Thriller OTT: ಒಟಿಟಿಯತ್ತ ಮುಖ ಮಾಡಿದ ಅನನ್ಯಾ ನಾಗಲ್ಲಾ ನಟಿಸಿದ ಪೊಟೆಲ್‌ ಚಿತ್ರ, ಕ್ರೈಮ್‌ ಥ್ರಿಲ್ಲರ್‌ ಸಿನಿಮಾ ಮನೆಯಲ್ಲೇ ನೋಡಿ

Thriller OTT:ಥ್ರಿಲ್ಲರ್ ಒಟಿಟಿ: ಅನನ್ಯಾ ನಾಗಲ್ಲ ನಾಯಕಿಯಾಗಿ ನಟಿಸಿರುವ ತೆಲುಗು ಚಿತ್ರ ಪೊಟೆಲ್ ಒಟಿಟಿಗೆ ಬರುತ್ತಿದೆ. ತೆಲಂಗಾಣ ಹಿನ್ನೆಲೆಯ ಕ್ರೈಮ್ ಡ್ರಾಮಾ ಥ್ರಿಲ್ಲರ್ ಈ ಚಿತ್ರವನ್ನು ಸಾಹಿತ್ ಮೋಟ್ಕುರಿ ನಿರ್ದೇಶಿಸಿದ್ದಾರೆ. ಯುವಚಂದ್ರ ನಾಯಕನಾಗಿ ನಟಿಸಿರುವ ಈ ಚಿತ್ರದಲ್ಲಿ ಅಜಯ್ ಮತ್ತು ನೋಯೆಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಬಳಿಕ ಈ ಸಿನಿಮಾ ಇದೀಗ ಒಟಿಟಿಯತ್ತ ಮುಖ ಮಾಡುತ್ತಿದ್ದು ಅನನ್ಯಾ ಅಭಿಮಾನಿಗಳು ಈ ಸಿನಿಮಾ ನೋಡಲು ಕಾಯುತ್ತಿರಬಹುದು.

ಎರಡು ತಿಂಗಳ ನಂತರ ಒಟಿಟಿಗೆ

ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದ ಎರಡು ತಿಂಗಳ ನಂತರ ಪೊಟೆಲ್ ಸಿನಿಮಾ ಒಟಿಟಿಗೆ ಆಗಮಿಸುತ್ತಿದೆ. ಈ ಪಿರಿಯಾಡಿಕಲ್ ಥ್ರಿಲ್ಲರ್ ಚಲನಚಿತ್ರವು ಅಮೆಜಾನ್ ಪ್ರೈಮ್ ಮತ್ತು ಆಹಾ ಒಟಿಟಿಯಲ್ಲಿ ಸ್ಟ್ರೀಮಿಂಗ್ ಆಗಲಿದೆ ಎಂದು ವರದಿಗಳು ತಿಳಿಸಿವೆ. ಪೊಟೆಲ್ ಡಿಸೆಂಬರ್ ಎರಡನೇ ಅಥವಾ ಮೂರನೇ ವಾರದಲ್ಲಿ ಒಟಿಟಿಗೆ ಆಗಮಿಸುವ ಸೂಚನೆಯಿದೆ. ಚಿತ್ರತಂಡವು ಸದ್ಯದಲ್ಲಿಯೇ ಈ ಸಿನಿಮಾ ಒಟಿಟಿ ಬಿಡುಗಡೆ ಕುರಿತು ಅಧಿಕೃತವಾಗಿ ಮಾಹಿತಿ ನೀಡಲಿದೆ.

ತಂದೆ ಮಗಳ ಕಥೆ

ಇದು ತಂದೆಯ ಪ್ರೀತಿಯ ಭಾವನಾತ್ಮಕ ಚಿತ್ರಣವನ್ನು ಹೊಂದಿರುವ ಸಿನಿಮಾ. 1970-80ರ ದಶಕದ ಸಾಮಾಜಿಕ ಬದ್ಧತೆ ಮತ್ತು ಮಗಳ ಶಿಕ್ಷಣದ ನಡುವೆ ನಲುಗುವ ತಂದೆಯ ಕಥೆ ಇದಾಗಿದೆ. ಈ ಕಥೆಗೆ ನಿರ್ದೇಶಕ ಸಾಹಿತ್ ಮೋತ್ಕುರಿ ಕೌಟುಂಬಿಕ ನಾಟಕ ಮತ್ತು ಅಪರಾಧ ಅಂಶಗಳನ್ನು ಸೇರಿಸಿ ಆಕರ್ಷಕ ಸಿನಿಮಾ ಮಾಡಿದ್ದಾರೆ. ಅಜಯ್, ಯುವಚಂದ್ರ ಮತ್ತು ಅನನ್ಯ ನಾಗಲಾ ಅವರ ಅಭಿನಯದ ಜೊತೆಗೆ ಈ ಸಿನಿಮಾದ ಪರಿಕಲ್ಪನೆ ಬಗ್ಗೆಯೂ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು. ಈ ಸಿನಿಮಾ ಉತ್ತಮವಾಗಿ ಕಲೆಕ್ಷನ್‌ ಮಾಡಿದೆ. ಅನಿಮಲ್‌ ನಿರ್ದೇಶಕ ಸಂದೀಪ್‌ ವಂಗಾ ಕೂಡ ಈ ಸಿನಿಮಾದ ಪ್ರಚಾರ ಮಾಡಿದ್ದಾರೆ.

ಪೊಟೆಲ್ ಚಿತ್ರದ ಕಥೆಯೇನು?

