Shruti Haasan Without Makeup: ಮೇಕಪ್ ಇಲ್ಲದ ಫೋಟೋ ಹಂಚಿಕೊಂಡ ಶ್ರುತಿ ಹಾಸನ್..ಟ್ರೋಲ್‌ ಜೊತೆ ಅನುಕಂಪ ವ್ಯಕ್ತಪಡಿಸಿದ ನೆಟಿಜನ್ಸ್‌
ಜನರು ಮಾಡುವ ವಿವಿಧ ಕಮೆಂಟ್‌ಗಳಿಗೆ ಪ್ರತಿಕ್ರಿಯಿಸಿರುವ ಶ್ರುತಿ ಹಾಸನ್, ನಾನು ಇತರ ನಾಯಕಿಯರಂತೆ ಟ್ರೋಲ್‌ ಮಾಡೋರಿಗೆ ಹೆದರುವುದಿಲ್ಲ. ಈ ಕಾಮೆಂಟ್‌ಗಳ ಬಗ್ಗೆ ಕೂಡಾ ಗಮನ ಹರಿಸುವುದಿಲ್ಲ ಎಂದಿದ್ದಾರೆ. ಅಷ್ಟೇ ಅಲ್ಲ, ಶೃತಿ ಹಾಸನ್ ಡಿಗ್ಲಾಮರ್ ಫೋಟೋ ಹಂಚಿಕೊಳ್ಳಲು ಹಿಂದಿನ ಕಾರಣವನ್ನೂ ಬಹಿರಂಗಪಡಿಸಿದ್ದಾರೆ.
ಸಿನಿಮಾ ನಟಿಯರನ್ನು ಮೇಕಪ್ ಇಲ್ಲದೆ ನೋಡಲು ಜನರು ಇಷ್ಟಪಡುತ್ತಾರೆ. ಆದರೆ ಅವರು ಎಲ್ಲಿ ಹೋದರೂ ಮೇಕಪ್ ಮಾಡಿಕೊಳ್ಳದೆ ಹೋಗುವುದಿಲ್ಲ. ಅಂತದ್ದರಲ್ಲಿ ಕೆಲವೇ ಕೆಲವು ನಟಿಯರು ಮಾತ್ರ ಸೋಷಿಯಲ್‌ ಮೀಡಿಯಾದಲ್ಲಿ ಯಾವುದೇ ಮುಜುಗರ ಇಲ್ಲದೆ ತಮ್ಮ ಮೇಕಪ್ ರಹಿತ ಫೋಟೋವನ್ನು ಕ್ಲಿಕ್‌ ಮಾಡ್ತಾರೆ. ಅವರಲ್ಲಿ ಶ್ರುತಿ ಹಾಸನ್ ಕೂಡಾ ಒಬ್ಬರು.
ಶೃತಿ ಹಾಸನ್, ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಮೇಕಪ್ ಇಲ್ಲದ ಕೆಲವು ಫೋಟೋಗಳನ್ನು ಶೇರ್ ಮಾಡುತ್ತಿದ್ದಂತೆ ಕೆಲವರು ಆಕೆಯನ್ನು ಟ್ರೋಲ್‌ ಮಾಡಲು ಆರಂಭಿಸಿದ್ದಾರೆ. ಆದರೆ ಶ್ರುತಿ ಹಾಸನ್ ಮಾತ್ರ ಯಾರ ಕಮೆಂಟ್‌ಗಳಿಗೂ ತಲೆಕೆಡಿಸಿಕೊಳ್ಳುವುದಿಲ್ಲ. ತನಗಿಷ್ಟ ಬಂದ ಹಾಗೆ ಲೈಫ್‌ ಎಂಜಾಯ್‌ ಮಾಡುತ್ತಾರೆ. ಜನರು ಮಾಡುವ ವಿವಿಧ ಕಮೆಂಟ್‌ಗಳಿಗೆ ಪ್ರತಿಕ್ರಿಯಿಸಿರುವ ಶ್ರುತಿ ಹಾಸನ್, ನಾನು ಇತರ ನಾಯಕಿಯರಂತೆ ಟ್ರೋಲ್‌ ಮಾಡೋರಿಗೆ ಹೆದರುವುದಿಲ್ಲ. ಈ ಕಾಮೆಂಟ್‌ಗಳ ಬಗ್ಗೆ ಕೂಡಾ ಗಮನ ಹರಿಸುವುದಿಲ್ಲ ಎಂದಿದ್ದಾರೆ. ಅಷ್ಟೇ ಅಲ್ಲ, ಶೃತಿ ಹಾಸನ್ ಡಿಗ್ಲಾಮರ್ ಫೋಟೋ ಹಂಚಿಕೊಳ್ಳಲು ಹಿಂದಿನ ಕಾರಣವನ್ನೂ ಬಹಿರಂಗಪಡಿಸಿದ್ದಾರೆ.
