‘ನಾನೆಲ್ಲೂ ಹೋಗಿಲ್ಲ, ನಮ್ಮ ಕುಟುಂಬದ ಸದ್ಯದ ಪರಿಸ್ಥಿತಿ ನಿಮಗೂ ಗೊತ್ತು’; ರಾಯಲ್ ಚಿತ್ರದ ಹಾಡಿನ ನೆಪದಲ್ಲಿ ಬಂದ ದಿನಕರ್ ತೂಗುದೀಪ
ತುಮಕೂರಿನಲ್ಲಿ ದಿನಕರ್ ತೂಗುದೀಪ ನಿರ್ದೇಶನದ ರಾಯಲ್ ಚಿತ್ರದ ಎರಡನೇ ಹಾಡು ಬಿಡುಗಡೆ ಆಗಿದೆ. ಹಾಡಿನ ರಿಲೀಸ್‌ಗೂ ಮುನ್ನ ತುಮಕೂರಿನ ಸಿದ್ಧಗಂಗಾ ಮಠಕ್ಕೆ ಭೇಟಿ ನೀಡಿ, ಶ್ರೀಗಳ ಆಶೀರ್ವಾದ ಪಡೆದಿದ್ದಾರೆ.
Royal Movie Second Song: ದಿನಕರ್ ತೂಗುದೀಪ ನಿರ್ದೇಶನದ ಜಯಣ್ಣ ಭೋಗೇಂದ್ರ ನಿರ್ಮಾಣದ ರಾಯಲ್ ಸಿನಿಮಾ ಬಿಡುಗಡೆಯ ಸನಿಹ ಬಂದಿದೆ. ಪ್ರಚಾರ ಕೆಲಸ ಆರಂಭಿಸಿದ ಚಿತ್ರತಂಡ, ಎರಡನೇ ಹಾಡನ್ನು ಪ್ರೇಕ್ಷಕರ ಮುಂದಿಟ್ಟಿದೆ. ತುಮಕೂರಿನಲ್ಲಿ ನಡೆದ ಅದ್ಧೂರಿ ಕಾರ್ಯಕ್ರಮದಲ್ಲಿ ಚಿತ್ರತಂಡದ ಬಹುತೇಕರು ಭಾಗವಹಿಸಿ, ಗ್ರ್ಯಾಂಡ್‌ ಆಗಿಯೇ ಹಾಡನ್ನು ಅನಾವರಣಗೊಳಿಸಿದೆ. ಸಾಂಗ್ ಬಿಡುಗಡೆಗೂ ಮುನ್ನ ಇಡೀ ಚಿತ್ರತಂಡ ತುಮಕೂರು ಸಿದ್ದಗಂಗಾ ಮಠಕ್ಕೆ ತೆರಳಿ ಗೋವಿಗೆ ನಮಸ್ಕರಿಸಿ, ಶ್ರೀಗಳ ಪಾದ ಸ್ಪರ್ಶಿಸಿ ಆಶೀರ್ವಾದ ಪಡೆದಿದೆ.
ರಾಯಲ್ ಸಿನಿಮಾದ ಟಾಂಗು ಟಾಂಗು ಹಾಡನ್ನು ವಿದ್ಯಾರ್ಥಿಗಳಿಂದಲೇ ರಿಲೀಸ್ ಮಾಡಿದೆ ಚಿತ್ರತಂಡ. ತುಮಕೂರಿನ ಪ್ಯಾಲೇಸ್‌ನಲ್ಲಿ ಕಾಲೇಜು ವಿದ್ಯಾರ್ಥಿಗಳ ಸಮ್ಮುಖದಲ್ಲಿ ಟಾಂಗ್ ಟಾಂಗ್ ಸಾಂಗ್ ರಿಲೀಸ್ ಆಗಿದ್ದು, ಸಾಂಗ್‌ನ ಕ್ರೇಜ್ ಯಾವ ಮಟ್ಟಕ್ಕೆ ಇತ್ತು ಅಂದ್ರೆ ವಿದ್ಯಾರ್ಥಿಗಳು ರಾಯಲ್ ಚಿತ್ರದ ನಾಯಕ ವಿರಾಟ್ ಹಾಗೂ ನಟಿ ಸಂಜನಾ ಆನಂದ್ ಜೊತೆ ಸ್ಟೆಪ್ಸ್ ಹಾಕಿ ಕುಣಿದು ಕುಪ್ಪಳಿಸಿದರು.
ನಮ್ಮ ಕುಟುಂಬದ ಸದ್ಯದ ಪರಿಸ್ಥಿತಿ ಗೊತ್ತೇ ಇದೆ..
