Tollywood News: ಸಮಂತಾ ನನ್ನ ಕ್ರಷ್‌ ಎಂದ ವಿಜಯ್‌ ದೇವರಕೊಂಡ; ಹಾಗಿದ್ರೆ ರಶ್ಮಿಕಾ ಮಂದಣ್ಣ ಕಥೆ ಏನು ಎಂದ ನೆಟಿಜನ್ಸ್
ನಿಮ್ಮ ಕ್ರಷ್‌ ಯಾರು ಎಂದು ಕೇಳಿದ್ದಕ್ಕೆ ವಿಜಯ್‌ ದೇವರಕೊಂಡ ಸಮಂತಾ ಹೆಸರು ಹೇಳಿದ್ದಾರೆ. ಅಷ್ಟೇ ಅಲ್ಲ ಒಮ್ಮೆ ಕಾಫಿ ವಿತ್‌ ಕರಣ್‌ ಕಾರ್ಯಕ್ರಮದಲ್ಲಿ ಕೂಡಾ ಸಮಂತಾ ನನಗೆ ತುಂಬಾ ಇಷ್ಟ ಎಂದು ಹೇಳಿಕೊಂಡಿದ್ದರು.
ವಿಜಯ್‌ ದೇವರಕೊಂಡ, ಟಾಲಿವುಡ್‌ನಲ್ಲಿ ಗಾಡ್‌ ಫಾದರ್‌ ಇಲ್ಲದೆ, ಕುಟುಂಬದಲ್ಲಿ ಯಾವುದೇ ಸಿನಿಮಾ ಹಿನ್ನೆಲೆ ಇಲ್ಲದೆ ತಮ್ಮದೇ ಪರಿಶ್ರಮದ ಮೂಲಕ ಹೆಸರು ಮಾಡಿರುವ ನಟ. ನಟನೆ, ಲುಕ್‌ನಿಂದ ಲಕ್ಷಾಂತರ ಯುವ ಅಭಿಮಾನಿಗಳ ಮನಸ್ಸು ಗೆದ್ದಿರುವ ರೌಡಿ ಹೀರೋ ವಿಜಯ್‌ ದೇವರಕೊಂಡ, ತಮಗೆ ಅನ್ನಿಸಿದ್ದನ್ನು ನೇರವಾಗಿ ಹೇಳುವ ವ್ಯಕ್ತಿ.
ಹೈದರಾಬಾದ್‌ನಲ್ಲಿ ಜರುಗಿದ ಖುಷಿ ಆಡಿಯೋ ಸಮಾರಂಭ
ಪುಟ್ಟ ಪಾತ್ರದಿಂದ ಸ್ಟಾರ್‌ ನಟನಾಗಿ ಬೆಳೆದಿರುವ ವಿಜಯ್‌ ದೇವರಕೊಂಡ ಎಷ್ಟೋ ಬಾರಿ ತಮ್ಮ ಮಾತುಗಳಿಂದಲೇ ಎಷ್ಟೋ ಬಾರಿ ವಿವಾದಕ್ಕೆ ಸಿಲುಕಿದ್ದಾರೆ, ಟ್ರೋಲ್‌ ಆಗಿದ್ದಾರೆ. ಆಗಸ್ಟ್‌ 15 ರಂದು 'ಗೀತ ಗೋವಿಂದಂ' ಚಿತ್ರಕ್ಕೆ 5 ವರ್ಷ ತುಂಬಿದ ಹಿನ್ನೆಲೆ ವಿಜಯ್‌ ದೇವರಕೊಂಡ ರಶ್ಮಿಕಾ ಮಂದಣ್ಣ ಹಾಗೂ ನಿರ್ದೇಶಕ ಪರಶುರಾಮ್‌ ಜೊತೆ ಸೇರಿ ಸಿನಿಮಾ 5ನೇ ವರ್ಷದ ವಾರ್ಷಿಕೋತ್ಸವವನ್ನು ಸೆಲೆಬ್ರೇಟ್‌ ಮಾಡಿದ್ದಾರೆ. ಇದರ ಜೊತೆಗೆ ಮಂಗಳವಾರ 'ಖುಷಿ' ಸಿನಿಮಾ ಆಡಿಯೋ ಕೂಡಾ ರಿಲೀಸ್ ಆಗಿದೆ. ಈ ಖುಷಿಯನ್ನು ವಿಜಯ್‌ ದೇವರಕೊಂಡ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದರು. ಈ ದಿನ ಸ್ವಾತಂತ್ರ್ಯೋತ್ಸವದ ಜೊತೆಗೆ 'ಗೀತ ಗೋವಿಂದಂ' 5 ವರ್ಷಗಳ ಸಂಭ್ರಮ ಹಾಗೂ ಖುಷಿ ಚಿತ್ರದ ಆಡಿಯೋ ಸಮಾರಂಭ ಎಂದು ಬರೆದುಕೊಂಡಿದ್ದರು.
