ಜ್ಯೂ. ಎನ್‌ಟಿಆರ್‌ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌; ಪ್ರಶಾಂತ್‌ ನೀಲ್‌ ಹೊಸ ಚಿತ್ರಕ್ಕೆ ಮುಹೂರ್ತ ಫಿಕ್ಸ್‌
ತಾರಕ್‌ ಹಾಗೂ ಪ್ರಶಾಂತ್‌ ನೀಲ್‌ ಕಾಂಬಿನೇಶನ್‌ನ ಬಹುನಿರೀಕ್ಷಿತ ಸಿನಿಮಾ ಏಪ್ರಿಲ್‌ 2024ರಿಂದ ಆರಂಭವಾಗಲಿದೆ'' ಎಂದು ಮೈತ್ರಿ ಮೂವಿ ಮೇಕರ್ಸ್‌ ಅಪ್‌ಡೇಟ್‌ ನೀಡಿದೆ. ಈ ಸಿನಿಮಾ, ಖಂಡಿತ ಭಾರತೀಯ ಚಿತ್ರರಂಗದಲ್ಲಿ ಒಂದು ಹೊಸ ಮೈಲಿಗಲ್ಲನ್ನು ಸ್ಥಾಪಿಸಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.
'ಕೆಜಿಎಫ್‌' ನಂತರ ನಿರ್ದೇಶಕ ಪ್ರಶಾಂತ್‌ ನೀಲ್‌, ಪ್ರಭಾಸ್‌ ಜೊತೆ 'ಸಲಾರ್‌' ಸಿನಿಮಾದಲ್ಲಿ ಬ್ಯುಸಿ ಇದ್ಧಾರೆ. ಡಿಸೆಂಬರ್‌ 22 ಕ್ಕೆ ಸಲಾರ್‌ ರಿಲೀಸ್‌ ಆಗುತ್ತಿರುವುದಾಗಿ ಹೊಂಬಾಳೆ ಫಿಲ್ಮ್ಸ್‌ ಅಧಿಕೃತವಾಗಿ ಮಾಹಿತಿ ಹಂಚಿಕೊಂಡಿದೆ. ಇದಕ್ಕೂ ಕೆಲವು ದಿನಗಳ ಹಿಂದೆ ಪ್ರಶಾಂತ್‌ ನೀಲ್‌, ಜ್ಯೂನಿಯರ್‌ ಎನ್‌ಟಿಆರ್‌ ಜೊತೆ ಸಿನಿಮಾ ಅನೌನ್ಸ್‌ ಮಾಡಿದ್ದರು.
ಹೊಸ ಅಪ್‌ಡೇಟ್‌ ನೀಡಿದ ಮೈತ್ರಿ ಮೂವಿ ಮೇಕರ್ಸ್‌
ಪ್ರಶಾಂತ್‌ ನೀಲ್‌, ಜ್ಯೂನಿಯರ್‌ ಎನ್‌ಟಿಆರ್‌ ಕಾಂಬಿನೇಶನ್‌ನಲ್ಲಿ ಸಿನಿಮಾ ಬರುತ್ತಿದೆ ಎಂಬುದನ್ನು ಹೊರತುಪಡಿಸಿ ಚಿತ್ರತಂಡ ಬೇರೆ ಅಪ್‌ಡೇಟ್‌ ನೀಡಿರಲಿಲ್ಲ. ಇದೀಗ ಮೈತ್ರಿ ಮೂವಿ ಮೇಕರ್ಸ್‌, ಈ ಹೊಸ ಸಿನಿಮಾ ಬಗ್ಗೆ ಅಪ್‌ಡೇಟ್‌ ನೀಡಿದೆ. ಸದ್ಯಕ್ಕೆ ಜ್ಯೂನಿಯರ್‌ ಎನ್‌ಟಿಆರ್‌ 'ದೇವರ' ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಈ ಸಿನಿಮಾ ಮುಗಿಯುತ್ತಿದ್ದಂತೆ ಪ್ರಶಾಂತ್‌ ನೀಲ್‌ ಜೊತೆಗೆ ಕೈ ಜೋಡಿಸಲಿದ್ದಾರೆ. 'ದೇವರ' ಚಿತ್ರವನ್ನು ಕೊರಟಾಲ ಶಿವ ನಿರ್ದೇಶಿಸುತ್ತಿದ್ದುಇದು 2 ಭಾಗಗಳಲ್ಲಿ ತಯಾರಾಗುತ್ತಿದೆ. ಮೊದಲ ಭಾಗ ಮುಂದಿನ ವರ್ಷ ಏಪ್ರಿಲ್‌ನಲ್ಲಿ ರಿಲೀಸ್‌ ಆಗುತ್ತಿದೆ. ಎರಡೂ ಭಾಗಗಳ ಶೂಟಿಂಗ್‌ ಮುಗಿಸಿದ ಬಳಿಕ ತಾರಕ್‌ ಹೊಸ ಸಿನಿಮಾ ಶುರು ಆಗಲಿದೆ.
