Gattimela Serial: ಕಿರುತೆರೆ ವೀಕ್ಷಕರಿಗೆ ಕಹಿಸುದ್ದಿ, ಗಟ್ಟಿಮೇಳ ಧಾರಾವಾಹಿ ಈ ದಿನ ಮುಕ್ತಾಯ; ಬೆಟ್ಟಪ್ಪನಿಗೆ ಶಿಕ್ಷೆಯಾಗುತ್ತ?
Gattimela serial Updates: ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಗಟ್ಟಿಮೇಳ ಧಾರಾವಾಹಿ ಮುಕ್ತಾಯದ ಹಂತದಲ್ಲಿದೆ. ಈಗಾಗಲೇ 1238ಕ್ಕೂ ಹೆಚ್ಚು ಸಂಚಿಕೆಗಳನ್ನು ಪೂರೈಸಿರುವ ಈ ಸೀರಿಯಲ್‌ ಟಿಆರ್‌ಪಿಯಲ್ಲೂ ಸದ್ಯ ಅಗ್ರ ಮೂರನೇ ಸ್ಥಾನದಲ್ಲಿದೆ.
Gattimela Kannada Serial: ಕಳೆದ ಐದು ವರ್ಷಗಳಿಂದ ನಿರಂತರವಾಗಿ ಕನ್ನಡ ಕಿರುತೆರೆ ಪ್ರೇಕ್ಷಕರನ್ನು ಹಿಡಿದುಕೊಂಡ ಪ್ರಮುಖ ಧಾರಾವಾಹಿ ಗಟ್ಟಿಮೇಳ ಮುಕ್ತಾಯದ ಹಂತದಲ್ಲಿದೆ. ಟಿಆರ್‌ಪಿ ರೇಟಿಂಗ್‌ನಲ್ಲಿ ಈ ಹಿಂದೆ ಅಗ್ರ ಎರಡನೇ ಸ್ಥಾನದಲ್ಲಿದ್ದ, ಸೀತಾ ರಾಮ ಧಾರಾವಾಹಿ ಜನಪ್ರಿಯತೆಯಿಂದ ಸದ್ಯ ಮೂರನೇ ಸ್ಥಾನಕ್ಕೆ ಕುಸಿದಿರುವ ಗಟ್ಟಿಮೇಳ ಸೀರಿಯಲ್‌ ಇನ್ನು ಕೆಲವೇ ಸಂಚಿಕೆಗಳಲ್ಲಿ ಮುಕ್ತಾಯಗೊಳ್ಳಲಿದೆ. ಹೊಸ ವರ್ಷದ ಆರಂಭದಲ್ಲಿಯೇ ಈ ಸೀರಿಯಲ್‌ನ ಅಂತಿಮ ಸಂಚಿಕೆಗಳು ಪ್ರಸಾರವಾಗಲು ಆರಂಭವಾಗಲಿದೆ. ಜನವರಿ 5ರಂದು ಈ ಸೀರಿಯಲ್‌ ಮುಗಿಯಲಿದೆ ಎನ್ನಲಾಗಿದೆ.
ಅಂತಿಮ ದಿನದ ಶೂಟಿಂಗ್‌ ಮುಕ್ತಾಯ
ಜೀ ಕನ್ನಡದಲ್ಲಿ ರಾತ್ರಿ ಎಂಟು ಗಂಟೆಗೆ ಪ್ರಸಾರವಾಗುವ ಗಟ್ಟಿಮೇಳ ಸೀರಿಯಲ್‌ನ ಕಲಾವಿದರು ಈಗಾಗಲೇ ಗ್ರೂಪ್‌ ಫೋಟೋ ತೆಗೆದುಕೊಂಡಿದ್ದಾರೆ. ಗಟ್ಟಿಮೇಳ ಧಾರಾವಾಹಿ ನಟಿ ಸ್ವಾತಿ ಈ ಕುರಿತು ಅಪ್‌ಡೇಟ್‌ ನೀಡಿದ್ದಾರೆ. ಪ್ರಿಯಾ ಜೆ ಆಚಾರ್‌ ಕೂಡ ಧಾರಾವಾಹಿಯ ಅಧಿತಿಯಂತೆ ಕೊನೆಯ ಬಾರಿ ರೆಡಿಯಾಗುತ್ತಿದ್ದೇನೆ ಎಂದು ತಮ್ಮ ಮೇಕಪ್‌ ವಿಡಿಯೋ ಹಂಚಿಕೊಂಡಿದ್ದಾರೆ.