ಗುರ್ರಂ ಗಟ್ಟುವಿನ ಚಿಂಚಾ ಪಟೇಲ್ (ಅಜಯ್) ಗುರ್ರಂ ಗತ್ತಿನ ಗ್ರಾಮ ದೇವತೆಯಾದ ಬಾಳಮ್ಮನನ್ನು ಪೂಜೆಗೆಂದು ಸುಳ್ಳುಹೇಳಿ ಎಲ್ಲರನ್ನೂ ಕರೆದುಕೊಂಡು ಹೋಗುತ್ತಾನೆ. ನಾಯಕ ಗಂಗಾಧರಿ (ಯುವಚಂದ್ರ) ಚಿಂಚಾ ಪಟೇಲ್ ಮಾಡಿದ ಅಪರಾಧಗಳನ್ನು ಬಹಿರಂಗಪಡಿಸಲು ಯತ್ನಿಸುತ್ತಾರೆ. ಆದರೆ ಗಂಗಾಧರಿಯ ಮಾತಿಗೆ ಗ್ರಾಮಸ್ಥರು ಕಿವಿಗೊಡುತ್ತಿಲ್ಲ. ಗಂಗಾಧಾರಿ ಬುಜ್ಜಮ್ಮನನ್ನು (ಅನನ್ಯ ನಾಗಲ್ಲ) ಹಿರಿಯರ ಮುಂದೆ ಮದುವೆಯಾಗುತ್ತಾನೆ. ಅವರಿಗೆ ಸರಸ್ವತಿ ಎಂಬ ಮಗಳಿದ್ದಾಳೆ. ಗಂಗಾಧಾರಿ ಪಟೇಲರಿಗೆ ತಿಳಿಯದಂತೆ ಮಗಳನ್ನು ಓದಿಸುತ್ತಿದ್ದಾರೆ.

ಗಂಗಾದ್ರಿಯ ಮಗಳು ಸರಸ್ವತಿ ಓದುತ್ತಿದ್ದಾಳೆಂದು ವಿಷಯ ತಿಳಿದ ಚಿಂಚಾ ಪಟೇಲನು ಜಾತ್ರೆಯಲ್ಲಿ ಬಾಳಮ್ಮ ದೇವಿಗೆ ಅರ್ಪಿಸಿದ ಪಾತ್ರೆಯನ್ನು ನಾಶಪಡಿಸುತ್ತಾನೆ. ಜಾತ್ರೆಯ ಸಮಯದಲ್ಲಿ ಪೊಟೇಲ್ (ಟಗರು) ತರಲು ಗಂಗಾಧರಿಯನ್ನು ಹಳ್ಳಿಯಿಂದ ಸಣ್ಣ ಪಟೇಲರು ಹೊರಗೆ ಕರೆತರುತ್ತಾರೆ. ಗಂಗಾಧರನಿಗೆ ನಾಪತ್ತೆಯಾದ ಟಗರು ಸಿಕ್ಕಿತೇ? ತನ್ನ ಮಗಳು ಸಿಕ್ಕಿದಳೇ? ಇದು ಪೊಟೇಲ್‌ ಸಿನಿಮಾದ ಕಥೆ.

ತೆಲುಗು ಚಿತ್ರತಂಗದಲ್ಲಿ ಅನನ್ಯಾ ನಾಗಲ್ಲ ಉತ್ತಮ ಅವಕಾಶಗಳನ್ನು ಪಡೆಯುತ್ತಿದ್ದಾರೆ. ಈ ವರ್ಷ ಅವರು ತಂತ್ರ ಮತ್ತು ಪೋಟೆಲ್‌ ಸಿನಿಮಾದ ಜತೆಗೆ ಡಾರ್ಲಿಂಗ್‌ ಸಿನಿಮಾದಲ್ಲಿ ನಟಿಸಿದ್ದಾರೆ. ತೆಲುಗು ವೆಬ್ ಸೀರೀಸ್ ಬಹಿಷ್ಕಾರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಕನ್ನಡದಲ್ಲಿಯೂ ಟಗರು ಪಲ್ಯ ಹೆಸರಿನ ಸಿನಿಮಾ ಬಂದಿತ್ತು. ಆದರೆ, ಅದು ಬೇರೆಯದ್ದೇ ಕಥೆ. ಡಾಲಿ ಧನಂಜಯ್‌ ನಿರ್ಮಾಣದ ಉಮೇಶ್‌ ಕೃಪ ಆಕ್ಷನ್‌ ಕಟ್‌ ಹೇಳಿರುವ, ಸಿನಿಪ್ರೇಕ್ಷಕರಿಂದ ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿದ್ದ ಸಿನಿಮಾ ಟಗರು ಪಲ್ಯ. ಟಗರು ಹೆಸರಿನ ಶಿವರಾಜ್‌ ಕುಮಾರ್‌ ಸಿನಿಮಾವೂ ಸ್ಯಾಂಡಲ್‌ವುಡ್‌ನಲ್ಲಿ ಹಿಟ್‌ ಆಗಿದೆ. ಶಿವರಾಜ್‌ ಕುಮಾರ್ , ಭಾವನಾ ಮತ್ತು ಮಾನ್ವಿತಾ ಕಾಮತ್ , ಧನಂಜಯ, ವಸಿಷ್ಟ ಎನ್. ಸಿಂಹ ಮತ್ತು ದೇವರಾಜ್ ನಟಿಸಿರುವ ಟಗರು ಸಿನಿಮಾ 2018ರಲ್ಲಿ ಬಿಡುಗಡೆಯಾಗಿತ್ತು.