Actress Reels: ತಂಗಾಳಿ ಕೂಡ ನಾಚಿ ನೀರಾಗೋಯ್ತು, ಸಿವಂಗಿ ಎಂದು ತೆಲುಗಿಗೆ ಹೋದ್ರೂ ಕನ್ನಡ ಮರೆಯದ ಅಂತರಪಟ ಸೀರಿಯಲ್‌ ಸಿರಿ
Kannada Actress Reels Love: ಕಿರುತೆರೆ ನಟಿ ಪ್ರತಿಮಾ ಈಗ ಸಿವಂಗಿ ಎಂಬ ತೆಲುಗು ಸೀರಿಯಲ್‌ನಲ್ಲಿ ನಟಿಸುತ್ತಿದ್ದಾರೆ. ಕನ್ನಡ ಕಿರುತೆರೆ ಪ್ರೇಕ್ಷಕರಿಗೆ ಇವರು ಅಂತರಪಟ ಸೀರಿಯಲ್‌ನಲ್ಲಿ ಸಿರಿಯಾಗಿ ಅಚ್ಚುಮೆಚ್ಚು. ಪ್ರತಿಮಾ ಟಿ ಅವರ ಸಂಕ್ಷಿಪ್ತ ಪರಿಚಯ ಮತ್ತು ಅವರ ರೀಲ್ಸ್‌ ನೋಡೋಣ ಬನ್ನಿ.
ಬೆಂಗಳೂರು: ಕನ್ನಡ ಕಿರುತೆರೆ ನಟಿ ಪ್ರತಿಮಾ ಈಗ ಸಿವಂಗಿ ಎಂಬ ತೆಲುಗು ಸೀರಿಯಲ್‌ನಲ್ಲಿ ನಟಿಸುತ್ತಿದ್ದಾರೆ. ಕನ್ನಡ ಕಿರುತೆರೆ ಪ್ರೇಕ್ಷಕರಿಗೆ ಇವರು ಅಂತರಪಟ ಸೀರಿಯಲ್‌ನಲ್ಲಿ ಸಿರಿಯಾಗಿ ಪರಿಚಯ. ಇದಕ್ಕೂ ಮೊದಲು ಇವರು ದೊರೆಸಾನಿ ಎಂಬ ಸೀರಿಯಲ್‌ನಲ್ಲಿ ನಟಿಸುತ್ತಿದ್ದರು. ಇವರಿಗೆ ಇನ್‌ಸ್ಟಾಗ್ರಾಂನಲ್ಲಿ ರೀಲ್ಸ್‌ ಮಾಡೋದು ಅಚ್ಚುಮೆಚ್ಚು. ಇದೇ ಕಾರಣಕ್ಕೆ ಹಿಂದೂಸ್ತಾನ್ ಟೈಮ್ಸ್‌ನ ರೀಲ್ಸ್‌ ಸರಣಿಯಲ್ಲಿ ಇಂದು ನಟಿ ಪ್ರತಿಮಾರ ಕುರಿತು ತಿಳಿದುಕೊಳ್ಳುತ್ತ ಅವರ ರೀಲ್ಸ್‌ ಕಡೆಗೂ ಗಮನಹರಿಸೋಣ.
ತಂಗಾಳಿ ಕೂಡ ನಾಚಿ ನೀರಾಗೋಯ್ತು
ಪ್ರತಿಮಾ ಇದೀಗ ನೀಲಾಂಬರಿ ಸಿನಿಮಾದ "ತಂಗಾಳಿ ಕೂಡ ನಾಚಿ ನೀರಗೋಯ್ತು ನನ್ನ ತಳುಕು ಬಳುಕಿನೊಳಗೆ ...ಏಏ ಏಏ ಏ ಆಕಾಶ ಭೂಮಿ ಕೂಡ ದಾರಿ ಕಂಡ್ರು ನನ್ನ ಕಣ್ಣ ಬೆಳಕಿನೊಳಗೆ ಗೆಳತಿ ನಾನೇ ಕಣೇ ಎಲ್ಲಾ ದಿಕ್ಕು ಸೊಕ್ಕುಗಳಿಗೆ ಒಡತಿ ನಾನೇ ಕಣೇ ಎಂದು ಪಂಚ ಭೂತಗಳಿಗೆ ಹೃದಯದ ರಥವಿದೆ ಚೆಲುವಿನ ಪಥವಿದೆ ಮಾಯದ ಲೋಕದ ಕಿನ್ನರಿ ಕಿಂದರಿ ನಾನೇ ನಾನೇ" ಹಾಡಿಗೆ ರೀಲ್ಸ್‌ ಮಾಡಿದ್ದಾರೆ.
