ಅನುಷ್ಕಾ ಶೆಟ್ಟಿ ರಾಣಿ ಅಬ್ಬಕ್ಕ ಲುಕ್‌ ವೈರಲ್; ಮಂಸೋರೆ ನಿರ್ದೇಶನದಲ್ಲಿ ನಟಿಸಲಿದ್ದಾರಾ ಸ್ವೀಟಿ?
ಅನುಷ್ಕಾ ಅವರನ್ನು ಕನ್ನಡಕ್ಕೆ ಕರೆ ತರಲು ಅನೇಕ ನಿರ್ದೇಶಕರು ಪ್ರಯತ್ನಿಸುತ್ತಿದ್ದಾರೆ. ಕನ್ನಡ ಸಿನಿಪ್ರಿಯರು ಕೂಡಾ ಅನುಷ್ಕಾ ಶೆಟ್ಟಿ ಕನ್ನಡ ಸಿನಿಮಾದಲ್ಲಿ ನಟಿಸಬಹುದಾ ಎಂದು ಆಸೆಯಿಂದ ಕಾಯುತ್ತಿದ್ದಾರೆ. ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಒಂದು ಪೋಸ್ಟರ್‌ ಕನ್ನಡಿಗರ ಆಸೆ ಇನ್ನಷ್ಟು ಚಿಗುರುವಂತೆ ಮಾಡಿದೆ.
ಟಾಲಿವುಡ್ ಕ್ವೀನ್‌ ಅನುಷ್ಕಾ ಶೆಟ್ಟಿ 'ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ' ಸಿನಿಮಾ ಗೆದ್ದ ಖುಷಿಯಲ್ಲಿದ್ದಾರೆ. ಬಹಳ ದಿನಗಳ ನಂತರ ಅನುಷ್ಕಾ ಶೆಟ್ಟಿಯನ್ನು ತೆರೆ ಮೇಲೆ ನೋಡಿದ ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸಿದ್ದಾರೆ. ಈ ಚಿತ್ರದ ಸಕ್ಸಸ್‌ ನಂತರ ಅನುಷ್ಕಾ ಮತ್ತೊಂದು ಹೊಸ ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ.
ಕನ್ನಡಕ್ಕೆ ಕರೆತರುವಂತೆ ಬೇಡಿಕೆ
ಅನುಷ್ಕಾ ಶೆಟ್ಟಿ ಕರ್ನಾಟಕದ ಹುಡುಗಿ ಆದರೂ ಟಾಲಿವುಡ್‌ನಲ್ಲಿ ಸ್ಟಾರ್‌ ನಟಿಯಾಗಿ ಹೆಸರು ಮಾಡಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ಕನ್ನಡದಲ್ಲಿ ಪೋಸ್ಟ್‌ ಹಂಚಿಕೊಳ್ಳುವ ಮೂಲಕ ನಾನು ಕನ್ನಡ ಮರೆತಿಲ್ಲ ಎಂದು ಪದೇ ಪದೇ ಸಾಬೀತು ಮಾಡುತ್ತಿದ್ದಾರೆ. ಇಷ್ಟಾದರೂ ಅನುಷ್ಕಾ ಕನ್ನಡದಲ್ಲಿ ಏಕೆ ನಟಿಸುತ್ತಿಲ್ಲ ಎಂಬ ಪ್ರಶ್ನೆ ಎದುರಾಗಿತ್ತು. ಒಳ್ಳೆ ಸ್ಕ್ರಿಪ್ಟ್‌ ಸಿಕ್ಕರೆ ಖಂಡಿತ ಕನ್ನಡದಲ್ಲಿ ನಟಿಸುತ್ತೇನೆ ಎಂದು ಅನುಷ್ಕಾ ಕೂಡಾ ಬಾಹುಬಲಿ ಪ್ರಮೋಷನ್‌ ವೇಳೆ ಹೇಳಿಕೊಂಡಿದ್ದರು. ಅಸಲಿಗೆ ಅನುಷ್ಕಾ ಶೆಟ್ಟಿ ಟಾಲಿವುಡ್‌ನಲ್ಲಿ ಕರಿಯರ್‌ ಆರಂಭಿಸುವ ಮುನ್ನ ಕನ್ನಡ ಸಿನಿಮಾವೊಂದಕ್ಕೆ ಆಡಿಷನ್‌ ನೀಡಿದ್ದರಂತೆ ಆದರೆ ಆ ಚಿತ್ರಕ್ಕೆ ಅವರ ರಿಜೆಕ್ಟ್‌ ಆಗಿದ್ದಾರೆ. ಇದು ಬಹಳ ಜನರಿಗೆ ಗೊತ್ತಿಲ್ಲ.
