ಕರ್ನಾಟಕದ 10 ಅತ್ಯುತ್ತಮ ಟಾಪ್-10 ಪಿಯು ಕಾಲೇಜು​ಗಳು; ನೀಟ್, ಜೆಇಇ ತರಬೇತಿ ಜತೆಗೆ ಹಾಸ್ಟೆಲ್ ಸೌಲಭ್ಯವೂ ಇಲ್ಲಿ ಲಭ್ಯ!

ಇದನ್ಎನೂ ಓಸ್​ಎಸ್​ಎಲ್​ಸಿ ಮುಗೀತು, ಇನ್ನೇನಿದ್ದರೂ ಮಗ/ಮಗಳನ್ನು ಒಂದೊಳ್ಳೆ ಕಾಲೇಜಿಗೆ ಸೇರಿಸುವುದೇ ಪೋಷಕರ ಅತಿ ದೊಡ್ಡ ಜವಾಬ್ದಾರಿ. ಮಕ್ಕಳು ಯಾವ ವಿಷಯದಲ್ಲಿ ಆಸಕ್ತಿ ಹೊಂದಿದ್ದಾರೆ ಎಂದು ತಿಳಿದು ಆ ವಿಷಯದಲ್ಲಿ ಶಿಕ್ಷಣ ಕೊಡಿಸಲು ಕಾಯುತ್ತಿದ್ದಾರೆ. ಯಾವ ಕಾಲೇಜಿಗೆ ಸೇರಿಸಬೇಕು ಎನ್ನುವುದು ಕೂಡ ದೊಡ್ಡ ಪ್ರಶ್ನೆ. ಪ್ರವೇಶಾತಿ ಆರಂಭವಾಗದ ಕಾರಣ ಭವಿಷ್ಯದ ಉದ್ದೇಶಕ್ಕಾಗಿ ಯಾವ ವಿಷಯ, ಯಾವ ಕಾಲೇಜಿನಲ್ಲಿ ಮಕ್ಕಳನ್ನು ಓದಿಸಿದರೆ ಉತ್ತಮ ಎಂದು ತಮ್ಮ ಚಿರಪರಿಚಿತರಲ್ಲಿ ವಿಚಾರಿಸುತ್ತಿದ್ದಾರೆ. ಅಂತಹ ಪೋಷಕರಿಗೆ ಉಪಯೋಗವಾಗುವ ಒಂದಿಷ್ಟು ಬೆಸ್ಟ್​ ಪಿಯು ಕಾಲೇಜುಗಳ ಪಟ್ಟಿ ಇಲ್ಲಿದೆ. ಇಲ್ಲಿ ನೀಟ್, ಜೆಇಇ ಮತ್ತು ಹಾಸ್ಟೆಲ್ ಸೌಲಭ್ಯಗಳೂ ಇವೆ.

ಹಿಂದೆಲ್ಲಾ ಯಾವುದೋ ಒಂದು ಕಾಲೇಜಿಗೆ ಸೇರಿಸಿದರೆ ಸಾಕಿತ್ತು. ಆದರೆ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಎಲ್ಲಾ ಅರಿಯುವುದು ಮುಖ್ಯ. ವಿದ್ಯಾರ್ಥಿಯು ಪ್ರಿ-ಯೂನಿವರ್ಸಿಟಿ ಶಿಕ್ಷಣಕ್ಕೆ ಉತ್ತಮ ಸಂಸ್ಥೆ ಆಯ್ಕೆ ಮಾಡುವುದರ ಜೊತೆಗೆ ನೀಟ್ (NEET), ಜೆಇಇ (JEE), ಸಿಎ (CA) ಮತ್ತು ಇತರ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ಪಡೆಯುವುದು ಅಷ್ಟೇ ಮುಖ್ಯ. ಪಾಠದ ಜೊತೆಗೆ ಮಕ್ಕಳ ಕೌಶಲ್ಯ ಬೆಳೆಸಲು ಮತ್ತು ಅಭಿವೃದ್ಧಿಪಡಿಸಲು ಸರಿಯಾದ ವಾತಾವರಣವೂ ಮುಖ್ಯವಾಗುತ್ತದೆ. ಹಲವು ಉನ್ನತ ಶ್ರೇಣಿ ಪಿಯು ಕಾಲೇಜುಗಳು ಪಠ್ಯಕ್ರಮ ಹೊರತುಪಡಿಸಿ ಮೀಸಲಾದ ನೀಟ್ ಮತ್ತು ಜೆಇಇ ತರಬೇತಿ ನೀಡುತ್ತವೆ. ಇದಲ್ಲದೆ, ಸಂಸ್ಥೆಗಳು ಸುರಕ್ಷಿತ ಹಾಸ್ಟೆಲ್ ಸೌಲಭ್ಯವನ್ನು ಒದಗಿಸುತ್ತವೆ. ಅಂತಹ ಕರ್ನಾಟಕದ 10 ಕಾಲೇಜುಗಳ ವಿವರ ಇಂತಿದೆ.