ಕೆಂಪು ತೋಟದಲ್ಲಿ ಪಾರಿವಾಳ
ಯುದ್ಧಕಾಂಡ ಸಿನಿಮಾದ "ಕೆಂಪು ತೋಟದಲ್ಲಿ ಒಮ್ಮೆ ಹಾರಬಾರದೇನೇ ಪಾರಿವಾಳವೇ" ಗೀತೆಯ "ಕೆಂಪು ತೋಟದಲ್ಲಿ ಪಾರಿವಳಾ ನೋಡಲಿಕ್ಕೆ ರಾಯಭಾರವೇ" ತುಣುಕಿಗೂ ರೀಲ್ಸ್‌ ಮಾಡಿದ್ದಾರೆ.
ಇವೆರಡು ರೀಲ್ಸ್‌ಗಳು ಜಸ್ಟ್‌ ಸ್ಯಾಂಪಲ್‌ ಅಷ್ಟೇ. ಕನ್ನಡ ನಟಿ ಪ್ರತಿಮಾಗೆ ರೀಲ್ಸ್‌ ಮಾಡೋದು ಅಚ್ಚುಮೆಚ್ಚು. ಅದರಲ್ಲೂ ಕನ್ನಡದ ಹಳೆಯ ಗೀತೆಗಳಿಗೆ ರೀಲ್ಸ್‌ ಮಾಡಲು ಇಷ್ಟಪಡುತ್ತಾರೆ. ಇವರು ಇದೀಗ ಸಿವಂಗಿ ಎಂಬ ತೆಲುಗು ಸೀರಿಯಲ್‌ನಲ್ಲಿ ನಟಿಸುತ್ತಿದ್ದಾರೆ. ಈ ಸೀರಿಯಲ್‌ ಇತ್ತೀಚೆಗೆ 100 ಎಪಿಸೋಡ್‌ಗಳನ್ನು ಮುಗಿಸಿದೆ. ಪರಭಾಷೆಯಲ್ಲಿ ನಟನೆಗೆ ಅವಕಾಶ ಸಿಕ್ಕಾಗ ಸಂಪೂರ್ಣವಾಗಿ ಕನ್ನಡ ಮರೆಯುವುದನ್ನು ಹೆಚ್ಚಿನವರು ಮಾಡುತ್ತಾರೆ. ಆದರೆ, ಪ್ರತಿಮಾ ಸಿವಂಗಿಯಲ್ಲಿ ನಟಿಸುತ್ತಿದ್ದರೂ ಕನ್ನಡ ಹಾಡುಗಳಿಗೆ ರೀಲ್ಸ್‌ ಮಾಡುತ್ತ ಫ್ಯಾನ್ಸ್‌ಗೆ ಮುದ ನೀಡುತ್ತಿದ್ದಾರೆ.
ಕನ್ನಡ ಸೀರಿಯಲ್‌ ನಟಿಯ ಪರಿಚಯ
ಕಲರ್ಸ್‌ ಕನ್ನಡ ವಾಹಿನಿಯ ಅಂತರಪಟ ಸೀರಿಯಲ್‌ನಲ್ಲಿ ನಾಯಕಿ ಆರಾಧನಾ ಅವರ ಮಲತಂಗಿ ಸಿರಿಯಾಗಿ ನಟಿಸುತ್ತಿದ್ದರು. ಈ ಸೀರಿಯಲ್‌ ಮೂಲಕ ಕಿರುತೆರೆಗೆ ಎಂಟ್ರಿ ನೀಡಿದ್ದರು. ಇವರಿಗೆ ಸನ್‌ ನೆಟ್‌ವರ್ಕ್‌ನ ಜೆಮಿನಿ ವಾಹಿನಿಯ ಹೊಸ ಧಾರಾವಾಹಿ ಸಿವಂಗಿಯಲ್ಲಿ ನಟಿಸುವ ಅವಕಾಶ ದೊರಕಿತ್ತು. ಸಿವಂಗಿ ಸೀರಿಯಲ್‌ನಲ್ಲಿ ಆನಂದಿ ಪಾತ್ರದಲ್ಲಿ ತೆಲುಗು ಕಿರುತೆರೆ ಪ್ರೇಕ್ಷಕರ ಗಮನ ಸೆಳೆಯುತ್ತಿದ್ದಾರೆ. ಇದೇ ವರ್ಷ ಮಾರ್ಚ್‌ ತಿಂಗಳಲ್ಲಿ ಈ ಸೀರಿಯಲ್‌ ಆರಂಭವಾಗಿತ್ತು.
