ಚಿತ್ರಮಂದಿರಗಳಲ್ಲಿ ಈ ಶುಕ್ರವಾರ ಬಿಡುಗಡೆಯಾಗುವ ಕನ್ನಡ ಸಿನಿಮಾಗಳು; ಸೂತ್ರದಾರಿಯಿಂದ ನಾಳೆ ರಜಾ ಕೋಳಿ ಮಜಾ ತನಕ
ಈ ವಾರ ಚಿತ್ರಮಂದಿರಗಳಲ್ಲಿ ಹಲವು ಸಿನಿಮಾಗಳು ರಿಲೀಸ್‌ ಆಗುತ್ತಿವೆ. ಅವುಗಳಲ್ಲಿ ಚಂದನ್‌ ಶೆಟ್ಟಿಯ ಸೂತ್ರಧಾರಿ, ನಾಳೆ ರಜಾ ಕೋಳಿ ಮಜಾ ಸೇರಿದಂತೆ ಹಲವು ಸಿನಿಮಾಗಳೂ ಸೇರಿವೆ. ಈ ವಿಕೇಂಡ್‌ನಲ್ಲಿ ಥಿಯೇಟರ್‌ಗಳಲ್ಲಿ ನೋಡಬಹುದಾದ ಹೊಸ ಕನ್ನಡ ಸಿನಿಮಾಗಳ ವಿವರ ಪಡೆಯೋಣ.
ಬೆಂಗಳೂರು: ಈ ವಾರ ಚಿತ್ರಮಂದಿರಗಳಲ್ಲಿ ಹಲವು ಸಿನಿಮಾಗಳು ರಿಲೀಸ್‌ ಆಗುತ್ತಿವೆ. ಅವುಗಳಲ್ಲಿ ಚಂದನ್‌ ಶೆಟ್ಟಿಯ ಸೂತ್ರಧಾರಿ, ನಾಳೆ ರಜಾ ಕೋಳಿ ಮಜಾ ಸೇರಿದಂತೆ ಹಲವು ಸಿನಿಮಾಗಳೂ ಸೇರಿವೆ. ಈ ವಿಕೇಂಡ್‌ನಲ್ಲಿ ಥಿಯೇಟರ್‌ಗಳಲ್ಲಿ ಈ ಚಿತ್ರಗಳನ್ನು ನೋಡಬಹುದು. ಸೂತ್ರಧಾರಿ ಸಿನಿಮಾಕ್ಕೆ ಇತ್ತೀಚೆಗೆ ಶಿವರಾಜ್‌ ಕುಮಾರ್‌, ರವಿಚಂದ್ರನ್‌ ಮುಂತಾದವರು ಶುಭ ಹಾರೈಸಿದ್ದರು.
ಸೂತ್ರಧಾರಿ
ಕನ್ನಡ ರ‍್ಯಾಪರ್ ಮತ್ತು ಬಿಗ್‌ಬಾಸ್‌ ವಿನ್ನರ್‌ ಚಂದನ್‌ ಶೆಟ್ಟಿ ನಾಯಕನಟನಾಗಿ ನಟಿಸಿರುವ ಸಿನಿಮಾವಿದು. ಹೀರೋ ಆಗಿ ಇವರು ನಟಿಸಿರುವ ಮೊದಲ ಚಿತ್ರವೂ ಹೌದು. ಈಗಲ್‌ ಮೀಡಿಯಾ ಮೂಲಕ ನವರಸನ್‌ ಈ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಕಿರಣ್‌ ಕುಮಾರ್‌ ನಿರ್ದೇಶನವಿದೆ. ಇತ್ತೀಚೆಗೆ ಈ ಚಿತ್ರದ ಪ್ರೀ ರಿಲೀಸ್‌ ಇವೇಂಟ್‌ ನಡೆದಿತ್ತು. ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಮತ್ತು ಶಿವರಾಜ್‌ ಕುಮಾರ್‌ ಮುಖ್ಯ ಅತಿಥಿಗಳಾಗಿ ನಟಿಸಿದ್ದರು. "ಹಾಡುಗಳ ಮೂಲಕ ಜನಪ್ರಿಯತೆ ಪಡೆದಿರುವ ಚಂದನ್‌ ಶೆಟ್ಟಿ ಇದೇ ಮೊದಲ ಬಾರಿಗೆ ನಾಯಕರಾಗಿ ಬೆಳ್ಳಿತೆರೆಗೆ ಬರುತ್ತಿದ್ದಾರೆ. ಈ ಚಿತ್ರದ ಟ್ರೇಲರ್‌ ವಿಭಿನ್ನವಾಗಿದೆ. ಸಿನಿಮಾ ವಿಭಿನ್ನವಾಗಿರುವ ನಿರೀಕ್ಷೆ ಇದೆ. ಚಿತ್ರಕ್ಕೆ ಯಶಸ್ಸು ಸಿಗಲಿ" ಎಂದು ರವಿಚಂದ್ರನ್‌ ಶುಭ ಹಾರೈಸಿದ್ದರು. "ನಾನು ಚಂದನ್‌ ಹಾಡುಗಳ ಅಭಿಮಾನಿ. ಈ ಚಿತ್ರದ ಮೂಲಕ ನಾಯಕನಾಗುತ್ತಿದ್ದಾರೆ. ಅವರಿಗೆ ಒಳ್ಳೆಯದಾಗಲಿ. ನಾನು ಖಂಡಿತಾ ಈ ಸಿನಿಮಾ ನೋಡುವೆ" ಎಂದು ಶಿವಣ್ಣ ಹೇಳಿದ್ದರು.
