ದರ್ಶನ್‌ ಬಗ್ಗೆ ಆ ಪದ ಬಳಸೇ ಇಲ್ಲ ಕಿಚ್ಚ ಸುದೀಪ್! ಫ್ಯಾನ್ಸ್‌ ವಲಯದಲ್ಲಿ ಮೈಲೇಜ್‌ ಪಡೆದ ಸುಳ್ಳು ಸುದ್ದಿ ಹೀಗಿದೆ

Kichcha Sudeep: ಸೋಷಿಯಲ್‌ ಮೀಡಿಯಾದಲ್ಲಿ ದರ್ಶನ್‌ ಮತ್ತು ಸುದೀಪ್‌ ಅಭಿಮಾನಿಗಳ ನಡುವೆ ಒಂದಲ್ಲ ಒಂದು ಕೋಲ್ಡ್‌ ವಾರ್‌ ನಡೆಯುತ್ತಲೇ ಇರುತ್ತದೆ. ಟ್ರೋಲ್‌ ಮಾಡುವುದು, ಫೋಟೋ ತಿರುಚುವುದು, ಹಳೇ ಕಾಮೆಂಟ್‌, ವಿಡಿಯೋ ತುಣುಕುಗಳಿಗೆ ಹೊಸ ಸ್ಪರ್ಶ ಕೊಟ್ಟು ಮತ್ತೆ ಮುನ್ನೆಲೆಗೆ ಬರುವುದು.. ಹೀಗೆ ನಡೆಯುತ್ತಲೇ ಇರುತ್ತದೆ. ಇಷ್ಟೆಲ್ಲ ನಡೆಯುತ್ತಿರುವಾಗಲೇ, ಬಿಗ್‌ ಬಾಸ್‌ ಮುಗಿಯುತ್ತಿದ್ದಂತೆ, ಮ್ಯಾಕ್ಸ್‌ ಸಿನಿಮಾ ಶೂಟಿಂಗ್‌ನಲ್ಲಿ ಭಾಗವಹಿಸಿದ್ದರು ಸುದೀಪ್.‌ ಈ ವೇಳೆ ಅಭಿಮಾನಿಗಳ ಜತೆ ಮಾತುಕತೆ ನಡೆಸಲು #AskKichcha ಆರಂಭಿಸಿದ್ದರು.

ಅಭಿಮಾನಿಗಳು ತಮಗನಿಸಿದ ಒಂದಷ್ಟು ಅನುಮಾನಗಳನ್ನ, ಅನಿಸಿಕೆ ಅಭಿಪ್ರಾಯಗಳನ್ನು ನೆಚ್ಚಿನ ನಟನಿಂದ ಪಡೆದುಕೊಂಡಿದ್ದರು. ಮ್ಯಾಕ್ಸ್‌ ಸಿನಿಮಾದಿಂದ ಹಿಡಿದು ದರ್ಶನ್‌ ಬಗ್ಗೆಯೂ ಅಭಿಮಾನಿಗಳಿಂದ ಸುದೀಪ್‌ಗೆ ಪ್ರಶ್ನೆಗಳು ತಲುಪಿದ್ದವು. ಅದಕ್ಕೆ ಅಷ್ಟೇ ಕೂಲ್‌ ಆಗಿಯೇ ಉತ್ತರಿಸಿದ್ದರು ಸುದೀಪ್.‌ ಈ ನಡುವೆ ನಟ ದರ್ಶನ್‌ ಬಗ್ಗೆ ಒಂದು ಮಾತು ಹೇಳಿ ಎಂದು ಅಭಿಮಾನಿಯೊಬ್ಬ ಕೇಳಿದ್ದಾನೆ. ಅದಕ್ಕೆ ಉತ್ತರಿಸಿದ ಸುದೀಪ್‌, ಮೈ ಐಡಲ್‌ (my idol) ಎಂದಿದ್ದಾರೆ. ಆದರೆ, ಅಸಲಿ ವಿಚಾರ ಏನೆಂದರೆ, ಅಷ್ಟಕ್ಕೂ ಸುದೀಪ್‌ ಆ ಮಾತನ್ನು ಹೇಳಿಯೇ ಇಲ್ಲ.

