ಕನ್ನಡ ಸುದ್ದಿ  /  ಕರ್ನಾಟಕ  /  ಯುಗಾದಿ ವಿಶೇಷ: ಬೆಂಗಳೂರಿನಲ್ಲಿ ರಾಗಿ ಮುದ್ದೆ, ನಾಟಿ ಕೋಳಿ ಸಾರು ತಿನ್ನುವ ಸ್ಪರ್ಧೆಯಲ್ಲಿ 12 ಮುದ್ದೆ ತಿಂದು ಮೇಕೆ ಗೆದ್ದ ವ್ಯಕ್ತಿ

ಯುಗಾದಿ ವಿಶೇಷ: ಬೆಂಗಳೂರಿನಲ್ಲಿ ರಾಗಿ ಮುದ್ದೆ, ನಾಟಿ ಕೋಳಿ ಸಾರು ತಿನ್ನುವ ಸ್ಪರ್ಧೆಯಲ್ಲಿ 12 ಮುದ್ದೆ ತಿಂದು ಮೇಕೆ ಗೆದ್ದ ವ್ಯಕ್ತಿ

ಬೆಂಗಳೂರಿನಲ್ಲಿ ನಡೆದ ರಾಗಿ ಮುದ್ದೆ, ನಾಟಿ ಕೋಳಿ ಸಾರು ತಿನ್ನುವ ಸ್ಪರ್ಧೆಯಲ್ಲಿ ವ್ಯಕ್ತಿಯೊಬ್ಬ 12 ಮುದ್ದೆ ತಿಂದು ಮೇಕೆ ಹೋತ ಗೆದ್ದಿದ್ದಾನೆ.

ರಾಗಿ ಮುದ್ದೆ ನಾಟಿ ಕೋಟಿ ಸಾರು ತಿನ್ನುವ ಸ್ಪರ್ಧೆಯಲ್ಲಿ 12 ಮುದ್ದೆ ತಿಂದ ಬೆಂಗಳೂರಿನ ವ್ಯಕ್ತಿ ಬಹುಮಾನ ಗೆದ್ದಿದ್ದಾನೆ.
ರಾಗಿ ಮುದ್ದೆ ನಾಟಿ ಕೋಟಿ ಸಾರು ತಿನ್ನುವ ಸ್ಪರ್ಧೆಯಲ್ಲಿ 12 ಮುದ್ದೆ ತಿಂದ ಬೆಂಗಳೂರಿನ ವ್ಯಕ್ತಿ ಬಹುಮಾನ ಗೆದ್ದಿದ್ದಾನೆ.

ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಭಾನುವಾರ (ಏಪ್ರಿಲ್ 7) ಹಳ್ಳಿಯ ಸೊಗಡು ಕಳೆಗಟ್ಟಿದೆ. ಗ್ರಾಮೀಣ ಕ್ರೀಡೆಯನ್ನು ಉಳಿಸುವ ಉದ್ದೇಶದಿಂದ ಕೆಂಪೇಗೌಡ ಚಾರಿಟಬಲ್ ಟ್ರಸ್ಟ್ ವತಿಯಿಂದ ನಂದಿನಿ ಬಡಾವಣೆಯ ಜೈ ಮಾರುತಿ ನಗರದಲ್ಲಿ ಆಯೋಜಿಸಿದ್ದ ರಾಗಿ ಮುದ್ದೆ, ನಾಟಿ ಕೋಳಿ ಸಾರು ತಿನ್ನುವ ಸ್ಪರ್ಧೆಯಲ್ಲಿ ಸ್ಥಳೀಯ ವ್ಯಕ್ತಿಯೊರ್ವ ಹನ್ನೆರಡೂವರೆ (12.5) ಮುದ್ದೆ ತಿಂದು ಮೊದಲ ಬಹುಮಾನ ಗೆದ್ದಿದ್ದಾರೆ. ಕುಣಿಗಲ ಮೂಲದ ಸೀತಾರಾಮಯ್ಯ ಎಂಬುವರು 12 ಮುಂದೆ ತಿಂದು ಎರಡನೇ ಬಹುಮಾನ ಪಡೆದಿದ್ದಾರೆ. ಯುಗಾದಿ ಹೊಸತೊಡಕು ಹಿನ್ನೆಲೆಯಲ್ಲಿ ಆಯೋಜಿಸಿದ್ದ ರಾಗಿ ಮುದ್ದೆ ನಾಟಿ ಕೋಳಿ ಸಾರು ಊಟ ತಿನ್ನುವ ಸ್ಪರ್ಧೆಯಲ್ಲಿ ನೂರಕ್ಕೂ ಅಧಿಕ ಮಂದಿ ಭಾಗವಹಿಸಿದ್ದರು.

