Rashmika Mandanna: ವಿಜಯ್‌ ದೇವರಕೊಂಡ ಹಾಕಿದ ಅಂಗಿಯನ್ನೇ ಧರಿಸಿ ಸಿಕ್ಕಿಬಿದ್ದ ರಶ್ಮಿಕಾ ಮಂದಣ್ಣ; ಬೇರೆ ಶರ್ಟ್‌ ಸಿಗ್ಲಿಲ್ವ ಎಂದ ನೆಟ್ಟಿಗರು

Rashmika Mandanna: ಸದಾ ಒಂದಿಲ್ಲೊಂದು ವಿಚಾರಕ್ಕೆ ಸುದ್ದಿಯಲ್ಲಿರುವ ನಟಿ ರಶ್ಮಿಕಾ ಮಂದಣ್ಣ, ಸಿನಿಮಾಕ್ಕಿಂತ ಹೆಚ್ಚಾಗಿ ಟ್ರೋಲ್‌ ಮೂಲಕವೇ ಸದ್ದು ಮಾಡುತ್ತಿರುತ್ತಾರೆ. ಈ ನಡುವೆ ವಿಜಯ್‌ ದೇವರಕೊಂಡ ಜತೆ ಆಗಾಗ ಕಾಣಿಸಿಕೊಂಡು ಇವರಿಬ್ಬರ ಡೇಟಿಂಗ್‌ ವದಂತಿಯೂ ಮುನ್ನೆಲೆಗೆ ಬರುತ್ತಲೇ ಇರುತ್ತದೆ. ದಿನದಿಂದ ದಿನಕ್ಕೆ ಇಬ್ಬರ ನಡುವೆ ಆತ್ಮೀಯತೆಯೂ ಹೆಚ್ಚುತ್ತಿದೆ. ಅದಕ್ಕೆ ಸಾಕ್ಷಿ ಎಂಬಂತೆ ಇತ್ತೀಚೆಗೆ ಹೊಸ ಫೋಟೋವೊಂದು ವೈರಲ್ ಆಗಿದೆ. ಆ ಫೋಟೋದಲ್ಲಿ ವಿಜಯ್‌ ಧರಿಸಿದ್ದ ಅಂಗಿಯನ್ನೇ ಧರಿಸಿ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ ರಶ್ಮಿಕಾ!

ಹೌದು, ಇತ್ತೀಚೆಗಷ್ಟೇ ರಶ್ಮಿಕಾ ಮಂದಣ್ಣ ವಿಮಾನ ನಿಲ್ದಾಣದಲ್ಲಿ ಪ್ರತ್ಯಕ್ಷರಾಗಿದ್ದರು. ಈ ವೇಳೆ ಅವರು ತೊಟ್ಟಿದ್ದ ಅಂಗಿ ಎಲ್ಲರ ಗಮನ ಸೆಳೆದಿತ್ತು. ಆ ಅಂಗಿಯನ್ನು ನೋಡಿದ ನೆಟ್ಟಿಗರು, "ಇದು ದೇವರಕೊಂಡ ಅವರ ಅಂಗಿಯಲ್ಲವೇ?" ಎಂದು ಊಹೆ ಮಾಡಿದ್ದಾರೆ. ಅಷ್ಟಕ್ಕೆ ಮುಗಿದಿಲ್ಲ. ಆ ಅಂಗಿ ಧರಿಸಿದ ವಿಜಯ್‌ ಅವರ ಫೋಟೋವನ್ನೂ ಪೋಸ್ಟ್‌ ಮಾಡಿ, ಬಗೆಬಗೆ ರೀತಿಯಲ್ಲಿ ಕಾಮೆಂಟ್‌ ಮಾಡುತ್ತಿದ್ದಾರೆ. ನಿಮ್ಮಿಬ್ಬರದ್ದು ನಿಜವಾದ ಪ್ರೀತಿ ಬಿಡಿ ಎಂದು ಕೆಲವರು ಹೇಳಿದರೆ, ಇನ್ನು ಕೆಲವರು ನಿಮಗೆ ಬೇರೆ ಅಂಗಿ ಸಿಗಲಿಲ್ವಾ ಎಂದೂ ಕಾಮೆಂಟ್‌ ಹಾಕಿದ್ದಾರೆ.

ಇದನ್ನೂ ಓದಿ: ಶತಮಾನಕ್ಕೊಬ್ಬ ಹಾಸ್ಯಚಕ್ರವರ್ತಿಯ ಶತಮಾನೋತ್ಸವ; ಯುವಜನತೆಯನ್ನೂ ತಲುಪಲಿದೆ ನರಸಿಂಹರಾಜು ವ್ಯಕ್ತಿ ಚಿತ್ರಣ

ಗೀತಾ ಗೋವಿಂದಂ ಮೂಲಕ ಶುರುವಾದ ಪ್ರೀತಿ..

