‌Bigg boss Kannada 11: ಅತಿಯಾದ ಮಾತೇ ಮುಳುವಾಯ್ತೇ? ಮೊದಲ ವಾರವೇ ಬಿಗ್‌ ಬಾಸ್‌ ಮನೆಯಿಂದ ಹೊರನಡೆದ ಯಮುನಾ ಶ್ರೀನಿಧಿ

‌Bigg boss Kannada 11: ಬಿಗ್‌ ಬಾಸ್‌ ಕನ್ನಡ 11ರ ಶೋ ಒಂದು ವಾರ ಪೂರ್ಣಗೊಳಿಸಿದೆ. 17 ಸ್ಪರ್ಧಿಗಳ ಪೈಕಿ 10 ಜನ ಸ್ವರ್ಗಕ್ಕೆ 7 ಜನ ನರಕಕ್ಕೆ ಸೇರಿದ್ದರು. ಆ ಪೈಕಿ ಸದ್ದು ಗದ್ದಲದ ನಡುವೆ ಮೊದಲ ವಾರ ಮುಗಿದಿದೆ. ಮೊದಲ ಎಲಿಮಿನೇಷನ್‌ ಪ್ರಕ್ರಿಯೆಯೂ ನಡೆದು, ಅಚ್ಚರಿಯ ಸ್ಪರ್ಧಿಯೇ ಮನೆಯಿಂದ ಗೇಟ್‌ಪಾಸ್‌ ಪಡೆದಿದ್ದಾರೆ. ಕಿರುತೆರೆ ನಟಿ ಯಮುನಾ ಶ್ರೀನಿಧಿ ಬಿಗ್‌ ಬಾಸ್‌ ಮನೆಗೆ ಬಂದಷ್ಟೇ ಬೇಗ ಹೊರನಡೆದಿದ್ದಾರೆ. 17 ಜನರ ಪೈಕಿ ಸ್ಟ್ರಾಂಗ್‌ ಕಂಟೆಸ್ಟಂಟ್‌ ಅಂತ ಕರೆಸಿಕೊಂಡಿದ್ದ ಯಮುನಾ ಎಲಿಮಿನೇಷನ್‌ಗೆ ಕಾರಣವಾಗಿದ್ದೇನು? ಅತಿಯಾದ ಮಾತೇ ಅವರಿಗೆ ಮುಳುವಾಯ್ತೇ?

ಈ ವಾರ ಬಿಗ್‌ಬಾಸ್‌ ಮನೆಯಿಂದ ಹೊರ ಹೋಗಲು ಬರೋಬ್ಬರಿ 10 ಮಂದಿ ನಾಮಿನೇಟ್‌ ಆಗಿದ್ದರು. ಚೈತ್ರಾ ಕುಂದಾಪುರ ನೇರವಾಗಿ ನಾಮಿನೇಟ್‌ ಆಗಿದ್ದರೆ, ಸ್ವರ್ಗವಾಸಿಗಳಾದ ಯಮುನಾ ಶ್ರೀನಿಧಿ, 'ಉಗ್ರಂ' ಮಂಜು, ಗೌತಮಿ ಜಾಧವ್, ಕೆ ಎನ್‌ ಜಗದೀಶ್, ಭವ್ಯಾ ಗೌಡ, ಹಂಸ ನಾರಾಯಣಸ್ವಾಮಿ ಜತೆಗೆ ನರಕ ನಿವಾಸಿಗಳಾದ ಶಿಶಿರ್ ಶಾಸ್ತ್ರಿ, ಮೋಕ್ಷಿತಾ ಪೈ, ಮಾನಸಾ ಕೂಡ ನಾಮಿನೇಟ್ ಆಗಿದ್ದರು. ಶನಿವಾರ ಭವ್ಯಾ ಗೌಡ, ಮಾನಸ, ಶಿಶಿರ್‌ ಶಾಸ್ತ್ರಿ ಬಚಾವ್‌ ಆಗಿದ್ದರು.

ಇದನ್ನೂ ಓದಿ: ಬಿಗ್‌ಬ್ರೋ ಗೌತಮ್‌ ಎದುರು ಥರಗುಟ್ಟುತ್ತಿದ್ದಾನೆ ಜೈದೇವ್‌, ಟೆಂಡರ್‌ ವಂಚನೆಯಿಂದ ಅಕ್ರಮ ಸಂಬಂಧದವರೆಗೆ ಎಲ್ಲಾ ಸತ್ಯ ಬಹಿರಂಗ- ಅಮೃತಧಾರೆ

ಯಮುನಾ ಶ್ರೀನಿಧಿ ಔಟ್‌!