ಇದನ್ನೂ ಓದಿ: ಸರ್, ನಿಮ್ದು ಮತ್ತೆ ದರ್ಶನ್ ಅವರ ಸಮಸ್ಯೆ ಯಾವಾಗ ಬಗೆಹರಿಸಿಕೊಳ್ತೀರಾ? ಹೀಗಿತ್ತು ಕಿಚ್ಚ ಸುದೀಪ್‌ ಉತ್ತರ

ಮೈ ಐಡಲ್‌ ಎಂಬ ಮಾತನ್ನೇ ಹೈಲೈಟ್‌ ಮಾಡಿದ ಕೆಲವರು, ಸೋಷಿಯಲ್‌ ಮೀಡಿಯಾದಲ್ಲಿ ಅದನ್ನೇ ದೊಡ್ಡ ಮಟ್ಟದಲ್ಲಿ ಬಿಂಬಿಸುತ್ತಿದ್ದಾರೆ. "ದರ್ಶನ್‌ ಸುದೀಪ್‌ ಅವರ ಐಡಲ್‌" "ಸುದೀಪ್‌ ಅವರಿಗೆ ಇದು ಫ್ಯಾನ್‌ ಬಾಯ್‌ ಮೂಮೆಂಟ್‌" ಎಂಬಂತೆ ಬಿಂಬಿಸುತ್ತಿದ್ದಾರೆ. ಅಷ್ಟಕ್ಕೂ ಆಗಿದ್ದೇನೆಂದರೆ, #AskKichcha ಪ್ರಶ್ನೋತ್ತರದ ಸಂದರ್ಭದಲ್ಲಿ ಅಭಿಮಾನಿಯೊಬ್ಬ ನಮ್ಮ ವಿಷ್ಣು ದಾದಾ ಅವರ ಬಗ್ಗೆ ಒಂದು ವರ್ಡ್‌ ಹೇಳಿ ಎಂದು ಕೇಳಿದ್ದರು. ಆ ಪ್ರಶ್ನೆಗೆ ಅವರು ನನ್ನ ಐಡಲ್‌ ಎಂದಿದ್ದರು ಸುದೀಪ್.‌ ಇದೀಗ ವಿಷ್ಣುವರ್ಧನ್‌ ಹೆಸರನ್ನು ಅಳಿಸಿ ದರ್ಶನ್‌ ಹೆಸರನ್ನು ಸೇರಿಸಿ, ಆ ಸ್ಕ್ರೀನ್‌ಶಾಟ್‌ ಫೋಟೋವನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹರಿ ಬಿಟ್ಟಿದ್ದಾರೆ.

ದರ್ಶನ್‌ ಬಗ್ಗೆ ಅಭಿಮಾನಿಯ ಪ್ರಶ್ನೆ

ಈ ನಡುವೆ ಒಬ್ಬ ಅಭಿಮಾನಿ, "ಸರ್, ನಿಮ್ದು ಮತ್ತೆ ದರ್ಶನ್ ಅವರದ್ದು ಸಮಸ್ಯೆಯನ್ನ ಯಾವಾಗ ಬಗೆಹರಿಸಿಕೊಳ್ಳುತ್ತೀರಾ? ಇನ್ನು ಎಷ್ಟು ಟೈಮ್ ತಗೋತೀರಾ" ಎಂದು ಪ್ರಶ್ನೆ ಮಾಡಿದ್ದಾರೆ. ಅದಕ್ಕೆ ಉತ್ತರಿಸಿದ ಸುದೀಪ್, "ಸಮಸ್ಯೆ ಏನೂ ಅಂತ ಇಬ್ಬರೂ ಹುಡುಕ್ತಾ ಇದ್ದೀವಿ" ಎಂದಷ್ಟೇ ಉತ್ತರ ನೀಡಿದ್ದಾರೆ. ಇನ್ನೊಬ್ಬ ಬಳಕೆದಾರ, ದರ್ಶನ್‌ ಮತ್ತು ಸುದೀಪ್‌ ಜತೆಗಿನ ಫೋಟೋ ಶೇರ್‌ ಮಾಡಿಕೊಂಡು, "ದರ್ಶನ್‌ ಬಗ್ಗೆ ಒಂದು ಮಾತು ಹೇಳಿ" ಎಂದಿದ್ದಾರೆ. ಅದಕ್ಕೆ ಸುದೀಪ್, "ನಾನು ಅವರಿಗೆ ಸದಾ ಒಳ್ಳೆಯದೇ ಆಗಲೆಂದು ಶುಭ ಹಾರೈಸುತ್ತೇನೆ" ಎಂದಿದ್ದಾರೆ. ಹೀಗೆ ಅಭಿಮಾನಿಗಳ ಜತೆಗೆ ಒಂದಷ್ಟು ಹೊತ್ತು ಸಮಯ ಕಳೆದಿದ್ದಾರೆ ಸುದೀಪ್.‌