ರಶ್ಮಿಕಾ ಮಂದಣ್ಣ ಮತ್ತು ವಿಜಯ್‌ ದೇವರಕೊಂಡ ಗೀತಾ ಗೋವಿಂದಂ ಮತ್ತು ಡಿಯರ್ ಕಾಮ್ರೇಡ್ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಅಂದಿನಿಂದ ಈ ಜೋಡಿ ಪ್ರೀತಿಯಲ್ಲಿದೆ ಎಂದೇ ಹೇಳಲಾಗುತ್ತಿದೆ. ಇನ್ನು ಹರಿದಾಡಿದ ವದಂತಿಗಳ ಬಗ್ಗೆ ಎಲ್ಲೂ ಹೆಚ್ಚು ಮಾತನಾಡದೇ, ನಮ್ಮ ನಡುವೆ ಸ್ನೇಹ ಬಿಟ್ಟರೆ ಬೇರೇನೂ ಇಲ್ಲ ಎನ್ನುತ್ತಿದೆ ಈ ಜೋಡಿ. ಹೀಗಿರುವಾಗಲೇ ಇದೀಗ ವಿಜಯ್‌ ಧರಿಸಿದ ಶರ್ಟ್‌ ಹಾಕಿಕೊಂಡು ಎದುರಾಗಿದ್ದು ಮತ್ತೆ ಅನುಮಾನ ಮೂಡುವಂತೆ ಮಾಡಿದ್ದಾರೆ.

ಇದನ್ನೂ ಓದಿ: ಸತ್ಯ ಹೇಳಿ ಭಾರ್ಗವಿ ಕೆಂಗಣ್ಣಿಗೆ ಗುರಿಯಾದ್ಲಾ ಸೀತಾ? ಅಸಲಿಯತ್ತು ತಿಳಿಯಲು ರಾಮನ ಬತ್ತಳಿಕೆಯಿಂದ ಬಂತು ಹೊಸ ಬಾಣ

ಡಿನ್ನರ್‌ ಪಾರ್ಟಿಯಲ್ಲಿ ಭಾಗಿ

ಇತ್ತೀಚೆಗಷ್ಟೇ ರಶ್ಮಿಕಾ ಮಂದಣ್ಣ ವಿಜಯ್‌ ದೇವರಕೊಂಡ ಕುಟುಂಬದ ಜತೆಗೆ ಡಿನ್ನರ್‌ ಪಾರ್ಟಿಯಲ್ಲಿ ಕಾಣಿಸಿಕೊಂಡಿದ್ದರು. ಆ ಪಾರ್ಟಿ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು. ಈ ನಡುವೆ ರಶ್ಮಿಕಾ ಮಂದಣ್ಣ ವಿಜಯ್ ದೇವರಕೊಂಡ ಅವರ ಕುಟುಂಬಕ್ಕೂ ಹತ್ತಿರವಾಗಿದ್ದಾರೆ. ವಿಜಯ್ ದೇವರಕೊಂಡ ಅವರ ಸಹೋದರ ಆನಂದ್ ದೇವರಕೊಂಡ ಅಭಿನಯದ 'ಬೇಬಿ' ಚಿತ್ರ ಇತ್ತೀಚೆಗೆ ಬಿಡುಗಡೆಯಾಗಿದೆ. ಆ ಚಿತ್ರದ ಪ್ರೀಮಿಯರ್ ಶೋನಲ್ಲಿ ರಶ್ಮಿಕಾ ಮಂದಣ್ಣ ಭಾಗವಹಿಸಿದ್ದರು. ಒಟ್ಟಿನಲ್ಲಿ ಸದಾ ಪ್ರೀತಿಯ ವಿಚಾರಕ್ಕೆ ಸುದ್ದಿಯಲ್ಲಿರುವ ಈ ಜೋಡಿ ಅದ್ಯಾವಾಗ ತಮ್ಮ ಪ್ರೀತಿಯನ್ನು ಅಧಿಕೃತ ಮಾಡುತ್ತೋ ಎಂಬುದನ್ನು ಕಾದು ನೋಡಬೇಕು. 

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಬಾಲಿವುಡ್‌ನಲ್ಲಿ ಅನಿಮಲ್‌ ಸಿನಿಮಾದ ಕೆಲಸ ಮುಗಿಸಿರುವ ರಶ್ಮಿಕಾ, ಸೌತ್‌ನ ಚಿತ್ರಗಳ ಕೆಲಸಗಳಲ್ಲಿ ಬಿಜಿಯಾಗಿದ್ದಾರೆ. ಅದೇ ರೀತಿ ಸಮಂತಾ ಜತೆಗಿನ ಖುಷಿ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. 

ಮನರಂಜನೆ ಕುರಿತ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