ಇದನ್ನು ಓದಿ: Seetha Rama Serial: ಇದು ದೈವ ಲೀಲೆಯಲ್ಲದೆ ಮತ್ತೇನು? ಸೀತಾ- ರುದ್ರಪ್ರತಾಪ್ ಮದುವೆ ಮಂಟಪಕ್ಕೆ ಬಂದ ಶ್ರೀರಾಮ, ಮುಂದೇನಾಯ್ತು?
ಸೀರಿಯಲ್‌ನಲ್ಲೂ ಕಥೆ ಅಂತಿಮ ಹಂತಕ್ಕೆ ತಲುಪಿದೆ. ಒಂದೆಡೆ ಧ್ರುವ ಬೆಟ್ಟಪ್ಪನ ವಿರುದ್ಧ ಸೇಡು ತೀರಿಸಿಕೊಳ್ಳುವ ಹವಣಿಕೆಯಲ್ಲಿದ್ದಾನೆ. ವೇದ್ಯಾ ಜೋಡಿಯನ್ನು ನೋಡದೆ ತುಂಬಾ ದಿನ ಆಗಿದೆ. ಮನೆಯ ಸಮಸ್ಯೆ ಬಗೆಹರಿಸಲು ಮನೆಯವರು ಪ್ರಯತ್ನಿಸುತ್ತಿದ್ದಾರೆ. ಗಟ್ಟಿಮೇಳ ಸೀರಿಯಲ್‌ನಲ್ಲಿ ಮುಳುಗಿರುವವರಿಗೆ ಸೀರಿಯಲ್‌ ಕೊನೆಯ ಹಂತಕ್ಕೆ ತಲುಪಿರುವುದು ಬೇಸರ ತರಿಸಿದೆ.
ಟಿಆರ್‌ಪಿಯಲ್ಲಿ ಮೂರನೇ ಸ್ಥಾನ
ಈಗಾಗಲೇ ಕನ್ನಡ ಸೀರಿಯಲ್‌ಗಳ ಟಿಆರ್‌ಪಿಯನ್ನು ಹಿಂದೂಸ್ತಾನ್ ಟೈಮ್ಸ್ ಕನ್ನಡವು ನಿಯಮಿತವಾಗಿ ಪ್ರಕಟಿಸುತ್ತಿದೆ. ಸದ್ಯದ ಟಿಆರ್‌ಪಿ ರೇಟಿಂಗ್‌ನಲ್ಲಿ ಗಟ್ಟಿಮೇಳ ಮೂರನೇ ಸ್ಥಾನದಲ್ಲಿದೆ. ಪುಟ್ಟಕ್ಕನ ಮಕ್ಕಳು ಎಂದಿನಂತೆ ಮೊದಲ ಸ್ಥಾನದಲ್ಲಿದೆ. ಎರಡನೇ ಸ್ಥಾನವನ್ನು ಸೀತಾ ರಾಮ ಸೀರಿಯಲ್‌ ಪಡೆದಿದೆ. ಮೂರನೇ ಸ್ಥಾನದಲ್ಲಿ ಗಟ್ಟಿಮೇಳವಿದೆ. ಧಾರಾವಾಹಿ ಬಿಡುಗಡೆಯಾಗಿ ಸುಮಾರು ಐದು ವರ್ಷ ಕಳೆದರೂ ಈ ಸೀರಿಯಲ್‌ ಟಿಆರ್‌ಪಿಯಲ್ಲಿ ಅಗ್ರ ಮೂರನೇ ಸ್ಥಾನದಲ್ಲಿಯೇ ಏರಿಳಿತ ಕಾಣುತ್ತಿದೆ. ಆರಂಭದಲ್ಲಿ ಕನ್ನಡದ ನಂಬರ್‌ ಒನ್‌ ಧಾರಾವಾಹಿಯಾಗಿದ್ದ ಗಟ್ಟಿಮೇಳ ಇತ್ತೀಚಿನ ತಿಂಗಳಲ್ಲಿ ಸೀತಾ ರಾಮ, ಪುಟ್ಟಕ್ಕನ ಮಕ್ಕಳಿಂದ ತನ್ನ ಸ್ಥಾನವನ್ನು ತುಸು ಕಳೆದುಕೊಂಡಿದೆ.
