ಯಲಾ ಕುನ್ನಿ, ಮೂಕ ಜೀವ ಸೇರಿ ಈ ವಾರ ತೆರೆ ಕಾಣುತ್ತಿರುವ ಸಿನಿಮಾಗಳಿವು: ನಿಮ್ಮಿಷ್ಟದ ಜಾನರ್‌ ಸಿನಿಮಾ ನೋಡೋಕೆ ಸಿದ್ಧರಾಗಿ
ಕೋಮಲ್ ಕುಮಾರ್ ಅಭಿನಯದ ಯಲಾಕುನ್ನಿ, ಕಾಶಿನಾಥ್‌ ಪುತ್ರ ಅಭಿಮನ್ಯು ನಟಿಸಿರುವ ಎಲ್ಲಿಗೆ ಪಯಣ ಯಾವುದು ದಾರಿ, ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10ರ ವಿನ್ನರ್‌ ಕಾರ್ತಿಕ್ ಮಹೇಶ್ ನಟನೆಯ ಮೂಕ ಜೀವ ಸೇರಿದಂತೆ ಈ ವಾರ ವಿವಿಧ ಭಾಷೆಗಳಲ್ಲಿ ಬಹಳ ಸಿನಿಮಾಗಳು ರಿಲೀಸ್‌ ಆಗುತ್ತಿವೆ.
ಸಿನಿಮಾದವರ ಪಾಲಿಗೆ ಶುಕ್ರವಾರ ಬಹಳ ವಿಶೇಷ ದಿನ. ಶುಕ್ರವಾರ ಬಂತೆಂದರೆ ಸಾಕು ಚಿತ್ರಮಂದಿರಗಳಲ್ಲಿ ಹೊಸ ಸಿನಿಮಾಗಳು ರಿಲೀಸ್‌ ಆಗುತ್ತವೆ. ನಟ/ನಟಿಯರು ಕಟೌಟ್‌ಗಳು, ಪೋಸ್ಟರ್‌ಗಳು ರಾರಾಜಿಸುತ್ತವೆ. ಅದರಲ್ಲೂ ಸ್ಟಾರ್‌ ನಟರ ಸಿನಿಮಾಗಳು ರಿಲೀಸ್‌ ಆದರೆ ಸಾಕು ಸಿನಿಪ್ರಿಯರ ಪಾಲಿಗೆ ಅದು ಹಬ್ಬವೇ ಸರಿ. ಈಗಂತೂ ಬಹಳಷ್ಟು ಸಿನಿಮಾಗಳು ಗುರುವಾರ ಕೂಡಾ ತೆರೆ ಕಾಣುತ್ತವೆ.
ಅಕ್ಟೋಬರ್‌ 24,25 ರಂದು ಯಾವೆಲ್ಲಾ ಭಾಷೆಗಳ ಸಿನಿಮಾಗಳು ತೆರೆಗೆ ಬರುತ್ತಿವೆ. ಕನ್ನಡದ ಯಾವ ಸಿನಿಮಾಗಳು ಇಂದು ಹಾಗೂ ನಾಳೆ ಬಿಡುಗಡೆ ಆಗುತ್ತಿವೆ? ಇಲ್ಲಿದೆ ಮಾಹಿತಿ.
ಕನ್ನಡ ಸಿನಿಮಾಗಳು
ಯಲಾ ಕುನ್ನಿ
ಕೋಮಲ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಯಲಾ ಕುನ್ನಿ ಸಿನಿಮಾ ಅಕ್ಟೋಬರ್‌ 25ರಂದು ರಿಲೀಸ್‌ ಆಗುತ್ತಿದೆ. ಸೌಂದರ್ಯ ಸಿನಿ ಕಂಬೈನ್ಸ್ ಹಾಗೂ ನರಸಿಂಹ ಸಿನಿಮಾಸ್ ಬ್ಯಾನರ್‌ ಅಡಿಯಲ್ಲಿ ಅನುಸೂಯ ಕೋಮಲ್ ಕುಮಾರ್, ಸಹನ ಮೂರ್ತಿ ಈ ಸಿನಿಮಾ ನಿರ್ಮಿಸಿದ್ದಾರೆ. ಎನ್‌.ಆರ್‌. ಪ್ರದೀಪ್ ಈ ಸಿನಿಮಾಗೆ ಕಥೆ, ಚಿತ್ರಕಥೆ, ಸಾಹಿತ್ಯ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ನಟ ಕೋಮಲ್ ಎರಡು ಶೇಡ್‌ಗಳಲ್ಲಿ ನಟಿಸಿದ್ದಾರೆ. ಕೋಮಲ್, ವಜ್ರಮುನಿ ಅವರ ಗೆಟಪ್‌ನಲ್ಲಿರುವ ಪೋಸ್ಟರ್‌ ವೈರಲ್‌ ಅಗಿದ್ದು ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಾಗಿದೆ.
