Sandalwood News: ಈ ತಿಂಗಳಲ್ಲಿ ತೆರೆ ಕಂಡ, ಮುಹೂರ್ತ ಆಚರಿಸಿಕೊಂಡ ಸಿನಿಮಾಗಳಿವು; ಕನ್ನಡ ಚಿತ್ರ ಜಗತ್ತಿನ ಜೂನ್‌ ತಿಂಗಳ ಅನಾವರಣ ಇಲ್ಲಿದೆ
ಜೂನ್‌ ತಿಂಗಳಲ್ಲಿ ಹೊಸಬರ ಅನೇಕ ಸಿನಿಮಾಗಳು ಮುಹೂರ್ತ ಆಚರಿಸಿಕೊಂಡಿವೆ. ಇದರೊಂದಿಗೆ ಶಿವರಾಜ್‌ಕುಮಾರ್‌ ಪುತ್ರಿ ನಿವೇದಿತಾ, ಮುತ್ತು ಸಿನಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ನಿರ್ಮಿಸುತ್ತಿರುವ ಫೈರ್‌ ಫ್ಲೈ ಸಿನಿಮಾ ಜೂನ್‌ 15ರಂದು ಮುಹೂರ್ತ ಆಚರಿಸಿಕೊಂಡಿದೆ.
ಪ್ರತಿ ಶುಕ್ರವಾರ ಹಾಗೇ ಕೆಲವೊಮ್ಮೆ ಗುರುವಾರ ಬಂದರೆ ಹೊಸ ಹೊಸ ಸಿನಿಮಾಗಳು ತೆರೆ ಕಾಣುತ್ತವೆ. ಚಿತ್ರರಂಗದವರಿಗೆ, ಸಿನಿಪ್ರಿಯರಿಗೆ ಈ ಎರಡೂ ದಿನಗಳು ಬಹಳ ವಿಶೇಷ ಎಂದೇ ಹೇಳಬಹುದು. ಜೂನ್‌ ತಿಂಗಳಲ್ಲಿ ಅನೇಕ ಸಿನಿಮಾಗಳು ತೆರೆ ಕಂಡಿವೆ. ಅನೇಕ ಸಿನಿಮಾಗಳು ಮುಹೂರ್ತ ಆಚರಿಸಿಕೊಂಡಿವೆ. ಕೆಲವು ಮಹನೀಯರು ನಮ್ಮನ್ನು ಅಗಲಿದ್ದಾರೆ. ಜೂನ್‌ ಚಿತ್ರ ಜಗತ್ತಿನ ಅನಾವರಣ ಇಲ್ಲಿದೆ.
ಈ ತಿಂಗಳು ಯಾವ ಸಿನಿಮಾ ಕೂಡಾ ಹಿಟ್‌ ಲಿಸ್ಟ್‌ ಸೇರಿಲ್ಲ ಅನ್ನೋದು ಬೇಸರದ ವಿಚಾರ. ಕೆಲವು ಬಹುನಿರೀಕ್ಷಿತ ಸಿನಿಮಾಗಳು ಬಾಕ್ಸ್‌ ಆಫೀಸಿನಲ್ಲಿ ಹೀನಾಯ ಸೋಲು ಕಂಡಿದ್ದು ವಿಪರ್ಯಾಸ.
