Salaar Teaser: ಪ್ರಭಾಸ್‌ ಸಲಾರ್‌ ಸಿನಿಮಾ ಟೀಸರ್‌ ಬೆಳಗ್ಗೆ 5:12ಕ್ಕೆ ರಿಲೀಸ್‌ ಆಗ್ತಿರೋದು ಏಕೆ; ಎರಡು ಆಯಾಮಗಳಲ್ಲಿ ಸಿಕ್ಕಿದೆ ಉತ್ತರ
ಕೆಜಿಎಫ್‌ 2 ಗೂ ಸಲಾರ್‌ಗೂ ಲಿಂಕ್ ಇದೆ ಎಂದು ತೋರಿಸುವ ನಿಟ್ಟಿನಲ್ಲಿ ಚಿತ್ರತಂಡ ಬಹುಶ: ಬೆಳಗ್ಗೆ 5:12ಕ್ಕೆ ರಿಲೀಸ್‌ ಮಾಡುತ್ತಿದೆ ಎಂದು ಹೇಳಲಾಗುತ್ತಿದೆ. ಇದಕ್ಕೆ ಸಂಬಂಧಿಸಿದಂತೆ ಕೆಜಿಎಫ್‌ ಸೀಕ್ವೆಲ್‌ ಕ್ಲೈಮಾಕ್ಸ್‌ ದೃಶ್ಯದ ಸ್ಕ್ರೀನ್‌ ಶಾಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
'ಸಲಾರ್‌' ಸಿನಿಮಾ ಚಿತ್ರೀಕರಣ ಆರಂಭವಾದಾಗಿನಿಂದ ನಿರ್ದೇಶಕ ಪ್ರಶಾಂತ್‌ ನೀಲ್‌ ಸಿನಿಮಾದ ಪೋಸ್ಟರ್‌ ಬಿಟ್ಟರೆ ಬೇರೇನೂ ಅಪ್‌ಡೇಟ್‌ ನೀಡಿರಲಿಲ್ಲ. ಆದಷ್ಟು ಬೇಗ ಸಿನಿಮಾ ಟೀಸರ್‌ ರಿಲೀಸ್‌ ಮಾಡಿ, ಅಥವಾ ಒಂದು ಪೋಸ್ಟರ್‌ ಆದರೂ ಬಿಡುಗಡೆ ಮಾಡಿ ಎಂದು ಅಭಿಮಾನಿಗಳು ಮನವಿ ಮಾಡುತ್ತಿದ್ದರು. ಇದೀಗ ಸಿನಿಮಾಭಿಮಾನಿಗಳಿಗೆ ಚಿತ್ರತಂಡ ಗುಡ್‌ ನ್ಯೂಸ್‌ ನೀಡಿದ್ದು ಜುಲೈ 6 ರಂದು ಟೀಸರ್‌ ರಿಲೀಸ್‌ ಮಾಡುತ್ತಿದೆ.
'ಸಲಾರ್‌' ಟೀಸರ್‌ ನೋಡಲು ಸಿನಿಪ್ರಿಯರು ಎಕ್ಸೈಟ್‌ ಆಗಿ ಕಾಯುತ್ತಿದ್ದಾರೆ. ಆದರೆ ಇಲ್ಲಿ ಥ್ರಿಲ್‌ ಆಗುವಂತ ಮತ್ತೊಂದು ವಿಚಾರ ಇದೆ. ಸಾಮಾನ್ಯವಾಗಿ ಸಿನಿಮಾ ಟೀಸರ್‌ಗಳು ಬೆಳಗ್ಗೆ 10 ಗಂಟೆ ನಂತರ ಅಥವಾ ಸಂಜೆ ಬಿಡುಗಡೆ ಆಗಿರುವುದನ್ನು ನೋಡಿದ್ದೇವೆ. ಆದರೆ ಚಿತ್ರತಂಡ ಸಲಾರ್‌ ಟೀಸರನ್ನು ಬೆಳಗ್ಗೆ 5:12ಕ್ಕೆ ರಿಲೀಸ್‌ ಮಾಡುತ್ತಿದೆ. ಬೆಳ್ಳಂ ಬೆಳಗ್ಗೆ ಟೀಸರ್‌ ರಿಲೀಸ್‌ ಮಾಡ್ತಿರೋದು ಏಕೆ ಎಂದು ಫ್ಯಾನ್ಸ್‌ ತಲೆ ಕೆರೆದುಕೊಳ್ಳುತ್ತಿದ್ದಾರೆ. ಇದಕ್ಕೆ ಎರಡು ಆಯಾಮಗಳಲ್ಲಿ ಉತ್ತರ ಸಿಕ್ಕಿದೆ.
ಕೆಜಿಎಫ್‌ ಸೀಕ್ವೆಲ್‌ಗೂ ಸಲಾರ್‌ಗೂ ಇದ್ಯಾ ಲಿಂಕ್?