ಇನ್ನೂ ವೇದಿಕೆಯಲ್ಲಿ ನಿರ್ದೇಶಕ ದಿನಕರ್ ತೂಗುದೀಪ ಮಾತನಾಡಿ, "ನಮಗ್ಯಾವುದೇ ಸಮಸ್ಯೆ ಇರಲಿ ಏನೇ ಇರಲಿ ಯಾವಾಗಲೂ ಸಪೋರ್ಟ್ ಮಾಡೋ ಸೆಲೆಬ್ರೆಟೀಸ್‌ಗೆ ನಮ್ಮ ಫ್ಯಾಮಿಲಿ ಮತ್ತು ದರ್ಶನ್ ಮೇಲಿನ ಸಪೋರ್ಟ್ ಹೀಗೆ ಇರಲಿ. ನಿಮ್ಮ ಪ್ರೀತಿಗೆ ನಾವು ಯಾವಾಗಲೂ ಚಿರಋಣಿ. ನಾವೇನೇ ಹೆಸರು ಮಾಡಿದ್ರು, ಅದು ನಿಮ್ಮಿಂದ. ಇಷ್ಟು ದಿನ ನಾನೆಲ್ಲೂ ಹೋಗಿರಲಿಲ್ಲ. ಕಾರಣ ಪರಿಸ್ಥಿತಿ. ಆದ್ರೆ ನನ್ನ ನಂಬಿ ಜಯಣ್ಣ ಭೋಗಣ್ಣ ದುಡ್ಡು ಹಾಕಿದ್ದಾರೆ. ಇದು ನನ್ನ ಜವಾಬ್ದಾರಿ ಅದಕ್ಕಾಗಿ ಈ ವೇದಿಕೆಗೆ ಬಂದಿದ್ದೀನಿ" ಎಂದರು.
ಕನ್ನಡದ ಎಲ್ಲ ಸಿನಿಮಾಗಳಿಗೂ ಬೆಂಬಲಿಸಿ..
ಮುಂದುವರಿದು ಮಾತನಾಡಿ, "ನಮ್ಮ ಸಿನಿಮಾ ಮಾತ್ರವಲ್ಲ ಎಲ್ಲ ಕನ್ನಡ ಚಿತ್ರಗಳಿಗೂ ಹೀಗೆ ಸಪೋರ್ಟ್ ಮಾಡಿ. ಜೊತೆ ಜೊತೆಯಲಿ, ನವಗ್ರಹ, ಸಾರಥಿ ಸಿನಿಮಾಗಳನ್ನು ನಾನ್ ಹಿಟ್ ಮಾಡಿಲ್ಲ. ನಂಗೆ ಒಳ್ಳೆ ಸಿನಿಮಾ ಮಾಡೋಕಷ್ಟೇ ಗೊತ್ತು. ಹಿಟ್ ಮಾಡೋಕೆ ಗೊತ್ತಿಲ್ಲ. ಅಭಿಮಾನಿಗಳೇ ಹಿಟ್ ಮಾಡಿದ್ದು. ನಿಮಗೆ ಬೇಕಿರೋ ಅಷ್ಟು ಎಲಿಮೆಂಟ್ಸ್ ರಾಯಲ್ ನಲ್ಲಿದೆ ಈ ಸಿನಿಮಾ ಹಿಂದಿನ ಶಕ್ತಿ ಜಯಣ್ಣ ಭೋಗೇಂದ್ರ. ನನ್ನ ನಿರೀಕ್ಷೆಯನ್ನ ವಿರಾಟ್ ಸಂಜನಾ ಪೂರೈಸಿದ್ದಾರೆ ಎಂದರು.
ನಿರ್ದೇಶಕ, ನಿರ್ಮಾಪಕರೂ ರಾಯಲ್..
ನಂತರ ಟಾಂಗು ಟಾಂಗು ಲಿರಿಸಿಸ್ಟ್ ಕವಿರಾಜ್ ಮಾತನಾಡಿ, ಇದು ಪಕ್ಕಾ ರಾಯಲ್ ಸಾಂಗ್. ಕಾರಣ ಡೈರೆಕ್ಟರ್ ರಾಯಲ್, ಮ್ಯೂಸಿಕ್ ಡೈರೆಕ್ಟರ್ ಕೂಡ ಪಕ್ಕಾ ರಾಯಲ್. ಜಯಣ್ಣ ಫಿಲ್ಮ್ಸ್ ಕೂಡ ಪ್ರೊಡಕ್ಷನ್ ನಲ್ಲಿ ರಾಯಲ್. ಚರಣ್ ರಾಜ್ ಬೆಳವಣಿಗೆ ಖುಷಿ ಕೊಡುತ್ತೆ. ನನ್ನ ಆಪ್ತಮಿತ್ರ ದಿನಕರ್ ತೂಗುದೀಪ. ಇನ್ನೂ ಮ್ಯೂಸಿಕ್ ಡೈರೆಕ್ಟರ್ ಚರಣ್ ರಾಜ್ ವೇದಿಕೆ ಮೇಲೆ ಮಾತನಾಡಿ ಎಲ್ಲರಿಗೂ ಧನ್ಯವಾದ ತಿಳಿಸಿದ್ರು. ಇದೇ ವೇಳೆ ನಟ ವಿರಾಟ್ ಹಾಗೂ ನಟಿ ಸಂಜನಾ ಮಾತನಾಡಿ, ತುಮಕೂರು ಪ್ರೀತಿಗೆ ನಾವು ಚಿರಋಣಿ. ಜಯಣ್ಣ ಬೋಗಣ್ಣ ಸರ್ ತುಂಬಾ ಖರ್ಚು ಮಾಡಿ ಈ ಹಾಡು ಮಾಡಿದ್ದಾರೆ. ಎಲ್ಲರ ಸಪೋರ್ಟ್ ಹೀಗೆ ಇರಲಿ ಎಂದರು.
