Star Suvarna: ಸ್ಟಾರ್ ಸುವರ್ಣದ ಹೊಸತನಕ್ಕೆ ಸಾಕ್ಷಿಯಾದ ‘ಸುವರ್ಣ ಯುಗಾದಿ ಶುಭಾರಂಭ’; ಮಾ. 19ರಂದು ತಾರಾ ಕಲರವ..
ಸ್ಟಾರ್ ಸುವರ್ಣ ಈ ಯುಗಾದಿಯಿಂದ ಹೊಸತನದ ಕಾರ್ಯಕ್ರಮಗಳ ಜೊತೆ, ಹೊಸ ಹುಮ್ಮಸ್ಸಿನಲ್ಲಿ ಇನ್ನಷ್ಟು ವರ್ಣಮಯಗೊಂಡು ವೀಕ್ಷಕರ ಮುಂದೆ ಬರಲು ಸಜ್ಜಾಗಿದೆ.
Star Suvarna: ಸ್ಟಾರ್ ಸುವರ್ಣ ವಾಹಿನಿ ಧಾರಾವಾಹಿಗಳ ಮೂಲಕವೇ ನಾಡಿನ ವೀಕ್ಷಕರ ಮನಗೆದ್ದಿದೆ. ವಿಭಿನ್ನ ರೀತಿಯ ವಿಶಿಷ್ಟ ಕಾರ್ಯಕ್ರಮಗಳನ್ನು ಈಗಲೂ ನೀಡುತ್ತಿದೆ. ಪ್ರಸ್ತುತ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ, ನಮ್ಮ ಲಚ್ಚಿ, ಕಥೆಯೊಂದು ಶುರುವಾಗಿದೆ, ಎಡೆಯೂರು ಶ್ರೀ ಸಿದ್ದಲಿಂಗೇಶ್ವರ ಧಾರಾವಾಹಿಗಳು ಪ್ರೇಕ್ಷಕರ ಮನಗೆದ್ದು ಮನೆ ಮನೆಯ ಮಾತಾಗಿದೆ. ಈ ಹೊಸ ವರ್ಷವನ್ನು ಅದ್ದೂರಿಯಾಗಿ ಸ್ವಾಗತಿಸಲು ಸ್ಟಾರ್ ಸುವರ್ಣ ವಾಹಿನಿಯು "ಸುವರ್ಣ ಯುಗಾದಿ ಶುಭಾರಂಭ" ಎಂಬ ಕಾರ್ಯಕ್ರಮವನ್ನು ನಡೆಸಿದೆ.
ಯುಗಾದಿ ಹಬ್ಬವನ್ನು ಹೊಸತನದಿಂದ ಬರಮಾಡಿಕೊಳ್ಳಲು ಸ್ಟಾರ್ ಸುವರ್ಣ ವಾಹಿನಿಯು ಹಲವು ಕಾರ್ಯಕ್ರಮವನ್ನು ಏರ್ಪಡಿಸಿದ್ದು, ಬೇವು ಬೆಲ್ಲದ ರುಚಿಯನ್ನು ಸವಿಯಲು ಕನ್ನಡ ಬೆಳ್ಳಿತೆರೆಯ ಕಲಾವಿದರ ಜೊತೆ ಸುವರ್ಣ ಪರಿವಾರದ ಬಳಗವೂ ಪಾಲ್ಗೊಂಡಿತ್ತು. ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರ ಪತ್ನಿ ಅಶ್ವಿನಿ ಪುನೀತ್ ರಾಜಕುಮಾರ್ ಆಗಮಿಸಿ ಕಾರ್ಯಕ್ರಮದ ಮೆರುಗನ್ನು ಹೆಚ್ಚಿಸಿದ್ದರು.
ನಟ ಡಾಲಿ ಧನಂಜಯ್ ರಗಡ್ ಡೈಲಾಗ್‌ಗೆ ಸುವರ್ಣ ಸ್ಟಾರ್ಸ್ ಕುಣಿದು ಕುಪ್ಪಳಿಸಿದ್ದಾರೆ. ಗೋಲ್ಡನ್ ಕ್ವೀನ್ ಅಮೂಲ್ಯ ದಂಪತಿ ಈ ಯುಗಾದಿಯನ್ನು ಸ್ಟಾರ್ ಸುವರ್ಣದ ಜೊತೆ ಸಂಭ್ರಮಿಸಿದ್ದಾರೆ. ಜೊತೆಗೆ ಕಾಂತಾರದ ಸಪ್ತಮಿ ಗೌಡ, ಸಾನಿಯಾ ಅಯ್ಯರ್, ವಾಸುಕಿ ವೈಭವ್ ಸೇರಿದಂತೆ ಇನ್ನಷ್ಟು ಕಲಾವಿದರು ಮನರಂಜನೆಯ ಹೂರಣವನ್ನು ನೀಡಿದ್ದಾರೆ. 'ಹೊಂಗನಸು' ಧಾರಾವಾಹಿ ಖ್ಯಾತಿಯ ಮುಕೇಶ್ ಗೌಡ ಆಗಮಿಸಿದ್ದು ಇದೇ ಮೊದಲ ಬಾರಿಗೆ ಡಬ್ಬಿಂಗ್ ಧಾರಾವಾಹಿಯ ಕಲಾವಿದರನ್ನು ಕಾರ್ಯಕ್ರಮದಲ್ಲಿ ಕಾಣಬಹುದು.