ಏಪ್ರಿಲ್‌ 2024ರಿಂದ ಶೂಟಿಂಗ್‌ ಆರಂಭ
''ತಾರಕ್‌ ಹಾಗೂ ಪ್ರಶಾಂತ್‌ ನೀಲ್‌ ಕಾಂಬಿನೇಶನ್‌ನ ಬಹುನಿರೀಕ್ಷಿತ ಸಿನಿಮಾ ಏಪ್ರಿಲ್‌ 2024ರಿಂದ ಆರಂಭವಾಗಲಿದೆ'' ಎಂದು ಮೈತ್ರಿ ಮೂವಿ ಮೇಕರ್ಸ್‌ ಅಪ್‌ಡೇಟ್‌ ನೀಡಿದೆ. ಈ ಸಿನಿಮಾ, ಖಂಡಿತ ಭಾರತೀಯ ಚಿತ್ರರಂಗದಲ್ಲಿ ಒಂದು ಹೊಸ ಮೈಲಿಗಲ್ಲನ್ನು ಸ್ಥಾಪಿಸಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಈ ಪೋಸ್ಟನ್ನು ನಿರ್ಮಾಣ ಸಂಸ್ಥೆ ಪ್ರಶಾಂತ್‌ ನೀಲ್‌, ತಾರಕ್‌ , ನಂದಮುರಿ ಕಲ್ಯಾಣ್‌ಗೆ ಟ್ಯಾಗ್‌ ಮಾಡಿದೆ. ಮೈತ್ರಿ ಮೂವಿ ಮೇಕರ್ಸ್‌ ನೀಡಿರುವ ಅಪ್‌ಡೇಟ್‌ ನೋಡಿ ತಾರಕ್‌ ಅಭಿಮಾನಿಗಳು ಎಕ್ಸೈಟ್‌ ಆಗಿದ್ದಾರೆ.
ಕೆಜಿಎಫ್‌ 3 ಯಾವಾಗ?
ಪ್ರಶಾಂತ್‌ ನೀಲ್‌ ಹೊಸ ಸಿನಿಮಾ ಅನೌನ್ಸ್‌ ಆಗುತ್ತಿದ್ದಂತೆ ಮತ್ತೆ 'ಕೆಜಿಎಫ್‌ 3' ವಿಚಾರ ಮುನ್ನೆಲೆಗೆ ಬಂದಿದೆ. ಇತ್ತೀಚೆಗೆ ಹೊಂಬಾಳೆ ಫಿಲ್ಮ್ಸ್‌ಗೆ ಆತ್ಮೀಯ ಮೂಲಗಳಿಂದ ಕೆಜಿಎಫ್‌ 3 ಬಗ್ಗೆ ಕೆಲವು ಮಾಹಿತಿ ಬಹಿರಂಗವಾಗಿತ್ತು. ಶೀಘ್ರದಲ್ಲೇ ಯಶ್‌, 19ನೇ ಸಿನಿಮಾ ಅನೌನ್ಸ್‌ ಮಾಡಲಿದ್ದಾರೆ. ಈ ಸಿನಿಮಾ ಮುಗಿಯುತ್ತಿದ್ದಂತೆ, ಅಂದರೆ ಮುಂದಿನ ವರ್ಷದ ಅಂತ್ಯದ ವೇಳೆಗೆ ಕೆಜಿಎಫ್‌ 3 ನಲ್ಲಿ ಭಾಗಿಯಾಗಲಿದ್ಧಾರೆ. ಕೆಜಿಎಫ್‌ 3, 2025ಕ್ಕೆ ಸಿನಿಮಾ ರಿಲೀಸ್‌ ಆಗಲಿದೆ ಎಂಬ ಸುದ್ದಿ ಕೇಳಿಬಂದಿತ್ತು. ಅಷ್ಟರಲ್ಲಿ ಪ್ರಶಾಂತ್‌ ನೀಲ್‌ ಕೂಡಾ ಜ್ಯೂನಿಯರ್‌ ಎನ್‌ಟಿಆರ್‌ ಜೊತೆಗಿನ ಸಿನಿಮಾ ಮುಗಿಸಿ ಮತ್ತೆ ಯಶ್‌ ಜೊತೆಯಾಗಬಹುದು ಎಂದು ಫ್ಯಾನ್ಸ್‌ ಲೆಕ್ಕಾಚಾರ ಹಾಕುತ್ತಿದ್ದಾರೆ.
