Phonepe Indus Appstore: ಗೂಗಲ್ ಪ್ಲೇ ಸ್ಟೋರ್‌ಗೆ ಸೆಡ್ಡು ಹೊಡೆದ ಫೋನ್‌ಪೇ; ಇಂಡಸ್ ಆ್ಯಪ್ ಸ್ಟೋರ್ ಆರಂಭ
Indus Appstore: ಗೂಗಲ್ ಪ್ಲೇ ಸ್ಟೋರ್‌ಗೆ ಭಾರತದ ಮೊದಲ ಪ್ರಮುಖ ಪ್ರತಿಸ್ಪರ್ಧಿಯಾಗಿ ಫೋನ್‌ಪೇ ಕಂಪನಿ 200,000+ ಅಪ್ಲಿಕೇಶನ್ಸ್ ಇರುವ ಇಂಡಸ್ ಆಪ್‌ಸ್ಟೋರ್ ಅನ್ನು ಆರಂಭಿಸಿದೆ. ಇದರ ಸಂಪೂರ್ಣ ಮಾಹಿತಿ ಇಲ್ಲಿದೆ.
Phonepe Indus Appstore: ವಾಲ್‌ಮಾರ್ಟ್ ಬೆಂಬಲಿತ ಭಾರತೀಯ ಫಿನ್ಟೆಕ್ ಫೋನ್‌ಪೇ ಬುಧವಾರ (ಫೆಬ್ರವರಿ 21) ಇಂಡಸ್ ಆಪ್‌ಸ್ಟೋರ್ ಎಂಬ ಅಪ್ಲಿಕೇಶನ್ ಸ್ಟೋರ್ ಅನ್ನು ಪ್ರಾರಂಭಿಸಿದೆ. ಇದು ಗೂಗಲ್ ಪ್ಲೇ ಸ್ಟೋರ್‌ಗೆ ಮೊದಲ ಭಾರತೀಯ ಪ್ರತಿಸ್ಪರ್ಧಿಯಾಗಿದೆ.
ಆಂಡ್ರಾಯ್ಡ್ ಆಧಾರಿತ ಅಪ್ಲಿಕೇಶನ್‌ಗಳನ್ನು ಡೌನ್ಲೋಡ್ ಮಾಡಲು ಅನುವು ಮಾಡಿಕೊಡುವ ಈ ಹೊಸ ಪ್ಲಾಟ್ಫಾರ್ಮ್‌ನಲ್ಲಿ ಬಿಂಗ್, ಕೋಟಕ್, ಮ್ಯಾಪ್ಮೈ ಇಂಡಿಯಾ ಮತ್ತು ಸರ್ಕಾರದ ಡಿಜಿಲಾಕರ್‌ನಂತಹ 200,000 ಕ್ಕೂ ಹೆಚ್ಚು ಅಪ್ಲಿಕೇಶನ್‌ಗಳೊಂದಿಗೆ ಪ್ರಾರಂಭಿಸಲಾಯಿತು. ಮತ್ತೊಂದು ವಿಶೇಷವೆಂದರೆ 12 ಭಾರತೀಯ ಭಾಷೆಗಳಲ್ಲಿ ಈ ಆ್ಯಪ್ ಸ್ಟೋರ್ ಲಭ್ಯವಿದೆ.
2023 ರ ಜನವರಿಯಲ್ಲಿ ಆಂಡ್ರಾಯ್ಡ್‌ನ ಥರ್ಡ್-ಪಾರ್ಟಿ ಅಪ್ಲಿಕೇಶನ್ ಸ್ಟೋರ್‌ಗಳಿಗೆ ಅನುಮತಿ ನೀಡುವಂತೆ ಸುಪ್ರೀಂ ಕೋರ್ಟ್ ಗೂಗಲ್‌ಗೆ ಆದೇಶ ನೀಡಿತ್ತು. ಆ ನಂತರ ಸ್ವದೇಶಿ ಟೆಕ್ ದೈತ್ಯ ಬೆಂಬಲದೊಂದಿಗೆ ಗೂಗಲ್‌ನ ಪ್ರಾಬಲ್ಯಕ್ಕೆ ಇದು ಮೊದಲ ಗಂಭೀರ ಪ್ರತಿಸ್ಪರ್ಧಿಯಾಗಿರುವುದರಿಂದ ಅಪ್ಲಿಕೇಶನ್ ಸ್ಟೋರ್ ಪ್ರಾರಂಭವು ತುಂಬಾ ಮಹತ್ವವನ್ನು ಪಡೆದುಕೊಂಡಿದೆ.