1238 ಸಂಚಿಕೆ ಪೂರೈಸಿದ ಗಟ್ಟಿಮೇಳ
ಗಟ್ಟಿಮೇಳ ಧಾರಾವಾಹಿಯು ಈ ವರ್ಷದ ಜನವರಿ ತಿಂಗಳಲ್ಲಿ 1000 ಸಂಚಿಕೆ ಪೂರೈಸಿತ್ತು. ಇದೀಗ 1238 ಸಂಚಿಕೆ ಪೂರೈಸಿದೆ. ರಾತ್ರಿ ಎಂಟು ಗಂಟೆಯ ಸ್ಲಾಟ್‌ನಲ್ಲಿ ನಿರಂತರವಾಗಿ ಪ್ರಸಾರವಾಗುತ್ತಿದ್ದ ಈ ಸೀರಿಯಲ್‌ಗೆ ದೊಡ್ಡ ಮಟ್ಟದ ವೀಕ್ಷಕರಿದ್ದಾರೆ. ಕೌಟುಂಬಿಕ ಕಥಾಹಂದರ ಹೊಂದಿರುವ ಈ ಸೀರಿಯಲ್‌ ಇನ್ನು ಕೆಲವೇ ದಿನಗಳಲ್ಲಿ ಮುಗಿಯಲಿದೆ.
ಈ ಸೀರಿಯಲ್‌ನಲ್ಲಿ ವೇದಾಂತ್ ವೇದ್ಯಾ ಹೆಸರಿನಲ್ಲಿ ಪ್ರೇಕ್ಷಕರ ಮನಗೆದ್ದಿದ್ದರು. ವೇದ್ಯಾ ಮತ್ತು ಅಮೂಲ್ಯ ಪ್ರೇಮಕಥೆ ಜನರನ್ನು ಸೆಳೆದಿತ್ತು. ಜತೆಗೆ, ವೈಜಯಂತಿ , ವೈದೇಹಿ, ವಿಕ್ರಾಂತ್, ಆರತಿ, ಅದಿತಿ ಮತ್ತು ಧ್ರುವ ಸೇರಿದಂತೆ ಬಹುತೇಕ ಎಲ್ಲಾ ಕಲಾವಿದರು ವೀಕ್ಷಕರಿಗೆ ಇಷ್ಟವಾಗಿದ್ದರು. ಸಾರ್ಥಕ್ ಮತ್ತು ವೇದಾಂತ್ ನೆಚ್ಚಿನ ತಂಗಿ ಆದ್ಯಾ, ಅಂಜಲಿ ಮಂಜುನಾಥ್, ಪರಿಮಳ ನಟನೆಯೂ ಗಮನ ಸೆಳೆಯುತ್ತದೆ. ಸುಹಾಸಿನಿ ವಸಿಷ್ಠ ಅವರ ವಿಲನ್‌ ಪಾತ್ರಕ್ಕೂ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಕಾಂತಾ ಕಾಮಿಡಿಗೂ ಸಾಕಷ್ಟು ಅಭಿಮಾನಿಗಳಿದ್ದಾರೆ.
ಇದೇ ಸಮಯದಲ್ಲಿ ಈ ಸೀರಿಯಲ್‌ ನಟ ರಕ್ಷ್‌ ಅವರು ಪ್ಯಾನ್‌ ಇಂಡಿಯಾ ಸಿನಿಮಾ ಬರ್ಮಾದಲ್ಲಿ ಅವಕಾಶ ಪಡೆದಿದ್ದಾರೆ. ಈಗಾಗಲೇ ಶೂಟಿಂಗ್‌ನಲ್ಲೂ ಭಾಗವಹಿಸಿದ್ದಾರೆ.
