ನಾನು ನಂದಿನಿ ಹೊಸ ವರ್ಷನ್‌ ಬರೆದು ಸ್ಯಾಂಡಲ್ವುಡ್ ಹುಳುಕು ಬಿಚ್ಚಿಟ್ರಾ ಸಿಂಧು ಲೋಕನಾಥ್‌?
ಸಿಂಧು ಬರೆದಿರುವ ಹಾಡುಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ನೆಟಿಜನ್ಸ್‌ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಒಂದೊಂದು ಸಾಲುಗಳು ಬೆಂಕಿ ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ.
ಕೆಲವು ದಿನಗಳಿಂದ ಸೋಷಿಯಲ್‌ ಮೀಡಿಯಾದಲ್ಲಿ ನಾನು ನಂದಿನಿ, ಬೆಂಗ್ಳೂರಿಗ್‌ ಬಂದೀನಿ ಎಂಬ ಹಾಡು ಬಹಳ ವೈರಲ್ ಆಗುತ್ತಿದೆ. ವಿಕಿಪೀಡಿಯಾ ಹಾಗೂ ತಂಡ ಕ್ರಿಯೇಟ್‌ ಮಾಡಿದ ಈ ಹಾಡಿಗೆ ಯಾರು ನೋಡಿದ್ರೂ ರೀಲ್ಸ್‌ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಡುತ್ತಿದ್ದಾರೆ. ಇದೀಗ ನಟಿ ಸಿಂಧು ಲೋಕನಾಥ್‌ ಇದೇ ಹಾಡನ್ನು ಬಳಸಿಕೊಂಡು ಹೊಸ ವರ್ಷನ್‌ವೊಂದನ್ನು ರೆಡಿ ಮಾಡಿದ್ದು ಸಿಂಧು ಬರೆದು ಹಾಡು ಕೂಡಾ ವೈರಲ್ ಆಗುತ್ತಿದೆ.
ಹೊಸ ಹಾಡು ಬರೆದ ನಟಿ
ಈ ಹಾಡಿನ ಮೂಲಕ ಸಿಂಧು ಲೋಕನಾಥ್‌, ಕನ್ನಡ ಚಿತ್ರರಂಗಕ್ಕೆ ಟಾಂಗ್‌ ಕೊಟ್ಟಿದ್ಧಾರೆ ಎಂಬ ಮಾತು ಕೇಳಿ ಬರುತ್ತಿದೆ. ಸಿನಿಮಾಗಳು, ನಟ ನಟಿಯರು, ನಿರ್ದೇಶಕರಿಗೆ ಕೊಡುವ ಅವಾರ್ಡ್ ಬಗ್ಗೆ ಮೊದಲಿನಿಂದಲೂ ನಕಾರಾತ್ಮಕ ಮಾತುಗಳು ಕೇಳಿಬರುತ್ತಿದೆ. ಪ್ರತಿಭಾನ್ವಿತ ತಾರೆಯರಿಗೆ ಅವಾರ್ಡ್ ದೊರೆಯವುದೇನೋ ಸರಿ, ಆದರೆ ನಟನೆಯೇ ಬಾರದವರಿಗೆ ಕೆಲವೊಮ್ಮೆ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ. ಅದೇ ರೀತಿ ನೋಡಲು ಯೋಗ್ಯವಲ್ಲದ ಅನೇಕ ಸಿನಿಮಾಗಳಿಗೆ ಅವಾರ್ಡ್ ದೊರೆತಿದೆ ಎಂಬ ಬೇಸರ ಕೆಲವರಲ್ಲಿ ಮನೆ ಮಾಡಿದೆ. ಸಿಂಧು ಲೋಕನಾಥ್‌ ಇದೇ ವಿಚಾರವನ್ನು ಮನಸ್ಸಿನಲ್ಲಿಟ್ಟುಕೊಂಡು ಈ ಹಾಡನ್ನು ಬರೆದಿದ್ದಾರೆ ಎನ್ನಲಾಗುತ್ತಿದೆ.