1. ಎಕ್ಸೆಲ್ ಪಿಯು ಕಾಲೇಜು

ಇದು ದಕ್ಷಿಣ ಕನ್ನಡದ ಬೆಳ್ತಂಗಡಿಯ ಗುರುವಾಯನ ಕೆರೆಯಲ್ಲಿದೆ. ಸ್ಟಾರ್ಟ್ ಕ್ಲಾಸ್​ಗಳು ಜರುಗುತ್ತವೆ. ಗ್ರಂಥಾಲಯ, ಆತ್ಯಾಧುನಿಕ ಪ್ರಯೋಗಾಲಯಗಳು, ನೀಟ್, ಜೆಇಇ, ಕೆಸೆಟ್ ಸೇರಿ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿಯೂ ಸಿಗುತ್ತದೆ. ಅನುಭವಿ ಉಪನ್ಯಾಸಕರಿಂದ ಬೋಧನೆ, ಅರ್ಹ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನ ನೀಡಲಿದೆ. ವಿದ್ಯಾರ್ಥಿಗಳಿಗೆ ಪ್ರತ್ಯೇಕ ಹಾಸ್ಟೆಲ್ ಸೌಲಭ್ಯ ವ್ಯವಸ್ಥೆಯೂ ಇದೆ. ಇಲ್ಲಿ ಸುರಕ್ಷತೆಗೆ ಹೆಚ್ಚು ಒತ್ತು ನೀಡಲಾಗುತ್ತದೆ. ಇಲ್ಲಿ ಸೈನ್ಸ್​ಗೆ ಸಂಬಂಧಿಸಿ ಪಿಸಿಎಂಸಿ, ಪಿಸಿಎಂಬಿ ಕೋರ್ಸ್​​ಗಳು ಮಾತ್ರ ಲಭ್ಯ. ಶುಲ್ಕ 55 ಸಾವಿರದಿಂದ ತರಬೇತಿ ಆರಂಭವಾಗಲಿದೆ. ಕಾಮರ್ಸ್​​ನಲ್ಲಿ ಇಬಿಎಸಿ, ಇಬಿಎಎಸ್​ ಕೋರ್ಸ್​​​ಗಳಿದ್ದು, 45 ಸಾವಿರದಿಂದ ಶುಲ್ಕ ಆರಂಭವಾಗಲಿದೆ. ಸ್ಫರ್ಧಾತ್ಮಕ ಪರೀಕ್ಷೆಯ ತರಬೇತಿಗೆ ಶುಲ್ಕ 60,000 ರಿಂದ ಆರಂಭವಾಗುತ್ತದೆ.

