Who Is Sreeleela?: ಪುಷ್ಪ 2ನಲ್ಲಿ ಕಿಸ್ಸಿಕ್‌ ಎಂದು ಸೊಂಟ ಬಳುಕಿಸಿದ ವಯ್ಯಾರಿ ಯಾರು? 23 ವರ್ಷ ವಯಸ್ಸಿನಲ್ಲೇ ದೇಶದ ಗಮನ ಸೆಳೆದ ಕಿಸ್ ನಟಿ
Who Is Sreeleela?: ಪುಷ್ಪ 2 ಸಿನಿಮಾದಲ್ಲಿ ಅಲ್ಲು ಅರ್ಜುನ್‌ ಜತೆ ಕಿಸ್ಸಿಕ್‌ ಹಾಡಿಗೆ ಕರ್ನಾಟಕ ಮೂಲದ ಪ್ರತಿಭಾನ್ವಿತ ನಟಿ ಶ್ರೀಲೀಲಾ ಐಟಂ ಡ್ಯಾನ್ಸ್‌ ಮಾಡಿದ್ದಾರೆ. 23 ವರ್ಷ ವಯಸ್ಸಿನ ಈ ಸುಂದರಿ ಕಿರಿಯ ವಯಸ್ಸಿನಲ್ಲೇ ಸಿನಿಜಗತ್ತಿನಲ್ಲಿ ಗಮನ ಸೆಳೆಯುತ್ತಿದ್ದಾರೆ.
ಶ್ರೀಲೀಲಾ ಯಾರು? ಎಂದು ಭಾರತದ ಸಿನಿಪ್ರಿಯರು ಹುಡುಕಾಟ ನಡೆಸುತ್ತಿದ್ದಾರೆ. ಪುಷ್ಪ 2 ಸಿನಿಮಾದ ಕಿಸ್ಸಿಕ್‌ ಹಾಡು ಬಿಡುಗಡೆಯಾದ ಬಳಿಕ ಶ್ರೀಲೀಲಾ ಕುರಿತು ಜನರಲ್ಲಿ ಕುತೂಹಲ ಹೆಚ್ಚಾಗಿದೆ. ಈ ಹಿಂದೆ ಸಮಂತಾ ಅವರು ಇದೇ ರೀತಿಯ ಐಟಂ ಸಾಂಗ್‌ ಮಾಡಿದ್ದರು. ಪುಷ್ಪ 2ನಲ್ಲಿ ಶ್ರೀಲೀಲಾ ಐಟಂ ಡ್ಯಾನ್ಸ್‌ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ. ಈ ಹಾಡಿನ ಸಂಪೂರ್ಣ ಡ್ಯಾನ್ಸ್‌ ವಿಡಿಯೋ ಇನ್ನೂ ಬಿಡುಗಡೆಯಾಗಿಲ್ಲ. ಆದರೆ, ಲಿರಿಕಲ್‌ ವಿಡಿಯೋದಲ್ಲೇ ಈಕೆ ಗಮನ ಸೆಳೆದಿದ್ದಾರೆ.
ಐಟಂ ಹಾಡಿಗಾಗಿ ಸಾಮಾನ್ಯವಾಗಿ ಚಿತ್ರತಂಡವು ಮಧ್ಯ ವಯಸ್ಕ ನಟಿಯರನ್ನು ಆಯ್ಕೆ ಮಾಡುತ್ತದೆ. ಅಂದರೆ, ಚಿತ್ರರಂಗದಲ್ಲಿ ಈಗಾಗಲೇ ಪಳಗಿರುವ, ಅನುಭವಿ ಡ್ಯಾನ್ಸರ್‌ಗಳಿಗೆ ಆದ್ಯತೆ ನೀಡುತ್ತಾರೆ. ಆದರೆ, ಕರ್ನಾಟಕ ಮೂಲದ ಶ್ರೀಲೀಲಾ ಇನ್ನೂ 23 ವರ್ಷ ವಯಸ್ಸಿನ ಯುವತಿ. ಹಲವು ಸಿನಿಮಾಗಳಲ್ಲಿ ನಟಿಸಿ ಪ್ರತಿಭಾನ್ವಿತೆ ಎಂದು ಈಗಾಗಲೇ ಸಾಬೀತುಪಡಿಸಿದ್ದಾರೆ. ಇವರು ರಶ್ಮಿಕಾ ಮಂದಣ್ಣ ನಟಿಯಾಗಿರುವ ಚಿತ್ರದಲ್ಲಿ ಅಲ್ಲು ಅರ್ಜುನ್‌ ಜತೆ ಕಿಸ್ಸಿಕ್‌ ಎಂದು ಡ್ಯಾನ್ಸ್‌ ಮಾಡಿದ್ದಾರೆ. ಈಕೆಯ ಡ್ಯಾನ್ಸ್‌ ರಸಿಕರ ಗಮನ ಸೆಳೆಸಿದೆ. ಈ ಮೂಲಕ ಭಾರತದ ಜನಪ್ರಿಯ ನಟಿಯರಲ್ಲಿ ಈಕೆ ಒಬ್ಬರಾಗುವ ಎಲ್ಲಾ ಸೂಚನೆ ದೊರಕಿದೆ.
