ಬರ್ತ್‌ಡೇಗೆ ಶುಭ ಕೋರಿ ಶ್ರುತಿ ಫಸ್ಟ್‌ ಲುಕ್‌ ರಿಲೀಸ್ ಮಾಡಿದ ಕಾಟೇರ ಚಿತ್ರತಂಡ
ಕಾಟೇರ ಚಿತ್ರದಲ್ಲಿ ನಟಿ ಶ್ರುತಿ ಕೂಡಾ ನಟಿಸಿದ್ದು ಚಿತ್ರತಂಡ ಹಿರಿಯ ನಟಿಗೆ ಫಸ್ಟ್‌ ಲುಕ್‌ ರಿಲೀಸ್ ಮಾಡುವ ಮೂಲಕ ಶುಭ ಕೋರಿದೆ. ತರುಣ್‌ ಸುಧೀರ್‌, ರಾಕ್‌ಲೈನ್‌ ಎಂಟರ್‌ಟೈನ್ಮೆಂಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ಫಸ್ಟ್‌ ಲುಕ್‌ ಹಂಚಿಕೊಳ್ಳಲಾಗಿದೆ.
ದೇಶಾದ್ಯಂತ ಇಂದು ಗೌರಿ ಗಣೇಶ ಹಬ್ಬವನ್ನು ಆಚರಿಸಲಾಗುತ್ತಿದೆ. ಇಂದು ಸ್ಯಾಂಡಲ್‌ವುಡ್‌ನಲ್ಲಿ ಹಬ್ಬದ ಸಂಭ್ರಮ. ಹಿರಿಯ ನಟ ಡಾ. ವಿಷ್ಣುವರ್ಧನ್‌, ಉಪೇಂದ್ರ, ಶ್ರುತಿ ಈ ಮೂವರು ಹುಟ್ಟಿದ ದಿನ. ಗಣೇಶ ಚತುರ್ಥಿಯ ವಿಶೇಷ ಸಂದರ್ಭದಂದು 'ಕಾಟೇರ' ಚಿತ್ರತಂಡ ಶ್ರುತಿ ಅವರಿಗೆ ವಿಶ್‌ ಮಾಡಿ ಫಸ್ಟ್‌ ಲುಕ್‌ ರಿಲೀಸ್ ಮಾಡಿದೆ.
ಕಾಟೇರ ಚಿತ್ರದಲ್ಲಿ ಶ್ರುತಿ
ಕಾಟೇರ ಚಿತ್ರದಲ್ಲಿ ನಟಿ ಶ್ರುತಿ ಕೂಡಾ ನಟಿಸಿದ್ದು ಚಿತ್ರತಂಡ ಹಿರಿಯ ನಟಿಗೆ ಫಸ್ಟ್‌ ಲುಕ್‌ ರಿಲೀಸ್ ಮಾಡುವ ಮೂಲಕ ಶುಭ ಕೋರಿದೆ. ತರುಣ್‌ ಸುಧೀರ್‌, ರಾಕ್‌ಲೈನ್‌ ಎಂಟರ್‌ಟೈನ್ಮೆಂಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ಫಸ್ಟ್‌ ಲುಕ್‌ ಹಂಚಿಕೊಳ್ಳಲಾಗಿದೆ. ದರ್ಶನ್‌ ಅಭಿಮಾನಿಗಳು ಶ್ರುತಿ ಅವರಿಗೆ ಬರ್ತ್‌ಡೇ ಶುಭ ಕೋರುತ್ತಿದ್ದಾರೆ. ಈ ದಿನ ಕಾಟೇರ ಟ್ರೇಲರ್‌ ರಿಲೀಸ್ ಮಾಡಿದಿದ್ದರೆ ಚೆನ್ನಾಗಿರುತ್ತಿತ್ತು ಎಂದು ಕೂಡಾ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ.
'ಕಾಟೇರ' ಚಿತ್ರವನ್ನು ರಾಕ್‌ಲೈನ್‌ ಎಂಟರ್‌ಟೈನ್ಮೆಂಟ್‌ ಬ್ಯಾನರ್‌ ಅಡಿ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಿಸಿದ್ದು ತರುಣ್‌ ಸುಧೀರ್‌ ಆಕ್ಷನ್‌ ಕಟ್‌ ಹೇಳಿದ್ದಾರೆ. ತರುಣ್‌ ನಿರ್ದೇಶನದ 'ಚೌಕ' ಚಿತ್ರದಲ್ಲಿ ದರ್ಶನ್‌ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು. ಅದಾದ ನಂತರ 'ರಾಬರ್ಟ್‌' ಸಿನಿಮಾಗೆ ತರುಣ್‌ ಸುಧೀರ್‌ ಆಕ್ಷನ್‌ ಕಟ್‌ ಹೇಳಿದ್ದರು. ಇದೀಗ 'ಕಾಟೇರ' ಚಿತ್ರದ ಮೂಲಕ ದರ್ಶನ್‌ ಹಾಗೂ ತರುಣ್‌ ಸುಧೀರ್‌ ಹಾಗೂ ದರ್ಶನ್‌ ಮತ್ತೆ ಒಂದಾಗುತ್ತಿದ್ದಾರೆ. ಚಿತ್ರದಲ್ಲಿ ದರ್ಶನ್‌ಗೆ ನಾಯಕಿಯಾಗಿ ಮಾಲಾಶ್ರೀ ಪುತ್ರಿ ಆರಾಧನಾ ರಾಮ್‌ ನಟಿಸಿದ್ದಾರೆ.
ದಸರಾಗೆ ಕಾಟೇರ ರಿಲೀಸ್ ಸಾಧ್ಯತೆ
ಇತ್ತೀಚೆಗೆ ಚಿತ್ರತಂಡ ಸುದ್ದಿಗೋಷ್ಠಿ ನಡೆಸಿ 'ಕಾಟೇರ' ಚಿತ್ರದ ಬಗ್ಗೆ ಮಾಹಿತಿ ಹಂಚಿಕೊಂಡಿತ್ತು. ಆದಷ್ಟು ಬೇಗ ನಿಮ್ಮ ಮುಂದೆ ಬರುತ್ತೇವೆ ಎಂದು ಚಿತ್ರತಂಡ ಹೇಳಿತ್ತು. ಬಹುಶ: ದಸರಾಗೆ ಸಿನಿಮಾ ರಿಲೀಸ್ ಆಗಬಹುದು ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ. ಸುಮಾರು 2 ವರ್ಷಗಳ ನಂತರ ದರ್ಶನ್‌ ಮಾಧ್ಯಮಗಳ ಮುಂದೆ ಹಾಜರಿದ್ದರು. 'ಕ್ರಾಂತಿ' ಸಿನಿಮಾ ನಂತರ ಅಭಿಮಾನಿಗಳು ಕಾಟೇರ ಸಿನಿಮಾ ನೋಡಲು ಕಾಯುತ್ತಿದ್ದಾರೆ. ಚಿತ್ರದಲ್ಲಿ ದರ್ಶನ್‌, ಆರಾಧನಾ ರಾಮ್‌ ಜೊತೆಗೆ, ಶ್ರುತಿ, ಕುಮಾರ್‌ ಗೋವಿಂದ್‌, ಜಗಪತಿ ಬಾಬು ನಟಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ವಿ ಹರಿಕೃಷ್ಣ ಸಂಗೀತ ನೀಡಿದ್ದಾರೆ.
ಹೆಚ್ಚಿನ ಮನರಂಜನೆ ಸುದ್ದಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
