Sanjay Dutt about drugs: ಡ್ರಗ್ಸ್‌ ಸೇವಿಸಿ 2 ದಿನ ಎಚ್ಚರವಿಲ್ಲದೆ ಮಲಗಿದ್ದೆ..ಆ ದಿನಗಳನ್ನು ನೆನೆದ ಸಂಜಯ್ ದತ್
ಸಲ್ಮಾನ್‌ ಖಾನ್‌ ನಡೆಸಿಕೊಡುತ್ತಿರುವ ದಸ್‌ ಕಾ ದಮ್‌ ಕಾರ್ಯಕ್ರಮದಲ್ಲಿ ಸಂಜಯ್ ದತ್ ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಬಾಲಿವುಡ್ ಹಿರಿಯ ನಟ ಜಾಕಿ ಶ್ರಾಫ್‌ ಕೂಡಾ ಭಾಗವಹಿಸಿದ್ದರು. ಅವರೊಂದಿಗೆ ಮಾತನಾಡುವಾಗ ಸಂಜಯ್ ದತ್, ತಾವು ಡ್ರಗ್ಸ್‌ ಸೇವಿಸುತ್ತಿದ್ದ ದಿನಗಳನ್ನು ನೆನೆದಿದ್ದರು.
ಬಾಲಿವುಡ್ ನಟ ಸಂಜಯ್ ದತ್ ಸಿನಿಮಾ ಹಾಗೂ ವೈಯಕ್ತಿಕ ವಿಚಾರಗಳಲ್ಲಿ ಸಾಕಷ್ಟು ಏರಿಳಿತ ಕಂಡವರು. 1993ರ ಸರಣಿ ಬಾಂಬ್ ಸ್ಫೋಟಕ್ಕೆ ಸಂಬಂಧಿಸಿದಂತೆ ಅಕ್ರಮ ಶಸ್ತ್ರಾಸ್ತ್ರಗಳನ್ನು ಹೊಂದಿದ ಆರೋದ ಮೇಲೆ ಸಂಜಯ್ ದತ್ ಜೈಲಿಗೆ ಕೂಡಾ ಹೋಗಿ ಬಂದಿದ್ದರು. ಜೈಲುವಾಸ ನನ್ನನ್ನು ಉತ್ತಮ ವ್ಯಕ್ತಿಯನ್ನಾಗಿ ರೂಪಿಸಿತು ಎಂದು ಕೂಡಾ ಸಂಜುಬಾಬಾ ಹೇಳಿಕೋಂಡಿದ್ದರು. ಇದೀಗ ಅವರು ಕೆಲವು ವರ್ಷಗಳ ಹಿಂದೆ ಡಗ್ಸ್‌ ಬಗ್ಗೆ ಮಾತನಾಡಿದ್ದ ವಿಡಿಯೋವೊಂದು ವೈರಲ್‌ ಆಗುತ್ತಿದೆ.
ತಾವು ಡ್ರಗ್ಸ್‌ ಸೇವಿಸುತ್ತಿದ್ದ ದಿನಗಳನ್ನು ಸಂಜಯ್ ದತ್ ನೆನಪಿಸಿಕೊಂಡ ವಿಡಿಯೋ ಅದು. ಸಲ್ಮಾನ್‌ ಖಾನ್‌ ನಡೆಸಿಕೊಡುತ್ತಿರುವ ದಸ್‌ ಕಾ ದಮ್‌ ಕಾರ್ಯಕ್ರಮದಲ್ಲಿ ಸಂಜಯ್ ದತ್ ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಬಾಲಿವುಡ್ ಹಿರಿಯ ನಟ ಜಾಕಿ ಶ್ರಾಫ್‌ ಕೂಡಾ ಭಾಗವಹಿಸಿದ್ದರು. ಅವರೊಂದಿಗೆ ಮಾತನಾಡುವಾಗ ಸಂಜಯ್ ದತ್, ತಾವು ಡ್ರಗ್ಸ್‌ ಸೇವಿಸುತ್ತಿದ್ದ ದಿನಗಳನ್ನು ನೆನೆದಿದ್ದರು. ಇತ್ತೀಚಿನ ದಿನಗಳಲ್ಲಿ ಯುವಜನತೆ, ಅದರಲ್ಲೂ ಕಾಲೇಜು ವಿದ್ಯಾರ್ಥಿಗಳು ಡ್ರಗ್ಸ್‌ ವ್ಯಸನಿಗಳಾಗುತ್ತಿದ್ದಾರೆ, ಅವರಿಗೆ ಡ್ರಗ್ಸ್‌ ದುಷ್ಪರಿಣಾಮದ ಬಗ್ಗೆ ಅರಿವು ಮೂಡಿಸುವ ವಿಚಾರವಾಗಿ ನಿಮ್ಮ ಅಭಿಪ್ರಾಯ ಹೇಳಿ ಎಂದು ಕೇಳಲಾಗಿತ್ತು.