ಎಲ್ಲಿಗೆ ಪಯಣ ಯಾವುದೋ ದಾರಿ
ಕಾಶಿನಾಥ್‌ ಪುತ್ರ ಅಭಿಮನ್ಯು ನಟನೆಯ ಎಲ್ಲಿಗೋ ಪಯಣ ಯಾವುದೋ ದಾರಿ ಸಿನಿಮಾ ಶುಕ್ರವಾರ (ಅ.25) ತೆರೆಗೆ ಬರುತ್ತಿದೆ. ಸುದರ್ಶನ್ ಆರ್ಟ್ಸ್ ಬ್ಯಾನರ್‌ ಅಡಿಯಲ್ಲಿ ಜತಿನ್ ಪಟೇಲ್ ಈ ಚಿತ್ರವನ್ನು ನಿರ್ಮಿಸಿದ್ದು. ಕಿರಣ್ ಎಸ್ ಸೂರ್ಯ ನಿರ್ದೇಶನ ಮಾಡಿದ್ದಾರೆ. ಅಭಿಮನ್ಯುವಿಗೆ ಸ್ಫೂರ್ತಿ ಉಡಿಮನೆ ನಾಯಕಿಯಾಗಿ ನಟಿಸಿದ್ದಾರೆ. ವಿಜಯಶ್ರೀ ಕಲ್ಬುರ್ಗಿ, ಬಲರಾಜ್ವಾಡಿ, ಶೋಭನ್, ಪ್ರದೀಪ್, ರಮೇಶ್ ನಾಯಕ್, ರಿನಿ ಹಾಗೂ ಇನ್ನಿತರರು ಚಿತ್ರದಲ್ಲಿದ್ದಾರೆ.
ಮೂಕ ಜೀವ
ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10ರ ವಿಜೇತ ಕಾರ್ತಿಕ್ ಮಹೇಶ್ ನಟಿಸಿರುವ ಮೂಕ ಜೀವ ಈ ವಾರ (ಅ. 25) ತೆರೆಗೆ ಬರುತ್ತಿದೆ. ಗುರು ದೇಶಪಾಂಡೆ ಹಾಗೂ ಟೀಮ್‌ ಈ ಚಿತ್ರವನ್ನು ನಿರ್ಮಿಸಿದ್ದು ಗಿರಿರಾಜ್‌ ನಿರ್ದೇಶನ ಮಾಡಿದ್ದಾರೆ. ಮೂಕಜೀವ, ಜೆಎಂ ಪ್ರಹ್ಲಾದ್ ಅವರ ಕಾದಂಬರಿ ಆಧಾರಿತ ಸಿನಿಮಾ. ಚಿತ್ರದಲ್ಲಿ ಕಾರ್ತಿಕ್ ಮಹೇಶ್, ಶ್ರೀಹರ್ಷ, ಅಪೂರ್ವಶ್ರೀ, ಮೇಘಶ್ರೀ, ಗಿರೀಶ್ ವೈದ್ಯನಾಥನ್, ರಮೇಶ್ ಪಂಡಿತ್, ವೆಂಕಟಾಚಲ, ಶ್ರೀನಾಥ್ ವಸಿಷ್ಠ ಮುಂತಾದವರು ನಟಿಸಿದ್ದಾರೆ.
ನಸಾಬ್
ಲಂಬಾಣಿ ಸಮುದಾಯದ ಕಥೆ ಹೇಳುವ ಸಿನಿಮಾ ನಸಾಬ್ ಅ. 25ಮ ಶುಕ್ರವಾರ ರಿಲೀಸ್‌ ಆಗುತ್ತಿದೆ. ನಸಾಬ್ ಎಂದರೆ ಬಂಜಾರ ಅಥವಾ ಲಂಬಾಣಿ ಭಾಷೆಯಲ್ಲಿ ಸರ್ವೋಚ್ಛ ನಾಯಕ ಎಂದರ್ಥ. ಕೀರ್ತಿ ಕ್ರಿಯೇಶನ್ಸ್ ಬ್ಯಾನರ್‌ನಲ್ಲಿ ಸುಜಾತ ಕೆ. ನಸಾಬ್ ಸಿನಿಮಾ ನಿರ್ಮಿಸಿದ್ದು ಶಿಜ ನಿರ್ಮಾಣ ಮಾಡಿದ್ದಾರೆ. ಕೀರ್ತಿ ಕುಮಾರ್ ಈ ಚಿತ್ರದ ನಾಯಕನಾಗಿ ನಟಿಸಿದ್ದಾರೆ. ಅಮೃತಾ, ಜಯಶ್ರೀ, ಹೇಮಂತ್, ಪದ್ಮಾ ವಾಸಂತಿ, ತಬಲಾ ನಾಣಿ, ವಿಜಯಕಾಶಿ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಪ್ರಾಪ್ತಿ
ಎಸ್ ಮಹೇಶ್ ಬಾಬು ನಿರ್ಮಿಸಿ, ನಿರ್ದೇಶನ ಮಾಡಿರುವ ಪ್ರಾಪ್ತಿ ಸಿನಿಮಾ ಶುಕ್ರವಾರ (ಅ. 25)ರಿಲೀಸ್‌ ಆಗುತ್ತಿದೆ. ಈ ಸಸ್ಪೆನ್ಸ್‌ ಥ್ರಿಲ್ಲರ್‌ ಚಿತ್ರದಲ್ಲಿ ಜಯಸೂರ್ಯ ಆನೇಕಲ್‌, ಗೌರಿ ಸಾರ್‌, ನಿಖಿತಾ ಗೌಡ, ಮೊನಿಷಾ ಥಾಮಸ್‌, ಕಳಸ ಮಂಜುನಾಥ್‌, ಮಂಜುಳಾ ರೆಡ್ಡಿ ಹಾಗೂ ಇನ್ನಿತರರು ನಟಿಸಿದ್ದಾರೆ.
