ವಿಜಯ್ ಸೇತುಪತಿಗೆ ದುನಿಯಾ ವಿಜಯ್ ವಿಲನ್‌: ವಿಜಯ ಕುಮಾರ್‌ನನ್ನು ಮತ್ತೆ ಖಳನಾಗಿಸಿದ ಪುರಿ ಜಗನ್ನಾಥ್
ಕನ್ನಡದಲ್ಲಿ ಯುವರಾಜ, ಅಪ್ಪು, ವೀರ ಕನ್ನಡಿಗ ಸಿನಿಮಾಕ್ಕೆ ನಿರ್ದೇಶನ ನೀಡಿದ್ದ ಟಾಲಿವುಡ್‌ನ ಖ್ಯಾತ ನಿರ್ದೇಶಕರ ಸಿನಿಮಾವೊಂದರಲ್ಲಿ ದುನಿಯಾ ವಿಜಯ್ ನಟಿಸಲಿದ್ದಾರೆ. ಪುರಿ ಜಗನ್ನಾಥ್ ನಿರ್ದೇಶನದ ಈ ಸಿನಿಮಾದಲ್ಲಿ ವಿಜಯ್ ಕುಮಾರ್‌ ಅವರು ಖಳನಾಯಕನಾಗಿ ನಟಿಸಲಿದ್ದಾರೆ. ಈ ಸಿನಿಮಾವು ವಿಜಯ್ ಸೇತುಪತಿ ವರ್ಸಸ್‌ ವಿಜಯ ಕುಮಾರ್‌ ಆಗಿರಲಿದೆ.
ಮತ್ತೊಂದು ತೆಲುಗು ಪ್ಯಾನ್ ಇಂಡಿಯಾದಲ್ಲಿ ಕನ್ನಡ ನಟ ದುನಿಯಾ ವಿಜಯ್ ನಟಿಸಲಿದ್ದಾರೆ. ಯುವರಾಜ, ಅಪ್ಪು, ವೀರ ಕನ್ನಡಿಗ, ರೋಗ್ ಬಳಿಕ ದುನಿಯಾ ವಿಜಯ್‌ಗೆ ಪುರಿ ಜಗನ್ನಾಥ ಆಕ್ಷನ್‌ ಕಟ್‌ ಹೇಳಲಿದ್ದಾರೆ. ಸಲಗ ಸಿನಿಮಾದಲ್ಲಿ ನಿರ್ದೇಶಕರಾದ ಬಳಿಕ ತನ್ನ ದುನಿಯಾ ವಿಜಯ್ ಅವರು ತನ್ನ ಹೆಸರನ್ನು ವಿಜಯ್ ಕುಮಾರ್‌ ಎಂದು ಬದಲಾಯಿಸಿಕೊಂಡಿದ್ದರು. ಇದೀಗ ಇರು ತಮ್ಮ ಎರಡನೇ ತೆಲುಗು ಸಿನಿಮಾದಲ್ಲಿ ನಟಿಸುವುದಾಗಿ ತಿಳಿಸಿದ್ದಾರೆ. ತಮ್ಮದೇ ಆದ 'ಸಿಟಿ ಲೈಟ್ಸ್' ಚಿತ್ರದೊಂದಿಗೆ ಹಾಗೂ 'ಜಂಟಲ್‌ಮ್ಯಾನ್' ಚಿತ್ರ ನಿರ್ಮಾಪಕ ಮತ್ತು ಕಾಟೇರಾ ಸಿನಿಮಾಕ್ಕೆ ಕಥೆ ಬರೆದಿರುವ ಜಡೇಶ್‌ ಕೆ ಹಂಪಿ ಜತೆ ಲ್ಯಾಂಡ್‌ಲಾರ್ಡ್‌ ಸಿನಿಮಾದಲ್ಲಿ ದುನಿಯಾ ವಿಜಯ್ ಬಿಝಿಯಾಗಿದ್ದಾರೆ. ಇದೇ ಸಮಯದಲ್ಲಿ ನಟ-ನಿರ್ಮಾಪಕ, ಚಲನಚಿತ್ರ ನಿರ್ಮಾಪಕ ಪುರಿ ಜಗನ್ನಾಥ್ ಅವರ ಮುಂದಿನ ಹೆಸರಿಡದ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ವಿಜಯ್ ಸೇತುಪತಿ ನಾಯಕನಾಗಿ ನಟಿಸಲಿದ್ದಾರೆ. ಈ ಚಿತ್ರವು ವಿಜಯ್ ವರ್ಸಸ್‌ ವಿಜಯ್ ನಡುವಿನ ಚಿತ್ರವಾಗಿದೆ. ಅಂದರೆ, ನಾಯಕ ವಿಜಯ್ ಸೇತುಪತಿ ಮತ್ತು ಖಳನಾಯಕ ವಿಜಯ್ ಕುಮಾರ್‌(ದುನಿಯಾ ವಿಜಯ್) ನಟಿಸುವ ಸಿನಿಮಾವಾಗಿದೆ.