ಸಂಪರ್ಕ: +91 98808 99769, 8197194769

ಇ-ಮೇಲ್: excelpucollege@gmail.com

2. ವೈಬ್ರಂಟ್ ಪಿಯು ಕಾಲೇಜು

ಮಂಗಳೂರಿನ ಮೂಡಬಿದಿರೆಯ ಕಲ್ಲಬೆಟ್ಟುವಿನಲ್ಲಿದೆ. ಇದು ಕರ್ನಾಟಕದ ಅತ್ಯುತ್ತಮ ಪಿಯು ವಿಜ್ಞಾನ ಕಾಲೇಜುಗಳಲ್ಲಿ ಒಂದು. ಅತ್ಯುತ್ತಮ ಅಧ್ಯಾಪಕರನ್ನು ಹೊಂದಿದೆ. ಪಿಯು ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ವಿದ್ಯಾರ್ಥಿಗಳಿಗೆ ತರಬೇತಿ ನೀಡುತ್ತದೆ. ಕಾಲೇಜು ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಗತಿ ಮೇಲೆ ಮಾತ್ರ ಗಮನಹರಿಸುವುದಿಲ್ಲ, ಮಾನಸಿಕ, ಆಧ್ಯಾತ್ಮಿಕ, ಸಾಮಾಜಿಕ ಮತ್ತು ಭಾವನಾತ್ಮಕ ಅಂಶಗಳನ್ನು ಅಭಿವೃದ್ಧಿಪಡಿಸಲು ಕಾಳಜಿ ವಹಿಸುತ್ತದೆ. ಅದ್ಭುತವಾದ ಹಾಸ್ಟೆಲ್ ವ್ಯವಸ್ಥೆಯೂ ಇದೆ.

ಸೈನ್ಸ್ - ಪಿಸಿಎಂಸಿ, ಪಿಸಿಎಂಬಿ, ಶುಲ್ಕ ಆರಂಭ - 50,000, 60,000

ಸ್ಫರ್ಧಾತ್ಮಕ ಪರೀಕ್ಷೆಯ ತರಬೇತಿ ಶುಲ್ಕ ಆರಂಭ - 55,000

ಸಂಪರ್ಕ: +91-7411417028

ಇ-ಮೇಲ್ - info@vibrantpucollege.com

3. ಆಳ್ವಾಸ್ ಪಿಯು ಕಾಲೇಜು

ಮೂಡುಬಿದಿರೆಯಲ್ಲಿದೆ ಈ ಕಾಲೇಜು. 1998 ರಿಂದ ವಿದ್ಯಾರ್ಥಿಗಳಿಗೆ ಶಿಕ್ಷಣ ನೀಡುತ್ತಿರುವ ಆಳ್ವಾಸ್ ಪಿಯು ಕಾಲೇಜು ಕರ್ನಾಟಕದ ಪಿಯು ಕಾಲೇಜುಗಳ ಪಟ್ಟಿಯಲ್ಲಿ ಜನಪ್ರಿಯ ಹೆಸರಾಗಿದೆ. ಕಳೆದ ಕೆಲವು ವರ್ಷಗಳಿಂದ, ಕಾಲೇಜು 47000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ತಮ್ಮ ವೃತ್ತಿಜೀವನದ ಹಾದಿಯನ್ನು ರೂಪಿಸಿಕೊಳ್ಳಲು ಸಹಾಯ ಮಾಡಿದೆ. ಇಲ್ಲಿ ನೀಟ್, ಐಐಟಿ, ಜೆಇಇ ನಂತಹ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ವಿಶೇಷ ತರಬೇತಿ ಸಿಗಲಿದೆ.

