Tollywood Actor Naresh: ಮನೆ ಮೇಲೆ ದಾಳಿ ಮಾಡಿಸಿದ್ದಾರೆ ಎಂಬ ಆರೋಪ.. ಪತ್ನಿ ರಮ್ಯ ರಘುಪತಿ ವಿರುದ್ಧ ದೂರು ನೀಡಿದ ನರೇಶ್‌
ನರೇಶ್‌ ದೂರು ದಾಖಲಿಸಿಕೊಂಡಿರುವ ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿ ಕಲೆ ಹಾಕಲು ನರೇಶ್‌ ಮನೆ ಮುಂದಿನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ. ಇದಕ್ಕೂ ಮುನ್ನ ನರೇಶ್‌, ರಮ್ಯಾ ವಿರುದ್ಧ ದೂರು ನೀಡಿ, ಆಕೆಯಿಂದ ನನಗೆ ಜೀವ ಬೆದರಿಕೆ ಇದೆ ಎಂದು ಪೊಲೀಸರ ಮೊರೆ ಹೋಗಿದ್ದರು.
ಟಾಲಿವುಡ್ ನಟ ನರೇಶ್‌ ಹಾಗೂ ಸ್ಯಾಂಡಲ್ವುಡ್ ನಟಿ ಪವಿತ್ರಾ ಲೋಕೇಶ್‌ ನಡುವಿನ ಪ್ರೀತಿ ಪ್ರೇಮ ಪ್ರಣಯ ಎಲ್ಲರಿಗೂ ತಿಳಿದಿರುವ ವಿಚಾರ. ಹೊಸ ವರ್ಷದಂದು ಪವಿತ್ರಾ ಹಾಗೂ ನರೇಶ್‌ ಮುತ್ತಿಡುತ್ತಿರುವ ವಿಡಿಯೋವೊಂದನ್ನು ಹಂಚಿಕೊಂಡ ನಂತರ ಈ ಸುದ್ದಿ ಮತ್ತಷ್ಟು ಚರ್ಚೆಯಾಗಿತ್ತು. ಇದೀಗ ನರೇಶ್‌ ತಮ್ಮ ಮೂರನೇ ಪತ್ನಿ ರಮ್ಯಾ ರಘುಪತಿ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.
ಫೆಬ್ರವರಿ 18, ಶನಿವಾರ ರಾತ್ರಿ ನಮ್ಮ ಮನೆ ಮೇಲೆ ಕೆಲವು ದುಷ್ಕರ್ಮಿಗಳು ದಾಳಿ ಮಾಡಿದ್ದಾರೆ. ಮನೆ ಮುಂದೆ ನಿಲ್ಲಿಸಿದ್ದ ಕಾರಿನ ಗಾಜು ಪುಡಿ ಪುಡಿ ಮಾಡಿದ್ದಾರೆ ಎಂದು ನಟ ನರೇಶ್‌ ಆರೋಪಿಸಿದ್ಧಾರೆ. ಅಲ್ಲದೆ, ಈ ಹಲ್ಲೆ ಮಾಡಿಸಿದ್ದು ರಮ್ಯಾ ರಘುಪತಿ ಎಂದು ನರೇಶ್‌ ಆರೋಪಿಸಿ ಹೈದರಾಬಾದ್‌ ಗಚ್ಚಿಬೌಲಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ನರೇಶ್‌ ದೂರು ದಾಖಲಿಸಿಕೊಂಡಿರುವ ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿ ಕಲೆ ಹಾಕಲು ನರೇಶ್‌ ಮನೆ ಮುಂದಿನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ. ಇದಕ್ಕೂ ಮುನ್ನ ನರೇಶ್‌, ರಮ್ಯಾ ವಿರುದ್ಧ ದೂರು ನೀಡಿ, ಆಕೆಯಿಂದ ನನಗೆ ಜೀವ ಬೆದರಿಕೆ ಇದೆ ಎಂದು ಪೊಲೀಸರ ಮೊರೆ ಹೋಗಿದ್ದರು. ಅಲ್ಲದೆ, ರಮ್ಯಾ ನನ್ನ ಆಸ್ತಿಗಾಗಿ ಹೊಂಚು ಹಾಕಿದ್ದಾರೆ ಎಂದು ಆರೋಪಿಸಿದ್ದರು. ಇದೀಗ ಅವರು ಹೊಸ ಆರೋಪ ಮಾಡಿದ್ದು, ಪೊಲೀಸರ ತನಿಖೆಯಲ್ಲಿ ಸತ್ಯಾಂಶ ಹೊರ ಬರಲಿದೆ.