ಮೊದಲನೆಯದ್ದು 'ಕೆಜಿಎಫ್‌ 2' ಸಿನಿಮಾ. ಕೆಜಿಎಫ್‌ ಸೀಕ್ವೆಲ್‌ ಕ್ಲೈಮಾಕ್ಸ್‌ನಲ್ಲಿ ಯಶ್‌ ಎದುರಿಗೆ ಕಂಡು ಬರುವ ಗಡಿಯಾರದಲ್ಲಿ ಸಮಯ ಮುಂಜಾನೆ 5 ಗಂಟೆ ಆಗಿರುತ್ತದೆ. ಕೆಜಿಎಫ್‌ 2 ಗೂ ಸಲಾರ್‌ಗೂ ಲಿಂಕ್ ಇದೆ ಎಂದು ತೋರಿಸುವ ನಿಟ್ಟಿನಲ್ಲಿ ಚಿತ್ರತಂಡ ಬಹುಶ: ಬೆಳಗ್ಗೆ 5:12ಕ್ಕೆ ರಿಲೀಸ್‌ ಮಾಡುತ್ತಿದೆ ಎಂದು ಹೇಳಲಾಗುತ್ತಿದೆ. ಇದಕ್ಕೆ ಸಂಬಂಧಿಸಿದಂತೆ ಕೆಜಿಎಫ್‌ ಸೀಕ್ವೆಲ್‌ ಕ್ಲೈಮಾಕ್ಸ್‌ ದೃಶ್ಯದ ಸ್ಕ್ರೀನ್‌ ಶಾಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ಹಾಗೆ ಎರಡನೆಯದ್ದು ಜ್ಯೋತಿಷ್ಯ. ಜುಲೈ 6 ಬೆಳಗ್ಗೆ 5:12ಕ್ಕೆ ಒಳ್ಳೆ ಮುಹೂರ್ತ ಇದ್ದು ಆ ಸಮಯದಲ್ಲಿ ಟೀಸರ್‌ ಬಿಡುಗಡೆ ಮಾಡಿದರೆ ಒಳ್ಳೆಯದು ಎಂಬ ಕಾರಣ ಅದೇ ಸಮಯಕ್ಕೆ ಟೀಸರ್‌ ರಿಲೀಸ್‌ ಮಾಡಲಾಗುತ್ತಿದೆ ಎಂದು ತಿಳಿದುಬಂದಿದೆ. ಒಟ್ಟಿನಲ್ಲಿ ಸಲಾರ್‌ ಸಿನಿಮಾ ರಿಲೀಸ್‌ಗೆ ಮುನ್ನವೇ ಟಾಕ್‌ ಆಫ್‌ ದಿ ಟೌನ್‌ ಎನಿಸಿದೆ. ಟೀಸರ್‌ ಬಿಡುಗಡೆಗೆ ಇನ್ನೆರಡು ದಿನಗಳಷ್ಟೇ ಬಾಕಿ ಇದ್ದು ಫ್ಯಾನ್ಸ್‌ ಥ್ರಿಲ್‌ ಆಗಿದ್ದಾರೆ.
ಎರಡು ಭಾಗಗಳಾಗಿ ಬರಲಿದ್ಯಾ ಸಲಾರ್‌?
ಪ್ರಶಾಂತ್‌ ನೀಲ್‌ 'ಕೆಜಿಎಫ್‌' ಚಿತ್ರವನ್ನು ಎರಡು ಭಾಗಗಳಲ್ಲಿ ನಿರ್ದೇಶಿಸಿದ್ದರು. ಇದೀಗ 'ಸಲಾರ್‌' ಸಿನಿಮಾವನ್ನು ಕೂಡಾ ಎರಡು ಭಾಗಗಳನ್ನಾಗಿ ನಿರ್ದೇಶಿಸಲಿದ್ದಾರೆ ಎಂಬ ರೂಮರ್‌ ಕೆಲವು ದಿನಗಳಿಂದ ಹರಿದಾಡುತ್ತಿದೆ. ಅಲ್ಲದೆ 'ಕೆಜಿಎಫ್‌' ಚಿತ್ರದ ಮಲ್ಟಿವರ್ಸ್‌ ಭಾಗವಾಗಿ ಪ್ರಶಾಂತ್‌ ನೀಲ್‌ ಈ 'ಸಲಾರ್‌' ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಯಶ್‌ ಕೂಡಾ ಈ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸುತ್ತಿದ್ದು 10 ನಿಮಿಷ ಬಂದು ಹೋಗಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಚಿತ್ರತಂಡ ಇದನ್ನು ಅಧಿಕೃತವಾಗಿ ಘೋಷಿಸದೇ ಇದ್ದರೂ, 'ಸಲಾರ್‌' ಸಿನಿಮಾ ಎರಡು ಭಾಗಗಳಾಗಿ ಬರುವುದು ಖಚಿತ ಎನ್ನಲಾಗುತ್ತಿದೆ. ಇದೀಗ ಈ ಟೀಸರ್‌ ಟೈಮ್‌ ನೋಡಿದರೆ ಕೆಜಿಎಫ್‌ಗೂ ಸಲಾರ್‌ಗೂ ಲಿಂಕ್ ಇರುವುದು ಪಕ್ಕಾ ಎನ್ನಲಾಗುತ್ತಿದೆ. ಯಾವುದಕ್ಕೂ ಜುಲೈ 6ವರೆಗೂ ಕಾದು ನೋಡಬೇಕಿದೆ.
