ಏರೋ ಇಂಡಿಯಾ ಶೋ 2025: ನೋಂದಣಿ ಪ್ರಕ್ರಿಯೆ, ಟಿಕೆಟ್, ಸ್ಥಳ, ಪಾರ್ಕಿಂಗ್ ವ್ಯವಸ್ಥೆ, ಮುನ್ನೆಚ್ಚರಿಕೆ ಕ್ರಮಗಳ ವಿವರ ಇಂತಿದೆ
Aero India 2025 Registration: ಏರೋ ಇಂಡಿಯಾ 2025 ಫೆ 10 ರಿಂದ 14 ತನಕ ನಡೆಯಲಿದೆ. ಇದಕ್ಕಾಗಿ ನೋಂದಣಿ ಪ್ರಕ್ರಿಯೆ, ಟಿಕೆಟ್, ಸ್ಥಳ, ಪಾರ್ಕಿಂಗ್ ವ್ಯವಸ್ಥೆ, ಮುನ್ನೆಚ್ಚರಿಕೆ ಕ್ರಮಗಳ ಮಾಹಿತಿ ಇಲ್ಲಿದೆ.

ಬೆಂಗಳೂರು: ಯಲಹಂಕದ ವಾಯುನೆಲೆಯಲ್ಲಿ ಫೆ.10ರಿಂದ 14ರ ತನಕ ನಡೆಯುವ ಬಹುನಿರೀಕ್ಷಿತ ಏರೋ ಇಂಡಿಯಾ ಶೋ 2025ರಲ್ಲಿ ಲೋಹದ ಹಕ್ಕಿಗಳ ಕಲರವ ಕಣ್ತುಂಬಿಕೊಳ್ಳಲು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ. ರಕ್ಷಣಾ ಪ್ರದರ್ಶನ ಸಂಸ್ಥೆ, ರಕ್ಷಣಾ ಉತ್ಪಾದನಾ ಇಲಾಖೆ, ರಕ್ಷಣಾ ಸಚಿವಾಲಯಗಳು ಜಂಟಿಯಾಗಿ ಆಯೋಜಿಸುವ ವೈಮಾನಿಕ ಪ್ರದರ್ಶನವು ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 6 ತನಕ ನಡೆಯಲಿದೆ. ಮೊದಲ 3 ದಿನಗಳು ವ್ಯಾಪಾರ ಸಂಬಂಧಿ ಚಟುವಟಿಕೆ ಮತ್ತು ವಹಿವಾಟುದಾರರಿಗೆ ಮೀಸಲು ಆಗಿದ್ದರೆ, ಉಳಿದ 2 ದಿನಗಳು (ಫೆ 13 ಹಾಗೂ 14) ಸಾರ್ವಜನಿಕರಿಗೆ ತೆರೆದಿರುತ್ತದೆ.
ಜಾಗತಿಕ ವೈಮಾನಿಕ ಮಾರಾಟಗಾರರು ಮತ್ತು ಭಾರತೀಯ ವಾಯುಪಡೆ (IAF) ವಿಭಿನ್ನ ವಿಮಾನ, ಹೆಲಿಕಾಪ್ಟರ್ಗಳನ್ನು ಆಕಾಶದಲ್ಲಿ ಉಡಾವಣೆ ಮಾಡುವ ಮೂಲಕ ಜನರಿಗೆ ಪರಿಚಯ ಮಾಡಿಕೊಡಲಿದೆ. ಇದನ್ನು ಕಣ್ತುಂಬಿಕೊಳ್ಳಲು ನೋಂದಣಿ ಕಡ್ಡಾಯ. ನೀವು ಏರ್ ಶೋನಲ್ಲಿ ಭಾಗವಹಿಸಲು ಬಯಸಿದರೆ ಟಿಕೆಟ್ ಬೆಲೆಗಳ ವಿವರ ಇಲ್ಲಿದೆ.
ಏರೋ ಇಂಡಿಯಾ 2025: ಟಿಕೆಟ್ ಬೆಲೆಗಳು
• ಬಿಸಿನೆಸ್ ಪಾಸ್: ಭಾರತೀಯ ಪ್ರಜೆಗಳು 5,000 ರೂಪಾಯಿ ಪಾವತಿಸಬೇಕು. ಆದರೆ ವಿದೇಶಿ ಪ್ರಜೆಗಳು 50 ಯುಎಸ್ ಡಾಲರ್ ಪಾವತಿಸಬೇಕು.