ಸ್ಟಾರ್ ಸುವರ್ಣ ಈ ಯುಗಾದಿಯಿಂದ ಹೊಸತನದ ಕಾರ್ಯಕ್ರಮಗಳ ಜೊತೆ, ಹೊಸ ಹುಮ್ಮಸ್ಸಿನಲ್ಲಿ ಇನ್ನಷ್ಟು ವರ್ಣಮಯಗೊಂಡು ವೀಕ್ಷಕರ ಮುಂದೆ ಬರಲಿದೆ. ಸುವರ್ಣ ಯುಗಾದಿ ಶುಭಾರಂಭ ಮಾರ್ಚ್ 19 ರಂದು ಸಂಜೆ 6 ಗಂಟೆಗೆ ಪ್ರಸಾರವಾಗಲಿದೆ.
ಸಿನಿಮಾ ಸಂಬಂಧಿ ಈ ಸುದ್ದಿಗಳನ್ನೂ ಓದಿ
Meghana Raj: ‘ಜೀವನಕ್ಕೆ ಫುಲ್‌ಸ್ಟಾಪ್‌ ಬಿದ್ದಾಗೆಲ್ಲ, ಅಲ್ಲಿಂದ ಹೊಸ ವಾಕ್ಯ ಶುರುಮಾಡುತ್ತಿದ್ದೆ..’ ಮೇಘನಾ ರಾಜ್‌ ಕಂಬ್ಯಾಕ್‌ ಮಾತು..
ಸ್ಯಾಂಡಲ್ವುಡ್ ನಟಿ ಮೇಘನಾ ರಾಜ್‌ ಸರ್ಜಾ ಸಿನಿಮಾದಿಂದ ದೂರವೇ ಉಳಿದಿದ್ದಾರೆ. ಚಿರು ಅಗಲಿಕೆಯ ಬಳಿಕ ಮಗನ ಆರೈಕೆಯಲ್ಲಿಯೇ ತೊಡಗಿಸಿಕೊಂಡು, ಎರಡು ವರ್ಷ ದೂಡಿದ್ದಾರೆ. ಇದೀಗ ಈ ನಟಿ ಕಂಬ್ಯಾಕ್‌ ಕಾತರದಲ್ಲಿದ್ದಾರೆ. ಹಾಗಂತ ಈ ಕಂಬ್ಯಾಕ್‌ ಅಷ್ಟು ಸುಲಭದ್ದಾಗಿರಲಿಲ್ಲ. ಸಿನಿಮಾ ಬೇಡವೇ ಬೇಡ, ಒಬ್ಬ ತಾಯಿಯಾಗಿ ಮಗನ ಭವಿಷ್ಯದ ಕನಸಿನಲ್ಲಿಯೇ ಖುಷಿ ಕಾಣುವ ನಿರ್ಧಾರಕ್ಕೆ ಮೇಘನಾ ಬದ್ಧರಾಗಿದ್ದರು. ಆದರೆ, ಮುಂದೇನು ಎಂಬ ಪ್ರಶ್ನೆ ಎದುರಾದಾಗ ಆ ಕ್ಷಣ ಮೇಘನಾ ಸಹ ಮೂಖರಾಗಿದ್ದರು! ಅದೆಲ್ಲವನ್ನು ವಿಚಾರಿಸಿಯೇ ಇದೀಗ ತತ್ಸಮ ತದ್ಭವ ಮೂಲಕ ಆಗಮಿಸುತ್ತಿದ್ದಾರೆ. ಈ ವಿಚಾರವನ್ನು ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ. ಪೂರ್ತಿ ವಿವರಕ್ಕೆ ಇಲ್ಲಿ ಕ್ಲಿಕ್‌ ಮಾಡಿ
Pathaan on Ott: ಒಟಿಟಿಗೆ ಬರುತ್ತಿದೆ ಶಾರುಖ್‌ ಖಾನ್‌ ನಟನೆಯ ‘ಪಠಾಣ್‌’; ಯಾವಾಗಿನಿಂದ, ಯಾವ ವೇದಿಕೆಯಲ್ಲಿ ಸ್ಟ್ರೀಮಿಂಗ್‌? ಇಲ್ಲಿದೆ ಮಾಹಿತಿ
ಬಾಲಿವುಡ್ ಬಾದ್ಶಾ ಶಾರುಖ್‌ ಖಾನ್‌ ಕೊನೆಗೂ ಸೋಲಿನ ಸರಪಳಿಯಿಂದ ಹೊರಬಂದಿದ್ದಾರೆ. ಸರಣಿ ಸಿನಿಮಾ ಸೋಲುಗಳಿಂದ ಸುದೀರ್ಘ ನಾಲ್ಕು ವರ್ಷ ನಟನೆಯಿಂದಲೇ ದೂರ ಉಳಿದಿದ್ದ ಶಾರುಖ್‌ ಅವರನ್ನು ಬದುಕಿಸಿದ್ದೇ ‘ಪಠಾಣ್‌’ ಚಿತ್ರ! ಬಾಕ್ಸ್‌ ಆಫೀಸ್‌ನಲ್ಲಿ ಸಾವಿರ ಪ್ಲಸ್‌ ಕೋಟಿ ಗಳಿಕೆ ಕಂಡ ಈ ಸಿನಿಮಾ, ಕೇವಲ್‌ ಶಾರುಖ್‌ಗೆ ಮಾತ್ರವಲ್ಲ ಬಾಲಿವುಡ್‌ಗೂ ಮರುಜನ್ಮ ನೀಡಿತ್ತು. ಹತ್ತು ಹಲವು ದಾಖಲೆಗಳೂ ‘ಪಠಾಣ್‌’ ಚಿತ್ರದ ಪಾಲಾದವು. ಪೂರ್ತಿ ವಿವರಕ್ಕೆ ಇಲ್ಲಿ ಕ್ಲಿಕ್‌ ಮಾಡಿ