ಸೈನ್ಸ್​​ - ಪಿಸಿಎಂಬಿ, ಪಿಸಿಎಂಇ, ಪಿಸಿಎಂಸಿ, ಪಿಸಿಎಂಎಸ್, ಶುಲ್ಕ ಆರಂಭ - 45 ಸಾವಿರ ರೂ

ಕಾಮರ್ಸ್​​ಗೆ 40 ಸಾವಿರದಿಂದ ಶುಲ್ಕ ಆರಂಭವಾಗಲಿದೆ

ಆರ್ಟ್ಸ್ - ಹೆಚ್​​ಇಪಿಎಸ್, ಶುಲ್ಕ ಆರಂಭ - 35 ಸಾವಿರ ರೂ

ಸ್ಪರ್ಧಾತ್ಮಕ ಪರೀಕ್ಷೆಗೆ ತರಬೇತಿ - ಶುಲ್ಕ ಆರಂಭ 55,000 ರೂ

ಇ-ಮೇಲ್: principal@alvaspucollege.org

4. ಎಸ್‌ವಿಜಿ ಸೆಂಟರ್ ಆಫ್ ಎಕ್ಸಲೆನ್ಸ್

ಶೈಕ್ಷಣಿಕ ಶ್ರೇಷ್ಠತೆಯ ಪರಂಪರೆಯಿಂದ ಅಲಂಕರಿಸಲ್ಪಟ್ಟ ಮೈಸೂರಿನ ಈ ಪಿಯುಸಿ ಕಾಲೇಜಿಗೆ ಕರ್ನಾಟಕದ 10 ಉನ್ನತ ಪದವಿ ಪೂರ್ವ ಕಾಲೇಜುಗಳಲ್ಲಿ ಒಂದಾದ ಸ್ಥಾನಮಾನ ನೀಡಲಾಗಿದೆ. ಪಿಯುಸಿ ವಿದ್ಯಾರ್ಥಿಗಳಿಗೆ ಉತ್ತಮ ಗುಣಮಟ್ಟದ ಶಿಕ್ಷಣ ಮತ್ತು ತರಬೇತಿಯನ್ನು ನೀಡುವಲ್ಲಿ ಈ ಸಂಸ್ಥೆಯು ಪ್ರಮುಖ ಪಾತ್ರ ವಹಿಸಿದೆ. ಇದರ ಜೊತೆಗೆ, ಮೈಸೂರಿನಲ್ಲಿ ಐಐಟಿ ಜೆಇಇ ತರಬೇತಿಗೆ ಪ್ರಮುಖ ಕೇಂದ್ರಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಕ್ರೀಡೆ ಸೇರಿದಂತೆ ಶೈಕ್ಷಣಿಕ ಮತ್ತು ಸಹ-ವಿದ್ವಾಂಸ ಚಟುವಟಿಕೆಗಳಲ್ಲಿ ವೃತ್ತಿಜೀವನವನ್ನು ನಿರ್ಮಿಸಲು ನೂರಾರು ವಿದ್ಯಾರ್ಥಿಗಳು ಈ ಕಾಲೇಜಿನಲ್ಲಿ ದಾಖಲಾಗುತ್ತಾರೆ.

