Karnataka News Live November 17, 2024 : ದಕ್ಷಿಣ ಕನ್ನಡ ಜಿಲ್ಲೆಯ ಹಲವೆಡೆ ಭಾರಿ ಮಳೆ; ಕೆದಿಲದಲ್ಲಿ ಸಿಡಿಲಾಘಾತಕ್ಕೆ ಬಾಲಕ ಬಲಿ

ಹಳೇಹುಬ್ಬಳ್ಳಿ ಪ್ರದೇಶದಲ್ಲಿ ಬಾಲಕಿಯನ್ನು ಚುಡಾಯಿಸಿದ ಪ್ರಕರಣದ ಬೆನ್ನಿಗೆ ಹುಬ್ಬಳ್ಳಿ ಧಾರವಾಡ ಪೊಲೀಸ್ ಕಮಿಷನರ್ ಶಶಿಕುಮಾರ್ ಅವರು ಪುಂಡರಿಗೆ ಕಡಕ್ ಎಚ್ಚರಿಕೆ ನೀಡಿದ್ದಾರೆ. “ಲಂಗ ದಾವನ್ಯಾಗ ಮಸ್ತ ಕಾಣತಿ ಲಾವಣ್ಯ.. ಅಂತ ಏನರ ಚುಡಾಯಿಸುದ ಮಾಡಿದ್ರ ಸೀದಾ ಗಡೀಪಾರು ಅಷ್ಟ” ಎಂದು ಧಾರವಾಡ ಪೊಲೀಸ್ ನೀಡಿರುವ ಎಚ್ಚರಿಕೆ ಕೂಡ ವೈರಲ್‌ ಆಗಿದೆ. ಅದರ ವಿವರ ಇಲ್ಲಿದೆ.

ಬೆಂಗಳೂರು ಮಹಾನಗರದಲ್ಲಿ ರಸ್ತೆ ಧೂಳು ನಿವಾರಿಸುವುದು ದೊಡ್ಡ ಸವಾಲಿನ ಕೆಲಸ. ಇದಕ್ಕಾಗಿ ಬಿಬಿಎಂಪಿ 86 ಪುಟ್ಟ ಇವಿ ಸ್ವೀಪರ್ ವಾಹನಗಳನ್ನು ಖರೀದಿಸಲು ಮುಂದಾಗಿದೆ. ಈಗಾಗಲೇ ಟೆಂಡರ್ ಕರೆದಿರುವ ಪಾಲಿಕೆ ಅದನ್ನು ಅಂತಿಮಗೊಳಿಸಿದ ಬಳಿಕ ನಾಲ್ಕು ತಿಂಗಳಲ್ಲಿ ಅವುಗಳನ್ನು ಒದಿಸಬೇಕು ಎಂಬ ಷರತ್ತು ವಿಧಿಸಿದೆ. ಇದರ ವಿವರ ಇಲ್ಲಿದೆ.

ಕಿವಿ ಕೇಳ್ತಿಲ್ಲ ಮಗಾ ಎಂದ ಅಜ್ಜಿಗೆ ಆಪಲ್‌ ಏರ್‌ಪಾಡ್ಸ್ ಪ್ರೊ 2 ಅನ್ನು ಯುವಕ ಉಡುಗೊರೆಯಾಗಿ ಕೊಟ್ಟ. ಆದರೆ, ಅದರಲ್ಲಿರುವ ಶ್ರವಣ ಸಾಧನ ಫೀಚರ್ ಭಾರತದಲ್ಲಿ ಕೆಲಸ ಮಾಡ್ತಾ ಇರಲಿಲ್ಲ. ಇದು ಸವಾಲಾಗಿ ಪರಿಣಮಿಸಿತು. ಯುವಕನ ಇಬ್ಬರು ಗೆಳೆಯರು ಕೈಜೋಡಿಸಿದರು. ಹಾಗೆ ಇದರಲ್ಲೊಂದು ಟ್ವಿಸ್ಟ್‌ ಸಿಕ್ಕಿತು, ಏನದು- ಇಲ್ಲಿದೆ ಆ ವಿವರ.

ಬೆಂಗಳೂರು ಸಂಚಾರ ಸಲಹೆ: ವಿದ್ಯಾನಗರ - ಟೆಲಿಕಾಂ ಲೇ ಔಟ್‌ ರಸ್ತೆ ಮೂರು ವಾರ ಬಂದ್‌ ಆಗಿರಲಿದೆ. ಈ ದಾರಿಯಲ್ಲಿ ಹೋಗುವವರು ಮೂರು ಪರ್ಯಾಯ ಮಾರ್ಗವನ್ನು ಬಳಸಬಹುದು ಎಂದು ಬೆಂಗಳೂರು ಸಂಚಾರ ಪೊಲೀಸರು ತಿಳಿಸಿದ್ದಾರೆ. ಅದರ ವಿವರ ಇಲ್ಲಿದೆ.

ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಹೋಗುವ ರಸ್ತೆಯಲ್ಲಿ ಸಂಚಾರದಟ್ಟಣೆ ಹೊಸದಲ್ಲ. ಆದರೆ ಇದನ್ನು ಪರಿಹರಿಸುವ ನಿಟ್ಟಿನಲ್ಲಿ ಈಗ ಎನ್‌ಎಚ್‌ಎಐ ಪ್ರಸ್ತಾವನೆ ಮುಂದಿಟ್ಟಿದ್ದು, ಕೆಂಪೇಗೌಡ ವಿಮಾನ ನಿಲ್ದಾಣ ಸಂಚಾರ ದಟ್ಟಣೆ ಕಡಿಮೆ ಮಾಡಲು ಕನಿಷ್ಠ 3 ಅಂಡರ್‌ಪಾಸ್ ನಿರ್ಮಾಣ ಮಾಡುವ ಚಿಂತನೆಯಲ್ಲಿದೆ. ವಿವರ ವರದಿ ಇಲ್ಲಿದೆ.

ಎರಡು ದಶಕಕ್ಕೂ ಹೆಚ್ಚು ಕಾಲದಿಂದ ಕಲಬುರಗಿ ಜೈಲಲ್ಲಿದ್ದಾರೆ 93 ವರ್ಷದ ಅಜ್ಜಿ. ಕಲಬುರಗಿ ಜಿಲ್ಲಾ ಕೇಂದ್ರ ಕಾರಾಗೃಹಕ್ಕೆ ಶನಿವಾರ ಭೇಟಿ ನೀಡಿದ ಉಪ ಲೋಕಾಯುಕ್ತ ನ್ಯಾಯಮೂರ್ತಿ ಬಿ. ವೀರಪ್ಪ ಅವರು ಮಮ್ಮಲ ಮರುಗಿದರು. ಏನಿದು ಪ್ರಕರಣ- ಇಲ್ಲಿದೆ ವಿವರ.

ಬೆಂಗಳೂರಿನಲ್ಲಿ ಶನಿವಾರ ಅಪರಾಹ್ನ ಕಳವಳಕಾರಿ ಘಟನೆಯೊಂದು ನಡೆದಿದ್ದು, ಹೋಟೆಲ್ ಕನ್ಸಲ್ಟೆನ್ಸಿ ನಡೆಸುತ್ತಿದ್ದ ವ್ಯಕ್ತಿಯ ನಿಗೂಢ ಸಾವು ಸಂಭವಿಸಿದೆ. ಹೊತ್ತಿ ಉರಿದ ಕಾರಿನೊಳಗಿದ್ದ ಯುವಕನ ಮೃತದೇಹ ಅರೆಬೆಂದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಆತ್ಮಹತ್ಯೆ ಮಾಡಿಕೊಂಡ ಶಂಕೆ ವ್ಯಕ್ತವಾಗಿದೆ. 

Bengaluru Weather Alert: ಬೆಂಗಳೂರು ಸೇರಿ 14 ಜಿಲ್ಲೆಗಳಲ್ಲಿ ಇಂದು ಹಗುರ ಮಳೆಯಾಗುವ ಸಾಧ್ಯತೆ ಇದೆ. ಉಳಿದೆಡೆ ಒಣ ಹವೆ ಇರಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆಯ ಹವಾಮಾನ ಮುನ್ಸೂಚನೆ ವರದಿ ವಿವರಿಸಿದೆ. ಕರ್ನಾಟಕ ಹವಾಮಾನದ ಪೂರ್ತಿ ವಿವರ ಇಲ್ಲಿದೆ. 

ಬೆಂಗಳೂರು ಜಲಮಂಡಳಿಯ ದೂರು ನಿರ್ವಹಣಾ ಕೇಂದ್ರದ ಸಹಾಯವಾಣಿ ಸಂಖ್ಯೆ 1916ಗೆ ಇಂದು (ನವೆಂಬರ್ 17) ಸಮಸ್ಯೆ ಹೇಳ್ಕೊಂಡು ಅಪ್ಪಿ ತಪ್ಪಿಯೂ ಇಂದು ಬೆಂಗಳೂರು ಜಲಮಂಡಳಿ ಸಹಾಯವಾಣಿಗೆ ಕರೆ ಮಾಡಬೇಡಿ. ಕರೆ ಮಾಡಿದರೆ ನಿರಾಸೆ ಖಚಿತ. ಕಾರಣ ಹೀಗಿದೆ ನೋಡಿ.