ಒಂದಲ್ಲ, ಎರಡಲ್ಲ ಒಂದೇ ದಿನ ಬರೋಬ್ಬರಿ ಮೂರು ಎಲೆಕ್ಟ್ರಿಕ್ ಬೈಕ್ಗಳನ್ನು ಬಿಡುಗಡೆ ಮಾಡಿದ ಓಲಾ: ಬೆಲೆ ಎಷ್ಟು ಇಲ್ಲಿದೆ ಡಿಟೇಲ್ಸ್
ಪ್ರಸಿದ್ಧ ಓಲಾ ಎಲೆಕ್ಟ್ರಿಕ್ ರೋಡ್‌ಸ್ಟರ್ ಸರಣಿಯಲ್ಲಿ ಮೂರು ಹೊಸ ಬೈಕ್ಗಳನ್ನು ಅನಾವರಣ ಮಾಡಿದೆ.ಓಲಾ ರೋಡ್‌ಸ್ಟರ್,ಓಲಾ ರೋಡ್‌ಸ್ಟರ್ ಎಕ್ಸ್ ಮತ್ತು ಓಲಾ ರೋಡ್‌ಸ್ಟರ್ ಪ್ರೊ ಎಂಬ ಮೂರು ಬೈಕ್‌ಗಳ ಬೆಲೆ ಎಷ್ಟು ಮತ್ತು ಪೂರ್ಣ ಚಾರ್ಜ್‌ನಲ್ಲಿ ಎಷ್ಟು ಕಿಲೋಮೀಟರ್ ಡ್ರೈವಿಂಗ್ ರೇಂಜ್ ಅನ್ನು ನೀಡುತ್ತವೆಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.(ಬರಹ:ವಿನಯ್ ಭಟ್)
ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಭರ್ಜರಿ ಯಶಸ್ಸಿನ ನಂತರ ಇದೀಗ ಪ್ರಸಿದ್ಧ ಓಲಾ ಎಲೆಕ್ಟ್ರಿಕ್ ಭಾರತೀಯ ಮಾರುಕಟ್ಟೆಯಲ್ಲಿ ಗ್ರಾಹಕರಿಗಾಗಿ ಮೊದಲ ಎಲೆಕ್ಟ್ರಿಕ್ ಬೈಕ್ ಅನ್ನು ಬಿಡುಗಡೆ ಮಾಡಿದೆ. ಒಂದಲ್ಲ ಎರಡಲ್ಲ, ಕಂಪನಿಯು ರೋಡ್‌ಸ್ಟರ್ ಸರಣಿಯಲ್ಲಿ ಮೂರು ಹೊಸ ಬೈಕ್ಗಳನ್ನು ಅನಾವರಣ ಮಾಡಿದೆ. ಓಲಾ ರೋಡ್‌ಸ್ಟರ್, ಓಲಾ ರೋಡ್‌ಸ್ಟರ್ ಎಕ್ಸ್ ಮತ್ತು ಓಲಾ ರೋಡ್‌ಸ್ಟರ್ ಪ್ರೊ ಎಂಬ ಮೂರು ಬೈಕ್ಗಳು ಇದರಲ್ಲಿದೆ. ಓಲಾ ಎಲೆಕ್ಟ್ರಿಕ್‌ನ ಈ ಮೂರು ಎಲೆಕ್ಟ್ರಿಕ್ ಬೈಕ್‌ಗಳ ಬೆಲೆ ಎಷ್ಟು ಮತ್ತು ಪೂರ್ಣ ಚಾರ್ಜ್‌ನಲ್ಲಿ ಎಷ್ಟು ಕಿಲೋಮೀಟರ್ ಡ್ರೈವಿಂಗ್ ರೇಂಜ್ ಅನ್ನು ನೀಡುತ್ತವೆ? ಎಂಬ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಭಾರತದಲ್ಲಿ ಓಲಾ ರೋಡ್‌ಸ್ಟರ್ ಬೆಲೆ
ಈ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ 3.5kWh, 4.5kWh ಮತ್ತು 6kWh ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇವುಗಳ ಬೆಲೆಗಳು ಕ್ರಮವಾಗಿ ರೂ. 1,04,999 (ಎಕ್ಸ್ ಶೋ ರೂಂ), ರೂ. 1,19,999 (ಎಕ್ಸ್ ಶೋ ರೂಂ) ಮತ್ತು ರೂ. 1,39,999 (ಎಕ್ಸ್ ಶೋ ರೂಂ) ಆಗಿವೆ.
ವೇಗ, ಶ್ರೇಣಿ ಮತ್ತು ವೈಶಿಷ್ಟ್ಯಗಳು
ಈ ಬೈಕು 0 ರಿಂದ 40 ಕಿ.ಮೀ ವೇಗವನ್ನು ಹೆಚ್ಚಿಸಲು 2.2 ಸೆಕೆಂಡುಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ಈ ಬೈಕಿನ ಗರಿಷ್ಠ ವೇಗವು 126kmph ಆಗಿದೆ. ಈ ಬೈಕ್ ಸಂಪೂರ್ಣ ಚಾರ್ಜ್ ಮಾಡಿದರೆ 579 ಕಿಲೋಮೀಟರ್ ವರೆಗೆ ರೈಡ್ ಮಾಡಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಇದು 7 ಇಂಚಿನ ಟಚ್‌ಸ್ಕ್ರೀನ್ ಅನ್ನು ಸಹ ಹೊಂದಿರುತ್ತದೆ ಮತ್ತು ಈ ಬೈಕ್ ಡೈಮಂಡ್ ಕಟ್ ಅಲಾಯ್ ವ್ಹೀಲ್ಗಳೊಂದಿಗೆ ಬರಲಿದೆ.