ಇದಕ್ಕೆ ಉತ್ತರಿಸಿದ್ದ ಸಂಜಯ್ ದತ್ "ಅದೊಂದು ಕೆಲಸಕ್ಕೆ ಬಾರದ ವಸ್ತು. ಒಮ್ಮ ಡ್ರಗ್ಸ್‌ ಸೇವಿಸಿ ಮನೆಗೆ ಬಂದಾಗ ರಾತ್ರಿ ಆಗಿತ್ತು. ಬಂದು ಊಟ ಮಾಡದೆ ಮಲಗಿದ್ದೆ, ಇದ್ದಕ್ಕಿದ್ದಂತೆ ಬಹಳ ಹಸಿವು ಕಾಡತೊಡಗಿತು. ಎದ್ದ ನಂತರ ನನ್ನ ಸರ್ವೆಂಟ್‌ಗೆ ಊಟ ಕೇಳಿದೆ. 2 ದಿನಗಳ ನಂತರ ಊಟ ಕೇಳುತ್ತಿದ್ದೀರ ಎಂದು ಆತ ಹೇಳಿದ್ದನ್ನು ಕೇಳಿ ನನಗೆ ಶಾಕ್‌ ಆಯ್ತು. ಆಗಲೇ ನನಗೆ ಡ್ರಗ್ಸ್‌ ಅನ್ನೋದು ನಿರುಪಯೋಗಿ ವಸ್ತು ಅನ್ನೋದು ಅರ್ಥ ಆಯ್ತು. ಅಂದಿನಿಂದ ನಿಧಾನವಾಗಿ ಡ್ರಗ್ಸ್‌ ಸೇವಿಸುವುದನ್ನು ಬಿಟ್ಟೆ. ಡ್ರಗ್ಸ್‌ನಿಂದ ಕೆಲವು ವರ್ಷಗಳು ವ್ಯರ್ಥ ಮಾಡಿಕೊಂಡೆ. ಯಾವುದೇ ವಿಚಾರದಲ್ಲಿ ಆಸಕ್ತಿ ಇರಲಿಲ್ಲ. ಕ್ರಮೇಣ ಆ ಕೆಟ್ಟ ಅಭ್ಯಾಸದಿಂದ ಹೊರಬಂದೆ" ಎಂದು ಸಂಜಯ್ ದತ್ ಹೇಳಿದ್ದಾರೆ. ಇದೀಗ ಈ ವಿಡಿಯೋ ವೈರಲ್‌ ಆಗುತ್ತಿದೆ.
ಸಂಜಯ್ ದತ್ 'ಕೆಜಿಎಫ್‌' ಚಿತ್ರದ ಮೂಲಕ ಕನ್ನಡಕ್ಕೆ ಬಂದಿದ್ದರು. ಅಧೀರ ಎಂಬ ಪಾತ್ರದಲ್ಲಿ ಅವರು ಮಿಂಚಿದ್ದರು. ಇದೀಗ ಪ್ರೇಮ್‌ ನಿರ್ದೇಶನದ ಚಿತ್ರವೊಂದರಲ್ಲಿ ಅವರು ನಟಿಸುತ್ತಿದ್ದಾರೆ. ಧ್ರುವ ಸರ್ಜಾ ನಾಯಕನಾಗಿ ನಟಿಸುತ್ತಿರುವ KD ಚಿತ್ರದಲ್ಲಿ ಸಂಜಯ್ ದತ್ ನಟಿಸುತ್ತಿದ್ದಾರೆ. ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಶೀರ್ಷಿಕೆ ಬಿಡುಗಡೆ ಕಾರ್ಯಕ್ರಮಕ್ಕೆ ಸಂಜಯ್ ದತ್ ಆಗಮಿಸಿದ್ದರು. ಮತ್ತೊಮ್ಮೆ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವ ಬಗ್ಗೆ ಸಂತೋಷ ವ್ಯಕ್ತಪಡಿಸಿದ್ದರು. ಹಿಂದಿಯಲ್ಲಿ ಇತ್ತೀಚೆಗೆ ಸಂಜಯ್ ದತ್ ಅಭಿನಯದ 'ಶಂಶೇರಾ' ಸಿನಿಮಾ ತೆರೆ ಕಂಡಿತ್ತು. ಸದ್ಯಕ್ಕೆ ಅವರು ದಿ ಗುಡ್‌ ಮಹಾರಾಜ, ಗುಡ್‌ಛಡಿ ಹಾಗೂ ತಮಿಳಿನಲ್ಲಿ ವಿಜಯ್‌ ಜೊತೆ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
