ವಾಹನದ ಸೈಲೆನ್ಸರ್ ಕಳವು ಮಾಡಿ ಲಕ್ಷಗಟ್ಟಲೆ ಸಂಪಾದಿಸುತ್ತಿದ್ದಾರೆ ಕಳ್ಳರು: ಮಾರುತಿ ಕಾರು ಖದೀಮರ ಟಾರ್ಗೆಟ್

ಪ್ರತಿದಿನ ನೀವು ಕಾರು ಕಳ್ಳತನದ ಘಟನೆಗಳ ಬಗ್ಗೆ ಕೇಳುತ್ತೀರಿ. ಆದರೆ, ಇತ್ತೀಚಿನ ದಿನಗಳಲ್ಲಿ ಕಳ್ಳರು ವಾಹನವನ್ನು ಬಿಟ್ಟು ಅದರ ಸೈಲೆನ್ಸರ್ ಕದಿಯುವ ಘಟನೆಗಳು ಹೆಚ್ಚಾಗುತ್ತಿವೆ. ಹಾಗಾದರೆ ಕಳ್ಳರು ಕಾರಿನ ಸೈಲೆನ್ಸರ್‌ನಿಂದ ಏನು ಮಾಡುತ್ತಾರೆ?, ಒಂದು ಸೈಲೆನ್ಸರ್‌ನಿಂದ ಅವರು ಎಷ್ಟು ಹಣ ಗಳಿಸುತ್ತಾರೆ ಎಂದು ನೀವು ಯೋಚಿಸಿದ್ದೀರಾ?.

ಇಂದು ಮಾರುತಿ ಕಂಪನಿಯ ಇಕೋ ಸೇರಿದಂತೆ ಹಲವು ಕಾರುಗಳಿಂದ ಸೈಲೆನ್ಸರ್ ಕಳ್ಳತನದ ಘಟನೆಗಳು ನಿರಂತರವಾಗಿ ಹೆಚ್ಚುತ್ತಿವೆ. ಇದು ಕೇವಲ ಸಣ್ಣ ಕಳ್ಳತನವಲ್ಲ, ಗಂಭೀರವಾದ ವಿಚಾರವಾಗಿದೆ. ನಿರಂತರವಾಗಿ ನಡೆಯುತ್ತಿರುವ ಕಳ್ಳತನದ ಘಟನೆಗಳಿಂದಾಗಿ ಜನರು ಚಿಂತಿತರಾಗಿದ್ದಾರೆ.

ಇದನ್ನೂ ಓದಿ: ಫ್ಲಾಪ್ ಆಗಿದ್ದ ಕಾರಿಗೆ ಮರುಜೀವ: ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸುತ್ತಿದೆ ಮಾರುತಿಯ ಹೊಸ ಇಗ್ನಿಸ್‌ ಕಾರು

ಮಾರುತಿ ಇಕೋ ಸೈಲೆನ್ಸರ್‌ಗಳನ್ನು ಏಕೆ ಆಯ್ಕೆ ಮಾಡಲಾಗುತ್ತಿದೆ?

ಮಾರುತಿ ಇಕೋದ ಸೈಲೆನ್ಸರ್ ಪ್ಲಾಟಿನಂ ಮತ್ತು ಪಲ್ಲಾಡಿಯಮ್‌ನಂತಹ ಅಮೂಲ್ಯ ಲೋಹಗಳಿಂದ ಮಾಡಲ್ಪಟ್ಟ ವೇಗವರ್ಧಕ ಪರಿವರ್ತಕವನ್ನು ಹೊಂದಿದೆ. ಈ ಲೋಹಗಳನ್ನು ಸ್ಕ್ರ್ಯಾಪ್ ಮಾರುಕಟ್ಟೆಯಲ್ಲಿ ಬಹಳ ದುಬಾರಿಯಾಗಿ ಮಾರಾಟ ಮಾಡಲಾಗುತ್ತದೆ. ಹಾಗೆಯೆ ಈ ಸೈಲೆನ್ಸರ್ ಅನ್ನು ಸುಲಭವಾಗಿ ತೆಗೆಯಬಹುದಾದ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಇದು ಕಳ್ಳರಿಗೆ ಪ್ಲಸ್ ಪಾಯಿಂಟ್ ಆಗಿದೆ.