• ಎಡಿವಿಎ ಪಾಸ್ (ಏರ್ ಡಿಸ್ಪ್ಲೇ ವ್ಯೂಯಿಂಗ್ ಏರಿಯಾ ಪಾಸ್): ವಿದೇಶಿ ಪ್ರಜೆಗಳಿಗೆ 50 ಯುಎಸ್ ಡಾಲರ್, ಭಾರತೀಯ ನಾಗರಿಕರಿಗೆ 1,000 ರೂಪಾಯಿ.
• ಸಾಮಾನ್ಯ ಸಂದರ್ಶಕರ ಪಾಸ್- ವಿದೇಶಿಯರಿಗೆ 50 ಯುಎಸ್ ಡಾಲರ್, ಭಾರತೀಯ ನಾಗರಿಕರಿಗೆ 2,500 ರೂಪಾಯಿ.
ಇದನ್ನೂ ಓದಿರಿ: Aero India Show 2025: ಮತ್ತೆ ಬರುತ್ತಿದೆ ಬೆಂಗಳೂರು ಏರೋ ಇಂಡಿಯಾ ಶೋ, ಇದರ ಹಿನ್ನೆಲೆ ಏನು
ಏರೋ ಇಂಡಿಯಾ 2025 ಏರ್ ಶೋ ಟಿಕೆಟ್ಗಳಿಗೆ ನೋಂದಣಿ ಹೇಗೆ?
- ಏರೋ ಇಂಡಿಯಾ ಅಧಿಕೃತ ವೆಬ್ಸೈಟ್ aeroindia.gov.in ಗೆ ಭೇಟಿ ನೀಡಿ
- ಮೇಲಿನ ಬಲ ಮೂಲೆಯಲ್ಲಿರುವ "ನೋಂದಣಿ" ಲಿಂಕ್ ಮೇಲೆ ಕ್ಲಿಕ್ ಮಾಡಿ.
- ನಿಮ್ಮ ಉದ್ದೇಶಿತ ಭೇಟಿ ಆಧಾರದ ಮೇಲೆ ಪಾಸ್ ವರ್ಗವನ್ನು ಆಯ್ಕೆಮಾಡಿ.
- ನಿಮ್ಮ ಹೆಸರು ಮತ್ತು ಮೊಬೈಲ್ ಸಂಖ್ಯೆ ಸೇರಿದಂತೆ ವಿವರ ಭರ್ತಿ ಮಾಡಿ..
- ನೋಂದಣಿ ಶುಲ್ಕವನ್ನು ಪಾವತಿಸಿ ಮತ್ತು "ಸಬ್ಮಿಟ್" ಒತ್ತಿರಿ.
- ನೋಂದಣಿ ಪೂರ್ಣಗೊಂಡ ನಂತರ ಏರೋ ಇಂಡಿಯಾ ಪಾಸ್ ಪಡೆಯುತ್ತೀರಿ.
ಇದನ್ನೂ ಓದಿರಿ: Ola electric scooter: 2 ಎಲೆಕ್ಟ್ರಿಕ್ ಸ್ಕೂಟರ್ ಪರಿಚಯಿಸಿದ ಓಲಾ, ದರ 39,999 ರೂ, ಮನೆಗೆ ಇನ್ವರ್ಟರ್ ಆಗಿಯೂ ಬಳಸಿ
ಪಾರ್ಕಿಂಗ್ ವ್ಯವಸ್ಥೆ
ಸೀಮಿತ ಮತ್ತು ದೂರದ ಪಾರ್ಕಿಂಗ್ ಆಯ್ಕೆಗಳಿಂದಾಗಿ ಟ್ಯಾಕ್ಸಿ ಸೇವೆ ಅಥವಾ ಸಾರ್ವಜನಿಕ ಸಾರಿಗೆಯನ್ನು ಬಳಸಲು ಶಿಫಾರಸು ಮಾಡಲಾಗಿದೆ. ಪಾರ್ಕಿಂಗ್ ಪ್ರದೇಶಗಳು ಮತ್ತು ಪ್ರದರ್ಶನ ಗೇಟ್ ನಡುವೆ ಶಟಲ್ ಬಸ್ಸುಗಳು ಲಭ್ಯವಿದೆ. ಅಲ್ಲಿಗೆ ಬರುವವರಿಗೆ ಗೊತ್ತುಪಡಿಸಿದ ಸ್ಥಳಗಳಲ್ಲಿ ಪಾರ್ಕಿಂಗ್ ಲಭ್ಯವಿದೆ. ಜಿಕೆವಿಕೆ ಮತ್ತು ಜಕ್ಕೂರು ಕ್ಯಾಂಪಸ್ಗಳಲ್ಲಿ ಸಾರ್ವಜನಿಕರಿಗೆ ವಾಹನ ನಿಲುಗಡೆಗೆ ಅವಕಾಶವಿದ್ದು, ಅಲ್ಲಿಂದ ಶಟಲ್ ಬಸ್ನಲ್ಲಿ ಬರಬಹುದು. ಭಾರತೀಯ ಮತ್ತು ವಿದೇಶಿ ಪ್ರಜೆಗಳಿಗೆ ಶುಲ್ಕ ಪಾವತಿಸಬೇಕಾಗುತ್ತದೆ.
