ಬಿಗ್‌ ಅನೌನ್ಸ್‌ಮೆಂಟ್‌; ಯಶ್‌ ಹೊಸ ಸಿನಿಮಾ ಬಗ್ಗೆ ಅಪ್‌ಡೇಟ್‌ ನೀಡಿದ ಮನೋಬಾಲ ವಿಜಯಬಾಲನ್‌
ಮನೋಬಾಲ ಹಂಚಿಕೊಂಡಿರುವ ಪೋಸ್ಟರ್‌ ನೋಡಿ ಸಿನಿಮಾಭಿಮಾನಿಗಳು ಎಕ್ಸೈಟ್‌ ಆಗಿದ್ದಾರೆ. ಅದರಲ್ಲೂ ಯಶ್‌ ಅಭಿಮಾನಿಗಳು ಥ್ರಿಲ್‌ ಆಗಿದ್ದಾರೆ. ಅಂತೂ ಇಷ್ಟು ದಿನಗಳು ಕಾಯಿಸಿ ಯಶ್‌ ಬಾಸ್‌ ಅವರ ಸಿನಿಮಾ ಅಪ್‌ಡೇಟ್‌ ನೀಡುತ್ತಿದ್ದಾರೆ ಎಂದು ಫ್ಯಾನ್ಸ್‌ ಕಾಮೆಂಟ್‌ ಮಾಡುವ ಮೂಲಕ ಖುಷಿ ವ್ಯಕ್ತಪಡಿಸುತ್ತಿದ್ದಾರೆ.
ರಾಕಿಂಗ್‌ ಸ್ಟಾರ್‌ ಯಶ್‌ ಹೊಸ ಸಿನಿಮಾ ಅಪ್‌ಟೇಟ್‌ ತಿಳಿಯಲು ಅಭಿಮಾನಿಗಳಂತೂ ತುದಿಗಾಲಿನಲ್ಲಿ ನಿಂತು ಕಾಯುತ್ತಿದ್ದಾರೆ. ಆದರೆ ಯಶ್‌ ಮಾತ್ರ 'ಕೆಜಿಎಫ್‌ 2' ರಿಲೀಸ್‌ ಆದಾಗಿನಿಂದ ಮುಂದಿನ ಸಿನಿಮಾ ಬಗ್ಗೆ ಯಾವುದೇ ಅಪ್‌ಡೇಟ್‌ ನೀಡಿಲ್ಲ. ಇದರ ಬಗ್ಗೆ ಅಭಿಮಾನಿಗಳಿಗೆ ಬೇಸರ ಇದೆ.
ಯಶ್‌ ಅಭಿಮಾನಿಗಳ ಬೇಸರ
ಇಲ್ಲಿವರೆಗೂ ಕಾದಿದ್ದೀರಿ ಇನ್ನು ಸ್ವಲ್ಪ ದಿನಗಳು ವೇಯ್ಟ್‌ ಮಾಡಿದರೆ ನಿಮಗೆ ಒಂದೊಳ್ಳೆ ಸುದ್ದಿ ಕೊಡುತ್ತೇನೆ ಎಂದು ಯಶ್‌ ಹೇಳುತ್ತಲೇ ಇದ್ದಾರೆ. ಈ ನಡುವೆ ಯಶ್‌ ಪದೇ ಪದೇ ಗೋವಾದಲ್ಲಿ ಕಾಣಿಸಿಕೊಳ್ಳುತ್ತಿರುವುದನ್ನು ನೋಡಿ, ಯಶ್‌ ಸದ್ದಿಲ್ಲದೆ ತಮ್ಮ ಮುಂದಿನ ಸಿನಿಮಾ ಶೂಟಿಂಗ್‌ ಶುರು ಮಾಡಿರಬಹುದು ಎಂಬು ಅನುಮಾನ ಎಲ್ಲರಿಗೂ ಕಾಡುತ್ತಿದೆ. ಕಳೆದ 1 ವರ್ಷದಲ್ಲಿ ಯಶ್‌ ಅನೇಕ ಬಾರಿ ಗೋವಾಗೆ ಹೋಗಿ ಬಂದಿದ್ದಾರೆ. ಗೋವಾ, ರಾಧಿಕಾ ಪಂಡಿತ್‌ ತಾಯಿಯ ತವರು ಮನೆ, ಆದ್ದರಿಂದ ಅವರು ಅಲ್ಲಿಗೆ ಹೋಗಿ ಬರುತ್ತಿದ್ದಾರೆ, ಅವರು ಮುಂದಿನ ಸಿನಿಮಾ ತಯಾರಿಯಲ್ಲಿದ್ದಾರೆ, ಇನ್ನೂ ಶೂಟಿಂಗ್‌ ಶುರು ಆಗಿಲ್ಲ ಎಂಬ ಮಾತು ಕೂಡಾ ಕೇಳಿಬಂದಿತ್ತು. ಈ ಅಂತೆ ಕಂತೆಗಳ ನಡುವೆ ಇದೀಗ ತಮಿಳು ಸಿನಿ ವಿಮರ್ಶಕ ಮನೋಬಾಲ ವಿಜಯಬಾಲನ್‌ ಯಶ್‌ ಮುಂದಿನ ಸಿನಿಮಾ ಬಗ್ಗೆ ಅಧಿಕೃತವಾಗಿ ಅಪ್‌ಡೇಟ್‌ ನೀಡಿದ್ದಾರೆ.
