ಬಜೆಟ್ ಪ್ರಿಯರಿಗೆ ಬಂಪರ್: 48MP ಆಕರ್ಷಕ ಕ್ಯಾಮೆರಾದ ಹೊಸ ಸ್ಮಾರ್ಟ್​ಫೋನ್ ರಿಲೀಸ್, ಬೆಲೆ 9,999 ರೂ

ಭಾರತದಲ್ಲಿ ಸದಾ ಬಜೆಟ್ ಬೆಲೆಗೆ ಆಕರ್ಷಕ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವ ಪ್ರಸಿದ್ಧ ಇನ್ಫಿನಿಕ್ಸ್ ಕಂಪನಿ ಇದೀಗ ಅತಿ ಕಡಿಮೆ ಬೆಲೆಗೆ ಹೊಸ ಇನ್ಫಿನಿಕ್ಸ್ ಹಾಟ್ 50 5G ಫೋನನ್ನು ಅನಾವರಣ ಮಾಡಿದೆ. ಈ ಸ್ಮಾರ್ಟ್​ಫೋನ್​ನಲ್ಲಿ 48 ಮೆಗಾಪಿಕ್ಸೆಲ್ ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕವನ್ನು ನೀಡಲಾಗಿದೆ. ಇದು ಬಜೆಟ್ ಪ್ರಿಯರಿಗೆ ಹಬ್ಬ ಎಂದೇ ಹೇಳಬಹುದು. ಜೊತೆಗೆ ಮೀಡಿಯಾಟೆಕ್ ಡೈಮೆನ್ಸಿಟಿ ಪ್ರೊಸೆಸರ್, ಫಾಸ್ಟ್ ಚಾರ್ಜಿಂಗ್ ಆಯ್ಕೆ ಕೂಡ ಇದೆ. ಈ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಭಾರತದಲ್ಲಿ ಇನ್ಫಿನಿಕ್ಸ್ ಹಾಟ್ 50 5G ಬೆಲೆ, ಲಭ್ಯತೆ

ಇನ್ಫಿನಿಕ್ಸ್ ಹಾಟ್ 50 5G ಸ್ಮಾರ್ಟ್​ಫೋನ್ ದೇಶದಲ್ಲಿ ಎರಡು ಸ್ಟೋರೆಜ್ ಆಯ್ಕೆಯಲ್ಲಿ ರಿಲೀಸ್ ಮಾಡಲಾಗಿದೆ. ಇದರ 4GB RAM + 128GB ಆಯ್ಕೆಗೆ 9,999 ರೂ. ಇದೆ. ಅಂತೆಯೆ 8GB + 128GB ರೂಪಾಂತರಕ್ಕೆ ರೂ. 10,999 ನಿಗದಿ ಮಾಡಲಾಗಿದೆ. ಬ್ಯಾಂಕ್ ಕೊಡುಗೆಗಳೊಂದಿಗೆ, ಗ್ರಾಹಕರು ಈ ರೂಪಾಂತರಗಳನ್ನು ಕ್ರಮವಾಗಿ ರೂ. 8,999 ಮತ್ತು 9,999 ರೂ.ಗೆ ಖರೀದಿಸಬಹುದು. ಸೆಪ್ಟೆಂಬರ್ 9 ರಿಂದ ಫ್ಲಿಪ್‌ಕಾರ್ಟ್ ಮೂಲಕ ದೇಶದಲ್ಲಿ ಮಾರಾಟ ಕಾಣಲಿದೆ.

ಇದು ನಾಲ್ಕು ಬಣ್ಣದ ಆಯ್ಕೆಗಳಲ್ಲಿ ನೀಡಲಾಗುತ್ತದೆ - ಡ್ರೀಮಿ ಪರ್ಪಲ್, ಸೇಜ್ ಗ್ರೀನ್, ಸ್ಲೀಕ್ ಬ್ಲ್ಯಾಕ್ ಮತ್ತು ವೈಬ್ರೆಂಟ್ ಬ್ಲೂ. ನೇರಳೆ ಬಣ್ಣವು ಡ್ಯುಯಲ್-ಟೋನ್ ಫಿನಿಶ್‌ನೊಂದಿಗೆ ಬರುತ್ತದೆ.

