Yash: ಲೈಫ್‌ ಬ್ಯೂಟಿಫುಲ್‌ ಎಂದು ಹೊಸ ಫೋಟೋ ಹಂಚಿಕೊಂಡ ಯಶ್‌ ರಾಧಿಕಾ ಪಂಡಿತ್‌; ಇದು ಬೇಡ ಹೊಸ ಸಿನಿಮಾ ಅಪ್‌ಡೇಟ್‌ ಕೊಡಿ ಎಂದ ಫ್ಯಾನ್ಸ್‌
ಯಶಿಕಾ ಫೋಟೋ ನೋಡಿದ ಅಭಿಮಾನಿಗಳು ನೀವಿಬ್ಬರೂ ನೂರು ಕಾಲ ಇದೇ ರೀತಿ ಸಂತೋಷದಿಂದ ಬದುಕಿ ಎಂದು ಹಾರೈಸುತ್ತಿದ್ದಾರೆ. ಆದರೆ ಇನ್ನೂ ಕೆಲವರು ಯಶ್‌ , ದಯವಿಟ್ಟು ಮುಂದಿನ ಸಿನಿಮಾ ಅಪ್‌ಡೇಟ್‌ ಕೊಡಿ ಎನ್ನುತ್ತಿದ್ದಾರೆ.
ಕೆಜಿಎಫ್‌ ತೆರೆ ಕಂಡಾಗಿನಿಂದ ಯಶ್‌ ಸೈಲೆಂಟ್‌ ಆಗಿದ್ದಾರೆ. ಹೊಸ ಸಿನಿಮಾ ಅನೌನ್ಸ್‌ ಮಾಡುವ ಲಕ್ಷಣಗಳು ಕಾಣುತ್ತಿಲ್ಲ. ನನಗಾಗಿ ಸ್ವಲ್ಪ ದಿನ ಕಾಯಿರಿ ಎಂದು ಯಶ್‌ ಅಭಿಮಾನಿಗಳ ಬಳಿ ಮನವಿ ಮಾಡಿಕೊಂಡಿದ್ದಾರೆ. ಆದರೂ ಫ್ಯಾನ್ಸ್‌ ಮಾತ್ರ ಅವರ ಸಿನಿಮಾ ಬಗ್ಗೆ ಕುತೂಹಲ ಹೆಚ್ಚುತ್ತಿದೆಯೇ ಹೊರತು ಕಡಿಮೆ ಆಗುತ್ತಿಲ್ಲ.
ಯಶ್‌ ಸಿನಿಮಾ ಕೂಡಾ ಅನೌನ್ಸ್‌ ಮಾಡುತ್ತಿಲ್ಲ, ಹಾಗಿದ್ರೆ ಏನು ಮಾಡ್ತಿದ್ದಾರೆ ಎಂಬ ಗೊಂದಲ ಅಭಿಮಾನಿಗಳ ತಲೆಯಲ್ಲಿ ಗೂಡು ಗಟ್ಟಿದೆ. ಈ ನಡುವೆ ಯಶ್‌ ಆಗ್ಗಾಗ್ಗೆ ತಮ್ಮ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಾ ಬಂದಿದ್ದಾರೆ. ಇತ್ತೀಚೆಗೆ ಯಶ್‌ ಹಾಗೂ ರಾಧಿಕಾ ಪಂಡಿತ್‌ ತಮ್ಮ ಮಕ್ಕಳೊಂದಿಗೆ ವಿದೇಶಕ್ಕೆ ತೆರಳಿ ಅಲ್ಲಿನ ಫೋಟೋಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಇದೀಗ ಹೊಸ ಫೋಟೋವನ್ನು ಈ ಜೋಡಿ ತಮ್ಮ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಈ ಫೋಟೋ ನೋಡಿದರೆ 2 ದಿನಗಳ ಹಿಂದೆ ಅಭಿಷೇಕ್‌ ಅಂಬರೀಶ್‌ ಅವಿವಾ ಬಿದ್ದಪ್ಪ ಮದುವೆ ವೇಳೆ ತೆಗೆದ ಫೋಟೋ ಎಂದು ಗೊತ್ತಾಗುತ್ತಿದೆ. ಈ ಫೋಟೋಗೆ ರಾಧಿಕಾ ಪಂಡಿತ್‌ ಯಶ್‌ ಇಬ್ಬರೂ ''ಹಾಗೇ ಸುಮ್ಮನೆ... ಲೈಫ್‌ ಬಹಳ ಬ್ಯೂಟಿಫುಲ್‌ ಆಗಿದೆ'' ಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ಯಶಿಕಾ ಫೋಟೋ ನೋಡಿದ ಅಭಿಮಾನಿಗಳು ನೀವಿಬ್ಬರೂ ನೂರು ಕಾಲ ಇದೇ ರೀತಿ ಸಂತೋಷದಿಂದ ಬದುಕಿ ಎಂದು ಹಾರೈಸುತ್ತಿದ್ದಾರೆ. ಆದರೆ ಇನ್ನೂ ಕೆಲವರು ಯಶ್‌, ನಮಗೆ ಹೊಸ ಫೋಟೋ ಬೇಡ ದಯವಿಟ್ಟು ಹೊಸ ಸಿನಿಮಾ ಅಪ್‌ಡೇಟ್‌ ಕೊಡಿ ಎನ್ನುತ್ತಿದ್ದಾರೆ. ಆದರೆ ಯಶ್‌ ಯಾವಾಗ ಮನಸ್ಸು ಮಾಡ್ತಾರೆ ಅಂತ ಕಾದು ನೋಡಬೇಕು.