ಅನುಷ್ಕಾ ಶೆಟ್ಟಿ ರಾಣಿ ಅಬ್ಬಕ್ಕೆ ಪೋಸ್ಟರ್‌ ವೈರಲ್
ಅನುಷ್ಕಾ ಅವರನ್ನು ಕನ್ನಡಕ್ಕೆ ಕರೆ ತರಲು ಅನೇಕ ನಿರ್ದೇಶಕರು ಪ್ರಯತ್ನಿಸುತ್ತಿದ್ದಾರೆ. ಕನ್ನಡ ಸಿನಿಪ್ರಿಯರು ಕೂಡಾ ಅನುಷ್ಕಾ ಶೆಟ್ಟಿ ಕನ್ನಡ ಸಿನಿಮಾದಲ್ಲಿ ನಟಿಸಬಹುದಾ ಎಂದು ಆಸೆಯಿಂದ ಕಾಯುತ್ತಿದ್ದಾರೆ. ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಒಂದು ಪೋಸ್ಟರ್‌ ಕನ್ನಡಿಗರ ಆಸೆ ಇನ್ನಷ್ಟು ಚಿಗುರುವಂತೆ ಮಾಡಿದೆ. ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕ ಮಂಸೋರೆ ನಿರ್ದೇಶನದ ರಾಣಿ ಅಬ್ಬಕ್ಕ ಸಿನಿಮಾದಲ್ಲಿ ಅನುಷ್ಕಾ ನಟಿಸುತ್ತಿದ್ದಾರಾ ಎಂಬ ಅನುಮಾನ ಎಲ್ಲರಿಗೂ ಕಾಡುತ್ತಿದೆ. ಅನುಷ್ಕಾ, ಅಬ್ಬಕ್ಕನ ಕಾಸ್ಟ್ಯೂಮ್‌ನಲ್ಲಿರುವ ಪೋಸ್ಟರ್‌ವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ದೀಪೇಶ್‌ ಉಪ್ಪಾಲ AI ಆರ್ಟ್ ವರ್ಕ್‌
ಆದರೆ ಇಲ್ಲೊಂದು ಬೇಸರದ ವಿಚಾರವಿದೆ. ಇದು ಯಾವುದೇ ಸಿನಿಮಾ ಪೋಸ್ಟರ್‌ ಅಲ್ಲ. ಗ್ರಾಫಿಕ್‌ ಡಿಸೈನರ್‌ ದೀಪೇಶ್‌ ಉಪ್ಪಾಲ ಎಂಬುವವರು, ಅನುಷ್ಕಾ ಶೆಟ್ಟಿ ರಾಣಿ ಅಬ್ಬನ ಪಾತ್ರದಲ್ಲಿ ಹೇಗೆ ಕಾಣಿಸಬಹುದು ಎಂದು AI ಆರ್ಟ್ ವರ್ಕ್‌ ಮಾಡಿರುವ ಪೋಸ್ಟರ್‌ ಇದು. ಈ ಪೋಸ್ಟರ್‌ ವೈರಲ್ ಆಗುತ್ತಿದ್ದು ಮಂಸೋರೆ ಚಿತ್ರಕ್ಕೆ ಅನುಷ್ಕಾ ಅವರೇ ಪರ್ಫೆಕ್ಟ್‌ ನಟಿ. ಸಾಧ್ಯವಾದರೆ ಅವರನ್ನು ನಿಮ್ಮ ಚಿತ್ರದ ಮೂಲಕ ಕನ್ನಡಕ್ಕೆ ಕರೆ ತನ್ನಿ ಎಂದು ಅಭಿಮಾನಿಗಳು ಮನವಿ ಮಾಡುತ್ತಿದ್ದಾರೆ.
ಆಕ್ಟ್‌ 1978' ಸಿನಿಮಾ ನಂತರ ಮಂಸೋರೆ, ರಾಣಿ ಅಬ್ಬಕ್ಕ ಪ್ಯಾನ್‌ ಇಂಡಿಯಾ ಸಿನಿಮಾ ಅನೌನ್ಸ್‌ ಮಾಡಿದ್ದರು. ಆದರೆ ಕಾರಣಾಂತರಗಳಿಂದ ಆ ಸಿನಿಮಾವನ್ನು ಹೋಲ್ಡ್‌ ಮಾಡಿ 19.20.21 ಚಿತ್ರವನ್ನು ಕೈಗೆತ್ತಿಕೊಂಡರು. ಮುಂದಿನ ಚಿತ್ರವಾಗಿ ಮಂಸೋರೆ, ರಾಣಿ ಅಬ್ಬಕ್ಕ ಸಿನಿಮಾವನ್ನು ಮುಂದುವರೆಸಬಹುದಾ ಎಂದು ಸಿನಿಪ್ರಿಯರು ಕುತೂಹಲದಿಂದ ಕಾಯುತ್ತಿದ್ದಾರೆ.