ಹೊಸ ಫೋನ್‌ನಲ್ಲೇ ಕಂಪನಿಯೇ ಆ್ಯಪ್ ಅಳ ಸಂಬಂಧಿತ ಕಂನಿಗಳ ಜೊತೆ ಮಾತುಕತೆ
ಫೋನ್‌ಪೇ ಕಂಪನಿಯು ಅನೇಕ ಫೋನ್ ತಯಾರಕರೊಂದಿಗೆ ಮಾತುಕತೆ ನಡೆಸುತ್ತಿದೆ, ಇದರಿಂದಾಗಿ ಅಪ್ಲಿಕೇಶನ್ ಸ್ಟೋರ್ ವಿವಿಧ ಆಂಡ್ರಾಯ್ಡ್ ಸೆಲ್‌ಫೋನ್‌ಗಳಲ್ಲಿ ಮೊದಲೇ ಲೋಡ್ ಆಗಬಹುದು ಎಂದು ಫೋನ್‌ಪೇ ಸಂಸ್ಥಾಪಕ ಮತ್ತು ಸಿಇಒ ಸಮೀರ್ ನಿಗಮ್ ದೆಹಲಿಯಲ್ಲಿ ನಡೆದ ಆ್ಯಪ್ ಸ್ಟೋರ್ ಬಿಡುಗಡೆ ಸಮಾರಂಭದಲ್ಲಿ ಹೇಳಿದ್ದಾರೆ. "ನಾವು ಹೆಚ್ಚು ಸ್ಥಳೀಯ, ಹೆಚ್ಚು ವೈಯಕ್ತಿಕಗೊಳಿಸಿದ ಮತ್ತು ಪರಿಣಾಮಕಾರಿ ವೇದಿಕೆಯನ್ನು ರಚಿಸಲು ಪ್ರಯತ್ನಿಸುತ್ತಿದ್ದೇವೆ, ಇದನ್ನು ಅಪ್ಲಿಕೇಶನ್ ಸ್ಟೋರ್ ಎಂದು ಕರೆಯಲಾಗುತ್ತದೆ" ಎಂದು ನಿಹೇಳಿದ್ದಾರೆ.
ಅಪ್ಲಿಕೇಶನ್‌ಗಳನ್ನು ಡೌನ್ಲೋಡ್ ಮಾಡಿಕೊಳ್ಳಲು ಬಳಕೆದಾರರು ತಮ್ಮ ಭಾರತೀಯ ಮೊಬೈಲ್ ಸಂಖ್ಯೆಗಳನ್ನು ಬಳಸಿಕೊಂಡು ಲಾಗ್ ಇನ್ ಮಾಡಬೇಕು. ಬಳಕೆದಾರರ "ಮೊಬೈಲ್ ಸಂಖ್ಯೆ ಪ್ರೊಫೈಲ್" ಆಧಾರದ ಮೇಲೆ ಶಿಫಾರಸುಗಳನ್ನು ವೈಯಕ್ತಿಕಗೊಳಿಸಲಾಗುತ್ತದೆ. "ನಿಮ್ಮ ಮೊಬೈಲ್ ಸಂಖ್ಯೆ ಇಂದು ವಾಸ್ತವಿಕ ಡಿಜಿಟಲ್ ಗುರುತಾಗಿದೆ" ಎಂದು ನಿಗಮ್ ಹೇಳಿದರು. ಸ್ಥಳ, ನೆರೆಹೊರೆ ಪ್ರದೇಶ ಮತ್ತು ಇತರ ಅನೇಕ ಸಂಕೇತಗಳ ಆಧಾರದ ಮೇಲೆ ಶಿಫಾರಸುಗಳನ್ನು ವೈಯಕ್ತಿಕಗೊಳಿಸಲಾಗುವುದು ಎಂದು ತಿಳಿಸಿದ್ದಾರೆ.
ದೊಡ್ಡ ಅಪ್ಲಿಕೇಶನ್‌ಗಳನ್ನು ನೇರವಾಗಿ ಇಂಡಸ್‌ನಲ್ಲಿ ಪಟ್ಟಿ ಮಾಡಲಾಗಿದೆ. ಕಂಪನಿಯು ಅಂತಹ ಡೆವಲಪರ್‌ಗಳೊಂದಿಗೆ ವೈಯಕ್ತಿಕ ಒಪ್ಪಂದಗಳಿಗೆ ಸಹಿ ಹಾಕಿದೆ, ಆದರೆ ಸಣ್ಣ ಅಪ್ಲಿಕೇಶನ್‌ಗಳಿಗೆ ಇಂಡಸ್ ಪ್ರಸ್ತುತ ಅವುಗಳನ್ನು ವಿವಿಧ ಪ್ಲಾಟ್ಫಾರ್ಮ್‌ಗಳಿಂದ ಸೋರ್ಸಿಂಗ್ ಮಾಡುತ್ತಿದೆ.