ಲಿಪ್‌ಲಾಕ್‌ ಮಾಡಿ ಶಾಕ್‌ ಕೊಟ್ಟಿದ್ದ ಪವಿತ್ರಾ ಲೋಕೇಶ್‌ ಹಾಗೂ ನರೇಶ್‌
ಪವಿತ್ರಾ ಲೋಕೇಶ್‌ ಹಾಗೂ ನರೇಶ್‌ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ, ಸದ್ಯಕ್ಕೆ ಒಂದೇ ಮನೆಯಲ್ಲಿ ವಾಸಿಸುತ್ತಿದ್ದಾರೆ ಎಂಬ ವದಂತಿ ಹಬ್ಬಿತ್ತು. ಆದರೆ ಆ ಬಗ್ಗೆ ಯಾವುದೇ ನಿಖರ ಮಾಹಿತಿ ದೊರೆತಿರಲಿಲ್ಲ. ಆದರೆ ಹೊಸ ವರ್ಷದ ವೇಳೆ ಇವರು ಹಂಚಿಕೊಂಡಿದ್ದ ವಿಡಿಯೋದಿಂದ ಈ ಸುದ್ದಿಗೆ ಪುಷ್ಠಿ ಸಿಕ್ಕಂತಾಗಿತ್ತು. ಪವಿತ್ರಾ ಹಾಗೂ ನರೇಶ್‌ ಇಬ್ಬರೂ ಜೊತೆಯಾಗಿ ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದು ಆ ಚಿತ್ರದಲ್ಲಿ ತಾವೇ ನಾಯಕ-ನಾಯಕಿಯಾಗಿ ನಟಿಸುತ್ತಿದ್ದಾರೆ. ತಮ್ಮ ನಿಜ ಜೀವನದ ಕಥೆಯನ್ನು ಸಿನಿಮಾ ರೂಪದಲ್ಲಿ ಹೊರ ತರುತ್ತಿದ್ದಾರೆ ಎಂಬ ಮಾತು ಕೂಡಾ ಕೇಳಿಬಂದಿತ್ತು. ಇದರ ಬೆನ್ನ ಹಿಂದೆಯೇ ಈ ಜೋಡಿ ಒಂದು ವಿಡಿಯೋ ರಿಲೀಸ್‌ ಮಾಡಿತ್ತು.