ತೆರೆ ಕಂಡ ಸಿನಿಮಾಗಳು
ಆದಿಪುರುಷ್‌ (ಕನ್ನಡ ಡಬ್‌) : ಪ್ರಭಾಸ್‌ ಅಭಿನಯದ ಆದಿಪುರುಷ್‌ ಸಿನಿಮಾ ಜೂನ್‌ 16 ರಂದು ಹಿಂದಿ, ತಮಿಳು, ತೆಲುಗು, ಮಲಯಾಳಂ ಹಾಗೂ ಕನ್ನಡ ಭಾಷೆಗಳಲ್ಲಿ ರೀಲೀಸ್‌ ಆಯ್ತು. ಆದರೆ ಸಿನಿಮಾ ಮೇಲಿನ ನಿರೀಕ್ಷೆ ಸುಳ್ಳಾಯ್ತು. ಟೀಸರ್‌ ರಿಲೀಸ್‌ ಆದಾಗಿನಿಂದ ಚಿತ್ರದ ಬಗ್ಗೆ ನೆಗೆಟಿವ್‌ ವಿಮರ್ಶೆಗಳೇ ಕೇಳಿಬಂದಿದ್ದವು. ಇದು ಸಿನಿಮಾ ರಿಲೀಸ್‌ ಆದಾಗ ಕೂಡಾ ಮುಂದುವರೆದದ್ದು ವಿಷಾದನೀಯ. ರಾಮಾಯಣದ ಪಾತ್ರಧಾರಿಗಳನ್ನು ತೋರಿಸಿರುವ ರೀತಿಗೆ ಜನರು ಬೇಸರ ವ್ಯಕ್ತಪಡಿಸಿ ಸಿನಿಮಾ ಬ್ಯಾನ್‌ ಮಾಡುವಂತೆ ಒತ್ತಾಯಿಸುತ್ತಿದ್ದಾರೆ. ಕೋರ್ಟ್‌ನಲ್ಲಿ ಕೇಸ್‌ ನಡೆಯುತ್ತಿದೆ.
ಮತ್ತೆ ಮದುವೆ (ಕನ್ನಡ ಡಬ್‌): ಪವಿತ್ರಾ ಲೋಕೇಶ್‌ ಹಾಗೂ ನರೇಶ್‌ ಅಭಿನಯದ ಮತ್ತೆ ಮದುವೆ ಸಿನಿಮಾ ಜೂನ್‌ 9 ರಂದು ಕರ್ನಾಟಕದಲ್ಲಿ ತೆರೆ ಕಂಡಿದೆ. ಇದು ಇಬ್ಬರ ರಿಯಲ್‌ ಲೈಫ್‌ ಕಹಾನಿ ಎನ್ನಲಾದರೂ, ಪವಿತ್ರಾ ನರೇಶ್‌ ಮಾತ್ರ ಇದು ನಮ್ಮ ಜೀವನದಲ್ಲಿ ನಡೆದ ಕಥೆ ಅಲ್ಲ ಎನ್ನುತ್ತಿದ್ದಾರೆ. ರಿಯಲ್‌ ಲೈಫ್‌ನಲ್ಲಿ ನಡೆದ ಎಷ್ಟೋ ದೃಶ್ಯಗಳನ್ನು ಈ ಚಿತ್ರದ ಟ್ರೇಲರ್‌ನಲ್ಲಿ ಗಮನಿಸಬಹುದು. ಈ ಸಿನಿಮಾ ದೊಡ್ಡ ಮಟ್ಟಿಗೆ ಹೆಸರು ಮಾಡಬಹುದು ಎನ್ನಲಾದರೂ ನಿರೀಕ್ಷೆ ಸುಳ್ಳಾಗಿದೆ.
ಇದನ್ನು ಹೊರತುಪಡಿಸಿ ಕನ್ನಡದಲ್ಲಿ ಜೂನ್‌ ತಿಂಗಳಲ್ಲಿ ದರ್ಬಾರ್‌, ಗದಾಯುದ್ಧ, ಮೇಲೋಡಿ ಡ್ರಾಮಾ, ಬೇರ, ಇರಾವನ್‌, ಕೈ ಜಾರಿದ ಪ್ರೀತಿ, ಮೊದಲ ಮಳೆ, ನಾನು ಕುಸುಮ , ರೋಡ್‌ ಕಿಂಗ್‌ ,ಅಗ್ರಸೇನಾ ಸಿನಿಮಾಗಳು ತೆರೆ ಕಂಡಿವೆ. ಇತ್ತೀಚೆಗೆ ಧೂಮಂ ತೆರೆ ಕಂಡಿದೆ. ಜೂನ್‌ 29ಕ್ಕೆ 90 ಬಿಡಿ ಮನೀಗ್‌ ನಡಿ, ಜೂನ್‌ 30ಕ್ಕೆ ಬೆಂಗಳೂರು ಬಾಯ್ಸ್‌ ತೆರೆ ಕಾಣಲಿದೆ.
