ಕನ್ನಡ ಸುದ್ದಿ  /  ಮನರಂಜನೆ  /  ಯಬ್ಬಾ Kalki 2898 Ad ಸಿನಿಮಾ ಇಷ್ಟೊಂದು ದೊಡ್ಡದ? ಪ್ರಭಾಸ್‌, ದೀಪಿಕಾ ಪಡುಕೋಣೆ ಸಿನಿಮಾದ ರನ್‌ಟೈಮ್‌ ವಿಚಾರ ಬಹಿರಂಗ

ಯಬ್ಬಾ Kalki 2898 AD ಸಿನಿಮಾ ಇಷ್ಟೊಂದು ದೊಡ್ಡದ? ಪ್ರಭಾಸ್‌, ದೀಪಿಕಾ ಪಡುಕೋಣೆ ಸಿನಿಮಾದ ರನ್‌ಟೈಮ್‌ ವಿಚಾರ ಬಹಿರಂಗ

Kalki 2898 AD Runtime: ಪ್ರಭಾಸ್‌ ಮತ್ತು ದೀಪಿಕಾ ಪಡುಕೋಣೆ ನಟನೆಯ ಕಲ್ಕಿ 2898 ಎಡಿ ಸಿನಿಮಾ ಇದೇ ಜೂನ್‌ 27, 2024ರಂದು ಚಿತ್ರಮಂದಿರಗಳಿಗೆ ಆಗಮಿಸಲಿದೆ. ಈ ಸಿನಿಮಾದ ರನ್‌ಟೈಮ್‌ ಕುರಿತು ಈಗ ಚರ್ಚೆಯಾಗುತ್ತಿದೆ. ಇಷ್ಟು ರನ್‌ ಟೈಮ್‌ ಇದ್ದರೆ ಸಿನಿಮಾ ಬೋರ್‌ ಆಗದೇ? ಈ ರನ್‌ ಟೈಮ್‌ ಸಿನಿಮಾಕ್ಕೆ ವಿಲನ್‌ ಆಗಬಹುದೇ? ಎಂದೆಲ್ಲ ಚರ್ಚೆಗಳು ನಡೆಯುತ್ತಿವೆ.

 Kalki 2898 AD ಸಿನಿಮಾದ ರನ್‌ಟೈಮ್‌
Kalki 2898 AD ಸಿನಿಮಾದ ರನ್‌ಟೈಮ್‌

ಬೆಂಗಳೂರು: Kalki 2898 AD ಸಿನಿಮಾ ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಮುಂಬೈನಲ್ಲಿ ಇತ್ತೀಚೆಗೆ ನಡೆದ ಸಿನಿಮಾದ ಬಿಡುಗಡೆ ಪೂರ್ವ ಕಾರ್ಯಕ್ರಮವು ಚಿತ್ರದ ಕುರಿತು ಕುತೂಹಲ ಹೆಚ್ಚಿಸಿದೆ. ಈ ಸಿನಿಮಾವನ್ನು ನೋಡಿರುವ ಸೆನ್ಸಾರ್‌ ಮಂಡಳಿಯು ಈಗಾಗಲೇ ವಾಹ್‌ ಎಂದಿದೆ. ಇದರಿಂದ ಚಿತ್ರದ ಕುರಿತು ನಿರೀಕ್ಷೆ ಹೆಚ್ಚಾಗಿದೆ. ಎಲ್ಲರೂ ಚಿತ್ರವನ್ನು ದೊಡ್ಡಪರದೆಯಲ್ಲಿ ನೋಡಲು ಕಾತರರಾಗಿದ್ದಾರೆ. ಆದರೆ, ಈ ಸಿನಿಮಾದ ರನ್‌ ಟೈಮ್‌ ಎಷ್ಟು? ಈ ಸಿನಿಮಾದ ರನ್‌ಟೈಮ್‌ ಈ ಚಿತ್ರಕ್ಕೆ ವಿಲನ್‌ ಆಗಬಹುದೇ? ಎಂಬ ಪ್ರಶ್ನೆಗಳೂ ಎದುರಾಗಿವೆ.

ಕಲ್ಕಿ 2898 ಎಡಿ ಸಿನಿಮಾದ ರನ್‌ಟೈಮ್‌

ಕಲ್ಕಿ 2898 ಎಡಿ ಸಿನಿಮಾದ ರನ್‌ಟೈಮ್‌ 3 ಗಂಟೆಗಳು ಮತ್ತು 47 ಸೆಕೆಂಡ್‌ಗಳು. ಈಗ ಬಹುತೇಕ ಸಿನಿಮಾಗಳು ಎರಡು ಗಂಟೆ ಆಸುಪಾಸಿನ ರನ್‌ಟೈಮ್‌ ಹೊಂದಿದ್ದರೆ, ಕಲ್ಕಿ ರನ್‌ಟೈಮ್‌ ಮಾತ್ರ ಮೂರು ಗಂಟೆಯ ಗಡಿ ದಾಟಿದೆ. ಇಷ್ಟು ದೊಡ್ಡ ಗಾತ್ರದ ಸಿನಿಮಾವು ಈ ಸಿನಿಮಾಕ್ಕೆ ವಿಲನ್‌ ಆಗಬಹುದೇ? ಅಥವಾ ಪ್ರೇಕ್ಷಕರಿಗೆ ಬೊಂಬಾಟ್‌ ಭೋಜನವಾಗಲಿದೆಯೇ ಎಂದು ಕಾದು ನೋಡಬೇಕಿದೆ.