ಮತ್ತಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
ಚಿಕ್ಕ ವಯಸ್ಸಿನಲ್ಲೇ ಪತಿಯನ್ನು ಕಳೆದುಕೊಂಡು ಸಾಕಷ್ಟು ನೋವುಂಡ ಪುಟಾಣಿ ಏಜೆಂಟ್‌ 123 ಬಾಲನಟಿ ಬೇಬಿ ಇಂದಿರಾ ಈಗ ಹೇಗಿದ್ದಾರೆ
ಬೇಬಿ ಇಂದಿರಾ, ಅಂದಿನ ಬಾಲ ಕಲಾವಿದೆ ಎಲ್ಲರಿಗೂ ನೆನಪಿರುತ್ತಾರೆ. ಆ ನಗು ಮೊಗ, ನಟನೆ ಎಲ್ಲವೂ ಸಿನಿಪ್ರಿಯರಿಗೆ ಬಹಳ ಇಷ್ಟ. ಬಾಲ ಕಲಾವಿದೆಯಾಗಿ ಕನ್ನಡ, ತಮಿಳು, ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದ ಬೇಬಿ ಇಂದಿರಾ ನಾಯಕಿಯಾಗಿ ಕೂಡಾ ಕೆಲವೊಂದು ಸಿನಿಮಾಗಳಲ್ಲಿ ನಟಿಸಿದರು. ಆದರೆ ನಂತರ ಅವರು ನಟನೆಯಿಂದ ಸಂಪೂರ್ಣ ದೂರಾದರು. ಚೆನ್ನೈ ಮೂಲದ ಬೇಬಿ ಇಂದಿರಾ ಕನ್ನಡ ಚಿತ್ರರಂಗಕ್ಕೆ ಬಂದಿದ್ದು 'ಜನ್ಮ ರಹಸ್ಯ' ಚಿತ್ರದ ಮೂಲಕ. ಬೇಬಿ ಇಂದಿರಾ ಬಗ್ಗೆ ಪೂರ್ತಿ ಸ್ಟೋರಿ ಓದಲು ಈ ಲಿಂಕ್‌ ಒತ್ತಿ.
ವಯಸ್ಸು 48 ಕಾಣೋದು 18ರಂತೆ; ಫಿಟ್ನೆಸ್‌ ಸುಂದರಿ ಮಂಗಳೂರು ಹುಡುಗಿ ಶಿಲ್ಪಾಶೆಟ್ಟಿ ಕರಾಟೆಯಲ್ಲೂ ಬ್ಲಾಕ್‌ ಬೆಲ್ಟ್‌
ಶಿಲ್ಪಾ ಶೆಟ್ಟಿ 8 ಜೂನ್‌ 1975 ರಂದು ಮಂಗಳೂರಿನಲ್ಲಿ ಜನಿಸಿದರು. ಬಂಟ್‌ ಕುಟುಂಬಕ್ಕೆ ಸೇರಿದ ಶಿಲ್ಪಾ ಮೊದಲ ಹೆಸರು ಅಶ್ವಿನಿ ಶೆಟ್ಟಿ. ತಾಯಿ ಸುನಂದಾ ಶೆಟ್ಟಿ, ತಂದೆ ಸುರೇಂದ್ರ ಶೆಟ್ಟಿ. ಶಿಲ್ಪಾ ಶೆಟ್ಟಿಗೆ ಶಮಿತಾ ಶೆಟ್ಟಿ ಎಂಬ ಸಹೋದರಿ ಇದ್ದಾರೆ. ಆಕೆ ಕೂಡಾ ಈಗ ಬಾಲಿವುಡ್ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಶಿಲ್ಪಾ ಶೆಟ್ಟಿ ಫೋಟೋಗಳನ್ನು ನೋಡಲು ಈ ಲಿಂಕ್‌ ಒತ್ತಿ.
