Week End With Ramesh 5: ವೀಕೆಂಡ್‌ ವಿತ್‌ ರಮೇಶ್‌ ವೇದಿಕೆಯಲ್ಲಿ ಗೋಲಿ, ಟೈರ್‌ ಬಂಡಿ ಆಟ ಆಡಿದ ಪ್ರಭುದೇವ... ಪ್ರೋಮೋ ರಿಲೀಸ್‌
ವೀಕೆಂಡ್‌ ವಿತ್‌ ರಮೇಶ್‌ ವೇದಿಕೆಯಲ್ಲಿ ಪ್ರಭುದೇವ ಜೊತೆಗೆ ಅವರ ತಂದೆ-ತಾಯಿ, ಸಹೋದರರು, ಅಜ್ಜಿ, ಬಾಲ್ಯ ಸ್ನೇಹಿತರು ಇರಲಿದ್ದಾರೆ. ಪ್ರಭುದೇವ ಹುಟ್ಟಿದ್ದು ಅಮವಾಸ್ಯೆ ದಿನ ಎಂದು ಮೂಗೂರು ಸುಂದರಂ ಹೇಳುವ ದೃಶ್ಯವನ್ನು ಪ್ರೋಮೋದಲ್ಲಿ ನೋಡಬಹುದು.
ಕಿರುತೆರೆಯ ಖ್ಯಾತ ಕಾರ್ಯಕ್ರಮಗಳಲ್ಲಿ ವೀಕೆಂಡ್‌ ರಮೇಶ್‌ ಕೂಡಾ ಒಂದು. ಪ್ರತಿ ಶನಿವಾರ ಹಾಗೂ ಭಾನುವಾರ ಈ ಶೋ ನೋಡಲು ಕಿರುತೆರೆಪ್ರಿಯರು ಕಾತರದಿಂದ ಕಾಯುತ್ತಿರುತ್ತಾರೆ. ಈಗಾಗಲೇ ಈ ಕಾರ್ಯಕ್ರಮದ 4 ಸೀಸನ್‌ಗಳು ಪ್ರಸಾರವಾಗಿದೆ. ಕಳೆದ ವಾರದಿಂದ 5ನೇ ಸೀಸನ್‌ ಆರಂಭವಾಗಿದೆ.
5ನೇ ಸೀಸನ್‌ನ ಮೊದಲ ಎಪಿಸೋಡ್‌ನ ಅತಿಥಿಯಾಗಿ ರಮ್ಯಾ ಆಗಮಿಸಿದ್ದರು. ಈ ಕಾರ್ಯಕ್ರಮ ಹೆಚ್ಚು ವೀಕ್ಷಣೆ ಪಡೆದರೂ ರಮ್ಯಾ ಇಂಗ್ಲೀಷ್‌ ಮಾತನಾಡಿದ್ದು ಟ್ರೋಲ್‌ ಆಗಿತ್ತು. ಇದರ ಬೆನ್ನಲ್ಲೇ ಎರಡನೇ ವಾರದ ಅತಿಥಿ ಯಾರಾಗಬಹುದು ಎಂಬ ಕುತೂಹಲಕ್ಕೆ ಬ್ರೇಕ್‌ ಬಿದ್ದಿದೆ. ಜೀ ಕನ್ನಡ ವಾಹಿನಿಯು ಎರಡನೇ ವಾರದ ಪ್ರೋಮೋ ಹಂಚಿಕೊಂಡಿದೆ. ಈ ವಾರ, ಭಾರತದ ಮೈಕಲ್‌ ಜಾಕ್ಸನ್‌ ಎಂದೇ ಹೆಸರಾದ ಪ್ರಭುದೇವ ವೀಕೆಂಡ್‌ ವಿತ್‌ ಕಾರ್ಯಕ್ರಮದ ಸಾಧಕರ ಸೀಟ್‌ನಲ್ಲಿ ಕೂರಲಿದ್ಧಾರೆ. ಪ್ರೋಮೋ ಸಾಕಷ್ಟು ಕುತೂಹಲ ಕೆರಳಿಸಿದ್ದು ಈ ಎಪಿಸೋಡ್‌ ನೋಡಲು ಕಿರುತೆರೆಪ್ರಿಯರು ಕಾಯುತ್ತಿದ್ದಾರೆ.