ಸದ್ಯ ಒಟಿಟಿ ಪ್ಲೇ ಪ್ರಕಟಿಸಿದ ಮಾಹಿತಿ ಪ್ರಕಾರ ಈ ಸಿನಿಮಾ ಅಂತಿಮವಾಗಿ ರೆಡಿಯಾದಾಗ ನಾಲ್ಕೂವರೆ ಗಂಟೆಯಾಗಿತ್ತಂತೆ. ನಾಗ್‌ ಅಶ್ವಿನ್‌ ತಂಡವು ಈ ಸಿನಿಮಾವನ್ನು ಕತ್ತರಿಸಿ ಮೂರು ಗಂಟೆಗೆ ಇಳಿಸಿದೆಯಂತೆ. ಇದರ ಬದಲು ಎರಡು ಭಾಗ ಬಿಡುಗಡೆ ಮಾಡಬಹುದಿತ್ತು. ಈಗ ಸಿನಿಮಾ ಪ್ರೇಕ್ಷಕರು ಹೆಚ್ಚು ಸಮಯ ಚಿತ್ರಮಂದಿರಗಳಲ್ಲಿ ಕಾಲ ಕಳೆಯಲು ಬಯಸುವುದಿಲ್ಲ. ಎಲ್ಲರಿಗೂ ಮನರಂಜನೆ ಬೇಗ ದೊರಕಬೇಕು. ಇದು ಶಾರ್ಟ್ಸ್‌ ಕಾಲ. ಹೀಗಿದ್ದಾಗ ಈ ಮೂರು ಗಂಟೆಯ ಸಿನಿಮಾ ಪ್ರೇಕ್ಷಕರಿಗೆ ಇಷ್ಟವಾಗಬಹುದೇ? ಸುಸ್ತಾಗಿಸಬಹುದೇ? ಎಂಬೆಲ್ಲ ಪ್ರಶ್ನೆಗಳು ಎದ್ದಿವೆ. ಅಂತಿಮವಾಗಿ ಚಿತ್ರ ಹೇಗಿದೆ ಎನ್ನುವುದರ ಮೇಲೆ ಈ ರನ್‌ ಟೈಮ್‌ ಪರಿಣಾಮ ಇರಲಿದೆ.

ಟ್ರೆಂಡಿಂಗ್​ ಸುದ್ದಿ

ಹೀಗಿದ್ದರೂ, ದೊಡ್ಡ ಸಿನಿಮಾ ಕೆಲವೊಮ್ಮೆ ಸಮಸ್ಯೆಯಾಗದು. ಸಂದೀಪ್‌ ರೆಡ್ಡಿ ವಂಗಾ ಅವರ ಅನಿಮಲ್‌ ಸಿನಿಮಾವೂ ಮೂರು ಗಂಟೆಗಿಂತಲೂ ದೀರ್ಘವಾಗಿತ್ತು. ಇದೇ ರೀತಿಯ ಕಾನ್ಫಿಡೆನ್ಸ್‌ ಅನ್ನು ಕಲ್ಕಿ ತಯಾರಕರೂ ಹೊಂದಿದ್ದಾರೆ. ಈ ಚಿತ್ತದ ನಿರ್ಮಾಪಕರಲ್ಲಿ ಒಬ್ಬರಾದ ಸ್ವಪ್ನ ದತ್‌ ಪ್ರಕಾರ ಪ್ರೇಕ್ಷಕರಿಗೆ ಕಲ್ಕಿ ಸಿನಿಮಾವು ಹೊಸ ಅನುಭವ ನೀಡಲಿದೆ, ಪ್ರೇಕ್ಷಕರನ್ನು ಹೊಸ ಜಗತ್ತಿಗೆ ಕರೆದೊಯ್ಯಲಿದೆ. ಇದರಿಂದಾಗಿ ಪ್ರೇಕ್ಷಕರು ರನ್‌ ಟೈಮ್‌ ಕುರಿತು ಯೋಚನೆ ಮಾಡಲಾರರು ಎಂದು ಅವರು ಹೇಳಿದ್ದಾರೆ.

ಕಲ್ಕಿ ಸಿನಿಮಾದ ಕುರಿತು

ಈ ವರ್ಷದ ಅತೀ ನಿರೀಕ್ಷಿತ ಚಿತ್ರ ಎಂಬ ಹೆಗ್ಗಳಿಕೆಗೆ ಕಲ್ಕಿ 2898 AD’ ಪಾತ್ರವಾಗಿದೆ. ಈ ಸಿನಿಮಾದಲ್ಲಿ ಅಮಿತಾಭ್‍ ಬಚ್ಚನ್, ಕಮಲ್ ಹಾಸನ್, ಪ್ರಭಾಸ್,‍ ದೀಪಿಕಾ ಪಡುಕೋಣೆ, ದಿಶಾ ಪಠಾಣಿ ಮುಂತಾದವರು ನಟಿಸಿದ್ದಾರೆ. ವೈಜಯಂತಿ ಮೂವೀಸ್ ಬ್ಯಾನರ್‌ನಡಿ ಅಶ್ವಿನಿ ದತ್‍ ನಿರ್ಮಿಸಿರುವ ಈ ಚಿತ್ರವನ್ನು ನಾಗ್‍ ಅಶ್ವಿನ್‍ ನಿರ್ದೇಶನ ಮಾಡಿದ್ದಾರೆ. ‘ಕಲ್ಕಿ 2898 AD’ ಚಿತ್ರವು ಜಗತ್ತಿನಾದ್ಯಂತ ಜೂನ್‍ 27ರಂದು ಬಿಡುಗಡೆ ಆಗಲಿದೆ.