'ನಮ್ಮ ಲೋಕಕ್ಕೆ ಸ್ವಾಗತ' ಎಂಬ ಅಕ್ಷರಗಳಿಂದ ಆರಂಭವಾಗುವ ಈ ವಿಡಿಯೋದಲ್ಲಿ ಪವಿತ್ರಾ ಲೋಕೇಶ್‌ ಹಾಗೂ ನರೇಶ್‌ ಇಬ್ಬರೂ ಕೇಕ್‌ ಕತ್ತರಿಸುವ ಮೂಲಕ ಹೊಸ ವರ್ಷ ಆಚರಿಸುತ್ತಾರೆ. ಒಬ್ಬರಿಗೊಬ್ಬರು ಕೇಕ್‌ ತಿನ್ನಿಸುತ್ತಾರೆ. ನಂತರ ಅಪ್ಪಿಕೊಂಡು ಲಿಪ್‌ ಲಾಕ್‌ ಮಾಡುತ್ತಾರೆ. ಹೊಸ ವರ್ಷದ ಶುಭಾಶಯಗಳೊಂದಿಗೆ #PavitraNaresh ಹ್ಯಾಷ್‌ಟ್ಯಾಗ್‌ ಜೊತೆಗೆ 'ಶೀಘ್ರದಲ್ಲೇ ಮದುವೆಯಾಗುತ್ತಿದ್ದೇವೆ' ಎಂಬ ಅಕ್ಷರಗಳಿಂದ ಈ ವಿಡಿಯೋ ಕೊನೆಯಾಗುತ್ತದೆ. ''ಹೊಸ ವರ್ಷ, ಹೊಸ ಆರಂಭ, ನಿಮ್ಮೆಲ್ಲರ ಆಶೀರ್ವಾದ ಬೇಕು'' ಎಂದು ಮನವಿ ಮಾಡಲಾಗಿದ್ದ ಈ ವಿಡಿಯೋ ಬಹಳ ವೈರಲ್‌ ಆಗಿತ್ತು. ವಿಡಿಯೋ ನೋಡಿ ಕೆಲವರು ಕಂಗ್ರಾಟ್ಸ್‌ ಹೇಳಿದ್ದರೆ ಬಹುತೇಕ ಎಲ್ಲರೂ ಶಾಕ್‌ ಆಗಿದ್ದರು.
ತಮ್ಮ ಜೀವನವನ್ನೇ ತೆರೆಗೆ ತರಲಿದ್ದಾರಂತೆ ಪವಿತ್ರಾ-ನರೇಶ್‌
ಇಷ್ಟೆಲ್ಲಾ ವಿಚಾರಗಳ ನಡುವೆ ಪವಿತ್ರಾ ಲೋಕೇಶ್‌ ಹಾಗೂ ನರೇಶ್‌, ಸಿನಿಮಾವೊಂದರಲ್ಲಿ ಹೀರೋ-ಹಿರೋಯಿನ್‌ ಆಗಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಕೇಳಿಬಂದಿದೆ. ಅಷ್ಟಕ್ಕೂ ಈ ಸಿನಿಮಾದ ಕಥೆ ಏನೆಂದು ಕೇಳಿ ಎಲ್ಲರೂ ಶಾಕ್‌ ಆಗಿದ್ದಾರೆ. ಈ ಚಿತ್ರದಲ್ಲಿ ಸ್ವತ: ಪವಿತ್ರಾ ಲೋಕೇಶ್‌ ಹಾಗೂ ನರೇಶ್‌ ಅವರ ಪವಿತ್ರ ಪ್ರೇಮಕಥೆ ಇರಲಿದೆಯಂತೆ. ಈಗಾಗಲೇ ಸಿನಿಮಾ ಕಥೆ ಕೂಡಾ ಸಿದ್ಧವಾಗಿದೆ ಎನ್ನಲಾಗುತ್ತಿದೆ. ಇಬ್ಬರೂ ಜೀವನದಲ್ಲಿ ಅನುಭವಿಸದ ನೋವುಗಳನ್ನು ಈ ಸಿನಿಮಾ ಮೂಲಕ ಹೇಳಲಿದ್ದಾರಂತೆ. ಪವಿತ್ರಾ-ನರೇಶ್‌ ನಾಯಕಿಯಾದರೆ ಚಿತ್ರವನ್ನು ನಿರ್ಮಾಣ ಮಾಡ್ತಿರೋದು ಯಾರು..?ನಿರ್ದೇಶಕ, ತಂತ್ರಜ್ಞರು, ಉಳಿದ ಕಲಾವಿದರು ಯಾರು ಎಂಬುದರ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದುಬಂದಿಲ್ಲ. ಶೀಘ್ರದಲ್ಲೇ ಇದರ ಬಗ್ಗೆ ಮಾಹಿತಿ ದೊರೆಯುವ ಸಾಧ್ಯತೆ ಇದೆ.
ವಿಭಾಗ