ಇದನ್ನೂ ಓದಿ: ‘ಯಶ್‌ ಗಡ್ಡ ಮತ್ತು ಸ್ಯಾಂಡಲ್‌ವುಡ್‌ಗೆ ಕವಿದ ಕತ್ತಲು’ ನಾದಬ್ರಹ್ಮ ಹಂಸಲೇಖ ವಿವರಣೆ ಹೀಗಿದೆ

ಮ್ಯಾಕ್ಸ್‌ ಸಿನಿಮಾ ಅಪ್‌ಡೇಟ್‌ ನೀಡಿದ ಕಿಚ್ಚ

ಈಗಾಗಲೇ ಮ್ಯಾಕ್ಸ್‌ ಸಿನಿಮಾದ ಶೂಟಿಂಗ್‌ನಲ್ಲಿ ಸುದೀಪ್‌ ಭಾಗವಹಿಸಿದ್ದಾರೆ. ಈ ಸಿನಿಮಾ ಸದ್ಯ ಯಾವ ಹಂತದಲ್ಲಿದೆ ಎಂಬ ಬಗ್ಗೆ ಚಿತ್ರತಂಡ ಬಾಯಿಬಿಟ್ಟಿಲ್ಲ. ಇದೀಗ ಆಸ್ಕ್‌ ಕಿಚ್ಚ ಸೆಷನ್‌ನಲ್ಲಿ ಇನ್ನೂ 25 ದಿನಗಳ ಶೂಟಿಂಗ್‌ ಬಾಕಿ ಉಳಿದಿದೆ ಎಂದು ಸುದೀಪ್‌ ತಮ್ಮ ಅಭಿಮಾನಿಗಳಿಗೆ ತಿಳಿಸಿದ್ದಾರೆ. ಇದರ ಜತೆಗೆ ಶಿವಮೊಗ್ಗೆ ಯಾವಾಗ ಬರ್ತೀರಿ ಎಂದಿದ್ದಕ್ಕೆ, ಆಗಾಗ ಸೈಲೆಂಟ್‌ ಆಗಿ ಬರ್ತಾ ಇರ್ತಿನಿ ಎಂದಿದ್ದಾರೆ. ವಿನಯ್‌ ಗೌಡ ಜತೆಗೂ ಸಿನಿಮಾ ಮಾಡಿ ಎಂದರೆ, ಅವರದ್ದು ಅದ್ಭುತ ವ್ಯಕ್ತಿತ್ವ, ಖಂಡಿಯವಾಗಿ ಎಂದು ಉತ್ತರ ನೀಡಿದ್ದಾರೆ.

ಅವ್ರ ಫ್ಯಾನ್ಸ್‌ ಸರಿ ಇಲ್ಲ ಗುರೂ..

ಈ ನಡುವೆ ಕಿಚ್ಚ ಸುದೀಪ್‌ಗೆ, ಕಿಚ್ಚ ಸುದೀಪ್‌ ಬಗ್ಗೆ ಒಂದು ಮಾತು ಹೇಳಿ ಎಂದು ಅಭಿಮಾನಿಯೊಬ್ಬ ಪ್ರಶ್ನೆ ಮಾಡಿದ್ದಾನೆ. ಅದಕ್ಕೆ ಉತ್ತರಿಸಿದ ಸುದೀಪ್‌, ಅವರ ಬಗ್ಗೆ ಯಾಕೆ ಗುರು, ಅವರ ಫ್ಯಾನ್ಸ್‌ ಸರಿಯಿಲ್ಲ ಎಂದು ಉತ್ತರಿಸಿ ಕಾಮಿಡಿ ಮಾಡಿದ್ದಾರೆ.

ಇದನ್ನೂ ಓದಿ: ಇದೆಲ್ಲ ನೋಡಿದ್ರೆ ರಜನಿಕಾಂತ್‌ ಸಂಘಿ ಅನ್ಸಲ್ವಾ? ಸೂಪರ್‌ಸ್ಟಾರ್‌ಗೂ ಟಕ್ಕರ್‌ ಕೊಟ್ಟ ಚೇತನ್‌ ಅಹಿಂಸಾ