ಮುಹೂರ್ತ ಆಚರಿಸಿಕೊಂಡ ಸಿನಿಮಾಗಳು
ಫ್ರೈರ್‌ ಫ್ಲೈ
ಜೂನ್‌ ತಿಂಗಳಲ್ಲಿ ಹೊಸಬರ ಅನೇಕ ಸಿನಿಮಾಗಳು ಮುಹೂರ್ತ ಆಚರಿಸಿಕೊಂಡಿವೆ. ಇದರೊಂದಿಗೆ ಶಿವರಾಜ್‌ಕುಮಾರ್‌ ಪುತ್ರಿ ನಿವೇದಿತಾ, ಮುತ್ತು ಸಿನಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ನಿರ್ಮಿಸುತ್ತಿರುವ ಫೈರ್‌ ಫ್ಲೈ ಸಿನಿಮಾ ಜೂನ್‌ 15ರಂದು ಮುಹೂರ್ತ ಆಚರಿಸಿಕೊಂಡಿದೆ.
ಜಿಮ್ಮಿ
ಸುದೀಪ್‌ ತಮ್ಮ ಅಕ್ಕನ ಮಗ ಸಂಚಿತ್‌ ಸಂಜೀವ್‌ ಅವರನ್ನು ಕನ್ನಡ ಚಿತ್ರರಂಗಕ್ಕೆ ಪರಿಚಯಿಸಿದ್ದಾರೆ. ಜೂನ್‌ 15 ರಂದು ಈ ಸಿನಿಮಾ ಕೂಡಾ ಮುಹೂರ್ತ ಆಚರಿಸಿಕೊಂಡಿದೆ. ಇತ್ತೀಚೆಗೆ ಚಿತ್ರದ ಕ್ಯಾರೆಕ್ಟರ್‌ ಟೀಸರ್‌ ರಿಲೀಸ್‌ ಆಗಿದೆ. ಚಿತ್ರವನ್ನು ಸಂಚಿತ್‌ ಅವರೇ ನಿರ್ದೇಶಿಸುತ್ತಿದ್ದಾರೆ.
ಅಭಿ ಅವಿವಾ ಮದುವೆ
ಜೂನ್‌ 5 ರಂದು ರೆಬೆಲ್‌ ಸ್ಟಾರ್‌ ಅಂಬರೀಶ್‌ ಸುಮಲತಾ ಪುತ್ರ ಅಭಿಷೇಕ್‌ ಅಂಬರೀಶ್‌ ಮದುವೆ ಅವಿವಾ ಬಿದ್ದಪ್ಪ ಅವರೊಂದಿಗೆ ಬೆಂಗಳೂರು ಅರಮನೆ ಅದ್ಧೂರಿಯಾಗಿ ನೆರವೇರಿತು. ಮದುವೆ, ಆರತಕ್ಷತೆಗೆ ಅನೇಕ ಮಂದಿ ಆಗಮಿಸಿ ನೂತನ ವಧು ವರರಿಗೆ ಶುಭ ಹಾರೈಸಿದರು.
ಅಗಲಿದ ಗಣ್ಯರು
ಜೂನ್‌ ತಿಂಗಳಲ್ಲಿ ಸಂಭ್ರಮ ಒಂದೆಡೆ ಆದರೆ ನೋವು ಇನ್ನೊಂದೆಡೆ. ಜೂನ್‌ 2 ರಂದು ನಟ, ನಿರ್ದೇಶಕ ನಿತಿನ್‌ ಗೋಪಿ ಹೃದಯಾಘಾತದಿಂದ ನಿಧನರಾದರು. ಜೂನ್‌ 27 ರಂದು ಖ್ಯಾತ ಹಿರಿಯ ಸಾಹಿತಿ, ನಿರ್ದೇಶಕ ಸಿವಿ ಶಿವಶಂಕರ್‌ ಹೃದಯಾಘಾತದಿಂದ ಕೊನೆಯುಸಿರೆಳೆದರು.