ಆಂಡ್ರಾಯ್ಡ್ ಮತ್ತು ಪ್ಲೇ ಸ್ಟೋರ್ ಮೂಲಕ ತನ್ನ ಮಾರುಕಟ್ಟೆ ಪ್ರಾಬಲ್ಯವನ್ನು ದುರುಪಯೋಗಪಡಿಸಿಕೊಂಡಿದ್ದಕ್ಕಾಗಿ 2022 ರಲ್ಲಿ ಭಾರತದ ಸ್ಪರ್ಧಾ ವಾಚ್‌ಡಾಗ್ ಗೂಗಲ್‌ಗೆ 1,337 ಕೋಟಿ ರೂ.ಗಳ ದಂಡ ವಿಧಿಸಿತ್ತು. ಈ ಸಂಸ್ಥೆಗೆ ಸುಪ್ರೀಂ ಕೋರ್ಟ್‌ಗೆ ಜಯ ಸಿಕ್ಕಿತ್ತು. ಅಮೆರಿಕದ ಟೆಕ್ ದೈತ್ಯನಿಗೆ ದಂಡವನ್ನು ಪಾವತಿಸದಿರಲು ಸುಪ್ರೀಂ ಕೋರ್ಟ್ ಅನುಮತಿ ನೀಡಿತ್ತು ಆದರೆ ಆಂಡ್ರಾಯ್ಡ್‌ನಲ್ಲಿ ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಸ್ಟೋರ್‌ಗಳಿಗೆ ಅವಕಾಶ ನೀಡಬೇಕು ಎಂದು ಕೋರ್ಟ್ ಮಹತ್ವದ ತೀರ್ಪು ನೀಡಿತ್ತು.
ಗೂಗಲ್ ಪ್ಲೇ ಸ್ಟೋರ್ ನೀತಿಗಳ ವಿರುದ್ಧ ಭಾರತೀಯ ಡೆವಲಪರ್‌ಗಳು ಮದ್ರಾಸ್ ಹೈಕೋರ್ಟ್‌ನಲ್ಲಿ ಕಾನೂನು ಹೋರಾಟ ನಡೆಸುತ್ತಿದ್ದಾರೆ. ಈ ನೀತಿಗಳ ಪ್ರಕಾರ, ಅಪ್ಲಿಕೇಶನ್ ಡೆವಲಪರ್‌ಗಳು ಆಂಡ್ರಾಯ್ಡ್‌ನಲ್ಲಿ ಗೂಗಲ್ ಪ್ಲೇ ಬಿಲ್ಲಿಂಗ್ ಸಿಸ್ಟಮ್ ಅನ್ನು ಬಳಸಬೇಕು ಅಥವಾ ಥರ್ಡ್ ಪಾರ್ಟಿ ಪಾವತಿ ಗೇಟ್ವೇಗಳನ್ನು ಬಳಸಲು ಹೆಚ್ಚಿನ ಕಮಿಷನ್ ಪಾವತಿಸಬೇಕು. ಸದ್ಯಕ್ಕೆ ಫೋನ್‌ಪೇ ಸಂಸ್ಥಾಪಕ ಮತ್ತು ಸಿಇಒ ಸಮೀರ್ ನಿಗಮ್ ಈ ಕಳವಳಗಳನ್ನು ಪರಿಹರಿಸಿದರು. "ಎಲ್ಲಾ ಅಪ್ಲಿಕೇಶನ್‌ಗಳು ಗ್ರಾಹಕ ಬಯಸುವ ಯಾವುದೇ ಪಾವತಿ ಗೇಟ್ವೇ ಬಳಸಲು ಮುಕ್ತವಾಗಿರುತ್ತವೆ. ಗ್ರಾಹಕರು ಫೋನ್‌ಪೇ ಬಳಸದಿದ್ದರೆ ಒಂದು ಪೈಸೆಯನ್ನೂ ಪಾವತಿಸಬೇಕಾಗಿಲ್ಲ ಎಂದು ಅವರು ಹೇಳಿದರು. ಹಣಗಳಿಕೆಗಾಗಿ ಇಂಡಸ್ ಜಾಹೀರಾತು ಪರಿಹಾರಗಳು ಮತ್ತು ವಿಷಯ ವಿತರಣೆ ಮತ್ತು ಡೆವಲಪರ್‌ಗಳಿಗೆ ಪಾವತಿಯ ಮೂಲವಾಗಿದೆ ಎಂದಿದ್ದಾರೆ.
(This copy first appeared in Hindustan Times Kannada website. To read more like this please logon to kannada.hindustantimes.com )
ವಿಭಾಗ