Tollywood News: ಆಗ ಮಹೇಶ್‌ ಬಾಬು ಅಭಿಮಾನಿಗಳು, ಈಗ ನಾಗಚೈತನ್ಯ ಫ್ಯಾನ್ಸ್‌; ಸಮಂತಾಗೆ ಬೆನ್ನು ಬಿಡದ ಟ್ರೋಲ್‌ ಕಾಟ, ಮತ್ತೆ ಏನಾಯ್ತು?
ನಿಮ್ಮಿಬ್ಬರನ್ನೂ ನಾಗಚೈತನ್ಯ ಬೇರೆ ಇನ್‌ಸ್ಟಾಗ್ರಾಮ್‌ ಐಡಿಯಿಂದ ನೋಡುತ್ತಿದ್ದಾರೆ, ಈ ವಿಡಿಯೋಗೆ ರಶ್ಮಿಕಾ ಡಿಸ್‌ಲೈಕ್‌ ಬಟನ್‌ ಒತ್ತುತ್ತಾರೆ, ವಿಜಯ್‌ ಬ್ರೋ, ನೀನು ಈ ಕ್ಲಿಪಿಂಗ್‌ ಶೇರ್‌ ಮಾಡೇ ಮಾಡುತ್ತೀರ ಎಂದು ನನಗೆ ಮೊದಲೇ ಗೊತ್ತಿತ್ತು ಎಂದೆಲ್ಲಾ ನೆಟಿಜನ್ಸ್‌ ಕಾಮೆಂಟ್‌ ಮಾಡುತ್ತಿದ್ಧಾರೆ.
ಸಮಂತಾ ಹಾಗೂ ವಿಜಯ್‌ ದೇವರಕೊಂಡ ಅಭಿನಯದ 'ಖುಷಿ' ಸಿನಿಮಾ ಬಿಡುಗಡೆಗೂ ಮುನ್ನ ಭಾರೀ ಸದ್ದು ಮಾಡುತ್ತಿದೆ. ಇತ್ತೀಚೆಗೆ ಚಿತ್ರತಂಡ ಹಾಡುಗಳನ್ನು ರಿಲೀಸ್‌ ಮಾಡಿತ್ತು. ಆರಾಧ್ಯ ಸಿನಿಮಾಗೆ ಸಿನಿಪ್ರಿಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಇನ್ನೂ ಕೆಲವರು ಸಮಂತಾನನ್ನು ಟ್ರೋಲ್‌ ಮಾಡಿದ್ದರು. ಇದೀಗ ಚಿತ್ರದ ದೃಶ್ಯವೊಂದರ ಬಗ್ಗೆ ಮತ್ತೆ ಸಮಂತಾ ಟ್ರೋಲ್‌ ಆಗಿದ್ದಾರೆ.
ಸಮಂತಾ ಟ್ರೋಲ್‌ ಮಾಡಿದ ನಾಗ ಚೈತನ್ಯ ಅಭಿಮಾನಿಗಳು
ಆರಾಧ್ಯ… ಹಾಡಿನಲ್ಲಿ ವಿಜಯ್‌ ದೇವರಕೊಂಡ ಸಮಂತಾ ತೋಳಿನ ಮೇಲೆ ಕಾಲಿಟ್ಟಿರುವುದನ್ನು ನೋಡಿದ ಮಹೇಶ್‌ ಬಾಬು ಅಭಿಮಾನಿಗಳು ಕರ್ಮ ಯಾರನ್ನೂ ಬಿಡುವುದಿಲ್ಲ ಎಂದು ಕಾಮೆಂಟ್‌ ಮಾಡಿ ಸಮಂತಾ ಬಗ್ಗೆ ಕಿಡಿ ಕಾರಿದ್ದರು. ಕೆಲವು ವರ್ಷಗಳ ಹಿಂದೆ ಮಹೇಶ್‌ ಬಾಬು ಸಿನಿಮಾವೊಂದು ರಿಲೀಸ್‌ ಆದಾಗ ಆ ಚಿತ್ರದಲ್ಲಿ ನಾಯಕಿಗೆ ಗೌರವ ಕೊಟ್ಟಿಲ್ಲ ಎಂದು ಸಮಂತಾ ಟ್ವಿಟ್ಟರ್‌ನಲ್ಲಿ ಬರೆದುಕೊಂಡಿದ್ದಾಗಿ ಪ್ರಿನ್ಸ್‌ ಅಭಿಮಾನಿಗಳು ಆರೋಪಿಸಿದ್ದರು. ಈಗ ಆರಾಧ್ಯ ಹಾಡು ರಿಲೀಸ್‌ ಆದಾಗ ಆ ದೃಶ್ಯದ ಸ್ಕ್ರೀನ್‌ ಶಾಟ್‌ ಹಂಚಿಕೊಂಡು, ಅಂದು ನೀವು ಹೇಳಿದ್ದೇನು, ನಿಮಗೆ ಇವತ್ತು ಆಗುತ್ತಿರುವುದೇನು ಎಂದು ಪ್ರಶ್ನಿಸಿದ್ದರು. ಇದೀಗ ಮತ್ತೆ ಅದೇ ಹಾಡಿನ ವಿಚಾರಕ್ಕೆ ನಾಗಚೈತನ್ಯ ಅಭಿಮಾನಿಗಳು ಸಮಂತಾ ಕಾಲೆಳೆಯುತ್ತಿದ್ದಾರೆ.