ಇದನ್ನೂ ಓದಿ: ಗಣೇಶ ಚತುರ್ಥಿಗೆ ಬಂಪರ್ ಗಿಫ್ಟ್: ಬಿಡುಗಡೆ ಆಯಿತು ಬ್ಲ್ಯಾಕ್ ಬ್ಯೂಟಿ ಕ್ರೆಟಾದ ನೈಟ್ ಆವೃತ್ತಿ- ಬೆಲೆ ಎಷ್ಟು, ಇಲ್ಲಿದೆ ಮಾಹಿತಿ

ಇನ್ಫಿನಿಕ್ಸ್ ಹಾಟ್ 50 5G ಫೀಚರ್ಸ್:

ಇನ್ಫಿನಿಕ್ಸ್ ಹಾಟ್ 50 5G ಸ್ಮಾರ್ಟ್​​ಫೋನ್ 120Hz ರಿಫ್ರೆಶ್ ದರದೊಂದಿಗೆ 6.7-ಇಂಚಿನ HD+ (720 x 1,600 ಪಿಕ್ಸೆಲ್‌ಗಳು) ಡಿಸ್​ಪ್ಲೇಯನ್ನು ಹೊಂದಿದೆ. ಈ ಫೋನ್ ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 6300 SoC ಮೂಲಕ 8GB RAM ಮತ್ತು 128GB UFS 2.2 ಆನ್‌ಬೋರ್ಡ್ ಸಂಗ್ರಹಣೆಯೊಂದಿಗೆ ಜೋಡಿಸಲ್ಪಟ್ಟಿದೆ. ಇದರಲ್ಲಿ ಮೈಕ್ರೋ SD ಕಾರ್ಡ್ ಮೂಲಕ 1TB ವರೆಗೆ ಸಂಗ್ರಹಣೆಯನ್ನು ವಿಸ್ತರಿಸಬಹುದಾದ ಆಯ್ಕೆಯಿದೆ. ಆಂಡ್ರಾಯ್ಡ್ 14-ಆಧಾರಿತ XOS 14 ನೊಂದಿಗೆ ಹ್ಯಾಂಡ್‌ಸೆಟ್ ರನ್ ಆಗುತ್ತದೆ.

ಕ್ಯಾಮೆರಾ ವಿಭಾಗದಲ್ಲಿ, ಇನ್ಫಿನಿಕ್ಸ್ ಹಾಟ್ 50 5G 48-ಮೆಗಾಪಿಕ್ಸೆಲ್ IMX582 ಪ್ರಾಥಮಿಕ ಸಂವೇದಕ ಮತ್ತು ಅನಿರ್ದಿಷ್ಟ ಡೆಪ್ತ್ ಸೆನ್ಸಾರ್ ಸೇರಿದಂತೆ ಡ್ಯುಯಲ್ ರಿಯರ್ ಕ್ಯಾಮೆರಾ ಸಿಸ್ಟಮ್‌ನೊಂದಿಗೆ ಬರುತ್ತದೆ, ಜೊತೆಗೆ ಡ್ಯುಯಲ್ LED ಫ್ಲ್ಯಾಷ್ ಯೂನಿಟ್ ಸೇರಿಸಲಾಗಿದೆ. ಸೆಲ್ಫಿಗಳಿಗಾಗಿ 8-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾ ಸಂವೇದಕವಿದೆ.

18W ವೈರ್ಡ್ ಫಾಸ್ಟ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ ನೀವು ಇನ್ಫಿನಿಕ್ಸ್ ಹಾಟ್ 50 5G ನಲ್ಲಿ 5,000mAh ಬ್ಯಾಟರಿಯನ್ನು ಪಡೆಯುತ್ತೀರಿ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, 4G, Wi-Fi, GPS, ಬ್ಲೂಟೂತ್ 5.4 ಮತ್ತು USB ಟೈಪ್-C ಸೇರಿವೆ. ಈ ಫೋನ್ ಧೂಳು ಮತ್ತು ಸ್ಪ್ಲಾಶ್ ಪ್ರತಿರೋಧಕ್ಕಾಗಿ IP54-ರೇಟೆಡ್ ಬಿಲ್ಡ್ ಅನ್ನು ಹೊಂದಿದೆ. ಭದ್ರತೆಗಾಗಿ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಹೊಂದಿದೆ.

ವರದಿ: ವಿನಯ್ ಭಟ್.

ಇದನ್ನೂ ಓದಿ: Kia Carnival bookings: ಹೊಸ ಕಿಯಾ ಕಾರ್ನಿವಲ್‌ ಬುಕ್ಕಿಂಗ್‌ ಅನಧಿಕೃತವಾಗಿ ಆರಂಭ, ಕಾರುಪ್ರಿಯರು ಗಮನಿಸಬೇಕಾದ ಅಂಶಗಳಿವು