Chaitra Navratri 2023: ಚೈತ್ರ ನವರಾತ್ರಿಯ ನವರಂಗು; ಯಾವ ದಿನ ಯಾವ ಬಣ್ಣ ಮತ್ತು ಅದರ ಮಹತ್ವ
Chaitra Navratri 2023: ಚೈತ್ರ ನವರಾತ್ರಿಯು ಮಾರ್ಚ್ 22 ರಂದು ಪ್ರಾರಂಭವಾಗುತ್ತದೆ. ಮಾರ್ಚ್ 30 ರಂದು ಕೊನೆಗೊಳ್ಳುತ್ತದೆ. 9 ದಿನಗಳಿಗೆ ಸಂಬಂಧಿಸಿದ ಬಣ್ಣಗಳು ಮತ್ತು ಅವುಗಳ ಮಹತ್ವ ಹೀಗಿದೆ ನೋಡಿ.
ಚೈತ್ರ ನವರಾತ್ರಿಯ ಮಂಗಳಕರ ಹಬ್ಬವನ್ನು ಆಚರಿಸಲು ಹಿಂದೂಗಳು ಸಜ್ಜಾದಾಗ ಇದು ವರ್ಷದ ಸಮಯವಾಗಿದೆ. ಒಂಬತ್ತು ದಿನಗಳ ಹಬ್ಬವು ಮಾರ್ಚ್ ಅಥವಾ ಏಪ್ರಿಲ್‌ನಲ್ಲಿ ಬರುತ್ತದೆ. ಹೀಗಾಗಿ, ಈ ನವರಾತ್ರಿಯನ್ನು ಚೈತ್ರ ನವರಾತ್ರಿ ಅಥವಾ ವಸಂತ ನವರಾತ್ರಿ ಎಂದು ಕರೆಯಲಾಗುತ್ತದೆ.
ಟ್ರೆಂಡಿಂಗ್ ಸುದ್ದಿ
ಭಗವಾನ್ ಶ್ರೀ ರಾಮನ ಜನ್ಮದಿನವಾದ ರಾಮ ನವಮಿಯು ನವರಾತ್ರಿ ಉತ್ಸವಗಳ ಒಂಬತ್ತನೇ ದಿನದಂದು ಬರುತ್ತದೆ. ಚೈತ್ರ ನವರಾತ್ರಿಯ ಎಲ್ಲ ಒಂಬತ್ತು ದಿನಗಳು ಮಾ ದುರ್ಗಾ ಅಥವಾ ಶಕ್ತಿ ದೇವತೆಯ ಒಂಬತ್ತು ಅವತಾರಗಳ ಪೂಜೆಗೆ ಮೀಸಲಾಗಿವೆ - ಶೈಲಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ, ಕೂಷ್ಮಾಂಡಾ, ಸ್ಕಂದಮಾತಾ, ಕಾತ್ಯಾಯನಿ, ಕಾಳರಾತ್ರಿ, ಮಹಾಗೌರಿ ಮತ್ತು ಸಿದ್ಧಿದಾತ್ರಿ ಆ ಒಂಬತ್ತು ದೇವಿ ಅವತಾರಗಳು. ಇದಲ್ಲದೆ, ಒಂಬತ್ತು ದಿನಗಳಿಗೆ ಒಂಬತ್ತು ಬಣ್ಣಗಳನ್ನು ಕೂಡ ಜೋಡಿಸಲಾಗಿದೆ. ಈ ಬಣ್ಣಗಳಿಗೆ ಅವುಗಳದ್ದೇ ಆದ ಮಹತ್ವವೂ ಇದೆ.
ನವರಾತ್ರಿಯ ನವರಂಗು ಮತ್ತು ಆ ಬಣ್ಣಗಳ ಮಹತ್ವ
ನವರಾತ್ರಿ ದಿನ 1 - ರಾಯಲ್ ಬ್ಲೂ
ಚೈತ್ರ ನವರಾತ್ರಿಯ 1 ನೇ ದಿನದಂದು ರಾಯಲ್ ನೀಲಿ ಬಣ್ಣವನ್ನು ಧರಿಸಬೇಕು ಮತ್ತು ಆಚರಣೆಗಳಲ್ಲಿ ಭಾಗವಹಿಸಬೇಕು. ಈ ಬಣ್ಣವು ಶ್ರೀಮಂತಿಕೆ ಮತ್ತು ಶಾಂತಿಯನ್ನು ಪ್ರತಿನಿಧಿಸುತ್ತದೆ.
ನವರಾತ್ರಿ ದಿನ 2 - ಹಳದಿ
ಹಳದಿ ಧರಿಸುವುದರಿಂದ ನವರಾತ್ರಿ ಸಂಪ್ರದಾಯಗಳನ್ನು ಅಪ್ರತಿಮ ಆಶಾವಾದ ಮತ್ತು ಸಂತೋಷದಿಂದ ಆನಂದಿಸಲು ಸಹಾಯ ಮಾಡುತ್ತದೆ. ಇದು ಬೆಚ್ಚಗಿನ ಬಣ್ಣವಾಗಿದ್ದು, ಇಡೀ ದಿನ ವ್ಯಕ್ತಿಯನ್ನು ಹರ್ಷಚಿತ್ತದಿಂದ ಇಡುತ್ತದೆ.