'ಖುಷಿ' ಸಿನಿಮಾ ಹಾಡಿನ ದೃಶ್ಯ ವೈರಲ್
ಆರಾಧ್ಯ ಹಾಡಿನಲ್ಲಿ ಸಮಂತಾ ಹಾಗೂ ವಿಜಯ್‌ ದೇವರಕೊಂಡ ಬೆಡ್‌ ಸೀನ್‌ ಇದೆ. ಈ ಹಾಡಿನ ತುಣುಕನ್ನು ವಿಜಯ್‌ ದೇವರಕೊಂಡ ಹಂಚಿಕೊಂಡಿದ್ದಾರೆ. 'ನನ್ನ ಪ್ರೀತಿಯ ರೀತಿ' ಎಂದು ಲವ್‌ ಎಮೋಜಿಯೊಂದಿಗೆ ಬರೆದುಕೊಂಡಿದ್ದಾರೆ. ವಿಜಯ್‌ ದೇವರಕೊಂಡ ಇನ್‌ಸ್ಟಾಗ್ರಾಮ್‌ ವಿಡಿಯೋ ಸ್ಕ್ರೀನ್‌ ಶಾಟ್‌ಗಳು ಈಗ ವೈರಲ್ ಆಗುತ್ತಿದ್ದು ನಾಗ ಚೈತನ್ಯ ಅಭಿಮಾನಿಗಳು ಮತ್ತೆ ಸಮಂತಾ ಕಾಲೆಳೆದಿದ್ದಾರೆ.
ಟ್ರೋಲರ್‌ಗಳಿಗೆ ತಿಳಿ ಹೇಳಿದ ಸಮಂತಾ ಫ್ಯಾನ್ಸ್‌
ನಿಮ್ಮಿಬ್ಬರನ್ನೂ ನಾಗಚೈತನ್ಯ ಬೇರೆ ಇನ್‌ಸ್ಟಾಗ್ರಾಮ್‌ ಐಡಿಯಿಂದ ನೋಡುತ್ತಿದ್ದಾರೆ, ಈ ವಿಡಿಯೋಗೆ ರಶ್ಮಿಕಾ ಡಿಸ್‌ಲೈಕ್‌ ಬಟನ್‌ ಒತ್ತುತ್ತಾರೆ, ವಿಜಯ್‌ ಬ್ರೋ, ನೀನು ಈ ಕ್ಲಿಪಿಂಗ್‌ ಶೇರ್‌ ಮಾಡೇ ಮಾಡುತ್ತೀರ ಎಂದು ನನಗೆ ಮೊದಲೇ ಗೊತ್ತಿತ್ತು ಎಂದೆಲ್ಲಾ ನೆಟಿಜನ್ಸ್‌ ಕಾಮೆಂಟ್‌ ಮಾಡುತ್ತಿದ್ಧಾರೆ. ಆದರೆ ಸಮಂತಾ ಅಭಿಮಾನಿಗಳು ಹಾಗೂ ಇನ್ನೂ ಕೆಲವರು, ಇದು ಸಿನಿಮಾ, ಮನರಂಜನೆಗೆ ಮಾತ್ರ, ಸಿನಿಮಾವನ್ನು ಸಿನಿಮಾ ಆಗಿ ನೋಡಿ, ವಿಜಯ್‌ ದೇವರಕೊಂಡ, ಸಮಂತಾ ಮಾತ್ರವಲ್ಲ, ಬೇರೆ ನಟ ನಟಿಯರೂ ಈ ರೀತಿಯ ಸೀನ್‌ಗಳಲ್ಲಿ ಆಕ್ಟ್‌ ಮಾಡಿರುತ್ತಾರೆ. ನೀವೆಲ್ಲಾ ಈ ರೀತಿ ಮಾತನಾಡಿಕೊಳ್ಳುವುದಕ್ಕೆ ಅಂತದ್ದೇನಿದೆ ಈ ವಿಡಿಯೋದಲ್ಲಿ? ಆ ಹಾಡಿಗೆ ಈ ದೃಶ್ಯ ಅವಶ್ಯಕತೆ ಇರುವುದರಿಂದ ಅದನ್ನು ಅಳವಡಿಸಿಕೊಳ್ಳಲಾಗಿದೆ ಅಷ್ಟೇ, ಅಷ್ಟಕ್ಕೂ ನಾಗಚೈತನ್ಯ ಹಾಗೂ ಸಮಂತಾ ಈಗ ಪತಿ-ಪತ್ನಿಯಾಗಿ ಉಳಿದಿಲ್ಲ ಎಂದು ತಿಳಿ ಹೇಳಲು ಪ್ರಯತ್ನಿಸುತ್ತಿದ್ದಾರೆ.