ಇನ್ನು ಮಾರುಕಟ್ಟೆಯಲ್ಲಿ ಹಳೆಯ ಅಥವಾ ಹಾನಿಗೊಳಗಾದ ವೇಗವರ್ಧಕ ಪರಿವರ್ತಕಗಳಿಗೆ ಸಾಕಷ್ಟು ಬೇಡಿಕೆಯಿದೆ. ಪೊಲೀಸರು ಈ ವಿಷಯವನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. ಕಳ್ಳರ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಂಡು ರದ್ದಿ ಮಾರುಕಟ್ಟೆ ಮೇಲೆ ನಿಗಾ ಇಡಬೇಕು. ಕಾರಿನ ಸೈಲೆನ್ಸರ್​ನಲ್ಲಿರುವ ಪಲ್ಲಾಡಿಯಂನ 10 ಗ್ರಾಂ ಸುಮಾರು ಬೆಲೆ 40 ಸಾವಿರಕ್ಕಿಂತ ಹೆಚ್ಚಾಗಿರುತ್ತದೆ. ಹೀಗಾಗಿ ಕಳ್ಳರಿಗೆ ಸೈಲೆನ್ಸರ್ ಕದಿಯುವುದೆಂದರೆ ಚಿನ್ನದ ವಸ್ತುವನ್ನು ಕದ್ದಂತೆ.

ಇದನ್ನೂ ಓದಿ: ಕಾರನ್ನು ಎಷ್ಟು ದಿನಗಳಿಗೊಮ್ಮೆ ವಾಷ್ ಮಾಡಬೇಕು; ಕಾರು ತೊಳೆಯುವ ಸರಿಯಾದ ಕ್ರಮ ಯಾವುದು?

ಮುಂದಿನ ದಿನಗಳಲ್ಲಾದರು ಸುಲಭವಾಗಿ ತೆಗೆಯಲಾಗದಂತಹ ಸೈಲೆನ್ಸರ್‌ಗಳನ್ನು ಕಾರು ಕಂಪನಿಗಳು ವಿನ್ಯಾಸಗೊಳಿಸಬೇಕು. ಇದಲ್ಲದೆ, ಅವರು ಸೈಲೆನ್ಸರ್ ಲಾಕ್‌ನಂತಹ ಹೆಚ್ಚುವರಿ ಭದ್ರತಾ ವೈಶಿಷ್ಟ್ಯಗಳೊಂದಿಗೆ ಗ್ರಾಹಕರಿಗೆ ಒದಗಿಸಬಹುದು. ಈ ಸಮಸ್ಯೆಯ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವುದು ಬಹಳ ಮುಖ್ಯ. ತಮ್ಮ ಕಾರುಗಳನ್ನು ರಕ್ಷಿಸಲು ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳಲು ಪ್ರೇರೇಪಿಸಬೇಕು. ಹಾಗೆಯೆ ಕಾರು ಮಾಲೀಕರು ತಮ್ಮ ಕಾರಿಗೆ ವಿಮೆ ಮಾಡಿಸಬೇಕು. ಇದರಿಂದ ಅವರು ಕಳ್ಳತನದ ಸಂದರ್ಭದಲ್ಲಿ ಆರ್ಥಿಕ ನಷ್ಟವನ್ನು ಅನುಭವಿಸುವುದಿಲ್ಲ.

GPS ಟ್ರ್ಯಾಕಿಂಗ್ ಸಿಸ್ಟಮ್‌ಗಳು ಮತ್ತು ಅಲಾರ್ಮ್ ಸಿಸ್ಟಮ್‌ಗಳಂತಹ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಕಾರುಗಳ ಸುರಕ್ಷತೆಯನ್ನು ಹೆಚ್ಚಿಸಿದರೆ ಉತ್ತಮ. ಸೈಲೆನ್ಸರ್ ಇಲ್ಲದೆ ಕಾರು ಚಾಲನೆ ಮಾಡುವುದು ಅಪಾಯಕಾರಿ. ಆಗ ಕಾರು ಹೆಚ್ಚು ಶಬ್ಧ ಮಾಡುತ್ತವೆ, ಇದು ಪರಿಸರ ಮಾಲಿನ್ಯಕ್ಕೂ ಕಾರಣವಾಗುತ್ತದೆ.