TATA Curvv EV: ಕಾರು ಪ್ರಿಯರಿಗೆ ಗುಡ್‍ನ್ಯೂಸ್, ಒಮ್ಮೆ ಚಾರ್ಜ್ ಮಾಡಿದ್ರೆ 585 ಕಿಮೀ ಓಡುತ್ತೆ ಈ ಕಾರು, ಇಂದಿನಿಂದ ಆರಂಭ ಬುಕ್ಕಿಂಗ್
ಟಾಟಾ ಕರ್ವ್.ಇವಿ ಆಕರ್ಷಕ ಮತ್ತು ಸ್ಪೋರ್ಟಿ ವಿನ್ಯಾಸವನ್ನು ಹೊಂದಿದೆ.ಇದು ಜನಸಂದಣಿಯಲ್ಲೂ ಎದ್ದು ಕಾಣುವಂತೆ ಮಾಡುತ್ತದೆ.ಇದು1.2Cಚಾರ್ಜಿಂಗ್ ದರವನ್ನು ಹೊಂದಿದೆ,ಈ ಕಾರಣದಿಂದಾಗಿ ಇದು ಕೇವಲ15 ನಿಮಿಷಗಳ ಚಾರ್ಜಿಂಗ್‌ನಲ್ಲಿ150 ಕಿಮೀ ವ್ಯಾಪ್ತಿಯನ್ನು ತಲುಪಲು ಸಾಧ್ಯವಾಗುತ್ತದೆ. (ಬರಹ:ವಿನಯ್ ಭಟ್)
ಟಾಟಾ ಮೋಟಾರ್ಸ್ ತನ್ನ ಬಹು ನಿರೀಕ್ಷಿತ ಕೂಪ್ ಶೈಲಿಯ ಎಸ್ಯುವಿ, ಕರ್ವ್ (CURVV) ಅನ್ನು ಇತ್ತೀಚೆಗಷ್ಟೆ ಬಿಡುಗಡೆ ಮಾಡಿತ್ತು. ಈ ಕಾರು ಎರಡು ರೂಪಾಂತರಗಳಲ್ಲಿ ಲಭ್ಯವಿದೆ: ಎಲೆಕ್ಟ್ರಿಕ್ (EV) ಮತ್ತು ಐಸಿಇ. ಇವೆರಡರಲ್ಲಿ ಗ್ರಾಹಕರು ತಮ್ಮ ನೆಚ್ಚಿನ ಆಯ್ಕೆಯನ್ನು ಆರಿಸಿಕೊಳ್ಳಬಹುದು. ಈ ಎರಡು ಆಯ್ಕೆಯ ಪೈಕಿ ಟಾಟಾ ಕರ್ವ್.ಇವಿ ಬುಕ್ಕಿಂಗ್ ಇಂದಿನಿಂದ ಶುರುವಾಗಲಿದೆ. ಇದು ಕೂಪೆ ಶೈಲಿಯ SUV ಆಗಿದ್ದು, ನೋಡಲು ತುಂಬಾ ಸೊಗಸಾದ ಮತ್ತು ವಿಶಿಷ್ಟವಾಗಿ ಕಾಣುತ್ತದೆ. ಭಾರತಕ್ಕೆ ಕೂಪೆ ಶೈಲಿಯ ಕಾರುಗಳು ಹೊಸದಾಗಿದ್ದು, ಇಂತಹ ಮಾದರಿಯನ್ನು ಬಿಡುಗಡೆ ಮಾಡುವ ಮೂಲಕ ಟಾಟಾ ಕಂಪನಿಯು ದೊಡ್ಡ ಪರೀಕ್ಷೆಗೆ ಇಳಿದಿದೆ.
ಟಾಟಾ ಕರ್ವ್.ಇವಿ ಆಕರ್ಷಕ ಮತ್ತು ಸ್ಪೋರ್ಟಿ ವಿನ್ಯಾಸವನ್ನು ಹೊಂದಿದೆ. ಇದು ಜನಸಂದಣಿಯಲ್ಲೂ ಎದ್ದು ಕಾಣುವಂತೆ ಮಾಡುತ್ತದೆ. ಬೋಲ್ಡ್ ಫ್ರಂಟ್ ಗ್ರಿಲ್, ನಯವಾದ ಹೆಡ್‌ಲ್ಯಾಂಪ್‌ಗಳು, ಕೂಪ್ ತರಹದ ರೂಫ್‌ಲೈನ್ ಮತ್ತು ಸೊಗಸಾದ ಮಿಶ್ರಲೋಹದ ಟೈಯರ್ಗಳನ್ನು ಹೊಂದಿದೆ. ಕರ್ವ್.ಇವಿ ಯಲ್ಲಿ ಇತ್ತೀಚಿನ ವೈಶಿಷ್ಟ್ಯಗಳೊಂದಿಗೆ ಸುಸಜ್ಜಿತವಾದ ಪ್ರೀಮಿಯಂ ಮತ್ತು ಆರಾಮದಾಯಕ ಇಂಟೀರ್ಯರ್ ಅನ್ನು ನೀಡಲಾಗಿದೆ. ಇದು 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಪನೋರಮಿಕ್ ಸನ್‌ರೂಫ್, ವೆಂಟಿಲೇಟೆಡ್ ಫ್ರಂಟ್ ಸೀಟುಗಳು, ವೈರ್‌ಲೆಸ್ ಚಾರ್ಜಿಂಗ್ ಮತ್ತು ಇತರ ಹಲವು ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.