ಹೊಸ ಅಪ್‌ಡೇಟ್‌ ನೀಡಿದ ತಮಿಳು ಸಿನಿ ವಿರ್ಮಶಕ
ದೊಡ್ಡ ಚಂಡಮಾರುತದ ಫೋಟೋವೊಂದನ್ನು ಹಂಚಿಕೊಂಡಿರುವ ಮನೋಬಾಲ ವಿಜಯಬಾಲನ್‌, ''ಅಕ್ಟೋಬರ್‌ನಲ್ಲಿ ಬಿಗ್‌ ಅನೌನ್ಸ್‌ಮೆಂಟ್‌. ಯಶ್‌ 19ನೇ ಸಿನಿಮಾ ಬಗ್ಗೆ ಅವರು ಅಕ್ಟೋಬರ್‌ನಲ್ಲಿ ಅಪ್‌ಡೇಟ್‌ ನೀಡಲಿದ್ದಾರೆ'' ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟರ್‌ ನೋಡಿ ಸಿನಿಮಾಭಿಮಾನಿಗಳು ಎಕ್ಸೈಟ್‌ ಆಗಿದ್ದಾರೆ. ಅದರಲ್ಲೂ ಯಶ್‌ ಅಭಿಮಾನಿಗಳು ಥ್ರಿಲ್‌ ಆಗಿದ್ದಾರೆ. ಅಂತೂ ಇಷ್ಟು ದಿನಗಳು ಕಾಯಿಸಿ ಯಶ್‌ ಬಾಸ್‌ ಅವರ ಸಿನಿಮಾ ಅಪ್‌ಡೇಟ್‌ ನೀಡುತ್ತಿದ್ದಾರೆ ಎಂದು ಫ್ಯಾನ್ಸ್‌ ಕಾಮೆಂಟ್‌ ಮಾಡುವ ಮೂಲಕ ಖುಷಿ ವ್ಯಕ್ತಪಡಿಸುತ್ತಿದ್ದಾರೆ. ರಜನಿಕಾಂತ್‌, ಪ್ರಭಾಸ್‌ ಅಭಿಮಾನಿಗಳು ಕೂಡಾ ಕಾಮೆಂಟ್‌ ಮಾಡಿ ಯಶ್‌ ಮುಂದಿನ ಚಿತ್ರಕ್ಕೆ ಶುಭವಾಗಲಿ ಎಂದು ಹಾರೈಸುತ್ತಿದ್ದಾರೆ.
ಕಳೆದ ವರ್ಷ ತೆರೆ ಕಂಡಿದ್ದ ಕೆಜಿಎಫ್‌ 2
ಹೊಂಬಾಳೆ ಫಿಲ್ಮ್ಸ್‌ ಸಂಸ್ಥೆ ನಿರ್ಮಾಣದಲ್ಲಿ ಪ್ರಶಾಂತ್‌ ನೀಲ್‌ ನಿರ್ದೇಶಿಸಿದ್ದ ಕೆಜಿಎಫ್‌ ಚಾಪ್ಟರ್ 2, ಕಳೆದ ವರ್ಷ ಏಪ್ರಿಲ್‌ 14 ರಂದು ರಿಲೀಸ್‌ ಆಗಿತ್ತು. ಸಿನಿಮಾ ತೆರೆ ಕಂಡು 1 ವರ್ಷ ಆದರೂ ಯಶ್‌ ಹೊಸ ಸಿನಿಮಾ ಬಗ್ಗೆ ಮಾತನಾಡಿರಲಿಲ್ಲ. ಜನವರಿ 8 ಯಶ್‌ ಹುಟ್ಟುಹಬ್ಬದ ದಿನ ಕೂಡಾ ಆಸೆಯಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ಬೇಸರ ಉಂಟಾಗಿತ್ತು. ಜನರು ನಮ್ಮ ಮೇಲಿನ ಪ್ರೀತಿಯಿಂದ ಸಿನಿಮಾ ನೋಡಲು ಬರುತ್ತಾರೆ. ಅವರಿಗೆ ಯಾವುದೇ ಕಾರಣಕ್ಕೂ ನಿರಾಸೆಯಾಗಬಾರದು. ಅದ್ದರಿಂದ ಒಂದೊಳ್ಳೆ ಸಿನಿಮಾ ಮಾಡುವ ಪ್ರಯತ್ನದಲ್ಲಿದ್ದೇನೆ. ಆದಷ್ಟು ಬೇಗ ನಿಮ್ಮೊಂದಿಗೆ ಗುಡ್‌ ನ್ಯೂಸ್‌ ಹಂಚಿಕೊಳ್ಳುತ್ತೇನೆ ಎಂದು ಯಶ್‌ ತಮ್ಮ ಹುಟ್ಟುಹಬ್ಬದ ಸಮಯದಲ್ಲಿ ಅಭಿಮಾನಿಗಳಿಗೆ ಸಂದೇಶ ನೀಡಿದ್ದರು. ಒಟ್ಟಿನಲ್ಲಿ ಈಗ ಅಧಿಕೃತವಾಗಿ ಅನೌನ್ಸ್‌ ಮಾಡುತ್ತಿರುವುದು ಅಭಿಮಾನಿಗಳಿಗೆ ಖುಷಿ ನೀಡಿದೆ.