ನಾನು ನಂದಿನಿ ಬೆಂಗ್ಳೂರಿಗ್‌ ಬಂದೀನಿ
ಸಿನಿಮಾ ಮಾಡ್ತೀನಿ ಹೀರೋಯಿನ್ ಆಗ್ತೀನಿ
ಆಕ್ಟಿಂಗ್ ಬರಲ್ಲ ಆದ್ರೂ ಅವಾರ್ಡ್ ತಗೊತೀನಿ
ಬಂದಿದ್‌ ದುಡ್ಡೆಲ್ಲಾ ಮಜಾ ಉಡಾಯಿಸ್ತೀನಿ
ಬಾರೇ ನಂದಿನಿ ಬೆಂಗ್ಳೂರ್‌ ತೋರಿಸ್ತೀನಿ
ಬೇ ಬೇ ಬೇಡಾ
ಬಾರೇ ನಂದಿನಿ ಡ್ರೈವ್ ಕರ್ಕೊಂಡ್‌ ಹೋಗ್ತೀನಿ
ಹೋ ಬೇಡ ಹೋ ಬೇಡ
ಬಾರೇ ನಂದಿನಿ ಟಾಲಿವುಡ್ ತೋರಿಸ್ತೀನಿ
ಬೇ ಬೇ ಬೇಡ
ಬಾರೇ ನಂದಿನಿ ಕಾಲಿವುಡ್ ತೋರಿಸ್ತೀನಿ
ಹೋ ಬೇಡ ಹೋ ಬೇಡ
ನೋಡಮ್ಮ ಇಲ್ಲಿ ನೀನು ಆಕ್ಟಿಂಗ್ ಕಲಿಬೇಕು
ಇಲ್ಲದಿದ್ರೆ ನಿಂಗಿಲ್ಲಿ ಕಷ್ಟ ಆಗುತ್ತೆ
ಸರ್ ನಾನು ಗ್ಲಾಮರಸ್ ಬಟ್ಟೆ ಹಾಕೊತೀನಿ
ಯಾಕಂದ್ರೆ ನನ್‌ ಆಕ್ಟಿಂಗ್ ಅಷ್ಟಕ್ ಅಷ್ಟೆ
ಐ ಕ್ಯಾನ್ ಟ್ರೈ, ಐ ಕ್ಯಾನ್ ಆಕ್ಟ್, ಇಫ್ ನಾಟ್ ಐ ವಿಲ್ ಫ್ಲೈ ಟು ಬಾಲಿವುಡ್
ನಾನು ನಂದಿನಿ ಬೆಂಗ್ಳೂರಿಗ್‌ ಬಂದೀನಿ
ಸಿನಿಮಾ ಮಾಡ್ತೀನಿ ಹೀರೋಯಿನ್ ಆಗ್ತೀನಿ
ಆಕ್ಟಿಂಗ್ ಬರಲ್ಲ ಆದ್ರೂ ಅವಾರ್ಡ್ ತಗೊತೀನಿ
ಎಂದು ಸಿಂಧು ಲೋಕನಾಥ್‌ ಹಾಡನ್ನು ಬರೆದು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಸಿಂಧು ಬರೆದಿರುವ ಹಾಡುಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ನೆಟಿಜನ್ಸ್‌ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಒಂದೊಂದು ಸಾಲುಗಳು ಬೆಂಕಿ ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ.
ಪರಿಚಯ ಚಿತ್ರದ ಮೂಲಕ ನಟನೆಗೆ ಬಂದ ಸಿಂಧು
ಸಿಂಧು ಲೋಕನಾಥ್‌ 2009ರಲ್ಲಿ ತೆರೆ ಕಂಡ ಪರಿಚಯ ಚಿತ್ರದ ಮೂಲಕ ಬಣ್ಣದ ಬದುಕಿಗೆ ಬಂದರು. ಲೈಫು ಇಷ್ಟೇನೇ, ಯಾರೇ ಕೂಗಾಡಲಿ, ಡ್ರಾಮಾ, ಕಾಫಿ ವಿತ್‌ ಮೈ ವೈಫ್‌, ಲವ್‌ ಇನ್‌ ಮಂಡ್ಯ, ಮಿಸ್ಟರ್‌ ಐರಾವತ, ಹೀಗೊಂದು ದಿನ ಸೇರಿ ಸಿಂಧು ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. 2017ರಲ್ಲಿ ಸಿಂಧು ಶ್ರೇಯಸ್‌ ಎಂಬುವರನ್ನು ಮದುವೆ ಆಗಿದ್ದರು. ಆದರೆ ಈಗ ಪತಿಯಿಂದ ದೂರಾಗಿದ್ದಾರೆ. ಸಿನಿಮಾಗಳಲ್ಲೂ ಅವರು ಮೊದಲಿನಂತೆ ಸಕ್ರಿಯರಾಗಿಲ್ಲ.