ಟಬು ಮತ್ತು ರಾಧಿಕಾ ಆಪ್ಟೆ ಕೂಡ ನಟಿಸಿರುವ ಈ ಚಿತ್ರದ ಚಿತ್ರೀಕರಣ ಜೂನ್ 2025ರಲ್ಲಿ ಪ್ರಾರಂಭವಾಗುವ ನಿರೀಕ್ಷೆಯಿದೆ. ಇನ್ನೂ ಹೆಸರಿಡದ ಚಿತ್ರದ ಬಗ್ಗೆ ಬೇರೆ ಯಾವುದೇ ವಿವರಗಳು ಸದ್ಯ ಲಭ್ಯವಿಲ್ಲ. ತೆಲುಗು ಮಾಧ್ಯಮಗಳು ಚಿತ್ರದ ಕಾರ್ಯನಿರತ ಶೀರ್ಷಿಕೆ 'ಬೆಗ್ಗರ್‌' ಎಂದು ಊಹಿಸಿವೆ. ಇದು ಪ್ಯಾನ್-ಇಂಡಿಯಾ ಪ್ರಾಜೆಕ್ಟ್ ಆಗಿರಲಿದೆ ಎಂದು ಹೇಳಲಾಗುತತಿದೆ. 2017ರಲ್ಲಿ ಇಶಾನ್ ಸಿವಿ ನಟಿಸಿದ 'ರೋಗ್' ಸಿನಿಮಾದ ಬಳಿಕ ಪುರಿ ಜಗನ್ನಾಥ್ ಅವರು ಕನ್ನಡ ನಟನೊಂದಿಗೆ ತೆಲುಗು+ಕನ್ನಡ ಸಿನಿಮಾ ಮಾಡುತ್ತಿದ್ದಾರೆ.
ಒಂದಾನೊಂದು ಕಾಲದ ಜನಪ್ರಿಯ ಮತ್ತು ಯಶಸ್ವಿ ತೆಲುಗು ಸಿನಿಮಾ ನಿರ್ಮಾಪಕರಾಗಿದ್ದ ಪುರಿ ಜಗನ್ನಾಥ್ ಅವರ ಮೊದಲ ಕನ್ನಡ ಚಿತ್ರ ಯುವರಾಜ ಆಗಿತ್ತು. ಶಿವರಾಜ್‌ಕುಮಾರ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಇದರ ಬಳಿಕ ದಿವಂಗತ ನಟ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರ ಚೊಚ್ಚಲ ಚಿತ್ರ ಅಪ್ಪುಗೆ ನಿರ್ದೇಶನ ಮಾಡಿದ್ದರು. ಪುರಿ ಜಗನ್ನಾಥ್ ಅವರು ಪುನೀತ್ ಅವರೊಂದಿಗೆ ವೀರ ಕನ್ನಡಿಗ ಎಂಬ ಮತ್ತೊಂದು ಚಿತ್ರವನ್ನು ಮಾಡಿದರು. ಇದಾದ ಬಳಿಕ ಇವರು ಟಾಲಿವುಡ್‌ನಲ್ಲಿ ಹೆಚ್ಚಿನ ಸಿನಿಮಾಗಳನ್ನು ಮಾಡಿದರು. ಸುಮಾರು ಒಂದು ದಶಕಗಳ ಕಾಲ ಸ್ಯಾಂಡಲ್‌ವುಡ್‌ನಿಂದ ದೂರ ಉಳಿದರು. ರೋಗ್ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಭಾಗಶಃ (ಮೂಲ ತೆಲುಗು ಸಿನಿಮಾ ಕನ್ನಡದಲ್ಲಿಯೂ ಬಿಡುಗಡೆಯಾಗಿದೆ) ಮರಳಿದ್ದರು.
ನಟ ವಿಜಯ್ ಅವರು ಕಳೆದ ವರ್ಷ ಭೀಮ ಸಿನಿಮಾದಲ್ಲಿ ನಟಿಸಿದ್ದರು. ಇದು ಇವರ ನಿರ್ದೇಶನದ ಎರಡನೇ ಸಿನಿಮಾ. ಬೆಂಗಳೂರು ಅಂಡರ್‌ವಲ್ಡ್‌ ಮತ್ತು ಮಾದಕ ವ್ಯಸನದ ಕುರಿತು ಇವರು ಮಾಡಿರುವ ಈ ಸಿನಿಮಾ ಸಕಾರಾತ್ಮಕ ವಿಮರ್ಶೆ ಪಡೆದಿತ್ತು. ಇವರು ಡಾಲಿ ಧನಂಜಯ್‌ ಅವರ ಕೋಟಿ ಸಿನಿಮಾದಲ್ಲಿಯೂ ನಟಿಸಿದ್ದರು. ಲ್ಯಾಂಡ್‌ಲಾರ್ಡ್‌ ಎಂಬ ಸಿನಿಮಾದಲ್ಲಿಯೂ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ರಾಜ್‌ ಬಿ ಶೆಟ್ಟಿ ಕೂಡ ನಟಿಸುತ್ತಿದ್ದಾರೆ. ಈ ಸಿನಿಮಾ ಕಾಟೇರದಂತೆ ಹಿಟ್‌ ಆಗಬಹುದೇ ಎಂಬ ನಿರೀಕ್ಷೆಯಲ್ಲಿ ಪ್ರೇಕ್ಷಕರಿದ್ದಾರೆ.