ಟ್ರೆಂಡಿಂಗ್​ ಸುದ್ದಿ

ಸ್ಪರ್ಧೆಗೆ 30 ನಿಮಿಷಗಳ ಸಮಯವನ್ನು ನಿಗದಿ ಮಾಡಲಾಗಿತ್ತು. ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವರು ಒಂದೊಂದು ಮುದ್ದೆ ತಿಂದು ಮುಗಿಸುತ್ತಿದ್ದಂತೆ ಸ್ಥಳದಲ್ಲಿ ನೆರೆದಿದ್ದ ನೂರಾರು ಮಂದಿ ಸಿಳ್ಳೆ ಚಪ್ಪಾಳೆ ಹೊಡೆದು ಹುರಿದುಂಬಿಸುತ್ತಿದ್ದರು.

ಸ್ಥಳೀಯರಾದ 55 ವರ್ಷದ ವೆಂಕಟರಾಮ ಎಂಬುವರೇ ಹನ್ನೆರಡೂವರೆ ಮುದ್ದೆ ತಿಂದು ಮೊದಲ ಬಹುಮಾನವಾಗಿ ಇಟ್ಟಿದ್ದ ಮೇಕೆ ಹೋತವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಮಹಿಳೆಯರ ವಿಭಾಗದಲ್ಲಿ 35 ವರ್ಷದ ಗೀತಾ ಎಂಬುವವರು ಮೊದಲ ಬಹುಮಾನ ಗೆದ್ದುಕೊಂಡಿದ್ದಾರೆ. ಬೆಂಗಳೂರು ನಗರ ಮಾತ್ರವಲ್ಲದೆ, ಸುತ್ತಮುತ್ತಲ್ಲಿನ ಜಿಲ್ಲೆಗಳು ಸೇರಿದಂತೆ ನಾನಾ ಭಾಗಗಳಿಂದ ಜನರು ಮುದ್ದೆ ತಿನ್ನುವ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಪುರುಷರ ವಿಭಾಗದ ಸ್ಪರ್ಧೆಯಲ್ಲಿ ಭಾಗವಹಿಸುವವರಿಗೆ ಪ್ರವೇಶ ಶುಲ್ಕವಾಗಿ 150 ರೂಪಾಯಿ ನಿಗದಿ ಪಡಿಸಲಾಗಿತ್ತು.

ಮೊದಲ ಬಹುಮಾನವಾಗಿ 20 ಕೆಜಿ ತೂಕದ ಮೇಕೆ ಹೋತ, ಎರಡನೇ ಬಹುಮಾನವಾಗಿ 15 ಕೆಜಿ ಕೂತದ ಮೇಕೆ ಹೋತ ಹಾಗೂ 3ನೇ ಬಹುಮಾನವಾಗಿ 10 ಕೆಜಿ ನಾಟಿ ಕೋಳಿ ಬಹುಮಾನವಾಗಿ ಇಡಲಾಗಿತ್ತು. ಕೆಂಪೇಗೌಡ ಚಾರಿಟಬಲ್ ಟ್ರಸ್ಟ್ ಹಮ್ಮಿಕೊಂಡಿದ್ದ 2ನೇ ವರ್ಷದ ರಾಗಿ ಮುದ್ದೆ ತಿನ್ನುವ ಸ್ಪರ್ಧೆಯಾಗಿದೆ.

IPL_Entry_Point

ವಿಭಾಗ