ನವರಾತ್ರಿ ದಿನ 3 - ಹಸಿರು
ಹಸಿರು ಪ್ರಕೃತಿಯನ್ನು ಸಂಕೇತಿಸುತ್ತದೆ. ಅಲ್ಲದೆ, ಬೆಳವಣಿಗೆ, ಫಲವತ್ತತೆ, ಶಾಂತಿ ಮತ್ತು ಪ್ರಶಾಂತತೆಯ ಭಾವವನ್ನು ಉಂಟುಮಾಡುತ್ತದೆ. ಬಣ್ಣವು ಜೀವನದಲ್ಲಿ ಹೊಸ ಆರಂಭವನ್ನು ಪ್ರತಿನಿಧಿಸುತ್ತದೆ ಮತ್ತು ಶಾಂತಿಯನ್ನು ನೀಡುತ್ತದೆ.
ನವರಾತ್ರಿ ದಿನ 4 - ಬೂದು ಬಣ್ಣ
ಬೂದು ಬಣ್ಣವು ಸಮತೋಲಿತ ಭಾವನೆಗಳನ್ನು ಪ್ರತಿನಿಧಿಸುತ್ತದೆ ಮತ್ತು ವ್ಯಕ್ತಿಯನ್ನು ತಳಮಟ್ಟದ ಸೌಮ್ಯಭಾವದಲ್ಲಿ ಇಡುತ್ತದೆ.
ನವರಾತ್ರಿ ದಿನ 5 - ಆರೆಂಜ್‌
ಶಕ್ತಿ ದೇವಿಯನ್ನು ಕಿತ್ತಳೆ ಬಣ್ಣದ ಬಟ್ಟೆಯಲ್ಲಿ ಪೂಜಿಸುವುದರಿಂದ ಉಷ್ಣತೆ ಮತ್ತು ಲವಲವಿಕೆ ಮುಂತಾದ ಗುಣಗಳನ್ನು ನೀಡುತ್ತದೆ. ಈ ಬಣ್ಣವು ಧನಾತ್ಮಕ ಶಕ್ತಿಯಿಂದ ತುಂಬಿರುತ್ತದೆ. ವ್ಯಕ್ತಿಯನ್ನು ಲವಲವಿಕೆಯಿಂದ ಇಡುತ್ತದೆ.
ನವರಾತ್ರಿ ದಿನ 6 - ಬಿಳಿ
ಬಿಳಿ ಬಣ್ಣವು ಶುದ್ಧತೆ ಮತ್ತು ಮುಗ್ಧತೆಗೆ ಸಮಾನಾರ್ಥಕವಾಗಿದೆ. ದೇವಿಯ ಆಶೀರ್ವಾದಕ್ಕೆ ಅರ್ಹರಾಗಲು ಮತ್ತು ಆಂತರಿಕ ಶಾಂತಿ ಮತ್ತು ಭದ್ರತೆಯನ್ನು ಅನುಭವಿಸಲು ಷಷ್ಠಿಯಂದು ಬಿಳಿ ಬಣ್ಣದ ಉಡುಪು ಧರಿಸಿ.
ನವರಾತ್ರಿ ದಿನ 7 - ಕೆಂಪು
ಕೆಂಪು ಉತ್ಸಾಹ ಮತ್ತು ಪ್ರೀತಿಯನ್ನು ಸಂಕೇತಿಸುತ್ತದೆ. ಶಕ್ತಿ ದೇವಿಗೆ ಅರ್ಪಿಸುವ ರವಿಕೆ ಕಣದ ಅತ್ಯಂತ ಆದ್ಯತೆಯ ಬಣ್ಣವೂ ಇದುವೇ ಆಗಿದೆ. ಇದು ಭಕ್ತರಲ್ಲಿ ಚೈತನ್ಯವನ್ನು ತುಂಬುತ್ತದೆ.
ನವರಾತ್ರಿ ದಿನ 8 - ನೀಲಿ
ನೀಲಿ ಬಣ್ಣವು ಆಕಾಶದೊಂದಿಗೆ ನೇರವಾಗಿ ಸಂಬಂಧಿಸಿದೆ. ಪ್ರಕೃತಿಯ ವಿಶಾಲತೆ ಮತ್ತು ಅನಿಯಮಿತ ಪಾತ್ರವನ್ನು ಸಂಕೇತಿಸುತ್ತದೆ. ನಿಮ್ಮ ಪರಿಧಿಯನ್ನು ಮತ್ತು ದೃಷ್ಟಿಯನ್ನು ವಿಸ್ತರಿಸಲು ಇದನ್ನು ಧರಿಸಿ.
ನವರಾತ್ರಿ ದಿನ 9 - ಗುಲಾಬಿ
ಗುಲಾಬಿ ಸಾರ್ವತ್ರಿಕ ಪ್ರೀತಿ, ವಾತ್ಸಲ್ಯ ಮತ್ತು ಸಾಮರಸ್ಯವನ್ನು ಸಂಕೇತಿಸುತ್ತದೆ. ಇದು ಆಕರ್ಷಕ ಬಣ್ಣವಾಗಿದೆ, ಇದು ವ್ಯಕ್ತಿಯನ್ನು ಸಮೀಪಿಸುವಂತೆ ಮಾಡುವುದಷ್ಟೇ ಅಲ್ಲ ವ್ಯಕ್ತಿತ್ವದಲ್ಲಿ ಕೂಡ ಮೋಡಿ ಮಾಡುತ್ತದೆ.