ನಿಷೇಧ: ಏರ್ ಶೋವನ್ನು ಸೆರೆಹಿಡಿಯಲು ನೀವು DSLR ಅಥವಾ ಕ್ಯಾಮರಾವನ್ನು ತರಬಹುದು. ಆದಾಗ್ಯೂ, ಈವೆಂಟ್ ಆವರಣದ ಒಳಗೆ ಮತ್ತು ಹೊರಗೆ ಡ್ರೋಣ್ಗಳನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.
ಮುನ್ನೆಚ್ಚರಿಕೆ ಕ್ರಮಗಳು
- ಏರ್ ಶೋಗಳನ್ನು ಪ್ರತಿದಿನ ಎರಡು ಬಾರಿ ನಡೆಸಲಾಗುತ್ತದೆ. ಬೆಳಿಗ್ಗೆ ಹಾಗೂ ಮಧ್ಯಾಹ್ನ.
- ಈವೆಂಟ್ ಹೊರಾಂಗಣದಲ್ಲಿರುವುದರಿಂದ ಟೋಪಿ/ಕ್ಯಾಪ್ ಮತ್ತು ಸನ್ಸ್ಕ್ರೀನ್ ತನ್ನಿ.
- ಪಾರ್ಕಿಂಗ್ ಲಭ್ಯವಿದೆ, ಆದರೆ ಸ್ಥಳವನ್ನು ಹುಡುಕಲು ಒಂದೂವರೆ ಗಂಟೆಗಳವರೆಗೆ ತೆಗೆದುಕೊಳ್ಳಬಹುದು. ಕ್ಯಾಬ್ ಅಥವಾ ಸಾರ್ವಜನಿಕ ಸಾರಿಗೆಯನ್ನು ತೆಗೆದುಕೊಳ್ಳಲು ಶಿಫಾರಸು ಮಾಡಲಾಗಿದೆ. ಶಟಲ್ ಬಸ್ಸುಗಳು ನಿಮ್ಮನ್ನು ಪಾರ್ಕಿಂಗ್ ಪ್ರದೇಶಗಳಿಂದ ಈವೆಂಟ್ ಗೇಟ್ಗಳಿಗೆ ಕರೆದೊಯ್ಯುತ್ತವೆ.
- ದೂರದ ನಡಿಗೆಗೆ ಆರಾಮದಾಯಕವಾದ ಬಟ್ಟೆ ಮತ್ತು ಶೂಗಳನ್ನು ಧರಿಸಿ.
- ಯುಪಿಐ ಅಥವಾ ಕಾರ್ಡ್ ವಹಿವಾಟುಗಳಂತಹ ಡಿಜಿಟಲ್ ಪಾವತಿಗಳು ಲಭ್ಯವಿಲ್ಲದಿದ್ದಲ್ಲಿ ಹಣವನ್ನು ತೆಗೆದುಕೊಂಡು ಬನ್ನಿ
- ಅನೇಕ ಭದ್ರತಾ ತಪಾಸಣೆಗಳು ಇರುವುದರಿಂದ ಯಾವಾಗಲೂ ಸರ್ಕಾರದ ನಿಮ್ಮ ಯಾವುದೇ ಐಡಿಯನ್ನು ತನ್ನಿರಿ.
- ಮಾಹಿತಿಗೆ ರಕ್ಷಣಾ ಇಲಾಖೆ ಬೆಂಗಳೂರಿನ ಸಾರ್ವಜನಿಕ ಸಂಪರ್ಕ ವಿಭಾಗದ ಪ್ರದೀಪ್ ಅವರನ್ನು 96660 80818 ರಲ್ಲಿ ಸಂಪರ್ಕಿಸಿ.