ಶ್ರೀಲೀಲಾ ಯಾರು?
- ಕನ್ನಡ ಸಿನಿಪ್ರಿಯರಿಗೆ ಈಗಾಗಲೇ ಶ್ರೀಲೀಲಾ ಪರಿಚಯ ಇರಬಹುದು. ಇವರು ಕರ್ನಾಟಕ ಮೂಲದ ನಟಿ. ಶ್ರೀಲೀಲಾ ಮೊದಲ ಬಾರಿಗೆ ಮಹೇಶ್ ಬಾಬು ಜೊತೆಗೆ ಗುಂಟೂರು ಕಾರಮ್‌ ಚಿತ್ರದಲ್ಲಿ ಕುರ್ಚಿ ಹಿಡಿದು ಡ್ಯಾನ್ಸ್‌ ಮಾಡಿ ಅಭಿಮಾನಿಗಳ ಹೃದಯ ಕದ್ದರು. ಅಂದಿನಿಂದ ಇವರು ಕೇವಲ ನಟಿಯಾಗಿ ಪ್ರತಿಭಾನ್ವಿತ ಡ್ಯಾನ್ಸರ್‌ ಆಗಿಯೂ ಗಮನ ಸೆಳೆಯುತ್ತಿದ್ದಾರೆ.
- ಚಿತ್ರಾಂಗದಾ (2017) ಸಿನಿಮಾದಲ್ಲಿ ಬಾಲ ಕಲಾವಿದೆಯಾಗಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿರುವ ಈಕೆ ಕನ್ನಡ ಚಲನಚಿತ್ರ ಕಿಸ್ (2019)ನಲ್ಲಿ ನಾಯಕಿ ನಟಿಯಾಗಿ ಗಮನ ಸೆಳೆದಿದ್ದಾರೆ. ಇದಾದ ಬಳಿಕ ಟಾಲಿವುಡ್‌ನಲ್ಲಿ ಸ್ಥಾನ ಭದ್ರಪಡಿಸಿಕೊಂಡರು. ಪೆಲ್ಲಿ ಸಂಡಾಡ್ ಮತ್ತು ಧಮಾಕಾದಂತಹ ಬ್ಯಾಕ್-ಟು-ಬ್ಯಾಕ್ ಬ್ಲಾಕ್‌ಬಸ್ಟರ್‌ ಚಿತ್ರಗಳನ್ನು ನೀಡಿ ಗಮನ ಸೆಳೆದರು.
- ಪೆಲ್ಲಿ ಸಂಡಾಡ್ ಸಿನಿಮಾದ ಇವರ ಡ್ಯಾನ್ಸ್‌ ಮಧುರಾ ನಗರಿಲೋ ವೈರಲ್‌ ಆಗಿತ್ತು. ಇದೀಗ ಕಿಸ್ಸಿಕ್‌ ಹಾಡಿನ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಈ ಮೂಲಕ ಇವರು ತಾನೊಬ್ಬಳು ಪ್ರತಿಭಾನ್ವಿತ ಡ್ಯಾನ್ಸರ್‌ ಎನ್ನುವುದನ್ನೂ ಸಾಬೀತುಪಡಿಸಿದ್ದಾರೆ.
- ಶ್ರೀಲೀಲಾ ಈ ಹಿಂದೆ ನಟಿಸಿದ ಸಿನಿಮಾಗಳಲ್ಲಿ ಯಶಸ್ಸು, ಹಿನ್ನೆಡೆ ಎಲ್ಲವೂ ಎದುರಾಗಿತ್ತು. ಬಹುಶಃ ಇವರ ನಿಜವಾದ ಆರಂಭ ಇನ್ನು ಆಗಲಿದೆ ಎಂದು ಸಿನಿ ಜಗತ್ತು ಮಾತನಾಡುತ್ತಿದೆ. ಈಗಷ್ಟೇ 23 ವರ್ಷ ವಯಸ್ಸು ಆಗಿರುವುದರಿಂದ ಇವರ ಮುಂದೆ ಭವ್ಯ ಭವಿಷ್ಯ ಇರುವುದು ಸುಳ್ಳಲ್ಲ. ಇದನ್ನೂ ಓದಿ: Puspa 2: ಕಿಸ್ಸಿಕ್‌ ಸಾಮಾನ್ಯ ಐಟಂ ಸಾಂಗ್‌ ಅಲ್ಲ, 20 ಐಟಂ ಸಾಂಗ್‌ ರಿಜೆಕ್ಟ್‌ ಮಾಡಿರೋಳು ನಾನು; ಸಮಂತಾ ಜತೆ ಹೋಲಿಕೆಗೆ ಶ್ರೀಲೀಲಾ ಮಾರುತ್ತರ
- ಕಳೆದ ವರ್ಷ ಶ್ರೀಲೀಲಾ ತೆಲುಗಿನಲ್ಲಿ ಭಗವಂತ್ ಕೇಸರಿ ಹೊರತುಪಡಿಸಿ ನಾಲ್ಕು ಚಿತ್ರಗಳಲ್ಲಿ ನಟಿಸಿದ್ದರು. ಗುಂಟೂರು ಕಾರಂ ಚಿತ್ರದ ನಂತರ ಚಿತ್ರರಂಗದಿಂದ ವಿರಾಮ ತೆಗೆದುಕೊಂಡಿದ್ದ ಶ್ರೀಲೀಲಾ ಮತ್ತೆ ಬಿಝಿಯಾಗಿದ್ದಾರೆ.