ಸೈನ್ಸ್​ - ಪಿಸಿಎಂಬಿ, ಪಿಸಿಎಂಸಿ, ಶುಲ್ಕ ಆರಂಭ - 52,000 ರೂಪಾಯಿ

ಕಾಮರ್ಸ್ - ಇಬಿಎಸಿ, ಇಬಿಎಎಸ್, ಶುಲ್ಕ ಆರಂಭ - 42,000 ರೂಪಾಯಿ

ಸ್ಪರ್ಧಾತ್ಮಕ ಪರೀಕ್ಷೆಗೆ ಶುಲ್ಕ ಆರಂಭ - 55,000 ರೂಪಾಯಿ

ಸಂಪರ್ಕ: 918884849819 / 918884849819

ಇ-ಮೇಲ್: management@svgeducationalfoundation.in

5. ಪ್ರೆಸಿಡೆನ್ಸಿ ಪಿಯು ಕಾಲೇಜ್

ಮಂಗಳೂರಿನ ಕುಂತಡ್ಕದಲ್ಲಿರುವ ಮಂಗಳೂರಿನ ಈ ಕಾಲೇಜು 2019ರಲ್ಲಿ ಸ್ಥಾಪಿನೆಯಾಯಿತು. ಇದು ವಿದ್ಯಾರ್ಥಿಗಳು ವೈದ್ಯಕೀಯ, ಎಂಜಿನಿಯರಿಂಗ್‌ನಂತಹ ಕ್ಷೇತ್ರಗಳಲ್ಲಿ ತಮ್ಮ ಛಾಪು ಮೂಡಿಸಲು ನೆರವಾಗುತ್ತದೆ. ನರ್ಸರಿಯಿಂದ ಪ್ರಿ ಯೂನಿವರ್ಸಿಟಿ ಮತ್ತು ಪಿಎಚ್‌ಡಿವರೆಗೆ ಅತ್ಯುತ್ತಮವಾದ ತರಗತಿ ಶಿಕ್ಷಣವನ್ನು ನೀಡುವಲ್ಲಿ ಕಾಲೇಜು ಅಧಿಕಾರಿಗಳು ನಂಬಿಕೆ ಇಟ್ಟಿದ್ದಾರೆ. ಅತ್ಯಾಧುನಿಕ ಪ್ರಯೋಗಾಲಯ, ಗ್ರಂಥಾಲಯಗಳು ಸೇರಿ ಅತ್ಯುತ್ತಮ ಮೂಲಸೌಕರ್ಯ ನೀಡುತ್ತದೆ.

ವಿಜ್ಞಾನ - ಪಿಸಿಎಂಬಿ, ಪಿಸಿಎಂಸಿ, ಶುಲ್ಕ ಆರಂಭ - 55,000

ಕಾಮರ್ಸ್ - ಸಿಇಬಿಎ, ಬಿಎಸ್​ಬಿಎ, ಶುಲ್ಕ ಆರಂಭ - 45,000

ಸಂಯೋಜಿತ ಕೋರ್ಸ್‌ಗಳು (ವಿಜ್ಞಾನ) - ಪಿಸಿಎಂಬಿ + ನೀಟ್/ ಸಿಇಟಿ ಪಿಸಿಎಂಬಿ, ಜೆಇಇ/ಸಿಇಟಿ, ಶುಲ್ಕ ಪ್ರಾರಂಭ - 60,000

ಇಂಟಿಗ್ರೇಟೆಡ್ ಕೋರ್ಸ್ (ಕಾಮರ್ಸ್) - ಮೂಲ ಗಣಿತ, ಅಂಕಿಅಂಶಗಳ ವ್ಯವಹಾರ ಅಧ್ಯಯನ, ಲೆಕ್ಕಪತ್ರ ನಿರ್ವಹಣೆ (+CA), ಶುಲ್ಕ ಆರಂಭ - 55,000.

ಸಂಪರ್ಕ: +91 8277146010 | 8867046333

ಇ-ಮೇಲ್: admissions@presidencypucollegemangalore.com

ಇದನ್ನೂ ಓದಿ: ಎಸ್‌ಎಸ್‌ಎಲ್‌ಸಿಯಲ್ಲಿ ಟಾಪರ್‌ ಆಗುವುದು ಹೇಗೆ? ರಾಜ್ಯಕ್ಕೆ ಅಗ್ರ ಸ್ಥಾನ ಪಡೆದ ನಮನಾ ಕಲಿಕೆಯ ಗುಟ್ಟು ರಟ್ಟು

