೇದಿಕೆಯ ಮುಂಭಾಗದಲ್ಲಿದ್ದ ಸೌಮ್ಯ ಎಂಬ ಯುವತಿಯ ಕೈಯಿಂದ ಟ್ರೈಲರ್‌ ರಿಲೀಸ್‌ ಮಾಡಿದ್ದರು. "ನಮ್ಮ ಸಿನಿಮಾದ ಟ್ರೈಲರ್‌ ನಾವೇ ಬಿಡುಗಡೆ ಮಾಡಿದರೆ ಹೇಗೆ, ಸೌಮ್ಯ ವೇದಿಕೆ ಮೇಲೆ ಬಾರಮ್ಮ" ಎಂದು ವೇದಿಕೆಯ ಮುಂಭಾಗದಲ್ಲಿ ಕುಳಿತಿದ್ದ ಸೌಮ್ಯರನ್ನು ನಟ ದರ್ಶನ್‌ ವೇದಿಕೆಗೆ ಆಹ್ವಾನಿಸಿದರು. ವೇದಿಕೆಗೆ ಸೌಮ್ಯರನ್ನು ಕೈ ಹಿಡಿದು ಆಹ್ವಾನಿಸಿದ ನಟ ದರ್ಶನ್‌ "ಪ್ಲೇ ಮಾಡು ಚಿನ್ನ" ಎಂದು ಟ್ರೈಲರ್‌ ಲಾಂಚ್‌ ಮಾಡಿಸಿದರು. ದರ್ಶನ್‌ ಈ ನಡೆ ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿತ್ತು.
ಇತ್ತೀಚೆಗೆ ದಸರಾ ಹಬ್ಬದ ಸಂದರ್ಭದಲ್ಲಿ ಸ್ಯಾಂಡಲ್ವುಡ್ ನಟ ದರ್ಶನ್‌ ತೂಗುದೀಪ ತನ್ನ ಮುಂಬರುವ ಚಿತ್ರ ಕಾಟೇರದ ಹೊಸ ಪೋಸ್ಟರ್‌ ಬಿಡುಗಡೆ ಮಾಡಿದ್ದರು. ದರ್ಶನ್‌ ಅವರ ಮುಂದಿನ ಚಿತ್ರ ಕಾಟೇರದ ಹೊಸ ಪೋಸ್ಟರ್‌ನಲ್ಲಿ ಡಿಬಾಸ್‌ ಮಾಸ್‌ ಲುಕ್‌ನಲ್ಲಿ ಕಾಣಿಸುತ್ತಿದ್ದಾರೆ. ಚಾಮುಂಡೇಶ್ವರಿ ದೇವಿಯ ಮುಂದೆ ನೆಲಕ್ಕೆ ಮಂಡಿಯೂರಿ ಶತ್ರುಗಳ ವಿರುದ್ಧ ಹೋರಾಟಕ್ಕೆ ಸಿದ್ಧವಾಗಿರುವಂತಹ ಭಂಗಿಯಲ್ಲಿ ದರ್ಶನ್‌ ಈ ಪೋಸ್ಟರ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಪೋಸ್ಟರ್‌ ಕೂಡ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು. ಈಗ ಪೋಸ್ಟರ್‌ ಕೂಡ ಟ್ರೆಂಡಿಂಗ್‌ನಲ್ಲಿದೆ, ಇದು ಡಿಬಾಸ್‌ ಪವರ್‌ ಎಂದು ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾದಲ್ಲಿ ಖುಷಿಪಡುತ್ತಿದ್ದರು.
ವಿಭಾಗ