ಶ್ರುತಿ ಹಾಸನ್ ಅವರ ಡಿಗ್ಲಾಮರ್ ಫೋಟೋ ಹಿಂದಿನ ಕಾರಣ ತಿಳಿದ ನಂತರ, ನೆಟಿಜನ್‌ಗಳ ಪ್ರತಿಕ್ರಿಯೆಗಳು ಬದಲಾಗಿವೆ. ಆಕೆ ಕೆಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದು ತೀವ್ರ ಜ್ವರ ಕಾಡುತ್ತಿದೆಯಂತೆ. ಜೊತೆಗೆ ಪಿರಿಯಡ್ಸ್‌ ನೋವು ಕೂಡಾ. ''ಈ ಮೇಕಪ್ ರಹಿತ ಸೆಲ್ಫಿ ನಿಮಗೆ ಇಷ್ಟವಾಗಿರುವುದಾಗಿ ಭಾವಿಸುತ್ತೇನೆ'' ಎಂದು ಶ್ರುತಿ ಹಾಸನ್ ಬರೆದುಕೊಂಡಿದ್ದಾರೆ. ಇದನ್ನೂ ನೋಡಿದವರು ಆದಷ್ಟು ಬೇಗ ಗುಣಮುಖರಾಗಿ ಎಂದು ಅನುಕಂಪದಿಂದ ಕಮೆಂಟ್‌ ಮಾಡುತ್ತಿದ್ದಾರೆ.
ಶ್ರುತಿ ಹಾಸನ್ 'ಹೇ ರಾಮ್‌' ಚಿತ್ರದ ಮೂಲಕ 2000ರಲ್ಲಿ ಬಾಲನಟಿಯಾಗಿ ಚಿತ್ರರಂಗಕ್ಕೆ ಬಂದರು. ಆರಂಭದಲ್ಲಿ ಸ್ಟಾರ್‌ ನಟನೊಂದಿಗೆ ನಾಯಕಿಯಾಗಿ ನಟಿಸಿದರೂ ಆಕೆಯ ಲಕ್‌ ಖುಲಾಯಿಸಲಿಲ್ಲ. ಶ್ರುತಿ ಹಾಸನ್ ಆಕ್ಟಿಂಗ್‌ ಕರಿಯರ್‌ ಇನ್ನು ಮುಗಿಯಿತು ಎಂದುಕೊಂಡವರಿಗೆ ಮತ್ತೆ ಆಶ್ಚರ್ಯ ಕಾದಿತ್ತು. ಒಂದು ವೇಳೆ ನಾಯಕಿಯಾಗಿ ಮುಂದುವರೆಯಲಾಗದಿದ್ದರೆ, ಸಂಗೀತ ನಿರ್ದೇಶಕಿಯಾಗಿ ಅಥವಾ ಗಾಯಕಿಯಾಗಿ ಮುಂದುವರೆಯುತ್ತೇನೆ ಎಂದು ನಿರ್ಧರಿಸಿದ್ದ ಆಕೆಗೆ ಪವನ್‌ ಕಲ್ಯಾಣ್‌ ಜೊತೆಗಿನ 'ಗಬ್ಬರ್‌ ಸಿಂಗ್‌' ಸಿನಿಮಾ ಒಳ್ಳೆ ಹೆಸರು ನೀಡಿತು.
ಹತ್ತು ವರ್ಷಗಳ ಹಿಂದೆ ಬಂದ ಆ ಸಿನಿಮಾ ಆಕೆಗೆ ದೊರೆತ ಕ್ರೇಜ್, ಈಗಲೂ ಅವಕಾಶಗಳನ್ನು ತಂದುಕೊಡುತ್ತಿದೆ. ಸದ್ಯ ಶ್ರುತಿ ಹಾಸನ್ ಕೈಯಲ್ಲಿ ಮೂರು ಕ್ರೇಜಿ ತೆಲುಗು ಪ್ರಾಜೆಕ್ಟ್‌ಗಳಿವೆ. ಚಿರಂಜೀವಿ ಅಭಿನಯದ 'ವಾಲ್ತೇರು ವೀರಯ್ಯ' ಚಿತ್ರದಲ್ಲಿ ಶ್ರುತಿ ಹಾಸನ್ ನಾಯಕಿ. ನಂದಮೂರಿ ಬಾಲಕೃಷ್ಣ ಅಭಿನಯದ 'ವೀರಸಿಂಹ ರೆಡ್ಡಿ' ಚಿತ್ರದಲ್ಲೂ ಇವರೇ ಹೀರೋಯಿನ್‌. ಜೊತೆಗೆ ಹೊಂಬಾಳೆ ಫಿಲ್ಮ್ಸ್‌ ಪ್ರೊಡಕ್ಷನ್‌ ಬ್ಯಾನರ್‌ನಲ್ಲಿ ಪ್ರಶಾಂತ್‌ ನೀಲ್‌ ನಿರ್ದೇಶಿಸುತ್ತಿರುವ ಪ್ರಭಾಸ್ ಅಭಿನಯದ ಪ್ಯಾನ್ ಇಂಡಿಯಾ ಚಿತ್ರ 'ಸಲಾರ್'ನಲ್ಲಿ ಕೂಡಾ ಶ್ರುತಿ ಹಾಸನ್ ನಟಿಸುತ್ತಿದ್ದಾರೆ. ಚಿರಂಜೀವಿ ಮತ್ತು ಬಾಲಯ್ಯ ಅಭಿನಯದ ಚಿತ್ರಗಳು ಮುಂದಿನ ವರ್ಷ ಜನವರಿಯಲ್ಲಿ ಸಂಕ್ರಾಂತಿಯಂದು ಬಿಡುಗಡೆಯಾಗಲಿವೆ.