6. ಜೀನಿಯಸ್ ಪಿಯು ಕಾಲೇಜು

ಮೈಸೂರಿನ ಕೆಬಿಎಲ್ ರಸ್ತೆಯಲ್ಲಿರುವ ಜೀನಿಯಸ್ ಪಿಯು ಕಾಲೇಜು ಕರ್ನಾಟಕದ ಅತ್ಯುತ್ತಮ ವಸತಿ ಪಿಯು ಕಾಲೇಜುಗಳಲ್ಲಿ ಒಂದಾಗಿದೆ. ವಿಜ್ಞಾನ, ವಾಣಿಜ್ಯ, ಕಲೆ, ಭಾಷೆ ಮತ್ತು ನಿರ್ವಹಣಾ ಅಧ್ಯಯನಗಳಂತಹ ಕ್ಷೇತ್ರಗಳಲ್ಲಿ ಶಿಕ್ಷಣವನ್ನು ನೀಡುವುದರ ಜೊತೆಗೆ, ಕಾಲೇಜು ವಿದ್ಯಾರ್ಥಿಗಳಿಗೆ ಸಿಇಟಿ, ನೀಟ್ ಮತ್ತು ಜೆಇಇ ನಂತಹ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ಸಹ ನೀಡುತ್ತದೆ. ಇದು ಶೈಕ್ಷಣಿಕ ಕ್ಷೇತ್ರಕ್ಕೆ ಸೀಮಿತವಾಗಿಲ್ಲ; ವಿದ್ಯಾರ್ಥಿಗಳು ಕ್ರೀಡೆಗಳಂತಹ ಪಠ್ಯೇತರ ಆಸಕ್ತಿ ಅನ್ವೇಷಿಸಲು ಪ್ರೋತ್ಸಾಹಿಸುತ್ತದೆ.

ಸೈನ್ಸ್​​ - ಪಿಸಿಎಂಬಿ, ಪಿಸಿಎಂಸಿ, ಶುಲ್ಕ ಆರಂಭ - 50 ಸಾವಿರ ರೂ

ಕಾಮರ್ಸ್ - ಇಜಿಬಿಎ, ಇಎಬಿಸಿ, ಶುಲ್ಕ ಆರಂಭ - 45 ಸಾವಿರ

ಆರ್ಟ್ಸ್ - ಹೆಚ್​​ಇಪಿಎಸ್, ಶುಲ್ಕ ಆರಂಭ - 35 ಸಾವಿರ ರೂ

ಸ್ಪರ್ಧಾತ್ಮಕ ಪರೀಕ್ಷೆಗೆ ತರಬೇತಿ - ಶುಲ್ಕ ಆರಂಭ 60,000 ರೂ

ಸಂಪರ್ಕ: +0821-297 9977/+91-80959 59469

ಇ-ಮೇಲ್: geniuscollegemysore@gmail.com

7. ಪೇಸ್ ಪಿಯು ಕಾಲೇಜು

ಶಿವಮೊಗ್ಗದ ಈ ಕಾಲೇಜು ವಿದ್ಯಾರ್ಥಿಗಳಿಗೆ ಉತ್ತಮ ಗುಣಮಟ್ಟದ ಶಿಕ್ಷಣ ಒದಗಿಸುವ ಮೂಲಕ ಯಶಸ್ಸಿನ ಶಿಖರ ತಲುಪಲು ನೆರವಾಗುತ್ತಿದೆ. ವಿದ್ಯಾರ್ಥಿಗಳಲ್ಲಿ 360 ಡಿಗ್ರಿ ಅಭಿವೃದ್ಧಿಯನ್ನು ಉತ್ತೇಜಿಸುವತ್ತ ಗಮನಹರಿಸುತ್ತದೆ. ಇದು ಪಿಯು ಪರೀಕ್ಷೆಯಲ್ಲಿ ಹೆಚ್ಚಿನ ಅಂಕ ಗಳಿಸಲು ಮಾತ್ರವಲ್ಲದೆ ಒಟ್ಟಾರೆ ಅವರ ಜೀವನದಲ್ಲಿ ಯಶಸ್ವಿಯಾಗಲು ಸಹಾಯ ಮಾಡುತ್ತದೆ. ವಿದ್ಯಾರ್ಥಿ ಸ್ನೇಹಿ ಮೂಲಸೌಕರ್ಯದೊಂದಿಗೆ ಅನುಭವಿ ಅಧ್ಯಾಪಕರು ಅನೇಕ ವಿದ್ಯಾರ್ಥಿಗಳು ರಾಜ್ಯ ಮತ್ತು ರಾಷ್ಟ್ರೀಯ ಪರೀಕ್ಷೆಗಳಲ್ಲಿ ಉನ್ನತ ಶ್ರೇಣಿಯನ್ನು ಪಡೆಯಲು ಸಹಾಯ ಮಾಡಿದ್ದಾರೆ.