ಓಲಾ ರೋಡ್‌ಸ್ಟರ್
ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಮೂರು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ: 2.5kWh, 3.5kWh ಮತ್ತು 4.5kWh. ಈ ರೂಪಾಂತರಗಳ ಬೆಲೆ ಕ್ರಮವಾಗಿ ರೂ. 74,999 (ಎಕ್ಸ್ ಶೋ ರೂಂ), ರೂ. 84,999 (ಎಕ್ಸ್ ಶೋ ರೂಂ) ಮತ್ತು ರೂ. 99,999 (ಎಕ್ಸ್ ಶೋ ರೂಂ) ಆಗಿದೆ.
ಶ್ರೇಣಿ, ವೇಗ ಮತ್ತು ವೈಶಿಷ್ಟ್ಯಗಳು
ಈ ಬೈಕು 0 ರಿಂದ 40 ಮಿ.ಮೀ ವೇಗವನ್ನು ಹೆಚ್ಚಿಸಲು 2.8 ಸೆಕೆಂಡುಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ಈ ಬೈಕ್‌ನೊಂದಿಗೆ ನೀವು ಒಟ್ಟಾರೆಯಾಗಿ 124kmph ವೇಗವನ್ನು ಪಡೆಯುತ್ತೀರಿ. ಒಂದು ಬಾರಿಯ ಪೂರ್ಣ ಚಾರ್ಜ್‌ನಲ್ಲಿ 200 ಕಿಲೋಮೀಟರ್‌ಗಳವರೆಗೆ ಪ್ರಯಾಣಿಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ.
ಈ ಬೈಕ್ 18 ಇಂಚಿನ ಮಿಶ್ರಲೋಹದ ಚಕ್ರಗಳೊಂದಿಗೆ ಸಣ್ಣ 4.3 ಇಂಚಿನ ಟಚ್‌ಸ್ಕ್ರೀನ್ ಅನ್ನು ಹೊಂದಿರುತ್ತದೆ. ಈ ಬೈಕಿನ ಬುಕ್ಕಿಂಗ್ ಪ್ರಾರಂಭವಾಗಿದೆ. ಆದರೆ ಈ ಬೈಕಿನ ವಿತರಣೆಯು ಮುಂದಿನ ವರ್ಷ ಜನವರಿ 2025 ರಿಂದ ಪ್ರಾರಂಭವಾಗಲಿದೆ.
ಓಲಾ ರೋಡ್‌ಸ್ಟರ್ ಪ್ರೊ ಬೆಲೆ
ಈ ಎಲೆಕ್ಟ್ರಿಕ್ ಬೈಕ್ ಅನ್ನು 8kWh ಮತ್ತು 16kWh ಎರಡು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇವುಗಳ ಬೆಲೆಗಳು ಕ್ರಮವಾಗಿ ರೂ. 1,99,999 (ಎಕ್ಸ್ ಶೋ ರೂಂ) ಮತ್ತು ರೂ. 2,49,999 (ಎಕ್ಸ್ ಶೋ ರೂಂ). ನೀವು ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಬುಕ್ ಮಾಡಬಹುದು. ಆದರೆ. ಈ ಬೈಕಿನ ವಿತರಣೆಯು ಮುಂದಿನ ವರ್ಷ ದೀಪಾವಳಿಯಿಂದ ಪ್ರಾರಂಭವಾಗುತ್ತದೆ.
ವೇಗ, ಶ್ರೇಣಿ ಮತ್ತು ವೈಶಿಷ್ಟ್ಯಗಳು
ಈ ಬೈಕು 0 ರಿಂದ 40 ಕಿ.ಮೀಟರ್ಗೆ ಕೇವಲ 1.2 ಸೆಕೆಂಡುಗಳಲ್ಲಿ ತಲುಪುತ್ತದೆ. ಮತ್ತು ಈ ಬೈಕಿನ ಗರಿಷ್ಠ ವೇಗವು 194kmph ಆಗಿದೆ. ಒಮ್ಮೆ ಸಂಪೂರ್ಣವಾಗಿ ಚಾರ್ಜ್ ಮಾಡಿದರೆ, ಈ ಬೈಕ್‌ನ ಬ್ಯಾಟರಿ 579 ಕಿಲೋಮೀಟರ್‌ಗಳವರೆಗೆ ಇರುತ್ತದೆ. ADAS ಮತ್ತು 10 ಇಂಚಿನ ಟಚ್‌ಸ್ಕ್ರೀನ್‌ನಂತಹ ವೈಶಿಷ್ಟ್ಯಗಳು ಈ ಬೈಕ್‌ನಲ್ಲಿ ಲಭ್ಯವಿದೆ.
ವಿಭಾಗ