ಬಹುತೇಕ ಇಡೀ ಮನೆ ಈ ವಾರ ಜಗದೀಶ್‌ ಅವರೇ ಮನೆಯಿಂದ ಹೊರ ನಡೆಯಬಹುದು ಎಂದು ಭಾವಿಸಿದ್ದರು. ಆದರೆ, ಅದು ಘಟಿಸಲಿಲ್ಲ. ಅವರು ಸೇಫ್‌ ಆದ ಬಳಿಕ ಕೊನೆಗೆ ನೇರವಾಗಿ ನಾಮಿನೇಟ್‌ ಆಗಿದ್ದ ಚೈತ್ರಾ ಕುಂದಾಪುರ, ಕ್ಯಾಪ್ಟನ್‌ ಹಂಸ ಮತ್ತು ಯಮುನಾ ಶ್ರೀನಿಧಿ ಉಳಿದಿದ್ದರು. ಈ ಮೂವರಲ್ಲಿ ಚೈತ್ರಾ ಅವರನ್ನು ಉಳಿಸಿಕೊಂಡರು ಕಿಚ್ಚ ಸುದೀಪ್.‌ ಅಲ್ಲಿಗೆ ಉಳಿದಿದ್ದು ಹಂಸ ಮತ್ತು ಯಮುನಾ. ಹಂಸ ಕ್ಯಾಪ್ಟನ್‌ ಆಗಿದ್ದರಿಂದ ಇಮ್ಯೂನಿಟಿ ಪಡೆದುಕೊಂಡು ಸೇಫ್‌ ಆದರೆ, ಯಮುನಾ ಎಲಿಮಿನೇಟ್‌ ಆದರು.

ಅತಿಯಾದ ಮಾತೇ ಮುಳುವಾಯ್ತೇ?

ಬಿಗ್‌ ಬಾಸ್‌ ಮನೆಗೆ ಬಂದ ಮೊದಲ ವಾರದ ಮೊದಲ ದಿನವೇ ಇತರೆ ಸ್ಪರ್ಧಿಗಳ ಜತೆಗೆ ಯಮುನಾ ಶ್ರೀನಿಧಿ ಮಾತಿನ ಸಮರ ಸಾರಿದರು. ಮಾತಿಗೆ ಮಾತು ಬೆಳೆಸಿ ವೀಕ್ಷಕರಿಗೂ ಕೊಂಚ ಬೇಸರ ತರಿಸಿದರು. ಅವರ ಆ ಅತಿಯಾದ ಮಾತೇ ಎಲಿಮಿನೇಷನ್‌ಗೆ ಮುಳುವಾಯ್ತು ಎಂದೂ ಹೇಳಲಾಗುತ್ತಿದೆ.

ಇದನ್ನೂ ಓದಿ: ‘ನಾನೆಲ್ಲೂ ಹೋಗಿಲ್ಲ, ನಮ್ಮ ಕುಟುಂಬದ ಸದ್ಯದ ಪರಿಸ್ಥಿತಿ ನಿಮಗೂ ಗೊತ್ತು’; ರಾಯಲ್‌ ಚಿತ್ರದ ಹಾಡಿನ ನೆಪದಲ್ಲಿ ಬಂದ ದಿನಕರ್‌ ತೂಗುದೀಪ

ಟಾಪ್‌ ಮೂವರು ಯಾರಿರಬಹುದು..

ಬಿಗ್‌ ಮನೆಯಲ್ಲಿನ ಕೆಲವರಿಗೆ ಹೋಲಿಕೆ ಮಾಡಿದರೆ ನಾನು ಸ್ಟ್ರಾಂಗ್‌ ಕಂಟೆಂಡರ್‌. ಇನ್ನೂ ಕೆಲ ವಾರಗಳ ಕಾಲ ಬಿಗ್‌ ಮನೆಯಲ್ಲಿ ಇರುತ್ತೇನೆ ಎಂದೇ ಭಾವಿಸಿದ್ದೆ. ಆದರೆ, ಒಂದೇ ವಾರಕ್ಕೆ ಹೊರ ಬರುತ್ತೇನೆ ಎಂದು ಊಹಿಸಿರಲಿಲ್ಲ. ನಾನು ಎಲಿಮಿನೇಟ್‌ ಆಗಿದ್ದು ನನಗೂ ಅಚ್ಚರಿ ತಂದಿದೆ ಎಂದರು ಯಮುನಾ. ಬಳಿಕ ಈ ಸಲದ ಶೋನಲ್ಲಿ ಯಾರು ವಿಜೇತರಾಗಬಹುದು, ಟಾಪ್‌ 3ರಲ್ಲಿ ಯಾರೆಲ್ಲ ಇರಬಹುದು ಎಂಬ ಪ್ರಶ್ನೆಗೆ ಉತ್ತರಿಸಿದ ಯಮುನಾ, ಧರ್ಮ ಕೀರ್ತಿರಾಜ್‌, ಶಿಶಿರ್‌ ಶಾಸ್ತ್ರಿ, ತ್ರಿವಿಕ್ರಮ್‌ ಇರುತ್ತಾರೆ ಎಂದಿದ್ದಾರೆ.