ಸೈನ್ಸ್​​ - ಪಿಸಿಎಂಬಿ, ಪಿಸಿಎಂಸಿ, ಶುಲ್ಕ ಆರಂಭ - 55 ಸಾವಿರ ರೂ

ಸ್ಪರ್ಧಾತ್ಮಕ ಪರೀಕ್ಷೆಗೆ ತರಬೇತಿ - ಶುಲ್ಕ ಆರಂಭ 4 ಲಕ್ಷ ರೂ

ಸಂಪರ್ಕ: +91 89519 21555

ಇ-ಮೇಲ್: admissions@pacepuc.com

ಇದನ್ನೂ ಓದಿ: 10ನೇ ತರಗತಿ ಪಾಸ್‌; ಗ್ರಾಮದಲ್ಲೇ ಮೊದಲ ಸಾಧನೆ ಈ ಬಾಲಕನದ್ದು, ದಿನಗೂಲಿ ನೌಕರನ ಪುತ್ರನಿಂದ 78 ವರ್ಷಗಳ ಶೈಕ್ಷಣಿಕ ತೊಡಕು ನಿವಾರಣೆ

8. ದೀಕ್ಷಾ ವೇದಾಂತು ಕಾಲೇಜು

ಬೆಂಗಳೂರಿನ ಜೆಪಿ ನಗರದಲ್ಲಿ ಇರುವ ಈ ಕಾಲೇಜು ವಿದ್ಯಾರ್ಥಿಗಳಿಗೆ ಸಮಗ್ರ ಶಿಕ್ಷಣ ಒದಗಿಸುವ ಮೂಲಕ ಗಮನ ಸೆಳೆದಿದೆ. ಇದು ಕರ್ನಾಟಕದ ಉನ್ನತ ಪಿಯು ವಿಜ್ಞಾನ ಕಾಲೇಜುಗಳಲ್ಲಿ ಒಂದಾಗಿದೆ. ಬೋರ್ಡ್ ಪರೀಕ್ಷೆಗಳಿಗೆ ಅಧ್ಯಯನ ಹಾಗೂ ನೀಟ್, ಐಐಟಿ, ಜೆಇಇ ಮತ್ತು ಸಿಇಟಿಯಂತಹ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಅಗತ್ಯ ತರಬೇತಿ ನೀಡುತ್ತಾರೆ. ದೀಕ್ಷಾ ವೇದಾಂತು ವಿಜ್ಞಾನ ಕೋರ್ಸ್‌ಗಳಿಂದ ಹೆಚ್ಚು ಹೆಸರುವಾಸಿಯಾಗಿದೆ.