ವಿಕ್ಕಿ
ವಿಕ್ಕಿ ಕನ್ನಡ ಸಿನಿಮಾ ಈ ಶುಕ್ರವಾರ ಅಂದರೆ ಮೇ 9ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಭರತ್ ತಾಳಿಕೋಟೆ ಮತ್ತು ಶ್ರೀನಿಧಿ ಗೌಡ ಅಭಿನಯದ ವಿಕ್ಕಿ ಚಿತ್ರಕ್ಕೆ ದೀಪಕ್‌ ನಿರ್ದೇಶನವಿದೆ. ವಿಂದ್ಯಾ ಹೆಗಡೆ, ರಾಜು ತಾಳಿಕೋಟೆ, ರವಿ ಶೆಟ್ಟಿ ಕುಂದಾಪುರ, ಸತೀಶ್‌ ಗೌಡ ಮುಂತಾದವರು ಕೂಡ ತಾರಾಗಣದಲ್ಲಿದ್ದಾರೆ. ನವನೀತ ಲಕ್ಷ್ಮಿ ಈ ಸಿನಿಮಾದ ಪ್ರೊಡ್ಯುಸರ್‌. ಅರವ್‌ ರಿಶಿಕ್‌ ಸಂಗೀತವಿದೆ.
ನಾಳೆ ರಜೆ ಕೋಳಿ ಮಜಾ
ಈ ಶುಕ್ರವಾರ ಬಿಡುಗಡೆಯಾಗುವ ನಾಳೆ ರಜೆ ಕೋಳಿ ಮಜಾ ಸಿನಿಮಾ ಕೂಡ ನಿರೀಕ್ಷೆ ಹುಟ್ಟುಹಾಕಿದೆ. ಅಭಿಲಾಷ್‌ ಶೆಟ್ಟಿ ರಚಿಸಿ ನಿರ್ದೇಶಿಸಿರುವ ಈ ಚಿತ್ರದಲ್ಲಿ ಪುಟ್ಟ ಬಾಲಕಿಯ ಕೋಳಿ ಕರಿ ತಿನ್ನುವ ಆಸೆಯ ಕಥೆ ಹೊಂದಿದೆ. ಇದರಲ್ಲಿ ಏನು ವಿಶೇಷ ಅಂತೀರಾ. ಗಾಂಧಿ ಜನ್ಮದಿನದಂದು ಆಕೆಗೆ ಈ ಆಸೆ ಉಂಟಾಗುತ್ತದೆ. ಅಂದು ಮಾಂಸ ಮಾರಾಟ ನಿಷೇಧಿಸಲಾಗಿರುತ್ತದೆ. ಆಕೆಯ ಆಸೆ ಈಡೇರುತ್ತಾ ಎನ್ನುವುದು ನಾಳೆ ಗೊತ್ತಾಗಲಿದೆ.
ದಸ್ಕತ್‌
ದಸ್ಕತ್‌ ಎಂಬ ತುಳು ಸಿನಿಮಾ ಈಗಾಗಲೇ ಬಿಡುಗಡೆಯಾಗಿ ತುಳು ಪ್ರೇಕ್ಷಕರ ಗಮನ ಸೆಳೆದಿತ್ತು. ದಕ್ಷಿಣ ಕನ್ನಡ, ಉಡುಪಿಯಲ್ಲಿ ಈ ತುಳು ಸಿನಿಮಾ 70 ದಿನಗಳ ಕಾಲ ಪ್ರದರ್ಶನ ಕಂಡಿತ್ತು. ಇದೀಗ ಕನ್ನಡ ಅವೃತ್ತಿಯಲ್ಲಿ ರಿಲೀಸ್‌ ಅಗುತ್ತಿದೆ.
Praveen Chandra B