ಒಬ್ಬಟ್ಟು
ಕೀರ್ತನಾ ಮೂವಿ ಮೇಕರ್ಸ್‌ ಬ್ಯಾನರ್‌ ಅಡಿ ಲೋಕೇಶ್‌ ವಿದ್ಯಾಧರ ನಿರ್ದೇಶನ ಮಾಡಿರುವ ಒಬ್ಬಟ್ಟು ಸಿನಿಮಾ ನಾಳೆ (ಅ. 25)ತೆರೆಗೆ ಬರುತ್ತಿದೆ. ಇದೊಂದು ಕಾಮಿಡಿ ಚಿತ್ರವಾಗಿದ್ದು ಬಹುತೇಕ ಮಂಡ್ಯ ಸುತ್ತಮುತ್ತ ಚಿತ್ರೀಕರಿಸಲಾಗಿದೆ. ಯುಗಾದಿ ಹಬ್ಬದ ಸಮಯದಲ್ಲಿ ನಡೆಯುವ ಪ್ರೇಮಕಥೆಯನ್ನು ಚಿತ್ರದಲ್ಲಿ ತೋರಿಸಲಾಗಿದೆ. ಅಮಿತ್‌ ರಾವ್‌, ಸುನಂದಾ ಕಲ್ಬುರ್ಗಿ, ಮೈಸೂರು ಮಂಜುಳ, ರವಿ ಎಂಕೆ, ಕೆಂಪೇಗೌಡ ಹಾಗೂ ಇನ್ನಿತರರು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಇತರ ಭಾಷೆಗಳ ಸಿನಿಮಾಗಳು
ತೆಲುಗು
ನರುಡಿ ಬ್ರತುಕು ನಟನ - ಅ. 25
ಪೊಟ್ಟೆಲ - ಅ. 25
ಲಗ್ಗಂ - ಅ. 25
ಗ್ಯಾಂಗ್‌ಸ್ಟರ್‌ - ಅ. 25
C202 - ಅ. 25
ರೋಟಿ ಕಪ್ಡಾ ರೊಮ್ಯಾನ್ಸ್ - ಅ. 25
ಸಮುದ್ರುಡು - ಅ. 25
ತಮಿಳು
ಹ್ಯಾಪಿ ಬರ್ತ್‌ಡೇ ಲೂಸಿ - ಅ. 25
ಸೀನ್‌ ನಂಬರ್‌ 62 - ಅ. 25
ಓಟ್ರೈ ಪನೈ ಮಾರಮ್‌ - ಅ. 25
ಮಲಯಾಳಂ
ಪನಿ - ಅ. 24
ಪಲೊಟ್ಟಿ 90 ಕಿಡ್ಸ್‌ - ಅ. 25
ತ್ರಯಂ - ಅ. 25
ಸೂಪರ್‌ ಸ್ಟಾರ್‌ ಕಲ್ಯಾಣಿ - ಅ. 25
ದಯಾ ಭಾರತಿ - ಅ. 25
ಹಿಂದಿ
ಬಂದಾ ಸಿಂಗ್‌ ಚೌಧರಿ - ಅ. 25
ನವರಸ್‌ ಕಥಾ ಕಾಲೇಜ್‌ - ಅ. 25
ಮನಿ ತಂತ್ರ - ಅ. 25
ಈ ವಾರ ಬಿಗ್‌ ಬಜೆಟ್‌ ಸಿನಿಮಾಗಳು ರಿಲೀಸ್‌ ಆಗುತ್ತಿಲ್ಲ. ಹೊಸಬರ ಸಿನಿಮಾ ನೋಡಬಯಸುವವರು ಇಂದು ಅಥವಾ ನಾಳೆ ಮೆಚ್ಚಿನ ಸಿನಿಮಾ ನೋಡಲು ಟಿಕೆಟ್‌ ಬುಕ್‌ ಮಾಡಬಹುದು.
ವಿಭಾಗ