ಸೆಪ್ಟೆಂಬರ್‌ 1ಕ್ಕೆ ಖುಷಿ ರಿಲೀಸ್
'ಖುಷಿ' ಸಿನಿಮಾ ಸೆಪ್ಟೆಂಬರ್‌ 1 ರಂದು ತೆರೆ ಕಾಣುತ್ತಿದೆ. ಈಗಾಗಲೇ ಚಿತ್ರದ ಹಾಡುಗಳು, ಟ್ರೇಲರ್‌ ರಿಲೀಸ್ ಆಗಿದ್ದು ಸಿನಿಮಾ ತಂಡ ಪ್ರಮೋಷನ್‌ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಶಿವ ನಿರ್ವಾಣ ಈ ಚಿತ್ರಕ್ಕೆ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಸಮಂತಾ ಆರೋಗ್ಯ ಸಮಸ್ಯೆ ಇರುವುದರಿಂದ ಆಕೆ ಪ್ರಮೋಷನ್‌ ಕಾರ್ಯಗಳಲ್ಲಿ ಹೆಚ್ಚು ಭಾಗಿಯಾಗುತ್ತಿಲ್ಲ. ಇತ್ತೀಚೆಗೆ ವಿಜಯ್‌ ದೇವರಕೊಂಡ ಒಬ್ಬರೇ ಸುದ್ದಿಗೋಷ್ಠಿಯಲ್ಲಿ ಭಾಗವಹಿಸಿದ್ದರು. ಈ ವೇಳೆ ನಿಮ್ಮ ಕ್ರಷ್‌ ಯಾರು ಎಂದು ಕೇಳಿದ್ದಕ್ಕೆ ವಿಜಯ್‌ ದೇವರಕೊಂಡ ಸಮಂತಾ ಹೆಸರು ಹೇಳಿದ್ದಾರೆ. ಅಷ್ಟೇ ಅಲ್ಲ ಒಮ್ಮೆ ಕಾಫಿ ವಿತ್‌ ಕರಣ್‌ ಕಾರ್ಯಕ್ರಮದಲ್ಲಿ ಕೂಡಾ ಸಮಂತಾ ನನಗೆ ತುಂಬಾ ಇಷ್ಟ ಎಂದು ಹೇಳಿಕೊಂಡಿದ್ದರು.
ರಶ್ಮಿಕಾ ಕಥೆ ಏನು ಎಂದ ನೆಟಿಜನ್ಸ್
ಮಂಗಳವಾರ ಹೈದರಾಬಾದ್‌ನಲ್ಲಿ ನಡೆದ ಖುಷಿ ಇವೆಂಟ್‌ಗೆ ಕೂಡಾ ವಿಜಯ್‌ ದೇವರಕೊಂಡ ಹಾಗೂ ಸಮಂತಾ ಕೈ ಕೈ ಹಿಡಿದು ಬಂದಿದ್ದರು. ತೆರೆ ಮೇಲೆ ಮಾತ್ರವಲ್ಲ, ವೇದಿಕೆ ಮೇಲೆ ಕೂಡಾ ಇಬ್ಬರ ಕಾಂಬಿನೇಶನ್‌ ನೋಡಿ ಕೆಲವರು ಆಶ್ಚರ್ಯ ವ್ಯಕ್ತಪಡಿಸಿದ್ದರು. ವಿಜಯ್‌ ದೇವರಕೊಂಡ ಹೀಗೆ ಸಮಂತಾ ಕುರಿತು ಮಾತನಾಡಿರುವ ವಿಡಿಯೋ ಕ್ಲಿಪ್ಪಿಂಗ್‌ಗಳು ವೈರಲ್‌ ಆಗುತ್ತಿದ್ದು ಇಷ್ಟು ದಿನಗಳು ರಶ್ಮಿಕಾ ಹಿಂದೆ ಓಡಾಡುತ್ತಿದ್ದಿರಿ. ಈಗ ಸಮಂತಾ ಹೆಸರು ಹೇಳುತ್ತಿದ್ದೀರಿ. ಹಾಗಾದರೂ ರಶ್ಮಿಕಾ ಕಥೆ ಏನು ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ.
ಹೆಚ್ಚಿನ ಮನರಂಜನೆ ಸುದ್ದಿಗಳಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