ಟಾಟಾ ಕರ್ವಿ ಇವಿ 18-ಇಂಚಿನ ಚಕ್ರಗಳು, 190 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು 450 ಎಂಎಂ ವೇಡಿಂಗ್ ಡೆಪ್ತ್ ಅನ್ನು ಒಳಗೊಂಡಿವೆ. ವಾಹನವು 50:50 ರ ಸಮತೋಲಿತ ತೂಕ ನೀಡುತ್ತದೆ ಮತ್ತು 500 ಲೀಟರ್ ಬೂಟ್ ಸ್ಪೇಸ್ ನೀಡಲಾಗಿದೆ. ಟಾಟಾ ಕರ್ವ್ EV 1.2C ಚಾರ್ಜಿಂಗ್ ದರವನ್ನು ಹೊಂದಿದೆ, ಈ ಕಾರಣದಿಂದಾಗಿ ಇದು ಕೇವಲ 15 ನಿಮಿಷಗಳ ಚಾರ್ಜಿಂಗ್‌ನಲ್ಲಿ 150 ಕಿಮೀ ವ್ಯಾಪ್ತಿಯನ್ನು ತಲುಪಲು ಸಾಧ್ಯವಾಗುತ್ತದೆ. 123 kWh ಮೋಟಾರ್ ಅನ್ನು ಹೊಂದಿದೆ, ಇದು ಕೇವಲ 8.6 ಸೆಕೆಂಡುಗಳಲ್ಲಿ 0 ರಿಂದ 100 km/h ಗೆ ಹೋಗಲು ಶಕ್ತಗೊಳಿಸುತ್ತದೆ. ಇದು ಗಂಟೆಗೆ 160 ಕಿಮೀ ವೇಗವನ್ನು ತಲುಪಲಿದೆ. ಒಮ್ಮೆ ಚಾರ್ಜ್ ಮಾಡಿದರೆ 585 ಕಿಲೋಮೀಟರ್ ಓಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.
ಟಾಟಾ ಕರ್ವ್ ICE ಗಾಗಿ, ಮೂರು ಎಂಜಿನ್ ಆಯ್ಕೆಗಳಿವೆ: ಎರಡು ಪೆಟ್ರೋಲ್ ಮತ್ತು ಒಂದು ಡೀಸೆಲ್. ಇದು ಹೊಸ ಹೈಪರಿಯನ್ GDI ಎಂಜಿನ್ ಅನ್ನು ಒಳಗೊಂಡಿದೆ, 125 hp ಮತ್ತು 225 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.
ಟಾಟಾ ಕಂಪನಿಯ ಕಾರು ಎಂದರೆ ಅದರಲ್ಲಿ ಸುರಕ್ಷತೆ ಬಗ್ಗೆ ಎರಡು ಮಾತಿಲ್ಲ. ಕರ್ವ್ ಅನ್ನೂ ಕೂಡ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ಆರು ಏರ್‌ಬ್ಯಾಗ್‌ಗಳು, ಇಎಸ್‌ಪಿ, ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳು ಮತ್ತು ಇತರ ಹಲವು ಸುರಕ್ಷತೆ ಮತ್ತು ಅನುಕೂಲತೆಯ ವೈಶಿಷ್ಟ್ಯಗಳೊಂದಿಗೆ ಪ್ರಮಾಣಿತವಾಗಿದೆ. ಇದು ಪಾದಚಾರಿ ಸುರಕ್ಷತೆಗಾಗಿ ಅಕೌಸ್ಟಿಕ್ ಎಚ್ಚರಿಕೆಗಳು ಮತ್ತು ಹಂತ 2 ADAS ಗಳನ್ನು ಸಹ ಹೊಂದಿದೆ.
ಟಾಟಾ ಕರ್ವಿ ಇವಿ ಬೆಲೆ
ಟಾಟಾ ಕರ್ವಿ ಇವಿ ಆರಂಭಿಕ ಬೆಲೆ ರೂ. 17.49 ಲಕ್ಷ (ಎಕ್ಸ್ ಶೋ ರೂಂ). ಉನ್ನತ-ಮಟ್ಟದ ದೀರ್ಘ-ಶ್ರೇಣಿಯ ರೂಪಾಂತರದ ಬೆಲೆ ರೂ. 21.99 ಲಕ್ಷ ಆಗಿದೆ. ಟಾಟಾ ಕರ್ವ್ ಭಾರತದಲ್ಲಿ ಕೂಪ್ ಶೈಲಿಯ ಎಸ್ಯುವಿ ವಿಭಾಗದಲ್ಲಿ ಹೊಸ ಪ್ರವೇಶವಾಗಿದೆ. ಇದು ತನ್ನ ಸೊಗಸಾದ ವಿನ್ಯಾಸ, ಆಧುನಿಕ ವೈಶಿಷ್ಟ್ಯಗಳು, ಶಕ್ತಿಯುತ ಕಾರ್ಯಕ್ಷಮತೆ ಮತ್ತು ಕೈಗೆಟುಕುವ ಬೆಲೆಯೊಂದಿಗೆ ಗ್ರಾಹಕರನ್ನು ಆಕರ್ಷಿಸಲಿದೆ.
ವಿಭಾಗ