- ಇತ್ತೀಚೆಗೆ ಅವರು ಮೂರು ಚಿತ್ರಗಳಿಗೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಧಮಾಕಾ ನಂತರ ಅವರು ರವಿತೇಜ ಅವರೊಂದಿಗೆ ಮತ್ತೊಂದು ಚಿತ್ರ ಮಾಡಲು ಹೊರಟಿದ್ದಾರೆ. ನಿತಿನ್ ಅವರ ರಾಬಿನ್ ಹುಡ್ ಚಿತ್ರದಲ್ಲಿ ಶ್ರೀಲೀಲಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇತ್ತೀಚೆಗೆ ರಾಬಿನ್‌ಹುಡ್‌ ಸಿನಿಮಾದ ಪ್ರಚಾರದಲ್ಲಿ ನಿರತರಾಗಿದ್ದಾರೆ.
- ಇದಕ್ಕೂ ಮೊದಲು ಶ್ರೀಲೀಲಾ ತೆಲುಗಿನಲ್ಲಿ ಬಾಲನಟಿಯಾಗಿ ನಟಿಸಿದ್ದರು. ಬಾಲನಟಿಯೆಂದರೆ ಚಿಕ್ಕ ಮಗುವಾಗಿ ಅಲ್ಲ. ಬಾಲಕಿ ಪಾತ್ರದಲ್ಲಿ ನಟಿಸಿದರು. ಹಾರರ್‌ ಸಿನಿಮಾ ಚಿತ್ರಾಂಗದ ಮೂಲಕ ಇವರು ಕರಿಯರ್‌ ಆರಂಭಿಸಿದ್ದರು. ಚಿತ್ರಾಂಗದಲ್ಲಿ ಶಾಲಿನಿ ದೇವಿ ಬಾಲಕಿಯಾಗಿದ್ದಾಗಿನ ಪಾತ್ರದಲ್ಲಿ ನಟಿಸಿದ್ದರು.
- ಶ್ರೀಲೀಲಾ ಅವರು ಅಮೆರಿಕದ ಮಿಚಿಗನ್‌ನ ಡೆಟ್ರಾಯಿಟ್‌ನಲ್ಲಿ ತೆಲುಗು ಕುಟುಂಬದಲ್ಲಿ 2001ರ ಜೂನ್‌ 14ರಂದು ಜನಿಸಿದ್ದರು.
- ಇವರು ಬೆಳೆದದ್ದು ಬೆಂಗಳೂರಿನಲ್ಲಿ. ಇವರ ತಾಯಿ ಸ್ವರ್ಣಲತ ಬೆಂಗಳೂರಿನಲ್ಲಿ ಗೈನಾಕಲಜಿಸ್ಟ್‌ ಆಗಿದ್ದರು. ಕೈಗಾರಿಕೋದ್ಯಮಿ ಸುರಪನೈ ಶುಭಕರ ಅವರನ್ನು ಸ್ವರ್ಣಲತಾ ವಿವಾಹವಾಗಿದ್ದರು. ಈ ದಂಪತಿ ಪ್ರತ್ಯೇಕಗೊಂಡ ಬಳಿಕ ಲೀಲಾ ಜನಿಸಿದಳು.
- ಬಾಲ್ಯದಿಂದಲೇ ಭರತನಾಟ್ಯದ ಕುರಿತು ಆಸಕ್ತಿ ಹೊಂದಿದ್ದ ಶ್ರೀಲೀಲಾ ಡಾಕ್ಟರ್‌ ಆಗಬೇಕೆಂದು ಬಯಸಿದ್ದರು. ಇದೇ ಕಾರಣಕ್ಕೆ ಎಂಬಿಬಿಎಸ್‌ ಓದಿದ್ದಾರೆ. 2022ರಲ್ಲಿ ಶ್ರೀಲೀಲಾ ಇಬ್ಬರು ವಿಶೇಷ ಚೇತನ ಮಕ್ಕಳನ್ನು ದತ್ತು ತೆಗೆದುಕೊಂಡಿದ್ದಾರೆ.
ಇದನ್ನೂ ಓದಿ: ಡಾಕ್ಟರ್‌ ಆಗ್ಬೇಕಿತ್ತು ಸಾಯಿ ಪಲ್ಲವಿ, ಮಾನುಷಿ ಚಿಲ್ಲರ್‌, ಶ್ರೀಲೀಲಾ; ವೈದ್ಯಕೀಯ ಓದಿ ಚಿತ್ರರಂಗಕ್ಕೆ ಬಂದ 10 ತಾರೆಯರು