ಪ್ರಭುದೇವ ತಂದೆ ಮೂಗೂರು ಸುಂದರಂ ಖ್ಯಾತ ಡ್ಯಾನ್ಸ್‌ ಮಾಸ್ಟರ್. ಅವರು ಮೈಸೂರು ಜಿಲ್ಲೆ ಟಿ. ನರಸೀಪುರ ತಾಲೂಗಿನ ಮೂಗೂರಿನವರು. ಪ್ರಭುದೇವ ಹುಟ್ಟಿ, ಬೆಳೆದದ್ದು ಮೂಗೂರಿನಲ್ಲಿ. ವೀಕೆಂಡ್‌ ವಿತ್‌ ರಮೇಶ್‌ ವೇದಿಕೆಯಲ್ಲಿ ಪ್ರಭುದೇವ ಜೊತೆಗೆ ಅವರ ತಂದೆ-ತಾಯಿ, ಸಹೋದರರು, ಅಜ್ಜಿ, ಬಾಲ್ಯ ಸ್ನೇಹಿತರು ಇರಲಿದ್ದಾರೆ. ಪ್ರಭುದೇವ ಹುಟ್ಟಿದ್ದು ಅಮವಾಸ್ಯೆ ದಿನ ಎಂದು ಮೂಗೂರು ಸುಂದರಂ ಹೇಳುವ ದೃಶ್ಯವನ್ನು ಪ್ರೋಮೋದಲ್ಲಿ ನೋಡಬಹುದು. ಅಷ್ಟೇ ಅಲ್ಲ ತಮ್ಮ ಬಾಲ್ಯ ಸ್ನೇಹಿತರೊಡನೆ ಗೋಲಿ ಹಾಡಿ, ಟೈರ್‌ ಬಂಡಿ ಓಡಿಸುವ ದೃಶ್ಯಗಳು ವೀಕ್ಷಕರಿಗೆ ಬಹಳ ಮೆಚ್ಚುಗೆ ಆಗಿದೆ. ''ನಾನು ಎಂದಿಗೂ ಲುಂಗಿ ಹಾಕುವುದಿಲ್ಲ, ಏಕೆಂದರೆ ಒಮ್ಮೆ ಲುಂಗಿ ಹಾಕಿ ಮಲಗಿದ್ದೆ, ನಾನು ಎದ್ದಾಗ ಲುಂಗಿಯೇ ಇರಲಿಲ್ಲ'' ಎಂಬ ಪ್ರಭುದೇವ ಹಾಸ್ಯಭರಿತ ಮಾತುಗಳು, ಪ್ರಭುದೇವ ಮಾತನಾಡುವ ಚಾಮರಾಜನಗರ ಭಾಷೆಯನ್ನು ವೀಕ್ಷಕರು ಬಹಳ ಇಷ್ಟಪಟ್ಟಿದ್ಧಾರೆ. ಇದೇ ಶನಿವಾರ ರಾತ್ರಿ 9 ಗಂಟೆಗೆ ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮ ಪ್ರಸಾರವಾಗಲಿದೆ.
ಮುಂದಿನ ಸೀಸನ್‌ಗೆ ಯಾರೆಲ್ಲಾ ಬರಲಿದ್ದಾರೆ?
ಈಶ ಫೌಂಡೇಶನ್ ಸಂಸ್ಥಾಪಕ ಜಗ್ಗಿ ವಾಸುದೇವ್, ಆಕ್ಷನ್‌ ಪ್ರಿನ್ಸ್‌ ಧ್ರುವ ಸರ್ಜಾ, ಡಿಂಪಲ್‌ ಕ್ವೀನ್‌ ರಚಿತಾ ರಾಮ್‌, ಕನಸಿನ ರಾಣಿ ಮಾಲಾಶ್ರೀ, ಖ್ಯಾತ ಹೃದ್ರೋಗ ತಜ್ಞ ಮಂಜುನಾಥ್ ಸೇರಿದಂತೆ ಇನ್ನೂ ಅನೇಕ ಸಾಧಕರು ಈ ಬಾರಿ ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮಕ್ಕೆ ಅತಿಥಿಗಳಗಾಗಿ ಆಗಮಿಸಿದ್ದಾರೆ ಎನ್ನಲಾಗುತ್ತಿದೆ. ಖ್ಯಾತ ಯೂಟ್ಯೂಬರ್‌, ಡಾ. ಬ್ರೋ (ಗಗನ್‌) ಕೂಡಾ ಈ ಬಾರಿ ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮಕ್ಕೆ ಆಗಮಿಸಿದ್ದಾರೆ ಎನ್ನಲಾಗಿತ್ತು. ಆದರೆ ಅವರು ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಿಲ್ಲ ಎಂದು ಜೀ ಕನ್ನಡ ವಾಹಿನಿಯ ಬ್ಯುಸ್ನೆಸ್‌ ಹೆಡ್‌ ರಾಘವೇಂದ್ರ ಹುಣಸೂರು ಸ್ಪಷ್ಟಪಡಿಸಿದ್ದಾರೆ. ಜೊತೆಗೆ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌ ಬರಲಿದ್ಧಾರೆ ಎನ್ನಲಾಗಿತ್ತು ಅವರು ಬರುವುದು ಕೂಡಾ ಅನುಮಾನ ಎನ್ನಲಾಗುತ್ತಿದೆ.