ಸೈನ್ಸ್​​ ಇದೆ, ಶುಲ್ಕ ಆರಂಭ - 55 ಸಾವಿರ ರೂ

ಕಾಮರ್ಸ್, ಶುಲ್ಕ ಆರಂಭ - 55 ಸಾವಿರ

ಸ್ಪರ್ಧಾತ್ಮಕ ಪರೀಕ್ಷೆಗೆ ತರಬೇತಿ - ಶುಲ್ಕ ಆರಂಭ 60,000 ರೂ

ಸಂಪರ್ಕ – 1800 102 4109

ಇ-ಮೇಲ್ - info@deekshalearning.com

9. ಶ್ರಿಸಾಯಿ ಪಿಯು ಕಾಲೇಜು

ಬೆಂಗಳೂರಿನ ಮತ್ತಿಕೆರೆ ವಾರ್ಡ್​​ನಲ್ಲಿರುವ ಈ ಕಾಲೇಜು, ಕರ್ನಾಟಕದ ಅತ್ಯುತ್ತಮ ಪದವಿ ಪೂರ್ವ ಕಾಲೇಜುಗಳಲ್ಲಿ ಒಂದು. ಇದು ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಗತಿಯ ಜೊತೆಗೆ ಒಟ್ಟಾರೆ ಯೋಗಕ್ಷೇಮದ ಮೇಲೂ ಗಮನ ಹರಿಸುವ ಸಂಸ್ಥೆಯಾಗಿದೆ. ನೀಟ್ ಮತ್ತು ಐಐಟಿ ಜೆಇಇ ನಂತಹ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ನೀಡಲಾಗುತ್ತಿದೆ.

ಸೈನ್ಸ್​​ - ಪಿಸಿಎಂಬಿ, ಪಿಸಿಎಂಸಿ, ಶುಲ್ಕ ಆರಂಭ - 60 ಸಾವಿರ ರೂ (ಇಲ್ಲಿ ನೀಟ್, ಜೆಇಇ, ಕೆಸೆಟ್​ಗೂ ತರಬೇತಿ ಇರಲಿದೆ)

ಕಾಮರ್ಸ್ - ಹೆಚ್​​ಇಬಿಎ, ಇಎಬಿಸಿ - ಶುಲ್ಕ ಆರಂಭ - 50 ಸಾವಿರ ರೂ

ಸಂಪರ್ಕ: 08048037679

ಇ-ಮೇಲ್: srisaipucollege.newbelroad@gmail.com

10. ಕೇಂಬ್ರಿಜ್ ಪಿಯು ಕಾಲೇಜು

ಬೆಂಗಳೂರಿನ ಕೆಆರ್​ ಪುರಂನಲ್ಲಿ ಇರುವ ಈ ಕಾಲೇಜು ಸುಮಾರು ಒಂದು ದಶಕದ ಹಿಂದೆ ಸ್ಥಾಪನೆಯಾಗಿತ್ತು. ವಿದ್ಯಾರ್ಥಿಗಳನ್ನು ಪ್ರೇರೇಪಿಸುವ ಸಕಾರಾತ್ಮಕ ಕಲಿಕಾ ವಾತಾವರಣದಿಂದ ಈ ಕಾಲೇಜು ಕರ್ನಾಟಕದ ಉನ್ನತ ಪಿಯು ಕಾಲೇಜುಗಳಲ್ಲಿ ಒಂದಾಗಿದೆ.

ಸೈನ್ಸ್​​ - ಪಿಸಿಎಂಬಿ, ಪಿಸಿಎಂಸಿ, ಪಿಸಿಎಂಇ, ಶುಲ್ಕ ಆರಂಭ - 55 ಸಾವಿರ ರೂ

ಕಾಮರ್ಸ್ - ಎಸ್​ಇಬಿಎ, ಸಿಇಬಿಎ, ಶುಲ್ಕ ಆರಂಭ - 45 ಸಾವಿರ

ಸ್ಪರ್ಧಾತ್ಮಕ ಪರೀಕ್ಷೆಗೆ ತರಬೇತಿ - ಶುಲ್ಕ ಆರಂಭ 60,000 ರೂ

ಇ-ಮೇಲ್: info@cambridge.edu.in

ಸಂಪರ್ಕ: 080-29910437/ 8095259558

ಇದನ್ನೂ ಓದಿ: ಪ್ರತಿದಿನ ಕೋಳಿ ಮಾಂಸ ತಿಂದ್ರೆ ಕ್ಯಾನ್ಸರ್ ಬರುತ್ತೆ, ಪುರುಷರಿಗಿಂತ ಮಹಿಳೆಯರಿಗೆ ಹೆಚ್ಚು ಅಪಾಯ; ಅಧ್ಯಯನ ಕಂಡುಕೊಂಡ ಸತ್ಯವಿದು