ಮತ್ತಷ್ಟು ಮನರಂಜನೆ ಸುದ್ದಿಗಳು
ತಮಿಳು ಚಿತ್ರದಲ್ಲಿ ಮಧು ಗುರುಸ್ವಾಮಿ, ಕನ್ನಡಿಗನ ನಟನೆ ಹೊಗಳಿದ ಸಿಂಬು.. ವಿಡಿಯೋ
ಕನ್ನಡ ಚಿತ್ರರಂಗದಿಂದ ಅನೇಕ ನಟ-ನಟಿಯರು ಪರಭಾಷೆಗೆ ಹೋಗಿ ಹೆಸರು ಮಾಡಿದ್ದಾರೆ. ಅಲ್ಲಿನ ಜನರಿಂದ ಪ್ರಶಂಸೆ ಗಳಿಸಿದ್ದಾರೆ. ಇದೀಗ ಕನ್ನಡ ನಟ ಮಧು ಗುರುಸ್ವಾಮಿ ಕೂಡಾ ಕಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದು ತಮಿಳು ನಟ ಸಿಂಬು ಹಾಗೂ ಇನ್ನಿತರರು ಗುರುಸ್ವಾಮಿ ಅವರ ನಟನೆಯನ್ನು ಹೊಗಳಿಸಿದ್ದಾರೆ. ತಮಿಳು ನಟ ಸಿಂಬು ವಿಡಿಯೋ ನೋಡಲು ಈ ಲಿಂಕ್‌ ಕ್ಲಿಕ್‌ ಮಾಡಿ.
ನಿಮ್ಮ ಸಣ್ಣತನದಿಂದ ನಮ್ಮಿಬ್ಬರ ಸಂಬಂಧ ಹಳಸುವಂತೆ ಮಾಡಬೇಡಿ ಎಂದ ಪ್ರಥಮ್‌.. ವಿಡಿಯೋ
ಇತ್ತೀಚೆಗೆ ನಟ ಪ್ರಥಮ್‌, ದರ್ಶನ್‌ ಹುಟ್ಟುಹಬ್ಬಕ್ಕೆ ಶುಭ ಕೋರಿ ಹಾಕಿದ್ದ ಪೋಸ್ಟ್‌ ದರ್ಶನ್‌ ಅಭಿಮಾನಿಗಳ ಕೋಪಕ್ಕೆ ಕಾರಣವಾಗಿತ್ತು. ಪ್ರಥಮ್‌ ಪೋಸ್ಟ್‌ ನೋಡಿದ ದರ್ಶನ್‌ ಅಭಿಮಾನಿಗಳು ಆತನ ವಿರುದ್ಧ ಗರಂ ಆಗಿದ್ದರು. ನೀವು ದರ್ಶನ್‌ಗೆ ಬುದ್ಧಿ ಹೇಳುವಷ್ಟು ದೊಡ್ಡವರಲ್ಲ ಎಂದು ಅವರಿಗೇ ಬುದ್ಧಿ ಹೇಳಿದ್ದರು. ಇದೇ ವಿಚಾರಕ್ಕೆ ಈಗ ಪ್ರಥಮ್‌ ಒಂದು ವಿಡಿಯೋ ಮಾಡಿ ನಾನು ದರ್ಶನ್‌ ವಿರೋಧಿಯಲ್ಲ ಎಂದಿದ್ಧಾರೆ. ಪ್ರಥಮ್‌ ವಿಡಿಯೋ ನೋಡಲು ಈ ಲಿಂಕ್‌ ಒತ್ತಿ.
